როგორ ვიმოგზაუროთ ეკონომიურად შვეიცარიაში: შეუძლებელი შესაძლებელია!

სიტყვა „ეკონომიურად“ ძნელად ასოცირდება შვეიცარიასთან. მიუხედავად ამისა, აქ შეგიძლიათ იაფად და საინტერესოდ დაისვენოთ! დღეს კი გიამბობთ, როგორ.

ტრანსპორტი

მთავარი რჩევები მათთვის, ვისაც მგზავრობაზე დაზოგვა სურს, მარტივია: წინასწარ დაჯავშნეთ ბილეთები (ბილეთების ჩვეულებრივი ღირებულების 30-დან 50%-მდე დაზოგვას შეძლებთ), ზედმეტი ხარჯების თავიდან აცილების მიზნით დეტალურად დაგეგმეთ მარშრუტი (თუ ქვეყნის მასშტაბით ხშირად მოგზაურობას გეგმავთ) და წინასწარ შეამოწმეთ ინფორმაცია ბილეთებზე მოქმედი სხვადასხვა აქციის/ფასდაკლების შესახებ.

იფრინეთ ქუთაისიდან ბაზელის მიმართულებით შეღავათიან ფასებში, საუკეთესო ფასის მისაღებად ავიაბილეთები დაჯავშნეთ 2-3 თვით ადრე.

სამგზავრო ბარათი Swiss Pass ქალაქში ბიუჯეტურად მგზავრობაში დაგეხმარებათ. იგი გაძლევთ უფლებას უფასოდ იმგზავროთ საზოგადოებრივი ტრანსპორტით, ასევე იმ მატარებლით, ავტობუსითა და გემით, რომლებიც Swiss Travel System-ში შედის, ხოლო სასიამოვნო ბონუსის სახით უფასოდ ეწვევით 400 მუზეუმს, 50% ფასდაკლებას მიიღებთ პოპულარულ მთის მატარებლებსა და საბაგირო გზაზე და მრავალ სხვას. Swiss Pass შეგიძლიათ შეიძინოთ აქ ან მოგზაურობამდე ტურისტულ სააგენტოში (ოღონდ დარწმუნდით, რომ კომპანიას ამის უფლება აქვს). სამგზავრო ბარათის ყიდვა ასევე შეგიძლიათ პირდაპირ ციურიხის ან ჟენევის აეროპორტში, პასპორტის წარდგენით. ფასები შემდეგია: მე-2 კლასის 3 დღიანი ბილეთის საფასურია 210 ფრანკი (186 ევრო) მოზრდილთათვის. 6-16 წლის ბავშვებისა და 16-26 წლის ახალგაზრებისთვის – შესაბამისად 105 და 179 ფრანკი (93 ევრო და 159 ევრო).

საკვები

რასაკვირველია, შვეიცარიაში პროდუქტები არ არის იაფი – ადგილობრივებიც კი საყიდლებზე წასვლას მეზობელ საფრანგეთსა და გერმანიაში ამჯობინებენ (იქ უფრო იაფია). ამიტომ, თუ შვეიცარიაში დიდი ხნით დარჩენას გეგმავთ, გირჩევთ რამდენიმე სასარგებლო რჩევა დაიმახსოვროთ:

  • უმჯობესია პროდუქტები ქსელურ მაღაზიებში შეიძინოთ. მათგან ყველაზე იაფია — Denner, Coop და Migros (ასევე Manor და Globus, მაგრამ ისინი უფრო ძვირია).
  • საყიდლებზე გაემართეთ საღამოს დახურვამდე ცოტა ხნით ადრე ან დილით გახსნიდან ერთი საათის განმავლობაში. ყველაფერი ძალიან მარტივია: ამ დროისთვის ფასდაკლებულია მრავალი პროდუქტი, რომელსაც ხანმოკლე შენახვის ვადა აქვს, თანაც დაახლოებით 25-50 პროცენტით.
  • არ ღირს ხშირად და მცირე პარტიებად შესყიდვა – თუ დიდ თანხას დახარჯავთ, მიიღებთ ფასდაკლებას თქვენს შემდეგ შესყიდვაზე (ფასდაკლების რაოდენობა მითითებულია ჩეკზე).
  • ხშირად ეწვიეთ მაღაზიებს, რათა იყოთ ინფორმირებული ფასებისა და აქციების შესახებ. ჩვეულებრივ, ზოგიერთი ტრადიციული კონკურენტი, როგორიცაა Coop და Migros, გვერდიგვერდ მდებარეობს. ამიტომ, ორივე მაღაზიაში შეიხედეთ: რაც ერთ მაღაზიაში ძვირია, მეორეში შეიძლება იაფი იყოს.
  • როდესაც ირჩევთ პროდუქტის ერთი ერთეული შეიძინოთ თუ რამდენიმე, მაგრამ ერთ შეფუთვაში – ეს უკანასკნელი შეარჩიეთ – უფრო იაფი ეღირება.
  • ბაზარზე ან პატარა მაღაზიაში ყიდვისას, არ მოგერიდოთ შევაჭრება, თხოვეთ ფასდაკლება ან რაიმე დამატებით წონად. მოვაჭრეები ხშირად ხელს უწყობენ მყიდველებს, რადგან მათ შორის კონკურენცია ძალიან მაღალია.
  • თუ კაფეში/რესტორანში გეგმავთ სადილს, გაითვალისწინეთ, რომ კერძები „დღის მენიუდან“ (ან Tagesteller, ან Plat du Jour) უფრო იაფია, ვიდრე ჩვეულებრივი (შეგიძლიათ 15-20 ევროდ მიირთვათ). ხშირად ასეთი აქციების შესახებ მითითებულია დაწესებულებებში შესასვლელთან განთავსებულ მენიუს დაფებზე. ბიუჯეტურად წახემსების კიდევ ერთი ვარიანტია – კაფე სუპერმარკეტებში. მათში საშუალო ფასები საკმაოდ მისაღებია (მაგალითად, ლანჩის ღირებულება 10-15 ევროა).

გასართობი საშუალებები

თუნდაც თქვენი ტურისტული ბიუჯეტი საკმაოდ მოკრძალებული იყოს, მონდომების შემთხვევაში შვეიცარიაში უპრობლემოდ იპოვით უამრავ უფასო ან ძალიან იაფ გასართობ საშუალებას: ეს არის ქალაქის საფეხმავლო ტური და უფასო მუზეუმები, უკიდურეს შემთხვევაში, უბრალოდ შეგიძლიათ ველოსიპედი იქირავოთ და ქალაქში გაისეირნოთ.

მაგალითად, შვეიცარიაში უფასო ექსკურსიების შესახებ მეტი ინფორმაციის მიღება აქ შეგიძლიათ. ადგილობრივი გიდები ასეთ ტურებს ტურისტებისთვის უფასოდ აწყობენ და ეს შესანიშნავი შესაძლებლობაა არა მხოლოდ იმ ადგილების მონახულებისა, რომლებიც გზამკვლევებში არ არის შეტანილი, არამედ ადგილობრივი მოსახლეობის გაცნობისა.

კიდევ რამდენიმე იდეას გთავაზობთ: აქ შეგიძლიათ ბერნის პარლამენტის უფასო ტურზე ჩაეწეროთ, ხოლო აქ გაიგებთ თუ სად და როდის გაიმართება შემდეგი უფასო გასეირნება ქალაქში ადგილობრივებთან ერთად.

თუ ველოგასეირნების მოყვარული ხართ, შვეიცარიაში თავს ნამდვილად კარგად იგრძნობთ! ველოსიპედის უფასოდ ქირაობა შესაძლებელია ციურიხში და ჟენევაში. და წინ – აღმოაჩინეთ შეუცნობელი!

თუ ბერნში იმყოფებით, შეიხედეთ Baarengraben-ში – ეს არის პატარა შემოღობილი ტერიტორია მდინარე აარეს ნაპირზე, სადაც დათვებს უფასოდ შეგიძლიათ ადევნოთ თვალყური ან უბრალოდ სანაპიროზე ჩამოსხდეთ და პეიზაჟებით დატკბეთ.

ტკბილეულის მოყვარულები ნამდვილად დააფასებენ ვიზიტს ციურიხის შოკოლადის ქარხანაში, ხოლო გურმანები – ყველის ქარხნის მონახულებას აფოლტერნში, რომელიც ემენტალის შუაგულში მდებარეობს.

მუზეუმებში სიარული გიყვართ? რა პრობლემაა! ეწვიეთ Omega საათების ცნობილი ბრენდის მუზეუმს ბილში – ყველაზე ძველს საათებისთვის მიძღვნილ მუზეუმთაგან. აქ ალბერტ აინშტაინის ჯიბის საათიც კი არის, საათი წამზომით, რომელიც საგანგებოდ ოლიმპიური თამაშებისთვის შეიქმნა, კოსმოსის საკვლევი საათი და ის საათიც კი, რომელიც მთვარეზე იყო! მუზეუმის სამუშაო საათებია: სამშაბათი-პარასკევი 10:00 საათიდან 18:00 საათამდე, შაბათი – 11:00 საათიდან 17:00 საათამდე, გარდა დღესასწაულებისა. შესვლა უფასოა.

საცხოვრებელი

შვეიცარიის სასტუმროების ფასები საკმაოდ „იკბინება“, მაგრამ ეს არ ნიშნავს რომ მთელი დასვენება ჰოსტელში უნდა გაატაროთ. მაგალითად, სავსებით შესაძლებელია ორადგილიანი ნომერი დაჯავშნოთ 3/4* სასტუმროში დღეში 90 ევროდ, 5* – 275 ევროდან (მაგრამ გაითვალისწინეთ, რომ ფასები შეიძლება განსხვავდებოდეს ქვეყნის რეგიონის მიხედვით). რაც არ უნდა გასაკვირი იყოს, აპარტამენტების ქირაობა უფრო იაფი დაგიჯდებათ – 60 ევროდან დღეში ორ ადამიანზე.

Hotels Zurich: Cheap

HotelStarsDiscountPrice before and discountSelect dates
Leonardo Boutique Hotel Rigihof Zurich★★★★-19%369 300 View hotel
Hotel Bristol Zurich★★★-40%496 296 View hotel
Design Hotel Plattenhof★★★-35%676 439 View hotel
Olympia Hotel Zurich★★★-6%2 210 2 074 View hotel
Best Western Hotel Spirgarten★★★-6%646 606 View hotel
Hotel Limmatblick★★★-17%2 660 2 197 View hotel
Placid Hotel Design & Lifestyle Zurich★★★★-18%909 742 View hotel
Courtyard by Marriott Zurich North★★★★-8%609 559 View hotel
Hotel Alexander Zurich Old Town★★★-26%566 419 View hotel
Townhouse Boutique Hotel★★★-17%559 466 View hotel
Boutique Hotel NI-MO★★★-22%736 576 View hotel
Hotel Seehof★★★-26%602 443 View hotel
Best Western Plus Hotel Zürcherhof★★★-41%689 409 View hotel
Hotel City Zürich Design & Lifestyle★★★-34%676 443 View hotel
LADYs FIRST Hotel★★★-28%639 459 View hotel
Leoneck Swiss Hotel★★★-14%539 466 View hotel
Opera Hotel Zürich★★★★-21%709 563 View hotel
Motel One Zürich★★★-12%566 499 View hotel
Four Points by Sheraton Sihlcity Zürich★★★★-30%742 523 View hotel
Sorell Hotel Rütli★★★-22%646 503 View hotel

Hotels Basel: Cheap

HotelStarsDiscountPrice before and discountSelect dates
Motel One Basel★★★★View hotel
Hyperion Hotel Basel★★★★View hotel
Hotel Rochat★★★View hotel
ibis Styles Basel City★★★View hotel
Hotel Wettstein★★★View hotel
Hotel Spalentor - Ihr sympathisches Stadthotel★★★★View hotel
Novotel Basel City★★★★View hotel
Hotel Stücki★★★View hotel
Pullman Basel Europe★★★★View hotel
ODELYA Hotel & Wildgarten Basel City★★★View hotel
Aparthotel Adagio Basel City★★★View hotel
ibis budget Basel CityView hotel
Hotel Victoria★★★★View hotel
ibis Basel Bahnhof★★View hotel
Swissotel Le Plaza BaselView hotel
Dorint Hotel Basel★★★★View hotel
SET Hotel.Residence by Teufelhof Basel★★★★View hotel
Community Hostel & Lounge by Hyve Basel SBBView hotel
Steinenschanze Stadthotel★★★View hotel
Hotel Schweizerhof Basel★★★View hotel

უფასო Wi-Fi

ნებისმიერი მოგზაურისთვის წვდომა ინტერნეტთან – სასიცოცხლო აუცილებლობაა, ამიტომ პირველი კითხვა Wi-Fi-ს წვდომის წერტილებს ეხება. შვეიცარიაში მსოფლიო ქსელთან უფასოდ დაკავშირება შეგიძლიათ ციურიხის, ჟენევისა და ბერნის აეროპორტებში (Bern-Belp Airport), სადაც მგზავრებს უფლება აქვთ მიიღონ უფასო ინტერნეტის 60 წუთი Wi-Fi-ის მეშვეობით. ამ მომსახურების გამოსაყენებლად, უნდა აირჩიოთ აეროპორტის უკაბელო ლოკალური ქსელი და გახსნათ ბრაუზერი (სისტემაში შესვლის გვერდთან დაკავშირება ავტომატურად მოხდება). შემდეგ მონიშნავთ „ჯერ არ ვარ რეგისტრირებული“, ჩაწერთ თქვენი მობილური ტელეფონის ნომერს (მიიღებთ SMS-ს წვდომის კოდით), შეიყვანთ კოდს რეგისტრაციის ველში და დააჭერთ Login. ასევე მოსახერხებელია, რომ კოდი პირველი გამოყენებიდან ექვსი თვის განმავლობაში მოქმედებს, ასე რომ ყოველი ფრენის დროს რეგისტრაცია არ დაგჭირდებათ.

ლუგანოს აეროპორტში (Lugano Airport) უკაბელო ინტერნეტთან წვდომა უფასო და შეუზღუდავია. უფრო მეტი უფასო Wi-Fi წერტილების პოვნა ამ რუკაზე შეგიძლიათ.

ასევე წაიკითხეთ:

Posted in ბლოგი, ლაიფჰაკი and tagged .