როგორ ვიმოგზაუროთ ეკონომიურად შვეიცარიაში: შეუძლებელი შესაძლებელია!

სიტყვა „ეკონომიურად“ ძნელად ასოცირდება შვეიცარიასთან. მიუხედავად ამისა, აქ შეგიძლიათ იაფად და საინტერესოდ დაისვენოთ! დღეს კი გიამბობთ, როგორ.

ტრანსპორტი

მთავარი რჩევები მათთვის, ვისაც მგზავრობაზე დაზოგვა სურს, მარტივია: წინასწარ დაჯავშნეთ ბილეთები (ბილეთების ჩვეულებრივი ღირებულების 30-დან 50%-მდე დაზოგვას შეძლებთ), ზედმეტი ხარჯების თავიდან აცილების მიზნით დეტალურად დაგეგმეთ მარშრუტი (თუ ქვეყნის მასშტაბით ხშირად მოგზაურობას გეგმავთ) და წინასწარ შეამოწმეთ ინფორმაცია ბილეთებზე მოქმედი სხვადასხვა აქციის/ფასდაკლების შესახებ.

იფრინეთ ქუთაისიდან ბაზელის მიმართულებით შეღავათიან ფასებში, საუკეთესო ფასის მისაღებად ავიაბილეთები დაჯავშნეთ 2-3 თვით ადრე.

სამგზავრო ბარათი Swiss Pass ქალაქში ბიუჯეტურად მგზავრობაში დაგეხმარებათ. იგი გაძლევთ უფლებას უფასოდ იმგზავროთ საზოგადოებრივი ტრანსპორტით, ასევე იმ მატარებლით, ავტობუსითა და გემით, რომლებიც Swiss Travel System-ში შედის, ხოლო სასიამოვნო ბონუსის სახით უფასოდ ეწვევით 400 მუზეუმს, 50% ფასდაკლებას მიიღებთ პოპულარულ მთის მატარებლებსა და საბაგირო გზაზე და მრავალ სხვას. Swiss Pass შეგიძლიათ შეიძინოთ აქ ან მოგზაურობამდე ტურისტულ სააგენტოში (ოღონდ დარწმუნდით, რომ კომპანიას ამის უფლება აქვს). სამგზავრო ბარათის ყიდვა ასევე შეგიძლიათ პირდაპირ ციურიხის ან ჟენევის აეროპორტში, პასპორტის წარდგენით. ფასები შემდეგია: მე-2 კლასის 3 დღიანი ბილეთის საფასურია 210 ფრანკი (186 ევრო) მოზრდილთათვის. 6-16 წლის ბავშვებისა და 16-26 წლის ახალგაზრებისთვის – შესაბამისად 105 და 179 ფრანკი (93 ევრო და 159 ევრო).

საკვები

რასაკვირველია, შვეიცარიაში პროდუქტები არ არის იაფი – ადგილობრივებიც კი საყიდლებზე წასვლას მეზობელ საფრანგეთსა და გერმანიაში ამჯობინებენ (იქ უფრო იაფია). ამიტომ, თუ შვეიცარიაში დიდი ხნით დარჩენას გეგმავთ, გირჩევთ რამდენიმე სასარგებლო რჩევა დაიმახსოვროთ:

  • უმჯობესია პროდუქტები ქსელურ მაღაზიებში შეიძინოთ. მათგან ყველაზე იაფია — Denner, Coop და Migros (ასევე Manor და Globus, მაგრამ ისინი უფრო ძვირია).
  • საყიდლებზე გაემართეთ საღამოს დახურვამდე ცოტა ხნით ადრე ან დილით გახსნიდან ერთი საათის განმავლობაში. ყველაფერი ძალიან მარტივია: ამ დროისთვის ფასდაკლებულია მრავალი პროდუქტი, რომელსაც ხანმოკლე შენახვის ვადა აქვს, თანაც დაახლოებით 25-50 პროცენტით.
  • არ ღირს ხშირად და მცირე პარტიებად შესყიდვა – თუ დიდ თანხას დახარჯავთ, მიიღებთ ფასდაკლებას თქვენს შემდეგ შესყიდვაზე (ფასდაკლების რაოდენობა მითითებულია ჩეკზე).
  • ხშირად ეწვიეთ მაღაზიებს, რათა იყოთ ინფორმირებული ფასებისა და აქციების შესახებ. ჩვეულებრივ, ზოგიერთი ტრადიციული კონკურენტი, როგორიცაა Coop და Migros, გვერდიგვერდ მდებარეობს. ამიტომ, ორივე მაღაზიაში შეიხედეთ: რაც ერთ მაღაზიაში ძვირია, მეორეში შეიძლება იაფი იყოს.
  • როდესაც ირჩევთ პროდუქტის ერთი ერთეული შეიძინოთ თუ რამდენიმე, მაგრამ ერთ შეფუთვაში – ეს უკანასკნელი შეარჩიეთ – უფრო იაფი ეღირება.
  • ბაზარზე ან პატარა მაღაზიაში ყიდვისას, არ მოგერიდოთ შევაჭრება, თხოვეთ ფასდაკლება ან რაიმე დამატებით წონად. მოვაჭრეები ხშირად ხელს უწყობენ მყიდველებს, რადგან მათ შორის კონკურენცია ძალიან მაღალია.
  • თუ კაფეში/რესტორანში გეგმავთ სადილს, გაითვალისწინეთ, რომ კერძები „დღის მენიუდან“ (ან Tagesteller, ან Plat du Jour) უფრო იაფია, ვიდრე ჩვეულებრივი (შეგიძლიათ 15-20 ევროდ მიირთვათ). ხშირად ასეთი აქციების შესახებ მითითებულია დაწესებულებებში შესასვლელთან განთავსებულ მენიუს დაფებზე. ბიუჯეტურად წახემსების კიდევ ერთი ვარიანტია – კაფე სუპერმარკეტებში. მათში საშუალო ფასები საკმაოდ მისაღებია (მაგალითად, ლანჩის ღირებულება 10-15 ევროა).

გასართობი საშუალებები

თუნდაც თქვენი ტურისტული ბიუჯეტი საკმაოდ მოკრძალებული იყოს, მონდომების შემთხვევაში შვეიცარიაში უპრობლემოდ იპოვით უამრავ უფასო ან ძალიან იაფ გასართობ საშუალებას: ეს არის ქალაქის საფეხმავლო ტური და უფასო მუზეუმები, უკიდურეს შემთხვევაში, უბრალოდ შეგიძლიათ ველოსიპედი იქირავოთ და ქალაქში გაისეირნოთ.

მაგალითად, შვეიცარიაში უფასო ექსკურსიების შესახებ მეტი ინფორმაციის მიღება აქ შეგიძლიათ. ადგილობრივი გიდები ასეთ ტურებს ტურისტებისთვის უფასოდ აწყობენ და ეს შესანიშნავი შესაძლებლობაა არა მხოლოდ იმ ადგილების მონახულებისა, რომლებიც გზამკვლევებში არ არის შეტანილი, არამედ ადგილობრივი მოსახლეობის გაცნობისა.

კიდევ რამდენიმე იდეას გთავაზობთ: აქ შეგიძლიათ ბერნის პარლამენტის უფასო ტურზე ჩაეწეროთ, ხოლო აქ გაიგებთ თუ სად და როდის გაიმართება შემდეგი უფასო გასეირნება ქალაქში ადგილობრივებთან ერთად.

თუ ველოგასეირნების მოყვარული ხართ, შვეიცარიაში თავს ნამდვილად კარგად იგრძნობთ! ველოსიპედის უფასოდ ქირაობა შესაძლებელია ციურიხში და ჟენევაში. და წინ – აღმოაჩინეთ შეუცნობელი!

თუ ბერნში იმყოფებით, შეიხედეთ Baarengraben-ში – ეს არის პატარა შემოღობილი ტერიტორია მდინარე აარეს ნაპირზე, სადაც დათვებს უფასოდ შეგიძლიათ ადევნოთ თვალყური ან უბრალოდ სანაპიროზე ჩამოსხდეთ და პეიზაჟებით დატკბეთ.

ტკბილეულის მოყვარულები ნამდვილად დააფასებენ ვიზიტს ციურიხის შოკოლადის ქარხანაში, ხოლო გურმანები – ყველის ქარხნის მონახულებას აფოლტერნში, რომელიც ემენტალის შუაგულში მდებარეობს.

მუზეუმებში სიარული გიყვართ? რა პრობლემაა! ეწვიეთ Omega საათების ცნობილი ბრენდის მუზეუმს ბილში – ყველაზე ძველს საათებისთვის მიძღვნილ მუზეუმთაგან. აქ ალბერტ აინშტაინის ჯიბის საათიც კი არის, საათი წამზომით, რომელიც საგანგებოდ ოლიმპიური თამაშებისთვის შეიქმნა, კოსმოსის საკვლევი საათი და ის საათიც კი, რომელიც მთვარეზე იყო! მუზეუმის სამუშაო საათებია: სამშაბათი-პარასკევი 10:00 საათიდან 18:00 საათამდე, შაბათი – 11:00 საათიდან 17:00 საათამდე, გარდა დღესასწაულებისა. შესვლა უფასოა.

საცხოვრებელი

შვეიცარიის სასტუმროების ფასები საკმაოდ „იკბინება“, მაგრამ ეს არ ნიშნავს რომ მთელი დასვენება ჰოსტელში უნდა გაატაროთ. მაგალითად, სავსებით შესაძლებელია ორადგილიანი ნომერი დაჯავშნოთ 3/4* სასტუმროში დღეში 90 ევროდ, 5* – 275 ევროდან (მაგრამ გაითვალისწინეთ, რომ ფასები შეიძლება განსხვავდებოდეს ქვეყნის რეგიონის მიხედვით). რაც არ უნდა გასაკვირი იყოს, აპარტამენტების ქირაობა უფრო იაფი დაგიჯდებათ – 60 ევროდან დღეში ორ ადამიანზე.

სასტუმროები Zurich: Cheap

სასტუმროვარსკვლავებიფასდაკლებაფასი ფასდაკლებამდეშეარჩიეთ თარიღები
Design Hotel Plattenhof★★★-27%703 515 სასტუმროს ნახვა
Leonardo Boutique Hotel Rigihof Zurich★★★★-19%386 311 სასტუმროს ნახვა
Hotel Bristol Zurich★★★-33%518 345 სასტუმროს ნახვა
Olympia Hotel Zurich★★★-6%327 308 სასტუმროს ნახვა
Hotel Krone Unterstrass★★★★-34%606 402 სასტუმროს ნახვა
Royal Hotel Zurich★★★-36%597 380 სასტუმროს ნახვა
Crowne Plaza Zürich, an IHG Hotel★★★★-17%443 364 სასტუმროს ნახვა
ACASA Suites★★★★-11%502 446 სასტუმროს ნახვა
Holiday Inn Zürich Messe, an IHG Hotel★★★★-32%543 371 სასტუმროს ნახვა
Placid Hotel Design & Lifestyle Zurich★★★★-14%458 392 სასტუმროს ნახვა
Townhouse Boutique Hotel★★★-23%584 449 სასტუმროს ნახვა
Hotel Adler Zürich★★★-27%490 358 სასტუმროს ნახვა
Greulich Design & Lifestyle Hotel★★★★-13%477 414 სასტუმროს ნახვა
Courtyard by Marriott Zurich North★★★★-26%575 427 სასტუმროს ნახვა
Hotel Rössli★★★-14%631 546 სასტუმროს ნახვა
Hotel Seehof★★★-13%612 534 სასტუმროს ნახვა
LADYs FIRST Hotel★★★-28%641 458 სასტუმროს ნახვა
Hotel City Zürich Design & Lifestyle★★★-38%703 433 სასტუმროს ნახვა
Motel One Zürich★★★-8%537 493 სასტუმროს ნახვა
Sorell Hotel Rütli★★★-10%637 571 სასტუმროს ნახვა

სასტუმროები ბაზელი: Cheap

სასტუმროვარსკვლავებიფასდაკლებაფასი ფასდაკლებამდეშეარჩიეთ თარიღები
Motel One Basel★★★★სასტუმროს ნახვა
Hyperion Hotel Basel★★★★სასტუმროს ნახვა
Hotel Rochat★★★სასტუმროს ნახვა
ibis Styles Basel City★★★სასტუმროს ნახვა
Hotel Stücki★★★სასტუმროს ნახვა
Hotel Spalentor - Ihr sympathisches Stadthotel★★★★სასტუმროს ნახვა
Hotel Wettstein★★★სასტუმროს ნახვა
Novotel Basel City★★★★სასტუმროს ნახვა
Pullman Basel Europe★★★★სასტუმროს ნახვა
ibis budget Basel Cityსასტუმროს ნახვა
Aparthotel Adagio Basel City★★★სასტუმროს ნახვა
ODELYA Hotel & Wildgarten Basel City★★★სასტუმროს ნახვა
Hotel Victoria★★★★სასტუმროს ნახვა
ibis Basel Bahnhof★★სასტუმროს ნახვა
Community Hostel & Lounge by Hyve Basel SBBსასტუმროს ნახვა
SET Hotel.Residence by Teufelhof Basel★★★★სასტუმროს ნახვა
Swissôtel Le Plaza Baselსასტუმროს ნახვა
Steinenschanze Stadthotel★★★სასტუმროს ნახვა
Essential by Dorint Basel City★★★★სასტუმროს ნახვა
Hotel Schweizerhof Basel★★★სასტუმროს ნახვა

უფასო Wi-Fi

ნებისმიერი მოგზაურისთვის წვდომა ინტერნეტთან – სასიცოცხლო აუცილებლობაა, ამიტომ პირველი კითხვა Wi-Fi-ს წვდომის წერტილებს ეხება. შვეიცარიაში მსოფლიო ქსელთან უფასოდ დაკავშირება შეგიძლიათ ციურიხის, ჟენევისა და ბერნის აეროპორტებში (Bern-Belp Airport), სადაც მგზავრებს უფლება აქვთ მიიღონ უფასო ინტერნეტის 60 წუთი Wi-Fi-ის მეშვეობით. ამ მომსახურების გამოსაყენებლად, უნდა აირჩიოთ აეროპორტის უკაბელო ლოკალური ქსელი და გახსნათ ბრაუზერი (სისტემაში შესვლის გვერდთან დაკავშირება ავტომატურად მოხდება). შემდეგ მონიშნავთ „ჯერ არ ვარ რეგისტრირებული“, ჩაწერთ თქვენი მობილური ტელეფონის ნომერს (მიიღებთ SMS-ს წვდომის კოდით), შეიყვანთ კოდს რეგისტრაციის ველში და დააჭერთ Login. ასევე მოსახერხებელია, რომ კოდი პირველი გამოყენებიდან ექვსი თვის განმავლობაში მოქმედებს, ასე რომ ყოველი ფრენის დროს რეგისტრაცია არ დაგჭირდებათ.

ლუგანოს აეროპორტში (Lugano Airport) უკაბელო ინტერნეტთან წვდომა უფასო და შეუზღუდავია. უფრო მეტი უფასო Wi-Fi წერტილების პოვნა ამ რუკაზე შეგიძლიათ.

ასევე წაიკითხეთ:

Posted in ბლოგი, ლაიფჰაკი and tagged .