მთავარი » ბლოგი » კვირა ამალფის სანაპიროზე: სორენტო, კაპრი, პოზიტანო, ამალფი და დასვენება საუკეთესო პლაჟებზე

კვირა ამალფის სანაპიროზე: სორენტო, კაპრი, პოზიტანო, ამალფი და დასვენება საუკეთესო პლაჟებზე

ყველას აქვს გაგონილი იტალიის ზღაპრულად ლამაზი ამალფის სანაპიროს შესახებ, მაგრამ ყველამ როდი იცის, თუ როგორ უნდა დაგეგმოს დასვენება ისე, რომ დაისვენოს კიდეც და ყველა საინტერესო ღირსშესანიშნაობის მონახულებაც შეძლოს. ჩვენ ამალფის სანაპიროზე იდეალური მოგზაურობის შესახებ გიამბობთ.

სტატიის ავტორია Holiday Gems - საავტორო ტურების ორგანიზატორი ევროპაში

ამალფის სანაპირო – ევროპის ერთ-ერთი ულამაზესი ადგილია, რომელსაც ბევრი ზაფხულის დასასვენებელ ადგილად განიხილავს. უკვე აგვისტოში, ჩვენ ერთკვირიან მოგზაურობას ვუწევთ ორგანიზებას ამალფის სანაპიროზე, სადაც საუკეთესო პლაჟებზე დასვენებას და ყველაზე საინტერესო ღირსშესანიშნაობების მონახულებას გთავაზობთ.

მოდით  ყველაზე სასიამოვნო დასვენებით – პლაჟზე დასვენებით დავიწყოთ. პირველ რიგში უნდა აღვნიშნოთ, რომ რომ ამალფის რეგიონი მდიდარია ლამაზი ადგილებით, მაგრამ კარგი პლაჟების დიდი რაოდენობით ვერ დაიკვეხნის.  ფაქტობრივად, სანაპიროზე მხოლოდ ორი დიდი ქვიშიანი პლაჟია – პოზიტანოში და სორეტინოზე, დანარჩენი კი ნაყარ ჯებირზე ან ხიმინჯებზეა მოწყობილი. ჩვენ სწორედ სორეტინოზე, ქალაქ მეტაში (სორენტოდან 5 კმ) მდებარე პლაჟზე გავჩერდებით – შესანიშნავი უფასო პლაჟის მახლობლად.

ადგილობრივი ატმოსფერო რომ შეიგრძნოთ, ყველაზე მეტად პატარა საოჯახო სასტუმროა შესაფერისი ამალფის საუკეთესო ტრადიციებში – თაღებით, ლიმონის ხეებით გარშემორტყმული, კერამიკული ჭურჭლით მოხატული და ეზოში კატებით.

აქ თქვენ შეძლებთ დაისვენოთ, იბანაოთ და  გარემოს სილამაზით დატკბეთ. სანაპიროსა და ნეაპოლის ყურის მთავარი ღირსშესანიშნაობა – ეს არის ბუნება, შთამბეჭდავი პანორამები, ძალიან თბილი და სუფთა ზღვა და, რა თქმა უნდა, სახლებისა და ტერასების ულამაზესი კასკადები კლდეებზე. ამალფის სანაპიროს ნებისმიერი კუთხიდან საოცარი ხედები იშლება: ზღვისპირიდან ქვის ტერასებია აღმართული, სადაც უძველესი შენობები, ეკლესიები, საცხოვრებელი სახლები დგას. ყვავის ბაღები, ჰაერი ლიმონისა და ფორთოხლის არომატითაა გაჟღენთილი.

1997 წელს ამალფის სანაპირო იუნესკოს მსოფლიო მემკვიდრეობის ძეგლების სიაშია შეტანილი და სალერნოს პროვინციის 16 დასახლებას მოიცავს: ამალფი, ატრანი, კავა დე ტირენი, ჩეტარა, კონკა-დეი-მარინი, ფურორე, მაიორი, მინორი, პოზიტანო, პრაიანო, რაიტო, რაველო, სანტ-ეჯიდიო-დელ-მონტე-ალბინო, სკალა, ტრამონტი, ვიეტრი-სულ-მარე.

ამალფის სანაპიროზე ამ მოგზაურობის დაგეგმვისას ჩვენთვის მთავარი იყო პლაჟის დასვენებისა და ექსკურსიების სასურველი მიქსი მიგვეღო – ყველაფერი საუკეთესო გვეჩვენებინა და ამავდროულად დაგვრჩენოდა საკმარისი დრო იმისათვის, რომ დაგვესვენა და ამ სილამაზით დავმტკბარიყავით. ამიტომ ექსკურსიის პროგრამაში შევიტანეთ სორენტო, ამალფი, პოზიტანო და კაპრის კუნძულები.

გირჩევთ აქ საზოგადოებრივი ტრანსპორტით იმოგზაუროთ, რადგან ყველა ქალაქი პატარაა და მანქანის გასაჩერებელი ადგილის პოვნა შეიძლება რთული იყოს.

სორენტო, სორენტინის ნახევარკუნძული

ყოველ მოსახვევში ლამაზი პანორამაა! სორენტო იტალიის ერთ-ერთი უძველესი, ცნობილი და პოპულარული კურორტია. აქ ჯერ კიდევ რომაელი პატრიციები ჩამოდიოდნენ და კლდის წვერზე საზაფხულო რეზიდენციებს აშენებდნენ, საიდანაც იტალიის სანაპიროს ერთ-ერთ ულამაზეს ნაწილზე იშლება ხედი.

სორენტო თავისი ულამაზესი პეიზაჟებითაა ცნობილი, სადაც ერთმანეთის გვერდიგვერდ ზღვა, მთები, აყვავებული ხეობები და ციტრუსების ბაღნარი მდებარეობს. ამ ადგილზე ისეთ ცნობილ ადამიანებს უყვარდა დასვენება, როგორიცაა ლორდ ბაირონი, ჯონ კიტსი, უოლტერ სკოტი, ჩარლზ დიკენსი და გამოჩენილი ნეაპოლიტანელი ტენორი ენრიკო კარუზო.

სორენტოსთან გაცნობა დავიწყოთ მოედნიდან ტასო – ქალაქის კულტურული ცენტრი და შუაგული, სადაც პაემნებს ნიშნავენ და მეგობრები ერთმანეთს ხვდებიან, ხოლო ადგილობრივი მოსახლეობა აქ მდებარე პატარ ბისტროებში სადილობს. აუცილებლად ეწვიეთ სორენტოს ფონდს და სალვადორ დალის მდიდარი კოლექცია დაათვალიერეთ. ჩვენ ასევე მთავარ სავაჭრო ქუჩაზე – კორსო იტალიაზე გავივლით, რომელიც უნიკალურ, განუმეორებელ ლუიჯი მაიოს ქუჩაზე მიგვიყვანს. ეს ქუჩა მიწისძვრის შედეგად წარმოქმნილ ღრმა ხეობაში მდებარეობს. ქუჩის „ფსკერზე“ – ორი ფართო საავტომობილო ტრასა მდებარეობს სხვადასხვა დონეზე განლაგებული მიმდებარე საცალფეხო ტროტუარებით, რომლებიც ტროპიკული ხეებითა და ყვავილებით დაფარულ კლდოვან სანაპიროებზე  გაგვიყვანს.

რადგან სორენტოდან მხოლოდ 5 კმ-ში ვიცხოვრებთ, სორენტოში ჩამოსვლა ყოველ საღამოს შეგვიძლია.

პოზიტანო

პოზიტანო – ფორთოხლებისა და ზეთისხილის ბაღებში ჩაფლული, მთებს შორის ხეობაში მდებარე მინიატურული ქალაქია. მაიოლიკით მორთული ფერადი სახლები შორიდან მინდორში დაკარგულ ბავშვის სათამაშოებს მოგაგონებთ. გამთენიისას სანტა მარია ასუნტას ტაძრის მოზაიკური გუმბათი პირველი იწყებს მზეზე ბრჭყვიალს, ხოლო საღამოს მზის ჩასვლისას ბოლო სხივებს ირეკლავს.

პოზიტანოს როგორც არისტოკრატული კურორტის დიდება ჯერ კიდევ XIX საუკუნეში დაიწყო. მისი სილამაზით აღფრთოვანებული იყო  დიაგილევი, სტრავინსკი, პიკასო, ხოლო სტეინბეკი წერდა, რომ პოზიტანო ქალაქში ყოფნის დროს ნამდვილი არ გეგონებათ, მაგრამ გამგზავრების შემდეგ რეალური ხდება.

პოზიტანო კვლავ რჩება იტალიის ყველაზე ფოტოგრაფირებად ქალაქად. აქ ბევრ ღირსშესანიშნაობას ვერ ნახავთ, რა თქმა უნდა, თუ არ ჩავთვლით, რომ თავად პოზიტანო ერთი დიდი ღირსშესანიშნაობაა – სიმწვანით დაფარული ქალაქი მთებს შორის, რომელიც ყვავილებით მორთული სახლებისა და ტერასების კასკადით ეშვება ზღვამდე.

ამალფი

მომხიბლავი ქალაქი, რომელსაც ლეგენდის მიხედვით ჰერკულესის სატრფოს სახელი ეწოდა და რომელიც ვიწრო კიბეებისა და სახურავზე გაშენებული ბაღებიანი სახლების ლაბირინთს ჰგავს. გირჩევთ უძველეს ქუჩებში გაისეირნოთ, ცენტრალურ მოედანზე Piazza del Duomo  შეჩერდეთ და წმინდა ანდრიას ტაძარს ეწვიოთ, სადაც XIII საუკუნეში კონსტანტინოპოლიდან ჩამოტანილი წმიდა ანდრია პირველწოდებულის ნაშთები ინახება; აუცილებლად შეიხედეთ უამრავი თაღით გარშემორტყმულ ტაძრის საოცრად ლამაზ ეზოში, შემდეგ კი, რა თქმა უნდა, რამდენიმე ათეული ფოტო გადაიღეთ დუომოს მასიურ, ფართო კიბეზე.

საღამოს კი, ვახშმობის დროს მზის ჩასვლას შევხვდით მყუდრო სანაპიროზე განთავსებულ ერთ-ერთ ადგილობრივ ჩინებულ ოსტერიაში.

ამალფი, რომლის მოსახლეობა მხოლოდ 5000 ადამიანია, მთლიანად შეტანილია იუნესკოს მსოფლიო მემკვიდრეობის ძეგლთა დაცვის სიაში როგორც „კაცობრიობის მსოფლიო მემკვიდრეობა“. აქ უძველესი ხელოსნობის ტრადიციებს ინარჩუნებენ: ამალფის ფარჩა, კერამიკა და ხელნაკეთი ქაღალდი იტალიის ფარგლებს გარეთაც კარგად არის ცნობილი, ამიტომ ტურისტები ყოველთვის შეძლებენ მათთვის საინტერესო რაიმე სუვენირი შეიძინონ.

კაპრის კუნძული

კაპრიზე პატარა საზღვაო მოგზაურობა გველოდება – კუნძულზე, რომელიც თავად ტიბერიუსის რეზიდენცია იყო!

კაპრის კუნძულის წარმოუდგენელი სილამაზე და კონტინენტიდან „სიშორე“ ამ ადგილას ნამდვილ სამოთხედ აქცევს მშვიდი დასვენებისთვის.

საბორნე ნავმისადგომიდან ორ ნაბიჯზე ფუნიკულიორი მდებარეობს, რომლითაც ქალაქის ერთ-ერთ პანორამულ მოედანზე მოხვდებით, საიდანაც მატერიკსა და ფარალიონის კლდეებზე დაუვიწყარი ხედები იშლება.

შეუძლებელია იმპერატორის ავგუსტუსის ბაღები არ მოინახულოთ – კაპრის სტილის ბოტანიკური ბაღი მრავალი ტერასით.  ამ ჩრდილიანი ბაღის სიგრილეში გასეირნება ყველაზე ცხელ ამინდშიც კი გესიამოვნებათ.

ბაღის სილამაზით დატკბობის შემდეგ, თუ მოისურვებთ, ვია კრუპის ქუჩით შეგიძლიათ გაისეირნოთ – ეს მიხვეულ-მოხვეული ქუჩა კაპრის კუნძულის ველურ პლაჟებთან მიგიყვანთ.

ხოლო ჩრდილოეთ სანაპიროზე მდებარეობს ღირსშესანიშნაობა, რომელიც კუნძულის ემბლემად იქცა – ცისფერი გროტი (Grotta Azzurra). ეს სახელწოდება მას ზღვის წყლის დაუჯერებელი ლაჟვარდოვანი ფერის გამო ეწოდა. ცისფერ გროტში მოხვედრას მხოლოდ პატარა ნიჩბიანი ნავის ფსკერზე დაწოლილ მდგომარეობაში შეძლებთ.

ამალფის სანაპიროს მსოფლიოს ერთ-ერთ ულამაზეს ადგილს უწოდებენ და ჩვენ ზუსტად ვიცით: ერთკვირიანი დასვენება საკმარისია იმისათვის, რომ ყველა ლამაზი სანახაობა იხილოთ, შესანიშნავ პლაჟებზე დაისვენოთ და ეს ადგილი უიმედოდ შეიყვაროთ. მოგზაურობის დაგეგმვა რომ უფრო გაგიადვილოთ, ამალფიში აუცილებლად გასაკეთებელ TOP-7 საქმეთა სია შევადგინეთ:

  • ნუ იჩქარებთ, მოდუნდით და  შეიგრძენით ცნობილი გამონათქვამი «dolce vita» – ტკბილი ცხოვრება.

  • დააგემოვნეთ სასმელი, რომელსაც აქ ყველა და ყველგან მიირთმევს – ადგილობრივი ლამონჩელო, კერძოდ, ერთ-ერთ „ლიმონის ფესტივალზე“, რომელიც ზაფხულში მთელს რეგიონში ტარდება.
  • შეიძინეთ ალუბალი, პროსეკო და ღამის პიკნიკი მოიწყვეთ პლაჟზე, საიდანაც ათეულობით თეთრ იახტაზე იშლება ხედი.
  • ლიმონის ბაღებში გაისეირნეთ და „ლიმონის“ სახურავიან კაფეში შეიხედეთ – ეს ციტრუსი ამალფის თითქმის ყველაზე ცნობადი სიმბოლოა.

  • რამდენიმე ევროს საფასურად შესანიშნავი ღვინო დააგემოვნეთ. აქ ძალიან გემრიელ ადგილობრივ ღვინოს იპოვით ჩვენი ფასებისგან სრულიად განსხვავებული ფასად. და თუ ოჯახურ მოცარელას, პარმის ლორს, იტალიურ „პომოდორს“ და აქვე ნაყიდ სახლის პურს დაამატებთ, ნამდვილი იტალიური სტილის სადილი გამოგივათ.
  • სორენტოში დაუგეგმავი შოფინგი მოაწყვეთ. დაახლოებით 19:30, პიაცა ტასოს ქუჩიდან კორსო იტალიის ქუჩამდე ყველა ქუჩა ტრანსპორტისთვის იკეტება და ფეხით მოსიარულეთათვის იღება. აქ უამრავი პატარა მაღაზიაა განთავსებული, სადაც შეგიძლიათ შეიძინოთ  ხისგან, მურანოს მინისგან დამზადებული სუვენირები, აბრეშუმის ნაწარმი, კერამიკა, სხვადასხვა სახის ლამონჩელოს ბოთლები და ბევრი სხვა საინტერესო ნივთი, რომელთა შეძენაც ასე სასიამოვნოა დასვენების დროს.
  • ბომერანოდან პოზიტანომდე ღმერთების ბილიკზე გაიარეთ. ეს  დაუვიწყარი საფეხმავლო მარშრუტია, საიდანაც შესანიშნავი პანორამული ხედები იშლება, შესაფერისია ლაშქრობის მოყვარულთათვის. მთელი მოგზაურობა დაახლოებით 4 საათს შეადგენს, მაგრამ თუ არ გსურთ, რომ გადაიღალოთ შეგიძლიათ ნოჩელემდე ფეხით ჩახვიდეთ, შემდეგ კი  პოზიტანომდე ავტობუსით იმგზავროთ.

ამალფის სანაპიროზე ტურს ჩვენ 2-დან 9 აგვისტომდე ვაწყობთ – შემოგვიერთდით, თუ თქვენ ლამაზი დასვენება გსურთ, ჩვენს ჯგუფში ჯერ კიდევ არის თავისუფალი ადგილები!

Posted in ბლოგი, პირადი გამოცდილება and tagged , , , , , .

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა