ავიაბილეთები პარიზი, საფრანგეთი

ზოგადად რომ ვთქვათ, პარიზის აღწერას აზრი არ აქვს. არა იმიტომ, რომ ვერაფერს დავწერთ –  ღმერთმა ნუ ქნას! ამ ქალაქს, როგორც მსოფლიოს არცერთ სხვას, არ სურს რაიმე ჩარჩოში მოექცეს და სტერეოტიპებს შეესაბამებოდეს. რა თქმა უნდა, ყველას სმენია დილის ყავისა და კრუასანის,  საღამოს ხმაურიანი ბისტროების, პარიზის ბულვარებში შემწვარი წაბლის სუნის შესახებ… მაგრამ ერთისთვის, პარიზი ნოტრ დამის ხმის ამრეკლავი ბინდი, ლუვრის დარბაზებში ტურისტების მშვიდი ჩურჩული და თითქმის უკაცრიელი, უძველესი სახლებით გაშენებული კუნძული სენ-ლუია, მეორესთვის კი საფრანგეთის დედაქალაქი, პირველ რიგში, ეიფელის კოშკი და  „ორთქლისა და ელექტრობის ეპოქის“ ძეგლია. ხოლო თანამედროვე არქიტექტორები დეფანსისა და მონპარნასის უბნების ავანგარდული ელემენტებით შთაგონებისთვის მიემგზავრებიან.

პარიზი ჭეშმარიტი ოკეანეა.   ჩაუშვით აბა საძირავი, მის სიღრმეს მაინც ვერასდროს გაიგებთ.

ონორე დე ბალზაკი

პარიზი ერთდროულად ელიტური და დემოკრატიული, მხიარული და სევდიანი, კაშკაშა და ცოტა წვიმიანია, ისეთი, როგორიც პისაროს ნახატებზეა – და თითოეულ ადამიანს თავისი პარიზი აქვს. ხოლო საკუთარი პარიზი რომ აღმოაჩინოთ, შეიყვაროთ და სულის საკუთარი ნაწილი დატოვოთ, ამისთვის ბევრიც არაფერია საჭირო – უბრალოდ ეწვიეთ მას.

როგორ ჩავიდეთ პარიზში

ამ დროისთვის საქართველოდან პარიზში პირდაპირ ფრენებს ახორციელებს სამი ავიაკომპანია ესენია:

• საქართველოს ავიახაზები – თბილისიდან
• საფრანგეთის ავიახაზები – Air France – თბილისიდან
• ვიზეარი – WizzAir – ქუთაისიდან

ასევე თბილისის საერთაშორისო აეროპორტიდან სრულდება ტრანზიტული რეისები პარიზში. ძირითადი სატრანზიტო ქალაქებია:

• სტამბული – ავიაკომპანია თურქეთის ავიახაზები ან პეგასუსი
• კიევი – ავიაკომპანია უკრაინის ავიახაზები
• მოსკოვი – ავიაკომპანია აეროფლოტი
• ვარშავა – ავიაკომპანია ლოტი პოლონეთის ავიახაზები
• რიგა – ავიაკომპანია აირბალტიკი
• მინსკი – ავიაკომპანია ბელავია
• მიუნხენის – ავიაკომპანია ლუფთანზა

უშუალოდ პარიზში მდებარეობს 2 აეროპორტი. მესამე აეროპორტი, რომელიც ემსახურება პარიზს მდებარეობს ქალაქ ბოვეში.

• შარლ-დე-გოლის აეროპორტი
• ორლის აეროპორტი
• ბოვეს აეროპორტი

შეარჩიეთ თქვენთვის სასურველი თარიღი პარიზის მიმართულებით

ავიარეისების განრიგი თბილისიდან პარიზის მიმართულებით

ავიარეისების განრიგი ქუთაისიდან პარიზის მიმართულებით

პარიზის უბნები

პარიზი ლამაზი და საშიშია. თუ მისი პირველი მხარის გაცნობა უსასრულოდ მოგესურვებათ, მაშინ მეორე მხარე უმჯობესია ლუკ ბესონის ფილმების ეკრანებზე დატოვოთ. რასაკვირველია, გაუფრთხილებელ ტურისტს შესაძლოა საფულე მოპარონ როგორც ლუვრში, ისე ეიფელის კოშკის ჩრდილში პირველ რვა პრესტიჟულ უბანშიც კი, მაგრამ არსებობს ქალაქის მკაფიო გამიჯვნა  ტურისტულ და არახელსაყრელ უბნებად, რასაც გირჩევთ, რომ  ნამდვილად გაითვალისწინოთ არა მხოლოდ საცხოვრებლის შერჩევისას, არამედ სეირნობის მარშრუტების დაგეგმვისას. პარიზი არის არა მხოლოდ კაფეების, საფუნთუშეების, ანტიკვარული მაღაზიების, ბურჟუებისა და ლამაზი მოდელების ქალაქი, არამედ იმიგრანტთა, მრავალეროვნული კრიმინალისა და  იმ უბნების ქალაქი, სადაც დღისითაც კი არ ღირს გამოჩენა. უფრო დეტალური ინფორმაცია, რომლის ნაწილიც უმჯობესია, რომ საკუთარ თავზე არ გამოსცადოთ, ჩვენ სპეციალურ გვერდზე შევიკრიბეთ „პარიზის უბნები“.

ტრანსპორტი

პარიზის სატრანსპორტო სისტემის ქაოსსა და სიგიჟეში გასაგები სისტემის პოვნა დაკვირვებული და ყურადღებიანი ტურისტის ჭეშმარიტი კეთილისმყოფელია. რა თქმა უნდა, თუ ამ ქალაქის ქუჩებში მოუმზადებლად გახვალთ, ადვილად დაიკარგებით. რისთვის არის საჭირო ამდენი ბილეთი და სამგზავრო ბილეთი? როგორ არ უნდა აგერიოთ ერთმანეთში მეტრო და მატარებელი მიწისქვეშ? რატომ გაემართა ტრამვაი გარეუბანში,  ავტობუსი კი გაჩერებაზე არ შეჩერდა?

შეჩერდით, ჩაისუნთქეთ, ამოისუნთქეთ. ყველაფერი მკაცრი, მოწესრიგებული და ლოგიკურია, სამგზავრო ბარათებთან დაკავშირებით – ეკონომიური, ავტობუსებთან დაკაშირებით კი – მოხერხებული. ახალბედებს ვთავაზობთ ექსკურსიებს სენაზე და ტურისტულ ავტობუსებს აუდიოგიდით რუსულ ენაზე, უფრო გამოცდილ მოგზაურებს და ესთეტებს –  ველოტაქსის, ხოლო მათ ვინც პარიზს უკვე „შენობით“ ესაუბრება – ელექტრომობილისა და ველოსეპედის ქირაობას. თუ წინასწარ ცოტა დროს მაინც დახარჯავთ, მაშინ „პარიზიების ქალაქში“ გადაადგილება თქვენთვის რთული აღარ იქნება. ამგვარად: „ტრანსპორტი პარიზში“.

კავშირი და Wi-Fi

პარიზის ქუჩებიდან ქრება ძველი სატელეფონო ჯიხურები და დღეს ძირითადად მობილური კავშირის იმედი უნდა იქონიოთ – საბედნიეროდ, მთელი ქალაქი არა მხოლოდ 3G, არამედ LTE მიღების საიმედო ზონაშია. ჩვენი ოპერატორები „ტურისტულ“ ტარიფებს გვთავაზობენ უფასო შემომავალი ზარებით, მაგრამ თუ საფრანგეთიდან ხშირად რეკვას გეგმავთ, გამავალი ზარების ხარჯი საკმაოდ მაღალი იქნება.

უცხოელები სიმ-ბარათის შეძენას ადგილობრივ ოპერატორებთან Orange და SFR-თან შეძლებენ, საჭიროა მხოლოდ საზღვარგარეთის პასპორტი: საქართველოში სატელეფონო ზარები რამდენჯერმე ნაკლები იქნება, გარდა ამისა, პარიზის საკომუნიკაციო სალონის პერსონალი ინგლისურად საუბრობს.

კონტრაქტის გაფორმებისას მოითხოვეთ ოპცია sans engagement („სანზ ანგაჟმან“) – სააბონენტო გადასახადის გარეშე. მიუხედავად იმისა, რომ წუთში საუბრის ტარიფი ნაკლებად მომგებიანი მოგეჩვენებათ, ანგარიშის შევსების გარეშე ასეთი ხელშეკრულება ავტომატურად შეწყვეტს მოქმედებას, ხოლო კონტრაქტში სააბონენტო გადასახადით ფიქსირებული თანხა ყოველთვიურად ჩამოიჭრება – მაშინაც კი, როცა სახლში დაბრუნდებით.

ასევე შეგიძლიათ არ შეიწუხოთ თავი კონტრაქტის დეტალებით და ინტერნეტ-ტელეფონიის შესაძლებლობები გამოიყენოთ. პარიზელები ხუმრობენ, რომ მათ ქალაქში უფასო Wi-Fi-ის ადგილის პოვნა უფრო ადვილია, ვიდრე მოქმედი ტუალეტისა, ამასთან ასეთი Wi-Fi ადგილების წინ რიგები არ არის. ისინი მართლები არიან: ბაღებში, პარკებში, ღირსშესანიშნაობების მახლობლად, მუზეუმებში და ადმინისტრაციულ შენობებთან ახლოს ხშირად შეამჩნევთ თეთრ ოვალურ ფორმებს იისფერი წარწერით „Wi-Fi Free Zone“. ინტერნეტის გამოყენება მართლაც უფასოა და მხოლოდ ორი შეზღუდვა აქვს: სისტემაში შესასვლელად უნდა დარეგისტრირდეთ და ინტერნეტ-სესიის დრო არ უნდა აღემატებოდეს ორ საათს.

Paris Pass

მოგზაურებმა-რაციონალიზატორებმა უკვე დიდი ხანია აღმოაჩინეს სხვადასხვა ქალაქებისა და ქვეყნების მუზეუმისა და ტრანსპორტის ბარათები, რომლებიც საშუალებას იძლევა თანხა დაზოგოთ ყველაზე მნიშვნელოვანი და საინტერესო ღირშესანიშნაობების დათვალიერებისას. პარიზი საყოველთაო ტენდენციას არ ჩამოუვარდება და ტურისტებს ასეთი აბონემენტების რამდენიმე ვარიანტს სთავაზობს, რომლებიც მოიცავს საუკეთესო მუზეუმების მონახულებას, საექსკურსიო გასეირნებას, სამგზავრო ბილეთებს და გზამკვლევებს. ისინი შინაარსით ოდნავ, ხოლო ფასების მიხედვით საგრძნობლად განსხვავდებიან. შეძენამდე გირჩევთ გულდასმით შეისწავლოთ ინფორმაცია პარიზის ძირითად აბონემეტებზე, ყველა დადებითი და უარყოფითი მხარე შეადაროთ, შემდეგ კი  ყველაზე სწორი Paris Pass-ის არჩევანი გააკეთოთ.

• არის თუ არა პარიზში ფასდაკლება პენსიონრებისთვის

• არის თუ არა ფასდაკლება პარიზის დისნეილენდში სტუდენტებისთვის

პარიზის სასტუმროები

ადგილობრივ სასტუმროებს რამდენიმე დელიკატური თავისებურება აქვთ, რომელთათვისაც უმჯობესია წინასწარ მოემზადოთ.  პარიზის ავთენტური სასტუმროები (სწორედ აქ მიემართებიან მოგზაურები) ძველ ოსმალურ შენობებშია განთავსებული. მიუხედავად იმისა, რომ მე-19 საუკუნის სახლები აივნებზე ნაჭედი გისოსებით გარედან ლამაზად გამოიყურება, შიგნიდან ისინი „გაგახარებთ“ ვიწრო ოთახებით, პაწაწინა ლიფტით (თუკი საერთოდ არის – წინააღმდეგ შემთხვევაში მოემზადეთ ვიწრო და ხვეულ კიბეზე ასვლისთვის) და უძველესი გათბობის სისტემით. რა თქმა უნდა, ეს არ ეხება 4 და 5 ვარსკვლავიანი კატეგორიის სასტუმროებს, სადაც ოთახები ყველა თანამედროვე მოთხოვნას შეესაბამება – მაგრამ აქ ფასიც დღე-ღამეში დაახლოებით 300 ევროდან  იწყება.

კიდევ ერთი მნიშვნელოვანი მომენტი: პარიზის სასტუმროების „ვარსკვლავები“ საკმაოდ პირობითია – იგი  რამდენიმე ფაქტორზეა დამოკიდებული, რომელთაგან ყველა არ არის მნიშვნელოვანი ტურისტისათვის. მაგალითად, თუ თქვენ ბარგის გარეშე მოგზაურობთ ან  ოთახი პირველ სართულზე დაჯავშნეთ, სასტუმროში ლიფტის არსებობა თქვენთვის არ არის მნიშნველოვანი – მაგრამ ოთახის ფასს გააძვირებს. იგივე ეხება მრავალენოვან პერსონალს – რა აზრი აქვს თქვენთვის თუ პორტიე ესპანურად საუბრობს? ზოგიერთი სასტუმრო განზრახ აქვეითებს თავის კატეგორიას იმისათვის, რომ გადასახადებზე ეკონომია გააკეთოს – ამგვარად თავის კლასში ძვირადღირებული „ორვარსკვლავიანი“ (100 ევრო და ზემოთ) თითქმის ყოველთვის უკეთესია, ვიდრე იმავე უბანში მდებარე უფრო იაფიანი „სამვარსკვლავიანი“ – მიუხედავად იმისა, რომ აბსოლუტური მნიშვნელობით ფასები ერთნაირია.

რა უნდა ჩამოიტანოთ

პარიზიდან საჩუქრებისა და სუვენირების გარეშე დაბრუნება ცუდი ნიშანია. ასეთ მოგზაურს ნათესავები ვერ გაუგებენ, მეგობრები არ აპატიებენ, კოლეგებს კი ეწყინებათ. და ეს შეუძლებელიც კია – საფრანგეთის დედაქალაქიდან ხელცარიელი ჩამოხვიდეთ.  აქ საპირისპირო პრობლემა არსებობს – სწორად გათვალოთ ჩემოდნის მოცულობა და ბარგის დასაშვები წონა. წარმოუდგენელი დელიკატესები, მოდური ტანსაცმელი, ხშირად უსარგებლო, მაგრამ ასეთი ლამაზი ძველი ნივთები ძველმანების ბაზრობებიდან და უამრავი სხვა რამ. ეს საკითხი უფრო დეტალურად განვიხილოთ გვერდზე „რა უნდა ჩამოვიტანოთ პარიზიდან“.

• რა ფასებია პარიზში

შოპინგი

სია „რა მსურს ვიყიდო პარიზში“ უკვე ორ გვერდს იკავებს თქვენს დღიურში, მაგრამ მას ჯერ კიდევ ემატება თქვენი მეგობრის, დედის,  სამსახურიდან და იოგას კლასიდან კოლეგების შეკვეთები? დროა შოპინგის საკითხები განვიხილოთ – პარიზში იმდენი ადგილია, სადაც ფულს სასურველ საქონელში გადაცვლით, რომ არანაირი შვებულება არ გეყოფათ.  საყვარელი და ცოტათი გიჟური ძველმანების ბაზრობები, პატარა მუზეუმების მსგავსი ბუკინისტური და ანტიკვარული მაღაზიები, პაფოსური ბუტიკები და სალონები, უზარმაზარი სავაჭრო ცენტრები და აუთლეთები, ქუჩის მოვაჭრეები და მხატვართა შეჯგუფებები. ჩვენ შევეცადეთ შოპინგის პროცესი ცოტა უფრო მარტივი გაგვეხადა სასარგებლო ინფორმაციის გაერთიანებით სტატიაში „შოპინგი პარიზში“.

პარიზის კაფეები და რესტორნები

საფრანგეთის დედაქალაქი – შესანიშნავი შესაძლებლობაა იმისათვის, რომ გასტრონომიული ტური მოიწყოთ ერთი ქალაქიდან გაუსვლელად. მართლაც, რომ პარიზმა გულმოდგინედ შეისრუტა ქვეყნის სხვადასხვა პროვინციის განსხვავებული სამზარეულო, ერთმანეთში აურია, სანელებლებით შეკაზმა და ახლა დახვეწილი პორციებით მიშლენის ვარსკვლავების ფონზე გვაწოდებს. ძვირია? ზოგჯერ, თუნდაც ეს ჩვეულებრივი რატატუი იყოს. მაგრამ ზუსტად ქუჩის მოპირდაპირე მხარეს – გაცილებით იაფი, უფრო დემოკრატიული და მაინც საოცარია. გემრიელია? რა თქმა უნდა, ეჭვიც არ არის. ხოლო განთქმული ხახვის წვნიანისა და უბედური ბაყაყის ფეხების აბუჩად აგდება მხოლოდ მას შეუძლია, ვინც დააგემოვნა და პარიზის უგემრიელესი საიდუმლოებები აღმოაჩინა.

თუ საფრანგეთის გაგონებაზეც კი ნერწყვი გადგებათ და მხოლოდ ბაგეტის ხრაშუნი გესმით – მაშინ მოგზაურობის დაწყების დროა.  მორალურად მომზადებაში სპეციალური გვერდი „სად მივირთვათ პარიზში“ დაგეხმარებათ.

რა შეიძლება გავაკეთოთ

პარიზის მრავალფეროვნების გათვალისწინებით, რომელმაც შესაძლოა გაგაგიჟოთ კიდეც, ასევე ერთობ ხანმოკლე საშუალო შვებულებასაც თუ მივიღებთ მხედველობაში, კითხვა საკმაოდ სამართლიანია – სად შეიძლება წავიდეთ? სტანდარტული ერთი ან ორი კვირის განმავლობაში, საფრანგეთის დედაქალაქის საოცარი გასართობებისა და ღირსშესანიშნაობების  მხოლოდ მცირე ნაწილის ხილვას შეძლებთ. სწორი მიდგომაა – მკაფიო სამოქმედო გეგმა  წინასწარ შეიმუშავოთ, იმ ფაქტს შეეგუოთ, რომ ბევრი რამის დათვალიერებას ვერ შეძლებთ, მაგრამ სამაგიეროდ თქვენს მთელ ყურადღებას  შერჩეულს მიაპყრობთ. გთავაზობთ კითხვაზე „სად წავიდეთ პარიზში“ პასუხის  ყველა დეტალი აქ გაიგოთ.

პარიზი ბავშვებისთვის

ყველა შაბლონურად ფიქრობს, რომ „პარიზი – რომანტიკოსებისთვის და შეყვარებულებისთვისაა“, მაგრამ არანაკლებ სამართლიანია განცხადება „პარიზი ბავშვებისთვის“. და უფრო მეტიც – „პარიზი მშობლებისთვის და ბავშვებისთვის“. ამ ქალაქში ბავშვი არ შეგაწუხებთ, უფრო მეტიც, პარიზი მოზრდილთათვის კიდევ უფრო საინტერესო აღმოჩნდება და თავის მოულოდნელ მხარეებს აჩვენებს. მონმარტი და ეიფელის კოშკი არსად წავა, მიირთვით კრუასანი და მთელ ოჯახთან ერთად თავგადასავალებისკენ გაემართეთ – დისნეილენდი, ასტერიქსის პარკი, ევროპის ერთ-ერთი  ყველაზე დიდი აკვაპარკი, სახალისო თემატური პარკები, ვენსენის ტყის ზოოპარკი, საინტერესო მუზეუმის ცენტრი, მათთვის, ვინც მეცნიერებითაა გატაცებული. ნამდვილად არ მოიწყენთ! საფრანგეთის დედაქალაქის ყველაზე საინტერესო საოჯახო ატრაქციონების ნაკრებს გაეცანით ვებ-გვერდზე „პარიზი ბავშვებთან ერთად“.

ასევე იხილეთ:

• 3 დღე პარიზში: გზამკვლევი გიდისგან ყველაზე საინტერესო ადგილებში
• იტალიაში შაბათ-კვირას: TOP 5 ქალაქი ხანმოკლე მოგზაურობისთვის
• 6 ახალი მიმართულება ქუთაისის აეროპორტიდან
• 2019 წლის თებერვლის 10 ფესტივალი და კარნავალი
• რომაული არდადეგები: 20 MUST SEE ადგილი, რომელიც აუცილებლად უნდა იხილოთ