მთავარი » ბლოგი » რომაული არდადეგები: 20 MUST SEE ადგილი, რომელიც აუცილებლად უნდა იხილოთ

რომაული არდადეგები: 20 MUST SEE ადგილი, რომელიც აუცილებლად უნდა იხილოთ

რომში მოგზაურობას გეგმავთ? ჩვენ შევიკრიბეთ მარადიული ქალაქის ღირსშესანიშნაობების სია, რომელსაც აუცილებლად უნდა ეწვიოთ.

ძველი რომის ამფითეატრი

რა თქმა უნდა, ამფითეატრი ჩვენი სიის სათავეში უნდა იდგეს. ამფითეატრი, რომლის მშენებლობაც ჩვ.წ.ა. 72 წელს დაიწყო, დღეს სამართლიანად ითვლება იტალიის დედაქალაქის სავიზიტო ბარათად და სიმბოლოდ, ხოლო მის გამოსახულებასა და მონახაზს ჩვენი პლანეტის თითქმის ყველა მკვიდრი კარგად იცნობს. ცალსახაა: თუ კოლოსეუმი არ გიხილავთ, რომიც არ გიხილავთ! რა თქმა უნდა, მისი დათვალიერება მარტოობაში არ გამოგივათ, მაგრამ მათ, ვისაც დამოუკიდებელი ექსკურსია ურჩევნია,  აუდიოგიდის მომსახურებით შეუძლია ისარგებლოს.

რომის ფორუმი

იმისათვის, რომ უკეთ წარმოიდგინოთ თუ როგორი იყო ცხოვრება ძველ რომში, რომის ფორუმს ეწვიეთ. სწორედ ეს ადგილი იყო უძველესი სახელმწიფოს პოლიტიკური ცენტრი, დღეს კი მის ადგილზე შემორჩენილი ნანგრევები მსოფლიოს ერთ-ერთი უმნიშვნელოვანესი არქეოლოგიური ძეგლია. კოლისეუმის ვიზიტისთვის შეძენილი ბილეთი ერთიანია, ამიტომ  ორჯერ გადახდა არ მოგიწევთ.

ვატიკანი

მიუხედავად თქვენი რელიგიური აღმსარებლობისა, ამ უნიკალური ჯუჯა სახელმწიფოს ვიზიტის გარეშე ვერ დარჩებით. ისტორიის მოყვარულთათვის ქალაქის კედლებში საინტერესო მუზეუმების მთელი რიგია განთავსებულია. შთამბეჭდავია ვატიკანის არქიტექტურული გარე სახე,  ასევე ამ ადგილის სულიერი ძალა – უძველესი დროიდან იგი წმინდა ადგილად ითვლებოდა. აღსანიშნავია, რომ ტურისტებისთვის მხოლოდ რამდენიმე ნაწილის ნახვაა შესაძლებელი, რომელთა ვიზიტის განრიგი წინასწარ უნდა გაიგოთ.

პანთეონი

ძველ რომის არქიტექტურის აღმავლობის პერიოდში აშენებული პანთეონი დღესაც კი მილიონობით ტურისტის აღფრთოვანებას იწვევს.  ეს უნიკალური საკურთხეველი ზოგიერთი ცნობილი იტალიელი მოღვაწის აკლდამასაც წარმოადგენს, მაგალითად, რაფაელის და ზოგიერთი მეფის. მოგზაურები გვირჩევენ ამ ადგილს შუადღისას ვეწვიოთ, რომ დავინახოთ, თუ როგორ აღწევს მზის სხივები შენობის ჭერზე არსებულ სფეროს ფორმის ნახვრეტში.

შადრევანი დი ტრევი

ყველაზე დიდი შადრევანი ქალაქში და მსოფლიოს ერთ-ერთი ყველაზე ლამაზი ადგილი. სხვათა შორის, ტურისტებს შეუძლიათ არა მხოლოდ მისი სკულპტურული დიდებულება შეაფასონ, არამედ მისი პრაქტიკული მხარეც – შადრევანში ცალკე ადგილია გამოყოფილი, სადაც ყველა მსურველს სასმელი წყლის ავსება შეუძლია.

პიაცა ვენეცია

ჩვენს მიერ უკვე ნახსენები რომის ფორუმიდან ფეხით სავალ მანძილზე მდებარეობს ვენეციის მოედანი, რომელიც ასევე იმსახურებს თქვენს ტურსიტულ მარშრუტში ჩართვას. ოდესღაც იგი უმმნიშვნელოვანესი კვანძი იყო ორი ცნობილი რომაული გზის კვეთაზე. აქედან კი ძალიან ადვილად მოხვდებით ჩვენს შემდეგ პუნქტში – კაპიტოლიუმში.

კაპიტოლიუმი

ქალაქის ცენტრის პრაქტიკულად ყველა ადგილიდან კაპიტოლიუმის დანახვას შეძლებთ – შვიდი ბორცვიდან ერთ-ერთის, რომელზეც იგი მდებარეობს. და თუ მსოფლიოში ყველა გზა  რომში მიდის, მაშინ რომში იგი კაპიტოლიუმში მიდის. აქ, მის მწვერვალზე ტაძარია აშენებული, რომელსაც ასევე კაპიტოლიუმს უწოდებენ, აქვეა განთავსებული კაპიტოლიუმის სასახლე და მუზეუმები, რომლებიც მსოფლიოში ყველაზე დიდ საზოგადოებრივ მუზეუმს წარმოადგენს. დამატებითი საფასურის გადახდით (10 ევროს ფარგლებში) საზოგადოებრივი სათვალთვალო მოედნიდან ზედა დონეზე შეძლებთ ასვლას, საიდანაც დაუვიწყარი ხედი იხსნება.

წმინდა პეტრეს ტაძარი

ალბათ, ტურისტების პოპულარობის თვალსაზრისით, ვატიკანის ეს დიდებული შენობა არაფრით ჩამოუვარდება კოლისეუმს. გარდა იმისა, რაც მიწის ზედაპირზე მდებარეობს, ბევრი საინტერესო რამ მიწისქვეშა ნაწილშია დაფარული. ეს ცნობილი გამოქვაბული, რა თქმა უნდა, ბევრ დროს წაგართმევთ, მაგრამ ნამდვილად წარუშლელ შთაბეჭდილებას დაგიტოვებთ. იგივე შეიძლება ითქვას საგანძურის შესახებ.

სიქსტეს კაპელა

იტალიელი მხატვრის მიქელანჯელოს ერთ-ერთ ლეგენდარულ ნამუშევარს მდიდარი ისტორია აქვს. სწორედ მას გიამბობთ გიდები შენობაში შესვლამდე, რადგან შიგნით საუბარი (ისევე როგორც ფოტოგადაღება) მკაცრად აკრძალულია ადგილობრივი კანონების თანახმად. ადგილი ძალიან პოპულარულია ტურისტებს შორის, და გრძელ რიგში რომ არ მოგიწიოთ დგომა, გირჩევთ ბილეთები წინასწარ შეიძინოთ.

კეისარის ფორუმი

იმ დროის სხვადასხვა მმართველისთვის მიძღვნილი (კეისარიდან ტრაიანემდე) იმპერატორთა ფორუმების მთელი რიგი დღესაც კი იმ დროის მცველებს მოგაგონებთ, რადგან მაქსიმალურად პირვანდელ ფორმაშია შენარჩუნებული. მათ შორის ყველაზე ძველი და დიდებული კეისარის ფორუმია. დროის დაზოგვის მიზნით შესასვლელი ბილეთი შეგიძლიათ ინტერნეტით შეიძინოთ, სურვილისამებრ – კოლისეუმის შესასვლელ ბილეთთან ერთად.

სანტა მარია მაჯორეს ბაზილიკა

ეს უძველესი, გარედან საკმაოდ მოკრძალებული  ეკლესია უბრალოდ გაგაოცებთ თავისი შიდა მორთულობით. მართალია, იმისათვის, რომ  შიგნით მოხვდეთ, თქვენ გარკვეული წესები უნდა დაიცვათ, განსაკუთრებით ეს ქალებს ეხებათ, რომლებიც შესვლას მხოლოდ შესაბამისი ტანსაცმლით და თავდაბურული შეძლებენ. თუ შარვლით ხართ შემოსილი, შესვლამდე რაღაც მოსასხამის მაგვარს მოგაცმევენ.

ნავონას მოედანი

ამ თვალწარმტაცი მოედნის ცენტრში ოთხი მდინარის საინტერესო შადრევანი მდებარეობს, ასევე სამი პატარა, მაგრამ ლამაზი შადრევანი. მის გარშემო ჩვეულებრივ ადგილობრივი მხატვრები სხედან, რომლებიც მზად არიან თქვენი პორტრეტი დახატონ ან ერთ-ერთი მათი უკვე დახატული ნამუშევარი შემოგთავაზონ. ზოგადად აქ მშვიდი ატმოსფერო სუფევს, რაც  რომის შესანიშნავი ხედებით ტკბობას უწყობს ხელს.

ესპანური კიბეები

ეს მდიდრული ბაროკოს კიბეები, რომელიც ასზე მეტი გრანდიოზული საფეხურისგან შედგება, მსოფლიოს ერთ-ერთ ულამაზეს ნაგებობას წარმოადგენს. იგი პოპულარულია არა მარტო ტურისტებს, არამედ თავად რომაელთა შორის, რომლებიც ტრადიციულად სწორედ მის საფეხურებთან უნიშნავენ ერთმანეთს  შეხვედრას. ესპანურ კიბეებს გირჩევთ გაზაფხულზე ეწვიოთ, როდესაც იელი ყვავილობს.

ესპანეთის მოედანი

ესპანური კიბეები იტალიის დედაქალაქის კიდევ ერთ პატარა მოედანზე გაგიყვანთ – ესპანეთის მოედანზე. გაითვალისწინეთ, რომ ჩვეულებრივ აქ ხალხმრავლობაა, მიუხედავად კვირის დღისა თუ სეზონისა. აგრეთვე აქ ყოველთვის უამრავი მოვაჭრეა, რომლებიც ქალაქის სტუმრების მეშვეობით ცდილობენ ფულის შოვნას, ამიტომ მიმნდობი ტურისტი განსაკუთრებით ფრთხილად იყოს.

ვილა ბორგეზე

ბორგეზეს თავადთა საოჯახო ვილა, რომლებიც ხელოვნების ნიმუშების შეგროვებით იყვნენ გატაცებული, დღეს მსოფლიოში ერთ-ერთი ყველაზე საინტერესო ადგილი გახდა. მეორე სართულზე ფერწერის მოყვარულთათვის სამხატვრო გალერეაა განთავსებული, ხოლო პირველი სართული საქანდაკო ხელოვნების ნიმუშებითაა სავსე. გირჩევთ ბილეთები ინტერნეტით წინასწარ დაჯავშნოთ.

კარაკალას თერმები

რომის იმპერატორის კარაკალას თერმების ანუ აბანოების ოფიციალური სახელწოდებაა ანტონინიანის თერმები. დღემდე შემორჩენილი ნანგრევები ჯერ კიდევ იძლევა წარმოდგენას ამ ნაგებობის წარსული კოლოსალურობის   შესახებ. გარდა ამისა, ცალკე ინტერესს  წარმოადგენს შიდა ფრესკები და მოზაიკა, ხოლო რამდენიმე შენობის ირგვლივ ბაღია გაშენებული. ზაფხულობით რომის ოპერის თეატრის სეზონზე მოხვედრის შესაძლებლობაც არსებობს, რომელიც ამ დროს თერმების ტერიტორიაზეა განთავსებული.

Palazzo Spada

ყველაფერი საუკეთესო, რაც რომის ისტორიულ მემკვიდრეობას აქვს, ამ ადგილას თანამედროვე ტექნოლოგიებთანაა ოსტატურად შერწყმული.  ვიზიტორებს საოცარი მულტიმედიური ექსკურსია ელოდება თითქმის 2 საათის განმავლობაში. ამ ხნის განმავლობაში, თქვენ არა მხოლოდ მიწისქვეშ განთავსებულ ნანგრევებს იხილავთ,  არამედ 3D-ს მეშვეობით სრულყოფილ წარმოდგენას მიიღებთ  იმის შესახებ, თუ რას წარმოადგენდა პალაცო უძველეს დროში.  ბილეთის სავარაუდო ღირებულებაა €12.

მალტელი რაინდების მოედანი

თუ ისეთ ადგილს ეძებთ, საიდანაც იტალიის დედაქალაქის ერთ-ერთი ულამაზესი პანორამა შეგიძლიათ იხილოთ – მალტელი რაინდების მოედანზე გაემგზავრეთ. აქ შეგიძლიათ მოხვდეთ მეტროს მეშვეობით, რომელიც მოედნიდან ფეხით სავალ მანძილზე მდებარეობს, ან შეგიძლიათ ველოსიპედი იქირაოთ, რომელიც შემოგარენის დასათვალიერებლადაც გამოგადგებათ.

წმიდა ანგელოზის ციხე-სიმაგრე

ეს დიდებული ისტორიული ძეგლი  ვატიკანის მახლობლად მდებარეობს, ამიტომ თუ ვატიკანში ექსკურსიაზე მიემგზავრებით გზად წმინდა ანგელოზის ციხე-სიმაგრესაც შეგიძლიათ ეწვიოთ. შენობა  თვალწარმტაცი ტიბრის მდინარის სანაპიროზე დგას, რომელზეც ციხე-სიმაგრემდე მიმავალი საცალფეხო ხიდია გადებული.

წმინდა პავლეს ბაზილიკა

ეს პაპის ეკლესია უპირველეს ყოვლისა ოდიოზური და დახვეწილი ნაგებობების მოყვარულებზე მოახდენს შთაბეჭდილებას. ცალკე აღვნიშვნის ღირსია ფასადის მოზაიკა, აგრეთვე ბაზილიკის ტერიტორიაზე განთავსებული მოსეს ქანდაკება, რომელიც თავად მიქელანჯელოს მიერაა შექმნილი.

ყველაზე იაფი ავიაბილეთები Tbilisi-დან Rome-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

30.07.2019

05.09.2019

1 stop

ფასი 984

01.08.2019

01.09.2019

1 stop

ფასი 934

30.09.2019

05.10.2019

1 stop

ფასი 661

18.10.2019

21.10.2019

1 stop

ფასი 558

21.11.2019

26.11.2019

1 stop

ფასი 506

31.12.2019

05.01.2020

1 stop

ფასი 713

02.03.2020

05.03.2020

1 stop

ფასი 635

26.05.2020

31.05.2020

1 stop

ფასი 767

24.06.2020

29.06.2020

1 stop

ფასი 770

პირდაპირი ფრენები Kutaisi-დან Rome-მდე

გაფრენის თარიღი დაბრუნების თარიღი ავიაკომპანია ბილეთების მოძებნა

25.07.2019

28.07.2019

ფასი 792

08.08.2019

15.08.2019

ფასი 1 107

19.09.2019

26.09.2019

ფასი 474

10.10.2019

13.10.2019

ფასი 459

Posted in ბლოგი, კრებულები and tagged , , , .

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა