მთავარი » ბლოგი » 2019 წლის თებერვლის 10 ფესტივალი და კარნავალი

2019 წლის თებერვლის 10 ფესტივალი და კარნავალი

ზამთარი მხოლოდ საშობაო და საახალწლო დღესასწაულები როდია – ზამთრის ბოლო თვეც საინტერესო სანახაობას გვპირდება. თუ შვებულება თებერვალში გეკუთვნით, გთავაზობთ ერთ-ერთ კარნავალს ან ფესტივალს ეწვიოთ, რომლებიც მთელ მსოფლიოში მალე იწყება. ცეკვები, ფილმები, კოსტიუმები, ლუდი ან შოკოლადი – თებერვალი  ნებისმიერი გემოვნების ადამიანს დააკმაყოფილებს.

კინოფესტივალი Berlinale

თარიღი7 – 17 თებერვალი

ადგილიბერლინი, გერმანია

ბერლინის საერთაშორისო კინოფესტივალი – კინემატოგრაფის სამყაროში ერთ-ერთი ცენტრალური მოვლენაა. Berlinale პროგრესულ კინემატოგრაფზეა ორიენტირებული, ფესტივალის პროგრამაში წარმოდგენილია ფილმები მსოფლიოს სხვადასხვა კუთხიდან. კინოფესტივალი ასევე ახალი ტალანტების აღმოჩენითაა ცნობილი.

69-ე ყოველწლიური კინოფესტივალის ჟიურის მსახიობი ჟულიეტ ბინოში უხელმძღვანელებს. ძირითადი ჩვენების ბილეთების გაყიდვა ფესტივალის დაწყებამდე 3 დღით იწყება, ბილეთის ონლაინ შეძენა ოფიციალურ ვებ-გვერდზე შეგიძლიათ.

ბერლინის ავიაბილეთები

ვენეციის კარნავალი

თარიღი16 თებერვალი – 5 მარტი

ადგილივენეცია, იტალია

Carnevale di Venezia-ს განსაკუთრებული წარმოდგენა არ სჭირდება – ეს არის მსოფლიოში ერთ-ერთი ყველაზე ცნობილი და დასწრებადი კარნავალი. როგორც წესი, კარნავალი თებერვალში დიდი მარხვის დაწყებამდე იმართება. კარნავლის დროს მთელი ქალაქი თეატრალურ სცენად იქცევა, სასახლეებში დახურული კოსტუმირებული წვეულებები და თეატრალური წარმოდგენები იმართება. ძირითადი ღონისძიებების თარიღები უკვე ცნობილია.

კარნავალში მონაწილეობის მიღება ნებისმიერ მსურველს შეუძლია. ამასთან შეგიძლიათ მონაწილეობა მიიღოთ საუკეთესო საკარნავალო კოსტიუმისა და ნიღბის ტრადიციულ კონკურსში. კონკურსში მონაწილეობის მიღება უფასოა, განაცხადის გაკეთება ონლაინ შეგიძლიათ.

სპეციალური აქცია ვენეციის ავიაბილეთზე

ტენერიფეს კარნავალი

თარიღი: 1 თებერვალი – 10 მარტი

ადგილი: სანტა-კრუს-დე-ტენერიფე, ტენერიფე

ტენერიფეს კარნავალი – ფართომასშტაბიანი კოსტუმირებული შოუ და კანარის კუნძულების ყველაზე ნათელი მოვლენაა. ამ გრანდიოზულ წარმოდგენაში მონაწილეობის მისაღებად კანარის კუნძულებს ყოველწლიურად მილიონობით ადამიანი სტუმრობს. კარნავალი მთელ კუნძულზე ეწყობა, მაგრამ ყველაზე საინტერესო ღონისძიებები დედაქალაქში იმართება  – ქალაქ სანტა-კრუს-დე-ტენერიფეში.

1 თებერვლიდან სტუმრებს  ქუჩის სპექტაკლები, კონცერტები, კოსტუმირებული მსვლელობები, მგზნებარე ცეკვები, ფეიერვერკი და კიდევ უამრავი სხვა რამ ელოდებათ. კარნავალის  ღონისძიებების განრიგი   ოფიციალურ ვებ-გვერდზე შეგიძლიათ იხილოთ.

საკარნავალო კვირეული მექსიკაში

თარიღი28 თებერვალი – 5 მარტი

ადგილი: მექსიკა

მექსიკის ყოველწლიური კარნავალი დიდ მარხვამდე დაახლოებით ერთი კვირით ადრე იწყება და ნათელი და ხმაურიანი ქუჩის მსვლელობების, ღონისძიებებისა და კონკურსების გარემოში მიმდინარეობს. მექსიკის კარნავალი – ეს არის ცეკვა, უწყვეტი მუსიკა, ფერადი კოსტიუმები და ფეიერვერკი.

დღესასწაულის დროს კარნავალის მონაწილეები ქუჩაში მხოლოდ ნიღბებით გამოდიან, ძველი თქმულების თანახმად, ისინი ბოროტ სულებს აფრთხობენ. ტრადიციის მიხედვით, დღესასწაულზე კარნავალის დედოფალს და „საშინელ მეფეს“ ირჩევენ.

კარნავალი ნიცაში

თარიღი16 თებერვალი – 2 მარტი

ადგილინიცა, საფრანგეთი

ნიცაში კარნავალს ყოველწლიურად მილიონობით ტურისტი სტუმრობს. ზამთრის მთავარი მოვლენა ორი კვირის განმავლობაში ქალაქს ერთ უწყვეტ დღესასწაულად აქცევს. კარნავალი ლაჟვარდოვან ნაპირზე – ეს არის თემატური მსვლელობები, საკარნავალო კოსტიუმები, ფეიერვერკები, მასკარადები, ყვავილების აღლუმები და ხმაურიანი წვეულებები.

ძირითად ღონისძიებებზე ბილეთები ონლაინ შეგიძლიათ შეიძინოთ. საკარნავალო კოსტიუმებში ჩაცმული ადამიანებისთვის ყველა ღონისძიებაზე შესვლა უფასოა.

აპოკრიესი

თარიღი: 17 თებერვალი – 10 მარტი

ადგილი: საბერძნეთი

აპოკრიესი — ბერძნული ყველიერია. აპოკრიესი ტრადიციული კარნავალებისაგან არ განსხვავდება – ეს არის აღლუმი საკარნავალო კოსტიუმებში, ცეკვები პლატფორმებზე, თეატრალური წარმოდგენები, ქუჩის დღესასწაულები და სეირნობა.

აპოკრიესს საბერძნეთის სხვადასხვა ქალაქებში აღნიშნავენ. დღესასწაულის აღნიშვნა სუფთა ორშაბათს დიდი მარხვის დაწყებამდე დასრულდება.

პიროტექნიკის ფესტივალი

თარიღი: 14 თებერვალი – 7 მარტი

ადგილი: კურშეველი, საფრანგეთი

Festival International d’art pyrotechnique – ეს არის ევროპის ყოველწლიური უნიკალური  პიროტექნიკის ფესტივალი,  ამ სახეობის ერთადერთი შოუ, რომელიც მთებში იმართება. სანახაობრივი ფეიერვერკების ფესტივალზე ერთმანეთს მსოფლიოს საუკეთესო სპეციალიზებული კომპანიები შეეჯიბრება.

ფესტივალის პერიოდში შოუ ყოველ ხუთშაბათს საღამოს იწყება. ბილეთები უფასოა, ფესტივალს ყოველწლიურად 8000 მაყურებელი სტუმრობს.

ყინულის ქანდაკებების ფესტივალი ევროპაში

თარიღი: 2018 წლის 15 დეკემბერი – 2019 წლის 3 მარტი

ადგილი: ზვოლე, ნიდერლანდები

ევროპის ყველაზე დიდი ყინულის ქანდაკებების ფესტივალი ზვოლეში იმართება. ამ წლის ფესტივალის თემაა – „მსოფლიოს ცნობილი ისტორიები“. „რომეო და ჯულიეტა“, „სამი მუშკეტერი“, „რობინ ჰუდი“, „ცხოველების ფერმა“, „ელისი საოცრებათა სამყაროში“ და მრავალი სხვა ისტორია – 100-ზე მეტ ქანდაკებას მსოფლიოს 40 საუკეთესო ყინულის მხატვარი ქმნის.

1.200 კვ.მ. ფართობის სპეციალური არენა განსაკუთრებულ ტემპერატურულ რეჟიმშია (-10C) შენარჩუნებული, ამიტომ ორგანიზატორები თბილი ტანსაცმლის ჩაცმას გვირჩევენ. ბილეთებს უფრო იაფად ონლაინ შეიძენთ: €14.5 – მოზრდილთათვის, €10 – ბავშვებისთვის, 3 წლამდე ასაკის ბავშვებისთვის – უფასოა.

შოკოლადის ფესტივალი Chocoa

თარიღი: 23-24  თებერვალი

ადგილი: ამსტერდამი, ნიდერლანდები

გაიგეთ ყველაფერი, რისი გაგებაც გსურდათ შოკოლადის ჯადოსნური სამყაროს შესახებ ორდღიან შოკოლადის ფესტივალზე ამსტერდამის შუაგულში!

ფესტივალის პროგრამა მოიცავს სემინარებს, დეგუსტაციებს, კონკურსებს, პრეზენტაციებს, მასტერ-კლასებს და კულინარულ შოუს, მწარმოებელთა ფორუმს და შოკოლადის შესახებ ფილმებსაც კი. ბავშვებისთვის საბავშვო კუთხეა მოწყობილი მასტერ-კლასებითა და გასართობებით.

85-ზე მეტი სტენდი შოკოლადის დეგუსტაციას გთავაზობთ ღვინოსთან, ყავასთან და კრაფტ ლუდთან ერთად. ბილეთები  ხელმისაწვდომია ონლაინ: €11.51 – € 14.13.

ამსტერდამის ავიაბილეთები

ლუდის ფესტივალი ბრიუგეში

თარიღი: 2-3 თებერვალი

ადგილი: ბრიუგე, ბელგია

თებერვლის დასაწყისში, ბრიუგეში მეთორმეტე ყოველწლიური Bruges Beer Festival იმართება, რომელშიც 70-ზე მეტი ლუდსახარში მიიღებს მონაწილეობას.

ფესტივალზე 300-ზე მეტი სახეობის ცნობილი ბრენდებისა და ახალბედა ლუდსახარში საწარმოების ლუდის დაგემოვნებას შეძლებთ.  ლუდის ფესტივალი ყოველწლიურად  20 000 სტუმარს იზიდავს.

Posted in ბლოგი, კრებულები and tagged , , , , , , , , , , .

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა