ინსტრუქცია: როგორ დავრეგისტრირდეთ რეისზე?

ყოველდღე Aviabiletebi.org-ის მხარდაჭერის სამსახური ათობით კითხვას იღებს: როგორ გადავიტანოთ ხელბარგით გამომშრალი თევზი ? როგორ გადავჯდეთ მიუნხენის აეროპორტში ? როგორ შევიძინოთ ბილეთები ბარსელონას მიმართულებით 20 ევროდ ? ჩვენ გადავწყვიტეთ, რომ დროა ცხოვრება გავამარტივოთ როგორც თქვენთვის, ისე ჩვენთვის, ამიტომ ვიწყებთ რუბრიკას – „ინსტრუქცია“, სადაც მოგზაურთა ყველაზე გავრცელებულ კითხვებს ვუპასუხებთ – მარტივსაც და რთულსაც.

დავიწყოთ ერთ-ერთი ყველაზე მტკივნეული კითხვით – როგორ დავრეგისტრირდეთ რეისზე ? არსებობს რეგისტრაციის (ჩექინის) ორი გზა – ონლაინ ან აეროპორტში.

რეისზე ონლაინ რეგისტრაცია

დაიმახსოვრეთ ოქროს წესი: გამოცდილი მოგზაურები რეისზე წინასწარ და ონლაინ რეგისტრირდებიან . აღნიშნულის სასარგებლოდ მინიმუმ ერთი მნიშვნელოვანი არგუმენტი არსებობს – ბევრ ავიაკომპანიას აეროპორტში რეისზე რეიგსტრაცია ფასიანი აქვს . მაგალითად, Wizz Air-ის შემთხვევაში 30 ევროს გადახდა მოგიწევთ, UIA-ს შემთხვევაში – €15 (გარდა ჩარტერული რეისებისა და რეისებისა პეკინისა და კოლუმბიის მიმართულებით), ხოლო Ryanair-ის აეროპორტში რეგისტრაციის საფასური 50 ევრომდეა.

თანხის ზედმეტად გადახდა რომ თავიდან აიცილოთ, გამოიყენეთ ონლაინ რეგისტრაცია . ავიაგადამზიდი კომპანიების უმრავლესობაში რეისზე რეგისტრაცია ფრენამდე 24-48 საათით ადრე იწყება და გამგზავრებამდე 2 საათით ადრე სრულდება.

როგორ დავრეგისტრირდეთ რეისზე ონლაინ?

იმისათვის, რომ check-in განახორციელოთ, გახსენით ავიაგადამზიდი კომპანიის ვებ-გვერდი ან მისი აპლიკაცია გამოიყენეთ . შემდეგ გვერდი „რეისზე რეგისტრაცია“ უნდა მოძებნოთ . საგანგებოდ გამოყოფილ ველებში შეიყვანეთ ჯავშნის ნომერი და გვარი, შემდეგ კი მითითებებს მიყევით.

თუ ავიაგადამზიდის ვებ-გვერდზე დარეგისტრირებული ხართ, შეგიძლიათ პირად კაბინეტში შეხვიდეთ და რეისზე აქედან დარეგისტრირდეთ .

შედეგად თქვენ ჩასასხდომ ბარათს მიიღებთ – მთავარ დოკუმენტს, რომელიც რეისზე წარმატებით ჩასხდომისთვის დაგჭირდებათ .

საჭიროა თუ არა ჩასასხდომი ბარათის დაბეჭდვა?

ხშირად თქვენს სმარტფონზე შენახული ელექტრონული ბილეთიც საკმარისია . მაგრამ თუ თქვენ დაბალბიუჯეტიანი კომპანიით მიფრინავთ, უსაფრთხოებისთვის უმჯობესია ბილეთი ამობეჭდოთ . ხანდახან ამონაბეჭდი საჭიროა იმისათვის, რომ მასზე visa check შტამპი დასვან (დასტურად იმისა, რომ ვიზა წესრიგში გაქვთ).

რეისზე აეროპორტში რეგისტრაცია

ეს არის პირველი ეტაპი, რომელიც მოსვლისთანავე უნდა გაიაროთ . ძირითადად რეგისტრაცია რეისამდე 2 საათით ადრე იწყება და ფრენამდე 40 წუთით ადრე სრულდება . ამისათვის რეგისტრაციის დახლთან უნდა მიხვიდეთ და პასპორტი წარმოადგინოთ, ან დამოუკიდებელი რეგისტრაციის ჯიხურებთან მიბრძანდით და ეს პროცედურა დამოუკიდებლად გაიარეთ . თუ ბარგი გაქვთ, ჩააბარეთ და საპასპორტო და საბაჟო კონტროლისკენ გაემართეთ.

და რაც მთავარია – გაეცანით თქვენს ჩასასხდომ ბარათს, რომელზეც თქვენი გეითის ნომერია მითითებული . გაემართეთ მისკენ და თქვენს რეისს დაელოდეთ.

• თუ თქვენ რეისზე ონლაინ დარეგისტრიდით, აეროპორტში ხელახლა რეგისტრაციის გავლა არ გჭირდებათ . პირდაპირ «drop-off» დახლებისკენ გაემართეთ, რომ ბარგი ჩააბაროთ (თუ გაქვთ) და შემდეგ ხელბარგის შემოწმების დახლთან მიბრძანდით.

ასევე წაიკითხეთ „ლოუკოსტ“ კომპანიების ვრცელი გზამკვლევი: ყველაფერი, რაც უნდა იცოდეთ

როდის იწყება რეისზე ონლაინ რეგისტრაცია სხვადასხვა ავიაკომპანიაში?

Wizz Air

იწყება ფრენამდე 48 საათით ადრე და სრულდება განრიგით ფრენამდე 3 საათით ადრე . იმ მგზავრებისთვის, რომლებმაც ადგილის შერჩევისთვის თანხა ონლაინ გადაიხადეს, რეისზე რეგისტრაცია ხელმისაწვდომია ფრენამდე 30 დღით ადრე.

UIA

ეკონომ-კლასის მგზავრებისთვის:

• რეგულარულ რეისებზე – განრიგით ფრენამდე 48 საათით ადრე;
• ჩარტერულ რეისებზე – განრიგით ფრენამდე 24 საათით ადრე;

ბიზნეს კლასისა და პრემიუმ-ეკონომ კლასის მგზავრებისთვის – 14 დღით ადრე.

გამონაკლისი: აშშ-დან/აშშ-ში რეისებზე ონლაინ რეგისტრაცია ხელმისაწვდომია განრიგით ფრენამდე 24 საათით ადრე.

ონლაინ რეგისტრაცია ფრენამდე 2 საათით ადრე სრულდება.

SkyUp

კომპანია SkyUp-ს რეისზე რეგისტრაცია ჯერჯერობით მხოლოდ აეროპორტში აქვს ხელმისაწვდომი . იწყება ფრენამდე 2-3 საათით ადრე, სრულდება ფრენამდე 45 წუთით ადრე.

Ryanair

უფასო ონლაინ რეგისტრაცია ავიაკომპანია Ryanair-ის რეისებზე ფრენამდე 48 საათით ადრე იწყება . დარეგისტრირება დაგავიწყდათ ? ნამდვილად არ ხართ სახარბიელო მდგომარეობაში . ამ საკითხში Ryanair დაუნდობელია – აეროპორტში რეგისტრაციისთვის 45-50 ევროს გადახდა მოგიწევთ . ასე რომ ფხიზლად იყავით!

მნიშვნელოვანია: თუ თქვენს ჩასასხდომ ბარათზე არის აღნიშვნა Visa Check, Ryanair-ის დახლთან უნდა მიხვიდეთ და თქვენს ჩასასხდომ ბარათზე სპეციალური აღნიშვნა მიიღოთ ვიზის არსებობის შესახებ, ამიტომ ბარათის ამობეჭდვა არ დაგავიწყდეთ.