ავიაბილეთები ბრიუსელი

თავდაპირველად ბრიუსელის იერსახე იმ მონუმენტური შენობებიდან შეიქმნა, რომლებიც მეფის სახლს აკრავდა გარს და წარმატებული მეწარმეებისა და ოსტატების მიერ იყო აღმართული. 1958 წელს და 1967 წელს აქ დაარსებულმა ევროპის ეკონომიკურმა გაერთიანებამ (ევროკავშირის წინამორბედი) და ნატომ ქალაქის ირგვლივ მაღალსართულიანი შენობების ინტენსიური მშენებლობის პროვოცირება მოახდინა, და ყოფილი მდიდარი სავაჭრო ქალაქი – ბრიუსელი, ევროპის ადმინისტრაციულ დედაქალაქად იქცა.

თანამედროვე ტურისტი აქ ძალიან კომფორტულად გრძნობს თავს: ინგლისური ენა ფართოდაა გავრცელებული, მრავალი დემოკრატიული კაფე და მდიდრული რესტორანია, მოსახერხებელი მდებარეობა საშუალებას გაძლევთ პარიზში ერთ საათში ჩახვიდეთ, ხოლო ამსტერდამსა და კელნში – ორ საათში, ხოლო პარკების რაონდებობის მიხედვით ბრიუსელი მსოფლიოში მეორე ადგილზეა (ვაშინგტონის შემდეგ). და თუ ბრიუსელის განთქმული ბიჭის ქანდაკება, რომელიც თავად კარგად გეცოდინებათ თუ რას აკეთებს,  ტურისტების უმრავლესობის იმედგაცრუებას იწვევს, ბელგიის დედაქალაქის სხვა ღირსშესანიშნაობების შესახებ იმავეს ვერ ვიტყვით: გრან-პლასის არქიტექტურული ანსამბლი, ძველი ვიწრო ქუჩები, წმინდა იუბერის სამეფო გალერეის შოკოლადის ბუტიკები. აქ საოცრადაა შერწყმული ბაროკო, გოთიკა და მოდერნი, რომლებიც სავარაუდოდ თანამედროვე ევროპის ერთ-ერთ მთავარ პრინციპს ასახავენ – უწყვეტი პროგრესი ისტორიული მემკვიდრეობის ფრთხილი შენარჩუნებით.