tomorrowland

TOMORROWLAND: როგორ არის მოწყობილი ევროპის ელექტრონული მუსიკის საუკეთესო ფესტივალი

ჩვენს სტატიაში გაეცნობით თუ როგორ და როდის უნდა შეიძინოთ ბილეთები, სად იცხოვროთ, რა მიირთვათ, როგორ დაზოგოთ ფული და რისთვის ღირს გამგზავრება.

Tomorrowland ევროპისა და მსოფლიოს ერთ-ერთი უდიდესი ელექტრონული მუსიკის ფესტივალია. შაბათ-კვირას ბელგიის ქალაქ ბუმში დაახლოებით 180 000 ადამიანი იკრიბება, რომელთათვის ჩვენი დროის საუკეთესო დიჯეები უკრავენ. მათ მოსასმენად მთელი მსოფლიოდან ჩამოდიან: დაწყებული იაპონიიდან და ავსტრალიიდან,  დამთავრებული ბრაზილიითა და არგენტინით. ორგანიზატორთა გუნდი კი ყოველწლიურად  წარმოუდგენელ შოუს ამზადებს, ულამაზეს სცენას აწყობს და ყველაფერს აკეთებს იმისათვის, რომ სტუმართა დასვენება მაქსიმალურად კომფორტული იყოს.

ამჟამად ფესტივალი ზედიზედ ორი შაბათი-კვირის განმავლობაში ტარდება – Weekend 1 და Weekend 2 (პარასკევი, შაბათი და კვირა). პროგრამა  დიდად განსხვავებული არ არის. ქვემოთ გიამბობთ თუ როგორ უნდა მოხვდეთ Tomorrowland-ში და რა დაგიჯდებათ.

სტატიის წაკითხვამდე

მოგზაურობის დაგეგმვა იმ შემთხვევაში ღირს თუ იცით, ვინ არიან Tiesto, Martin Garrix და Armin van Buuren და მოგწონთ მათი მუსიკა. მაგრამ, თუ მაგალითად Gorillaz ან Beyonce მოგწონთ, უმჯობესია სხვა ფესტივალი შეარჩიოთ.

ბილეთების შეძენა

ბილეთები ფესტივალამდე ექვსი თვით ადრე უნდა შეიძინოთ. ყველაფერი  რამდენიმე ეტაპად მიმდინარეობს. დეკემბერში რეგისტრირდებით ვებ-გვერდზე tomorrowland.com, რომ ბილეთის შეძენის უფლება მოიპოვოთ. გაყიდვები იანვარში (ფასები ხელმისაწვდომია წინასწარი გაყიდვების (pre-sale) დროს) და თებერვალში (ფასები იზრდება) მიმდინარეობს. შემდეგ კი შეგიძლიათ ელექტრონულ რიგში ჩადგეთ და თუ ვინმე ბილეთს დააბრუნებს ან არ შეიძენს, ფესტივალი მის შეძენას შემოგთავაზებთ.

რეგისტრაცია არ გააჭიანუროთ – უმჯობესია ყველაფერი მკაფიოდ განსაზღვრულ დროს გააკეთოთ. ადრეული რეგისტრაცია შესაძლებლობას გაძლევთ „ქვეყნიდან TOP-20-ში“ მოხვდეთ: ეს  ნიშნავს, რომ თქვენ იმ ადამიანთა პირველ ოცეულში დარეგისტრირდებით, რომლებიც, მაგალითად, საქართველოდანაა. ეს  ბილეთების პრიორიტეტულად შეძენის  უფლებას გაძლევთ – საერთო გაყიდვების დაწყებამდე რამდენიმე დღით ადრე.

ბილეთებზე უზარმაზარი მოთხოვნაა. ზოგიერთი მონაცემის თანახმად, 2018 წლის Tomorrowland ფესტივალზე მსურველთა რიცხვი 1 მილიონიდან 6 მილიონამდე ადამიანი იყო. ამასთან, თითოეული შაბათი-კვირისთვის მხოლოდ 180 ათასი ბილეთი გაიყიდა. აქედან გამომდინარე, ნათელი ხდება, რომ პრიორიტეტული შეძენის უფლება – ერთობ ღირებული საშუალებაა.

ერთი ანგარიშიდან ოთხ ბილეთამდე შეძენაა შესაძლებელი, თუმცა   პრიორიტეტული შეძენის შემთხვევაშიც კი შესაძლებელია, რომ ვერ მოახერხოთ იმ ტიპის ბილეთის შეძენა, რომელიც  თავდაპირველად შეარჩიეთ: გაყიდვების დაწყებიდან რამდენიმე წუთშიც კი, სანამ ვებ-გვერდი  შეძენის კაბინეტში დაგიშვებთ, საუკეთესო ვარიანტები შესაძლოა აღარ იყოს ხელმისაწვდომი.

თუ ბილეთის შეძენის დრო არ გაქვთ, შეგიძლიათ გადამყიდველებთან შეიძინოთ – დიახ, ისინი ევროპაშიც არიან. ამისათვის სპეციალიზებული ვებ-გვერდები არსებობს,  სადაც თავდაპირველი ფასიდან ორჯერ მეტ თანხას მოგთხოვენ. მართალია,  შესაძლოა ისეც მოხდეს, რომ თანხას გადაუხდით და ყალბ ბილეთს მიიღებთ – თაღლითები ყველგან არიან.

ფესტივალზე მოხვედრის კიდევ ერთი წარმატებული საშუალებაა – ე.წ. Global Journey-ის შეძენა. ეს არის მოგზაურობის ტიპი, როდესაც თქვენ თანხას იხდით, ხოლო Tomorrowland თქვენთვის ბილეთებს იძენს, ტრანსფერს იხდის, ზრუნავს თქვენს განთავსებაზე და ა.შ. ჩვეულებრივ, ასეთი მოგზაურობა ბევრად უფრო მეტი ჯდება, ვიდრე დამოიკიდებულად დაგეგმვა და თავად მოგზაურობაც კი არ არის ხელმისაწვდომი საქართველოდან. მაგრამ ფასის გამო, მოთხოვნა ნაკლებია, რაც ნიშნავს, რომ ფესტივალზე მოხვედრის მეტი შანსია.

ბილეთების გადახდასთან დაკავშირებით პრობლემა არ უნდა შეგექმნათ, მაგრამ წინა წლების ფესტივალებზე მყოფი ზოგიერთო ადამიანი წერდა, რომ საგადახდო სისტემა მათ ბარათებს არ იღებდა. პრობლემების თავიდან აცილების მიზნით, შეგიძლიათ საჭირო თანხა სხვადასხვა ბანკის ორ ბარათზე განათავსოთ და ლიმიტები დააწესოთ.

ბილეთის ტიპი

ფაქტობირვად ბილეთების ორი ტიპი არსებობს: სტანდარტული და უფრო კომფორტული – მას VIP ვუწოდოთ. მეორე ვარიანტი დახურულ ზონებში შესვლის შესაძლებლობას მოგცემთ, სადაც ნაკლები ხალხი, ბარში ნაკლები რიგები და ცეკვაც უფრო კომფორტულია, თუმცა სტანდარტული ბილეთის შეძენის შემთხვევაში არანაირ დისკომფორტს არ იგრძნობთ.  2018 წელს სტანდარტული ბილეთის ფასი 225 ევროდან იწყებოდა, ხოლო VIP ბილეთის – 380 ევროდან. ასევე შეგიძლიათ ერთი დღის  ბილეთი შეიძინოთ – 94 ევროდან. შეძენისას საკომისიოს ჩამოგაჭრიან – რამდენიმე ევროს.

თავად ბილეთი არ გაძლევთ ფესტივალზე შესვლის უფლებას – აუცილებელია სპეციალური სამაჯური ჩიპით, რომელზეც ჩაწერილია ყველა საჭირო ინფორმაცია. იგივე სამაჯური გამოიყენება უკონტაქტო გადახდისთვის – ფესტივალზე ვერსად გადაიხდით ნაღდი ფულით თუ ბარათით, ყველა გადახდა მხოლოდ სამაჯურით ხორციელდება. ყუთში მოთავსებულ სამაჯურს თქვენს მისამართზე მოგაწოდებენ, მიწოდების ღირებულება დამატებით  დაახლოებით 25 ევროა. საბოლოო ჯამში ყველა საკომისიო და დამატებითი ხარჯი დამატებით 50 ევრომდე შესაძლოა გაიზარდოს.

გაითვალისწინეთ ის ფაქტი, რომ ევროს კურსი ხშირად იცვლება. თუ საშუალება გაქვთ ფული წინასწარ გადადოთ, თანხის დაზოგვას შეძლებთ.

სად შეიძლება იცხოვროთ

არჩევანის გაკეთება  რამდენიმე ვარიანტს შორის შეგიძლიათ: ადგილი სახელწოდებით DreamVille, შემოგარენში ან მეზობელ ქალაქებში.

DreamVille: ეს არის უზარმაზარი ქალაქი, რომელიც  30 000 ადამიანზეა გათვლილი, Tomorrowland-ის ფესტივალის გვერდით მდებარეობს და მისი გუნდის მიერაა აშენებული: ფაქტობრივად ეს არის ხელოვნური ქალაქი, რომელიც ფესტივალისთვისაა აგებული. ასევე შეგიძლიათ იცხოვროთ სხვადასხვა კარავში, პატარა სახლში და ა.შ. DreamVille-ის მაცხოვრებლებს ყველანაირ კომფორტს სთავაზობენ – საშხაპეებს, ტუალეტებს, მაღაზიებს, სალონებსა და კვების ობიექტებს.

შემოგარენი: Tomorrowland-ის მახლობლად რამდენიმე პატარა ქალაქი მდებარეობს, სადაც შეგიძლიათ იქირაოთ სახლი, ბინა ან ოთახი. ამბობენ, რომ, როგორც წესი, აქ ყველაფერს წინასწარ ქირაობენ და დაჯავშნა თითქმის შეუძლებელია. ოთახებს საშუალოდ დღე-ღამეში 100 ევროდ აქირავებენ.

მეზობელი ქალაქები: ეს უამრავი ადამიანის არჩევანია. ხალხი ცხოვრობს ანტვერპენში, ბრიუსელში და ა.შ. ფასები განსხვავებულია, მაგრამ ამას მგაზვრობისთვის საჭირო დრო დაამატეთ – მგზავრობა ყოველდღე მოგიწევთ, ფესტივალი კი ღამის პირველ საათზე სრულდება.

საუკეთესო არჩევანია DreamVille. იგი განთავსების რამდენიმე ვარიანტს გთავაზობთ, რომელიც აქ შეგიძლიათ იხილოთ. მაგალითა, თუ Easy Tent 2P Package აიღებთ: თქვენ კარავს გაგიშლიან, გასაბერ ლეიბებს და 2 საძილე ტომარას (არსებობს ვარიანტი ოთხი ადამიანისთვის) მოგაწოდებენ. თქვენ არაფრის გაკეთება არ მოგიწევთ, ჩამოსვლისთანავე ყველაფერი მზად დაგხვდებათ. ერთადერთი დისკომფორტი არის ის, რომ არ არის როზეტი ტექნიკის დასატენად. ისინი მხოლოდ Spectacular Easy Tent ტიპის კარავშია ხელმისაწვდომი, მაგრამ მათი დაჯავშნა საკმაოდ რთულია. კარავი უკვე თქვენი საკუთრებაა – ფესტივალის შემდეგ შეგიძლიათ თან წაიღოთ.

თითოეული ტიპის კარავი ცალკეულ ტერიტორიაზე მდებარეობს, იგი დახურულია, შესვლა სამაჯურებით ხორციელდება. არსებობს საშხაპეები და ტუალეტები, ყველაფერი საკმარისი რაოდენობითაა, დილაობით რიგებია, თუმცა მცირე. კარვის დასაკეტად საკეტს მოგაწოდებენ, დაცვა  მუდმივად ახორციელებს ტერიტორიის პატრულირებას, მაგრამ ძვირფასი  ნივთების შენახვას Locker-ში – შესანახ კამერებში გვირჩევენ, რაც სულ 25 ევრომდე დაგიჯდებათ მთელი დროის განმავლობაში.  

კარავი ორი სტანდარტული ბილეთით (კომპლექტი სახელწოდებით Easy Tent 2P Package) დაგიჯდებათ €960 + საკომისიო დაახლოებით 100 ევროს ოდენობით, რაც მითითებულია ზემოთ. ეს არის ერთ-ერთი ყველაზე ხელმისაწვდომი მზა ვარიანტი. ყველაზე ძვირადღირებული ვარიანტის ღირებულება 2400 ევროს აღწევს: ე.წ. პატარა სახლში არის ორი სრულფასოვანი საწოლი, სკამები, როზეტები და ა.შ.

DreamVille მოსახერხებელი ვარიანტიცაა. ჯერ ერთი, შეგიძლიათ ხუთშაბათს ჩამოხვიდეთ და იმ დღესვე განთავსდეთ, ხოლო თავად ფესტივალი პარასკევს იწყება. ეს ერთი დამატებითი დღე ტერიტორიის შესასწავლად შეგიძლიათ გამოიყენოთ. მეორეც, მგზავრობაზე არ დახარჯავთ დროს: DreamVille ფესტივალის გვერდით მდებარეობს, 10-15 წუთის ფეხით სავალ მანძილზე. მესამეც, ხუთშაბათს დამატებითი წვეულება იმართება – Gathering. ეს არის დიჯეების სპეციალური შესრულება ექსკლუზიურად DreamVille-ის მაცხოვრებლებისთვის.

DreamVille თქვენთვის მოუხერხებელი იქნება, თუ  მხოლოდ სასტუმროში ცხოვრებას ხართ მიჩვეული, ან იქნებ გეზიზღებათ საჯარო ტუალეტის/საშხაპის გამოყენება. საუკეთესო პირობებშიც კი, თქვენ ფაქტობრივად ბუნებაზე იცხოვრებთ. ირგვლივ შეიძლება ხმაური იყოს, გვერდით მყოფი კომპანია შეიძლება ისვენებდეს, როდესაც თქვენ გძინავთ. ღამით შეიძლება გაწვიმდეს და თვენი კარავი დაიტბოროს, ლეიბი მოუხერხებელი აღმოჩნდეს, სიცხე/სიცივე იყოს ან სხვა რამემ შეგაწუხოთ. თუ არ ხართ მზად ამისათვის – DreamVille-ში ცხოვრება თქვენთვის არ გამოდგება.

ტუალეტებს მუდმივად წმინდავენ, ისინი სუფთა და კომფორტულია. უფრო მეტიც, აქ სრულფასოვანი უნიტაზი დგას და არა ის, რასაც ჩვენ „ბიოტუალეტებს“ ვუწოდებთ.

ზოგიერთი მნიშვნელოვანი დეტალი DreamVille-ი მაცხოვრებლებისთვის:

  • ღამით, კარავში შესაძლოა სიცივე იყოს, თუნდაც საძილე ტომარაში. თან იქონიეთ თბილი ტანსაცმელი, შესაძლოა წინდებითა და ტანსაცმლით მოგიწიოთ დაძინება. ყველაზე ცუდი ისაა, რომ შეგცივდეთ და ავად გახდეთ.
  • აქ ფასიანი საშხაპეებია: ყოველთვის არის ცხელი წყალი და უფრო კომფორტულია. ღირებულება – €1.5.
  • ტერიტორიაზე აკრძალულია რაიმეს შეტანა მინის ჭურჭლით: არ შეიძინოთ, რადგან შესასვლელთან ჩამოგართმევენ. მაგრამ! ზურგჩანთებს ყოველთვის არ ამოწმებენ, ამიტომ მინის ჭურჭლიდან ჩვეულებრივ პლასტმასის ბოთლში შეგიძლიათ გადაიტანოთ და არავინ არაფერს იტყვის.
  • პროდუქტების შეძენა შეგიძლიათ ქალაქის შემოგარენში მდებარე სუპერმარკეტში – მას ადვილად იპოვით Google რუკებზე. მინის გარდა, ყველაფრის შეტანა შეგიძლიათ, არაფერს იტყვიან. წყალი, ალკოჰოლი და საკვები პროდუქტები DreamVille-ში ბევრად უფრო ძვირია
  • თავად DreamVille-ის ტერიტორიაზეც მდებარეობს სუპერმარკეტი, სადაც მომგებიანია სალათებისა და ხილის შეძენა, მაგრამ არ არის ალკოჰოლი და წყალიც ძალიან ძვირია. შეიძინეთ სალათები და სხვა საკვები, რომ დილით და შუადღეზე მიირთვათ, საღამოს კი ფესტივალის ტერიტორიაზე წაიხემსეთ. ეს თქვენს რაციონს უფრო მრავალფეროვანს გახდის.
  • ელექტრომოწყობილობების დასამუხტად რამდენიმე გარე აკუმულატორის სახლიდან წამოღება და გამოყენება შეგიძლიათ. მაგრამ უფრო მოხერხებულია აქვე Tomorrowland-ში იქირაოთ: დატოვებთ დეპოზიტს და აკუმულატორს მიიღებთ. როდესაც განიმუხტება, მიხვალთ და უფასოდ მიიღებთ ახალ, სრულად დამუხტულ აკუმულატორს.

DreamVille-ის ტერიტორიაზე არსებობს ადგილები საკვებითა და სასმელით – ისინი იმ ობიექტების მსგავსია, რომელთა შესახებ  სტატიის მომდევნო ნაწილში გიამბობთ. განსხვავება მხოლოდ იმაში მდგომარეობს, რომ DreamVille-ში საკვების შეტანა სუპერმარკეტიდან შეგიძლიათ, ხოლო Tomorrowland-ში – არა: აქ თქვენ გულდასმით შეგამოწმებენ და ყველაფერ ზედმეტს ჩამოგართმევენ.

რა მივირთვათ და დავლიოთ Tomorrowland-ის ტერიტორიაზე

დაზუსტება: DreamVille-ისა და Tomorrowland-ის ტერიტორიაზე ყველა შესყიდვა ადგილობრივი ვალუტით – პერლით ხორციელდება. კურსი დაახლოებით 1 პერლი 1,6 ევროა. კომფორტისთვის ფასებს ევროში მივუთითებთ.

საკვების საკმაოდ დიდი არჩევანია, მაგრამ ძირითადად ეს არის სწრაფი კვება. ბურგერების მრავალფეროვნება ბევრად აღემატება სალათებით მოვაჭრე ობიექტების რაოდენობას (რომლებიც თითქმის არაა). გირჩევთ, არ აჩქარდეთ, სხვადასხვა ობიექტი მოიაროთ და ნახოთ სად რისი შეძენა შეგიძლიათ. მაგალითად, ერთი და იმავე ფასად შეგიძლიათ შეიძინოთ როგორც ბურგერი, ისე ქათმის დიდი ნაჭერი კარტოფილით.

თითქმის ყველა საკვების ღირებულება 7-10 ევროდან იწყება. საკვების შესაძენად ყოველთვის რიგებია. თუმცა რიგი სწრაფად გადის და ყველაფერი კეთდება იმისათვის, რომ ხალხს 5-10 წუთზე მეტი ლოდინი არ მოუწიოს.

ასევე შეგიძლიათ რესტორანში მიირთვათ. მათი რაოდენობა ცოტაა, ფასები კი უფრო მაღალია. მაგალითად, რესტორანი B-Eat by Las Vegas – ლას-ვეგასის რესტორნის ფილიალის მსგავსია. შესვლა €35 ღირს, აქ დალევთ, მიირთმევთ და თან დიჯეების შესრულებას მოუსმენთ. ყველაფერზე დაახლოებით ერთი საათი დაგჭირდებათ.

სასმელები სტანდარტულია – წყალი, გაზიანი სასმელები, ლუდი, მარტივი კოქტეილები, ღვინო. არსებობს ცალკე კოქტეილის ბარები, სადაც არა მხოლოდ „ვისკი-კოლას“, არამედ რაღაც უფრო რთულს შემოგთავაზებენ. წყალი 0.5 ლ  დაახლოებით €3 ღირს, გაზიანი სასმელი 0.33 ლ. – €3, ლუდი 0.5 ლ – €6, „ვისკი-კოლა“ – €10, ღვინო – €6. გირჩევთ ღვინო ან ლუდი შეიძინოთ.

წყალი შეგიძლიათ ერთხელ შეიძინოთ და შემდეგ ბოთლი საგანგებოდ გამოყოფილ პუნქტებში შეავსოთ, თუმცა აქ ყოველთვის გრძელი რიგებია. წყლის ბოთლს თავსახურის გარეშე მოგყიდიან, მაგრამ ფესტივალის ტერიტორიაზე თავსახური შეგიძლიათ შეიტანოთ, თუკი ფესტივალის ფარგლებს გარეთ წინასწარ ისეთივე ბოთლს შეიძენთ (ბრენდი SPA).

ფეხსაცმელი/ტანსაცმელი

გირჩევთ ახალი და ლამაზი ფეხსაცმელი არ წამოიღოთ, რადგან  ფეხსაცმლის გაფუჭებას ადვილად შეძლებთ. გასაკვირი არაფერია – აქ ათიათასობით ადამიანი ცეკვავს: შესაძლოა ფეხი დაგაბიჯონ, გაწვიმდეს ან  უბრალოდ დაიხეს. უმჯობესია ძველი კედები წამოიღოთ, რომელიც არ დაგენანებათ, მაგრამ რომელშიც დღეში 10-12 საათს მოხერხებულად გაატარებთ. საშხაპეში ფლოსტები გამოგადგებათ.

ტანსაცმლიდან შეგიძლიათ წამოიღოთ მაისური, შორტები და უამინდობის შემთხვევაში თბილი ტანსაცმელი. თბილი ტანსაცმელი უფრო ღამით ძილის დროს გამოგადგებათ, შუადღისას კი შორტები და მაისური. ასევე დაგჭირდებათ მზის სათვალე, უფრო კომფორტულად კი კეპში იგრძნობთ თავს.  ასევე რეკომენდებულია მზისგან დამცავი კრემის გამოყენება, რადგან შესაძლოა მზეზე დაიწვათ, თითქმის ყველა სცენა ღიაა. დღისით ფესტივალზე წყლის „ქვემეხს“ რთავენ, რომელიც სცენის ირგვლივ წყალს აფრქვევს და სიცხისგან გადაგარჩენთ.

რაიმე განსაკუთრებულის წაღება არ არის საჭირო, მაგრამ ფესტივალზე ხშირადაა ადამიანები, რომლებიც მთელ კოსტიუმებს ქმნიან. მაგალითად, ჰოგვარტსის მოსწავლეების  – ჰარი პოტერისა და მისი მეგობრების კოსტიუმებში ჩაცმული ადამიანები. თუ ბარგის ადგილი გაქვთ, რატომაც არა. შეგიძლიათ თქვენი ქვეყნის დროშა იქონიოთ თან, რაც ხალხში თქვენი თანამემამულეების გარჩევის საშუალებას მოგცემთ.

გარდა ამისა, გირჩევთ თან წაიღოთ საწვიმარი, პირადი ჰიგიენის ნივთები, პირსახოცები და ხველის, გაციების და მუცლის ტკივილის საწინააღმდეგო საშუალებები. „DreamVille“-ის ტერიტორიაზე წამლებს არ ამოწმებენ, Tomorrowland-ის ტერიტორიაზე კი ისინი ოფიციალურად აკრძალულია – ან თან რეცეპტი უნდა იქონიოთ.

მგზავრობა რომ არ გაგიჭირდეთ, გირჩევთ ყველა საჭირო ნივთი ერთ პატარა ჩანთაში ან ზურგჩანთაში მოათავსოთ.

როგორ ვიმგზავროთ

ქუთაისიდან პირდაპირი რეისით ბრიუსელში შეგიძლიათ ჩაფრინდეთ, შემდეგ კი ბრიუსელი-ბუმის შიდა ტრანსფერით ისარგებლოთ ან მატარებლით იმგზავროთ. Tomorrowland-ის ვებ-გვერდზე შეგიძლიათ  პირდაპირი ტრანსფერი შეიძინოთ აეროპორტიდან DreamVille-ამდე, რაც უამრავ დროს დაგიზოგავთ.

ავიაბილეთები ამ თვეში Tbilisi-დან Brussels-მდე

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

24.05.2019

31.05.2019

1 stop

ფასი 846

26.05.2019

02.06.2019

1 stop

ფასი 884

27.05.2019

31.05.2019

1 stop

ფასი 781

28.05.2019

30.05.2019

1 stop

ფასი 885

29.05.2019

12.06.2019

1 stop

ფასი 848

30.05.2019

30.07.2019

1 stop

ფასი 893

31.05.2019

01.06.2019

1 stop

ფასი 795

ღირებულება

ერთი ადამიანისთვის მთელი მოგზაურობის ღირებულებაა დაახლოებით €1100, რომელთაგან – €550 ბილეთისა და საცხოვრებლის ხარჯია, €120 – ფრენის, €100 – ტრანსფერი, ლოკერი, რესტორანი, სხვა დანარჩენი კი – საკვები და სასმელი.

შთაბეჭდილებები

ამ ჟანრის მუსიკის ფანატები მთელი ფესტივალიდან დიდ სიამოვნებას და ემოციების ოკეანეს მიიღებენ. აქ მსოფლიოს ყველა წამყვანი დიჯეის მოსმენას და საოცარი სინათლისა და პიროტექნიკური შოუს ხილვას შეძლებთ. Tomorrowland-ზე ყველა დეტალია გათვალისწინებული, ყველაფერი მაღალ დონეზეა ორგანიზებული.  ზოგადად ფესტივალზე  მეგობრული და სასიამოვნო ატმოსფეროა.

სხვათა შორის, გირჩევთ მოგზაურობის დაწყებამდე Tomorrowland-ის ვებ-გვერდზე განთავსებულ ყველა ინსტრუქციას და ინტერნეტში ამ სტატიის მსგავს შეფასებას გაეცნოთ. მოგზაურობისას ეს ძალიან დაგეხმარებათ: ზედმეტ ფულს არ დახარჯავთ, მზად იქნებით ყველაფრისთვის, რაც მოგზაურობის დროს შესაძლოა მოხდეს, და ზუსტად გეცოდინებათ რა გააკეთოთ.

ოტო – https://live.tomorrowland.com/

Posted in ბლოგი, პირადი გამოცდილება and tagged , , .