„ლოუკოსტ“ კომპანიების ვრცელი გზამკვლევი: ყველაფერი, რაც უნდა იცოდეთ

მოემზადეთ, სტატია გრძელია, მაგრამ თუ „ლოუკოსტ“ კომპანიებთან გაქვთ საქმე, თითქმის ყველა საჭირო ინფორმაციას მიიღებთ.

რა არის ლოუკოსტ-გადამზიდავი კომპანია?

Low Cost გადამზიდავი – ეს არის გადამზიდავი კომპანია, რომელიც მომსახურების მოწოდებას მინიმალური ფასებით და მინიმალური უფასო სერვისით უზრუნველყოფს . პირველი წარმატებული ლოუკოსტ კომპანია იყო American Pacific Southwest Airlines . პირველი რეისის ისტორიული ფრენა 1947 წლის 6 მაისს შესრულდა კონკურენტებთან შედარებით ბევრად უფრო დაბალფასიანი ბილეთებით.

ევროპის ბაზარზე კი პირველი ბიუჯეტური ავიაკომპანიები 90-იან წლებში დაფუძნებული ირლანდიული Ryanair და ბრიტანული EasyJet იყვნენ . მათი სწრაფი ზრდა ევროკავშირის შექმნასა და ევროპის საჰაერო სივრცის შემდგომ დერეგულაციას უკავშირდება – ავიაკომპანიებმა ევროკავშირის წევრ ქვეყნებს შორის ფრენის უფლება მოიპოვეს სპეციალური ნებართვების მიღების გარეშე და ისტორია სწორედ აქედან იწყება.

მხოლოდ ბოლო 10 წლის მანძილზე მსოფლიოში 100-ზე მეტი ახალი ავიაკომპანია დაარსდა, რომლებიც low cost პრინციპით ახორციელებენ ფრენებს, ხოლო ასეთი კომპანიების მეშვეობით მოგზაურთა წილი 13%-დან 29%-მდე გაიზარდა მსოფლიოს საერთო მგზავრთა ნაკადში . კონკურენციის ზეწოლის ქვეშ მყოფმა  მრავალმა კლასიკურმა ავიაკომპანიამ ასევე შეცვალა თავისი ბიზნეს მოდელი და დისკაუნტერ (ფასდაკლებით მოვაჭრე) ავიაკომპანიად იქცა . მაგალითად,  UIA ავიაკომპანიამ ლოუკოსტ-ტარიფები 2017 წლიდან ჩაუშვა.

მსოფლიოს მასშტაბით მოგზაურთა მიმოხილვების ანალიზის საფუძველზე, 2018 წელს Skytrax ორგანიზაციამ მსოფლიოს საუკეთესო ბიუჯეტურ კომპანიად მალაიზიის ლოუკოსტ-კომპანია – Air Asia დაასახელა . მეორე ადგილზეა ნორვეგიის ავიაგადამზიდი Norwegian Air, მესამეზე – ამერიკული JetBlue, მათ კი მოსდევენ ბრიტანული EasyJet და ამერიკული Virgin America.

ლოუკოსტ კომპანიების ბიზნეს მოდელი

ძირითადი ლოუკოსტ-მოდელი შემდეგ სქემას გულისხომს:

1. ბორტზე ტრადიციულ მომსახურებაზე უარის თქმა

ლოუკოსტ კომპანიებს არ აქვთ სალონის კლასებად დაყოფა, სალონი უფრო ტევადია (უფორ ვიწრო სავარძლები, რომლებსაც არ აქვთ გადასაწევი საზურგე, უფრო მცირე მანძილი სავარძლის საზურგეებს შორის), რაც საბოლოო ჯამში ბორტზე უფრო მეტი მგზავრის გადაყვანის საშუალებას იძლევა . კვება, ბარგის გადაზიდვა და ადგილების არჩევა ფასიანია.

2. სამარშრუტო ქსელის ოპტიმიზაცია: მაღალი სიხშირის მარშრუტები ერთი პუნქტიდან მეორე პუნქტამდე და მოცდენის დროის შემცირება . Low-cost კომპანიები ძირითადად მოკლე და საშუალო მანძილებზეა ორიენტირებული – საშუალოდ 2 000 კმ-მდე.
3. ფლოტის უნიფიკაცია – ერთი კლასის მომსახურების მქონე ერთი და იმავე მოდელის თვითმფრინავებს იყენებს (ბიზნესისა და პრემიუმ-ეკონომ კლასების გარეშე) . ეს მომსახურე პერსონალზე დანაზოგის გაკეთების საშუალებას იძლევა .
   

   გადმოიწერე ჩვენი მობილური აპლიკაცია!

   მოიძიე ავიაბილეთები და სასტუმროები ყველაზე იაფად!

   APP გადმოწერა

   
   გარდა ამისა, ავიაკომპანიები ცდილობენ არ გამოიყენონ 10 წელზე მეტი ასაკის თვითმფრინავები, რაც ამცირებს დანახარჯებს მომსახურებაზე.

მაგალითად, Ryanair  მხოლოდ Boeing 737 იყენებს და Wizz Air – Airbus A320 და A321 . ახალი თვითმფრინავი მეტი ეღირება, მაგრამ აქტიური ბრუნვისას მომსახურება ბევრად უფრო იაფი ჯდება . უფრო მეტიც,  თვითმფრინავების დიდი პარტიის შეკვეთისას, ავიაკომპანია კარგ ფასდაკლებას იღებს მწარმოებლისგან, ხოლო რამდენიმე წლის სარგებლობის შემდეგ თვითმფრინავების ჯერ კიდევ კარგ ფასად გაყიდვაა  შესაძლებელი.

ლოუკოსტების ფლოტის საშუალო ასაკი ბაზარზე არსებულ ასაკზე ბევრად დაბალია (13 წელი).

Norwegian Air – 4 წელი.

FlyDubai, Air Arabia, Pegasus და Wizz Air – 5 წელი.

Ryanair – 7 წელი.

Vueling, EasyJet, Transavia – 8 წელი.

შედარებისთვის, Lufthansa – 12 წელი, British Airways – 14, Turkish Airlines – 8, Qatar Airways – 6, KLM– 9, Emirates – 6, LOT – 8, UIA – 13.

თვითმფირანავის გამოყენების ოპტიმალური ასაკი 15 წლამდეა.

4. მეორეხარისხოვანი აეროპორტების გამოყენება

ვინაიდან ტრადიციული ბილეთი მოიცავს აეროპორტის მოსაკრებლის ღირებულებას, რომელიც ხშირად საკმაოდ მაღალია, მეორეხარისხოვანი აეროპორტების გამოყენება ამცირებს როგორც ამ დანახარჯებს, ისე  აეროპორტში მოცდენის დროს.

ბიუჯეტურ ავიახაზებში მომდევნო რეისისთვის მომზადების დრო 25 წუთია . რაც უფრო ნაკლებ დროს ატარებს თვითმფრინავი მიწაზე, მით უფრო ნაკლებია მისი ხარჯი . ზოგჯერ შეიძლება დაინახოთ, რომ თვითმფრინავის ერთ შესასვლელში მგზავრები შედიან, მეორედან კი მხოლოდ იწყებენ გამოსვლას – სწორედ ეს არის მოცდენის დროის ეკონიმიის ნათელი მაგალითი.

5. მიდგომა – „რაც შეიძლება ნაკლები ბარგი ბორტზე“ არა მარტო თვითმფრინავის ასაფრენ წონას ამცირებს, რაც თავის მხრივ საწვავის მოხმარებას ამცირებს, არამედ თვითმფრინავის მიწაზე მომსახურებისთვის ნაკლებ დროს მოითხოვს, ხოლო Ryanair-ის სავარძლები გადასაწევი საზურგისა და უკან ჯიბეების გარეშე – სალონის დასუფთავებაზე დროის დაზოგვის საშუალეაბასაც იძლევა . ეს ყველაფერი ერთად ავიაკომპანიებს საშუალებას აძლევს თვითმფრინავის სწრაფი ბრუნვა უზრუნველყონ . მაგალითად, Wizz Air და Ryanair-ის თვითმფრინავები დღეში საშუალოდ 5 რეისს ახორციელებენ.
6. თანამშრომლებს რამდენიმე როლის შესრულებას ასწავლიან

მაგალითად, ზოგიერთ ავიაკომპანიაში, ბორტგამცილებლები ჩასხდომამდე ჩასასხდომ ბარათებსაც ამოწმებენ . მფრინავები შეიძლება შუამავლების მეშვეობით დაიქირავონ, რაც კომპანიას საშუალება აძლევს დანაზოგი გააკეთოს ავადმყოფობის გამო შვებულების, შვებულებისა და დაზღვევის  ანაზღაურებაზე .  პილოტებისა და მომსახურე პერსონალის ხელფასები არ არის მაღალი, რის გამოც ისინი ხშირად გაფიცვებს აწყობენ, რაც თავის მხრივ  რეისის გაუქმებას იწვევს . ბორტზე მომსახურების მაღალ სტანდარტებს რაც შეეხება, შეგიძლიათ არც იოცნებოთ.

უსაფრთხოება

ლოუკოსტ კომპანიები შედარებით ახალ თვითმფრინავებს იყენებენ და კარგად უვლიან მათ . სტატისტიკის მიხედვით, თავისი ისტორიის მანძილზე ევროპის სამ უმსხვილეს ლოუკოსტ კომპანიას – Ryanair, Wizz Air და EasyJet არც ერთი მსხვილი საავიაციო ინციდენტი არ ჰქონია (მსხვერპლით), ხოლო ჩვეულებრივი ინციდენტები 3-ჯერ უფრო ნაკლებად აქვთ,  ვიდრე მსოფლიოში საშუალოდ ყველა თვითმფრინავს  და 20%-ით ნაკლებად, ვიდრე საშუალოდ 0-5 წლამდე ასაკის თვითმფრინავებს . ამიტომ ლოუკოსტ კომპანიებს ფასის გარდა კიდევ ერთი უპირატესობა აქვთ – უსაფრთხოება.

ლოუკოსტ კომპანიების ფასწარმოქმნა, როდის არის უმჯობესი ბილეთების შეძენა?

ლოუკოსტ კომპანიების ბილეთების ფასი კონკრეტულ მარშრუტზე  ბევრად უფრო მერყევია, ვიდრე რეგულარული ავიახაზების . იგი დამოკიდებულია  გამგზავრების დროზე, მარშრუტის მოთხოვნასა და კონკურენციაზე . რეგულარული ავიახაზებისგან განსხვავებით, ლოუკოსტები ფრენამდე 3 თვით ადრე იშვიათად სთავაზობენ  იაფ ავიაბილეთებს . ეს დაკავშირებულია კომპანიის სწაფვასთან შეინარჩუნოს სამარშრუტო ქსელის დაგეგმვის მოქნილობა გრძელვადიანი პერიოდით .  ეს იმით აიხსნება, რომ იმ რეისის გაუქმება, რომლის მხოლოდ 5 ბილეთია გაყიდული, ბევრად უფრო მარტივია, ვიდრე იმ რეისისა, რომელზეც 50 ბილეთია გაყიდული .  ამიტომ ისინი რეისამდე მხოლოდ 3 თვით ადრე იწყებენ გაყიდვების სტიმულაციას, როდესაც ფრენის გრაფიკი უფრო მეტად სტაბილურია.

ყველაზე იაფი ავიაბილეთები ჩვეულებრივ გამგზავრებამდე 45-90 დღით ადრე იყიდება . თუმცა, არ შეიძლება ითქვას, რომ ბილეთის ბოლო დღეს შეძენის შემთხვევაში აუცილებლად კოსმოსურ თანხას გადაიხდით . ფასი დამოკიდებულია კონკრეტული რეისის მოთხოვნილებაზე . გაითვალისწინეთ ! ყველაზე იაფი ტარიფით შეძენილი ლოუკოსტ კომპანიების ბილეთები გაცვლას ან დაბრუნებას არ ექვემდებარება.

რისთვის ვიხდით დამატებით?

• ფრენის აეროპორტში რეგისტრაციისთვის და ჩასასხდომი ბარათის დაბეჭდვისთვის თქვენ დამატებით საფასურს  იხდით (თუ თქვენ არ დარეგისტრირდებით ონლაინ).
• ბარგისთვის . თუ დარწმუნებული ხართ, რომ  ბარგი დაგჭირდებათ, იგი დაუყოვნებლივ დაჯავშნის დროს გააფორმეთ, რადგან აეროპორტში შეძენის შემთხვევაში მისი საფასური შეიძლება რამდენჯერმე გაიზარდოს და თავად ბილეთის ღირებულებას გადააჭარბოს.
• ხელბარგის დამატებითი ადგილებისთვის.
• დაბრუნების ან ბილეთის დეტალების ცვლილების შესაძლებლობისთვის.
• კვებისთვის.
• ადგილების არჩევისთვის.
• პრიორიტეტული ჩასხდომისთვის.

გაითვალისწინეთ ! ლოუკოსტ გადამზიდი კომპანიები არ ითვალისწინებენ ბარგის ავტომატურ გადაწოდებას იმ ავიაკომპანიისთვის, რომელიც თქვენი ბილეთით მომდევნო რეისს ახორციელებს, თუნდაც ეს იგივე ავიაკომპანია იყოს . თუ თქვენს ავიაბილეთში ლოუკოსტ კომპანიის რამდენიმე რეისია ან ლოუკოსტ გადამზიდისა და რეგულარული ავიაკომპანიის რეისებია კომბინირებული, თითოეული გადაჯდომისას თქვენი ბარგი უნდა აიღოთ და მომდევნო რეისზე ხელახლა დაარეგისტრიროთ.

რეისების გაუქმება . რამდენად ხშირად და რატომ ხდება ? რა გავაკეთოთ თუ რეისი გაუქმდა?

საშუალოდ ბაზარზე რეისების დაახლოებით 1% უქმდება და ლოუკოსტებშიც იგივე მაჩვენებელია .  უფრო მეტიც, 2018 წლის ბოლო სამი თვის განმავლობაში ევროპის მსხვილ ევროპულ ავიაკომპანიებს, როგორიცაა Lufthansa, Air France, KLM, Turkish რეისების გაუქმების უფრო მაღალი პროცენტული მაჩვენებელი აქვთ, ვიდრე ლოუკოსტ ავიაკომპანიებს.

ამიტომ რეისების გაუქმებას ვერ ვუწოდებთ მხოლოდ ლოუკოსტ კომპანიების პრობლემას .  არსი უფრო ღრმადაა – გაუქმების შედეგებში . რადგან ლოუკოსტ კომპანიები არ იძლევიან „ინტერლაინ – შეთანხმებით“ ფრენის გარანტიას, გადაჯდომით მარშრუტში ერთი რეისის გაუქმების შემთხვევაში,  მთელი თქვენი მოგზაურობა შეიძლება საფრთხის ქვეშ აღმოჩნდეს . ხოლო ერთი სეგმენტის გაუქმების შემთხვევაში რეგულარული ავიახაზები მთელი მარშრუტის მოსახერხებელ ჩანაცვლებას შემოგთავაზებთ.

გაუქმების  სხვადასხვა მიზეზი არსებობს – ამინდის პირობები, აეროპორტის დახურვა, თვითმფრინავის ტექნიკური პრობლემა, მთელი მარშრუტის გაუქმება, პერსონალის გაფიცვა . გაუქმების შემთხვევაში ავიაკომპანია (ლოუკოსტ კომპანიებიც კი) ვალდებულია მოგაწოდოთ ბილეთი იმავე მიმართულებით სხვა თარიღზე ან ბილეთის ღირებულება აგინაზღაუროთ, თუ შემოთავაზებული ვარიანტი არ არის თქვენთვის შესაფერისი.

ტრანზიტული რეისი . საჭიროა თუ არა ვიზა?

სავიზო მოთხოვნები უფრო კონკრეტულ ქვეყანაზე და აეროპორტზეა დამოკიდებული, მაგრამ რადგან დაბალბიუჯეტიანი ავიაკომპანიები მხოლოდ პირდაპირ რეისებზე ყიდიან ბილეთებს და არ იძლევიან „ინტერლაინ – შეთანხმებით“ ფრენის გარანტიას, თითოეული თქვენი ფრენა ცალკე განიხილება, და თუ აეროპორტში სატრანზიტო ზონა არ არსებობს  ან დაიხურა, გასვლის დროს გადაჯდომისთვის საპასპორტო ზონის გავლა მოგიწევთ და შემდეგ ჩასხდომის წინ  ხელახლა გავლა.

თუ თქვენ არ გაქვთ იმ ქვეყნის ვიზა, რომელშიც გადაჯდომას გეგმავთ ლოუკოსტ კომპანიის რეისებს შორის, სავარაუდოდ  თქვენ პირველ რეისზეც კი არ დაგიშვებენ . ამგვარად, კოპიტნარის ქუთაისის აეროპორტში, WizzAir-ის მგზავრები ლონდონში გაფრენისას ბრიტანეთის სატრანზიტო ვიზის არქონის შემთხვევაში ჩასხდომაზე არ დაიშვებიან  მიუხედავად იმისა, აქვთ თუ არა ბილეთები მომდევნო რეისზე.

ამიტომ ფრთხილად უნდა იყოთ ლოუკოსტ კომპანიის რეისებზე ბილეთების შეძენისას  ბრიტანული აეროპორტების ლუტონისა და სტანსტედის გავლით, რადგან მათ არ გააჩნიათ სატრანზიტო ზონა, მოგზაურობის გასაგრძელებლად საპასპორტო კონტროლი უნდა გაიაროთ . შესაბამისად, ლონდონის გავლით ავიახაზების Ryanair ან Wizz Air რეისებზე აუცილებლად დაგჭირდებათ ბრიტანეთის ვიზა.

სიმართლეა თუ არა, რომ ლოუკოსტ კოპმანიის ბორტზე ადგილის დაკავებაა საჭირო როგორც სამარშრუტო ტაქსში?

ასეთი პრაქტიკა ადრე არსებობდა.  ამის მიზეზი, გარდა ადგილის არჩევის გადახდაზე მოტივაციისა,  მგზავრთა სტიმულირებაში მდგომარეობდა, რომ უფრო სწრაფად განეხორციელებინათ ჩასხდომა, არ შეჩერებულიყვნენ ტერმინალში და  გაფრენისას არ შეექმნათ შეფერხებები . თუმცა ჩასხდომის დროს ეს არეულობას იწვევდა და მგზავრთა მხრიდან უამრავი საჩივარი შემოდიოდა, განსაკუთრებით კი ბავშვებთან ერთად მოგზაური ოჯახებიდან . ამიტომ, ახლა, მაგალითად, ავიაკომპანიებში Wizz Air და Ryanair ადგილები ფიქსირდება რეისზე რეგისტრაციის დროს.

ლოუკოსტ  კომპანიების ბილეთების შეძენის წესები

• დარწმუნდით, რომ შეძლებთ გამგზავრებას – ბილეთის დაბრუნება არ გამოგივათ, მხოლოდ თარიღის შეცვლას თუ შეძლებთ, ისიც დამატებითი საფასურის გადახდით.
• ბილეთი შეიძინეთ გამგზავრებამდე 45-90 დღით ადრე.
• დარეგისტრირდით ონლაინ, რათა არ მოგიწიოთ ჩასასხდომი ბარათის ამობეჭდვა.
• არ წაიღოთ ბევრი ნივთი, უმჯობესია თუ თქვენ ბარგს გაზომავთ.  თუ თქვენი ზურგჩანთა/ჩანთა საეჭვოდ დიდი მოეჩვენებათ, დამატებითი საფასურის გადახდას ვერ გაექცევით . პოპულარული ავიაკომპანიების ხელბარგის გადაზიდვის ყველა მოთხოვნას ამ სტატიაში წაიკითხავთ.
• აირჩიეთ ადგილი, შეიძინეთ კვება და ბარგი ჯერ კიდევ ბილეთის შეძენის ეტაპზე – ეს ბევრად უფრო იაფი დაგიჯდებათ.

8 პოპულარული ლოუკოსტ კომპანია

Air Asia

აზიის ყველაზე პოპულარული დაბალბიუჯეტიანი ავიაკომპანია, რომელიც Skytrax-ის მიხედვით უკვე 8 წელია  მსოფლიოს საუკეთესო ლოუკოსტ კომპანიად ითვლება . მალაიზიის ავიაკომპანია მუშაობს პრინციპით „ახლა ყველას შეუძლია ფრენა“ და ეს სიმართლეს ჰგავს, რადგან Air Asia სთავაზობს რეისებს 400 მიმართულებით 25 ქვეყნიდან . ტაილანდი, მალაიზია, კამბოჯა, ვიეტნამი, ჩინეთი, ინდონეზია, შრი-ლანკა, სინგაპური, იაპონია, ნეპალი, საუდის არაბეთი, სამხრეთ კორეა და სხვ.

ხელბარგი: ბარგის 1 ერთეული ზომით 56*36*23 სმ, წონა არა უმეტეს 7 კგ.

სად დაფრინავს? კუალა-ლუმპური – ფუკეტი – კუალა-ლუმპური- €80

Norwegian

ევროპის სიდიდით მესამე ლოუკოსტ ავიაკომპანია . Norwegian მარშრუტების ფართო ქსელს გთავაზობთ ნორვეგიის, შვედეთის, ფინეთის, დანიისა და ჩრდილოეთ და სამხრეთ ევროპის სხვადასხვა ქალაქებს შორის . მოემზადეთ იმისათვის, რომ აქ არ იქნება სუპერ-ბიუჯეტური ფრენები, რადგან ყველამ ვიცით, რომ სკანდინავიის ქვეყნები საკმაოდ ძვირია . სამაგიეროდ უფასო Wi-Fi-ით შეგიძლიათ ისიამოვნოთ თითქმის ყველა თვითმფრინავზე და ხელბარგის გადაზიდვის ნორმებიც აქ ბევრად უფრო სასიამოვნოა, ვიდრე Ryanair-ში.

სად დაფრინავს ? გდანსკი-ოსლო-გდანსკი– €83

ხელბარგი: ბარგის 1 ერთეული 10 კგ-მდე და ზომით  55x40x23 სმ-მდე.

Easy Jet

EasyJet ბრიტანული ლოუკოსტ კომპანიაა, რომელიც საავიაციო ბაზარზე  1995 წლიდან დაფრინავს 30 ქვეყნის 300-ზე მეტი მიმართულებით . ყოველ წელს მისი მომსახურებით 50 მილიონზე მეტი მგზავრი სარგებლობს . კომპანიის ვებ-გვერდზე საინტერესო განყოფილებაა: „იდეები მოგზაურობისთვის“ (თითქმის იგივეა, რაც ბევრისთვის ცნობილი Ryanair-ის «Fare finder») . თქვენს წინაშეა რუკა და უახლოესი აეროპორტი . თქვენ მხოლოდ სურვილების სია (სადაც გსურთ გაფრენა) და თქვენთვის შესაფერისი ბილეთის მიახლოებითი ღირებულება უნდა აირჩიოთ . სამწუხაროდ, ეს ფუნქცია არ მოქმედებს საქართველოსთვის, რადგან ლოუკოსტ კომპანია საქართველოში ჯერ არ შემოსულა, მაგრამ შეგიძლიათ შეარჩიოთ ფრენები პოლონეთიდან და ევროპის სხვა  ქვეყნებიდან.

ხელბარგი: 56x45x25 სმ ზომამდე ბარგის 1 ერთეული, წონის შეზღუდვის გარეშე.

სად დაფრინავს ? ბერლინი-პალმა-ბერლინი – 59 ევროდან

Ryanair

ევროპის ერთ-ერთი ყველაზე პოპულარული ლოუკოსტ კომპანია . Ryanair ირლანდიური ავიაკომპანიაა, რომელიც ერთ-ერთი პირველი ევროპული დაბალბიუჯეტიანი ავიაკომპანიაა და დღემდე არ თმობს თავის პოზიციას . 37 ქვეყანა, 220 აეროპორტი და 1600-ზე მეტი მიმართულება.

სად დაფრინავს ? ლვოვი-ლონდონი- ლვოვი – €12

ხელბარგი: ხელბარგის 1 ერთეული არაუმეტეს 40x20x25 სმ და 10 კგ.

Wizz Air

უნგრული ლოუკოსტ ავიაგადამზიდი, რომელიც ევროპის, ჩრდილოეთ აფრიკის, ახლო აღმოსავლეთისა და ყაზახეთის 44 ქვეყანაში ასრულებს რეისებს . საქართველოდან Wizz Air ევროპის 27 მიმართულებით ქუთაისის აეროპორტიდან დაფრინავს.

სად დაფრინავს ? ქუთაისი-კოპენჰაგენი- ქუთაისი – €45

ხელბარგი: ხელბარგის 1 ერთეული არაუმეტეს 40x30x20 სმ.

FlyDubai

დიახ, დიახ, არაბთა გაერთიანებულ საამიროებშიც არის დაბალბიუჯეტიანი ავიაკომპანია ! FlyDubai ძირითადი ბაზა დუბაიში მდებარეობს, გადამზიდი დაფრინავს ევროპაში, აფრიკაში, ინდოეთში, ცენტრალურ აზიასა და ახლო აღმოსავლეთში.

სად მივფრინავთ ? თბილისი-დუბაი-თბილისი

ხელბარგი: თქვენი ბარგის ზომა უნდა იყოს 55*38*20 სმ-მდე, წონა – 8 კგ-მდე.

Vueling Airlines

Vueling Airlines არის ესპანეთის დაბალბიუჯეტიანი ავიაკომპანია, ერთ-ერთი უდიდესი ევროპაში . ყოველ წელს ლოუკოსტ ავიაკომპანია 24 მილიონზე მეტი მგზავრის გადაზიდვას ახორციელებს . რეისებს ევროპისა და ჩრდილოეთ აფრიკის 38 ქვეყანაში ასრულებს.

სად მივფრინავთ? ბარსელონა-იბიცა-ბარსელონა – €35

ხელბარგი: თქვენი ბარგის ზომა უნდა იყოს 55*40*20 სმ-მდე, წონა – 8 კგ.

Jetstar Airways

Jetstar Airways ავსტრალიის დაბალბიუჯეტური ავიაკომპანიაა, ძირითადი ბაზა  მელბურნის აეროპორტში მდებარეობს . მწვანე კონტინენტზე რეისებს ასრულებს  19-ზე მეტი მიმართულებით, ასევე რეისებს მალაიზიაში, ჩინეთში, იაპონიაში, ახალ ზელანდიაში, ფილიპინებზე, ინდონეზიაში, ვიეტნამსა და ამერიკის შეერთებულ შტატებშიც კი . ლოუკოსტ კომპანია მალე გამოჩნდება იტალიის, საბერძნეთისა და გერმანიის აეროპორტებში . ასე რომ, საქართველოსთვის აზიის ქვეყნის მონახულება უფრო მარტივი გახდება.

სად მივფრინავთ ? მელბურნი – სიდნეი – მელბურნი – €84

ხელბარგი: ბარგის წონა 7 კმ-მდე, ზომა 56*36*23 სმ.

ასევე გაითვალისწინეთ შემდეგი ლოუკოსტ ავიახაზები:

ევროპა

Corendon — თურქეთის ბიუჯეტური ავიაკომპანია.

Israir Airlines — თელ-ავივში ბაზირებული ისრაელის ლოუკოსტ კომპანია.

Flybe — ბრიტანული ბიუჯეტური ავიაკომპანია, რომელიც არც ერთ ავიაალიანსში არ შედის.

Transavia — KLM-ის შვილობილი ლოუკოსტ-კომპანია.

XL Airways — ფრანგული ავიაკომპანია, სადაც იაფი ბილეთების პოვნას შეძლებთ შორ მანძილზე ფრენებზე, როგორიცაა აშშ, კარიბის ზღვის აუზის ქვეყნები, აფრიკა.

Thomson — ბრიტანეთის პოპულარული ბიუჯეტური ავიაკომპანია, რომელიც TUI Group-ის შემადგენლობაში შედის.

Germania — ერთ-ერთი ლოუკოსტ-კომპანია, რომელიც გერმანიაში ახორციელებს რეისებს.

Blue Air — ბუქარესტის ავიაკომპანია . დაარსდა 2004 წელს.

Sun Express — Lufthansa და Turkish Airlines ავიახაზების შვილობილი კომპანია.

Canaryfly — შეისწავლეთ კანარის კუნძულები 5 ევროდან ღირებულების ავიაბილეთებით.

ჩრდილოეთ და სამხრეთ ამერიკა

Jetblue – პოპულარული ამერიკული ლოუკოსტ კომპანია.

Alaska Air — ლოუკოსტი ალიასკაზე იაფი ბილეთებით.

Island Air — მათთვის, ვინც ჰავაის კუნძულებზე ეძებს რეისებს.

Virgin America — ბიუჯეტური ავიაკომპანია, რომელიც აშშ-ს დიდ ქალაქებს შორის ახორციელებს ფრენას დაბალი ფასებით.

Fly Frontier, Spirit и Sun Country — ასევე ამერიკული ლოუკოსტ კომპანიები.

Viva Aerobus — ბიუჯეტური ავიაკომპანია მექსიკიდან.

Azul Brazilian Airlines — ბრაზილიის ლოუკოსტი, რომელიც ლათინური ამერიკის ქვეყნებიდან ევროპის ქვეყნებში დაფრინავს.

LATAM — ჩილეს ავიაკომპანია, რომელიც რეისებს ახორციელებს ლათინურ ამერიკაში, ოკეანეთში, ავსტრალიაში, ევროპასა და აშშ-ში.

აზია

Nok Air — ტაილანდური ლოუკოსტ კომპანია.

GoAir – ინდოეთის ბიუჯეტური ავიაკომპანია . თუ ამ ქვეყნის მიმართულებით ეძებთ ბილეთებს, გირჩევთ ყურადღება მიაქციოთ SpiceJet და Air India Express;

Solasead Air — იაპონური ლოუკოსტი.

Air Do — კიდევ ერთი შიდა იაპონური ბუჯეტური ავიაგადამზიდი, ისევე როგორც Sky Mark.

Cebu Pacific Air — ფილიპინური ლოუკოსტ კომპანია.

CH.com — ჩინეთის ბიუჯეტური ავიაკომპანია.

აფრიკა

Mango — სამხრეთ აფრიკული ბიუჯეტური ავიაკომპანია.

Jambojet — კენიის ლოუკოსტ კომპანია.

Kulula — სთავაზობს რეისებს აფრიკის კონტინენტზე.