ავიაკომპანია Ryanair

• 25

დეტალური ინფორმაცია ავიაკომპანია Ryanair ბილეთების შესახებ 1015 მიმართულებით. ირლანდიური „ლოუკოსტერი“, რომელიც ევროპის ყველაზე მსხვილი ბიუჯეტური ავიაკომპანიის სახელს ატარებს. მთავარი აეროკვანძი ლონდონის  სტენსტედის აეროპორტში მდებარეობს, მეორე სატრანსპორტო კვანძი კი – დუბლინის აეროპორტში. Ryanair ბილეთები 178 მიმართულებით შეგიძლიათ შეიძინოთ. ეს არის მარშრუტები ევროპასა და მაროკოში, 2019 წლიდან ავიაკომპანიამ საქართველოს 2 აეროპორტიდან დაიწყო ფრენების განხორციელება, თბილისის და ქუთაისის აეროპორტებიდან. Ryanair-ს ბილეთების იაფად გაყიდვის საშუალებას  რეგიონული აეროპორტების გამოყენება აძლევს, სადაც არ არის მაღალი გადასახადი. Ryanair-ის ყველა ფრენა Boeing-ის მეშვეობით ხორციელდება, რომელთა საშუალო ასაკი 6.6 წელია. გადამზიდავი კომპანიის საჰაერო ფლოტში 398 ლაინერია. კომპანია 1985 წელს ირლანდელმა მეწარმემ ტონი რაიანმა დაარსა.

• მისამართი: Corporate Head Office, Dublin Airport, Dublin, Co Dublin, Ireland.
• ტელეფონი: 353 1 812 1212.
• ავიაპარკში ტექნიკის 398 ერთეულია.
• IATA კოდი: FR
• http://www.ryanair.com/

Ryanair ბარგის გადაზიდვის წესები

ხელბარგი

2018 წლის 15 იანვრიდან ავიაკომპანიამ ბარგის გადაზიდვის წესები შეცვალა. ხელბარგის სახით მგზავრებს შეუძლიათ უფასოდ იქონიონ 10 კგ-მდე 55x40x20 სმ ზომის დიდი ჩანთა და  35x20x20 სმ მცირე ზომის ჩანთა.  თუმცა სალონში მხოლოდ მცირე ზომის ჩანთის შეტანას შეძლებთ, ჩასხდომის წინ კი მეორე ჩანთის ჩაბარება  საბარგო განყოფილებაში მოგიწევთ. ჩამოფრენის შემდეგ ნივთები ბარგის მისაღებ ლენტზე უნდა აიღოთ. რაც შეეხება Duty Free-ში შეძენილ ნივთებს, ისინი ხელბარგად ფორმდება, ამიტომ პატარა ზომის ჩანთაში უნდა მოათავსოთ.

ავიაბილეთის Plus, Flexi Plus ან Family Plus ბარგის ტარიფის შეძენის ან პრიორიტეტული ჩასხდომის საფასურის გადახდის შემთხვევაში, მგზავრებს ორივე ჩანთის სალონში ატანა შეუძლიათ.

რეგისტრირებული ბარგი

• Plus ან Flexi Plus ტარიფები – 20 კგ-მდე 1 ჩანთა;
• Family Plus ტარიფი – 20 კგ-იანი 2 ჩანთა.

ჩემოდნის მაქსიმალური ზომაა 81x119x119 სმ.

ზენორმატიული ბარგი

თუ ხელბარგის ზომა დასაშვებ ზომას აღემატება, საუკეთესო შემთხვევაში  50 ევროს გადახდა მოგიწევთ, უარეს შემთხვევაში კი – ავიაკომპანია უფლებას იტოვებს უარი თქვას ბარგის გადაზიდვაზე.

დამატებითი ადგილი

რაც შეეხება რეგისტრირებულ ბარგს, მგზავრს 20 კგ-იანი სამი ჩემოდნის გადაზიდვა შეუძლია. ტრანსპორტირების ღირებულება  გადახდის დროზეა დამოკიდებული:

• ბილეთის დაჯავშნის დროს ერთი ჩანთის გადაზიდვის ღირებულება 25 ევროა;
• მოგვიანებით გადახდის შემთხვევაში – 40 ევრო.

და არა აქვს მნიშვნელობა  წინასწარ ონლაინ თუ აეროპორტში გადაიხდით. მითითებულია მინიმალური ფასები, რომლებიც მოგზაურობის დროიდან გამომდინარე შეიძლება შეიცვალოს. მაგალითად, ისეთი მაღალი სეზონის დროს, როგორიცაა საშობაო, სააღდგომო დღესასწაულები და ზაფხულის სეზონი, ფასი საშუალოდ 10 ევროთი იზრდება.

ზედმეტი წონა

იმ შემთხვევაში, თუ ჩემოდნის წონა ნებადართულს აღემატება, ყოველ დამატებით კილოგრამზე 10 ევროს გადახდა მოგიწევთ. ზედმეტი წონას წინასწარ ონლაინ ვერ გადაიხდით, მხოლოდ რეგისტრაციის დახლთან.

გაითვალისწინეთ, რომ თუ თქვენ ძვირფასი ნივთების ტრანსპორტირება გსურთ,  რომელთა დეკლარირებაა საჭირო, მომსახურების საფასური 50 ევროა.

ბავშვთან ერთად ფრენა ავიაკომპანიით Ryanair

Ryanair-ის ბავშვებთან ერთად ფრენის წესებით ნებადართულია რვა დღის ასაკიდან ჩვილთან ერთად ფრენა. 23 თვემდე ბავშვს  არ შეუძლია ცალკე ადგილი დაიკავოს და თანმხლები ზრდასრულის კალთაში უნდა იმოგზაუროს. Ryanair ავიაკომპანიით ბავშვთან ერთად მგზავრობის საფასური 25 ევროა, მაგრამ ფასი შეიძლება შეიცვალოს გამგზავრების აეროპორტიდან გამომდინარე.

ავიაკომპანია ბორტზე ეტლისა და კიდევ ერთი ნივთის ატანის საშუალებას აძლევს მშობლებს. ეს ნივთი შეიძლება იყოს საწოლი, ავტოსავარძელი ან დასაკეცი სკამი. მესამე ნივთის ტრანსპორტირების ღირებულება 15 ევროს შეადგენს დაჯავშნის დროს, 25 ევროს კი – მოგვიანებით გადახდის შემთხვევაში. ასევე 23 თვემდე ჩვილთან მგზავრობის შემთხვევაში ნებადართულია 5 კილოგრამიანი ხელბარგის გადაზიდვა.

• 25