20 აუცილებლად სანახავი ადგილი სინგაპურში

სიცოცხლით სავსე, კაშკაშა და უჩვეულო სინგაპური შთაბეჭდილებებისა და ფერების შეუდარებელ კალეიდოსკოპს ჰგავს . გთავაზობთ ყველაზე საინტერესო ადგილებს სინგაპურში, რომელთა ნახვასაც ერთმნიშვნელოვნად გირჩევდით.

კუნძული სენტოსა

სწორედ ამ კუნძულზეა თავმოყრილი სინგაპურის გასართობი პარკების, ატრაქციონებისა და სხვა საინტერესო ადგილების უმრავლესობა.

5 კვადრატულ მეტრზე გაშენებული ეს პატარა კუნძული ფაქტობრივად გადატვირთულია ყველანაირი საინტერესო ადგილით: აქ იპოვით ჯადოსნურ პარკებს, ულამაზეს პლაჟებსა და ულტრათანამედროვე ატრაქციონებს, რომლებიც ყველას გემოვნებას მოერგება, ხოლო ცოცხალი ღამის ცხოვრება და უამრავი ღირსშესანიშნაობა ნამდვილად არ მოგცემთ მოწყენის საშუალებას.

ღირსშესანიშნაობათა სია საკმაოდ შთამბეჭდავია: ტროპიკული მეზოზოური ტყე Nature Walk & Dragon Trail, პეპლების პარკი, პარკი Universal Studios Singapore, მერლიონის ბილიკი ქალაქის სიმბოლოს – ლომი თევზის კუდით, 37 მეტრიანი ქანდაკებით, მომღერალი შადრევნები და ასევე Tiger Sky Tower-ის პანორამული მოედანი, რომელიც გთავაზობთ განსაცვიფრებელ ხედებს ქალაქზე, ზღვაზე და კუნძულებზე.

შეიძინეთ სინგაპურ Pass და მიიღეთ წვდომა 40+ ღირშესაშნაობაზე + unverstal studio პარკში შესავლელი ბილეთები.

კუნძულზე მოხვედრას სინგაპურიდან მონორელსით შეძლებთ . გადადით ლურჯი ხაზის ბოლო სადგურზე MRT Harbourfront (ეს არის დიდი სავაჭრო ცენტრი), იქ მიჰყევით Sentosa Express-ის მიმართულების ნიშნებს, აპარატით შეიძინეთ ბილეთები და გაემგზავრეთ . პირველი გაჩერება – უნივერსალური პარკია, დანარჩენები კი უშუალოდ სენტოსაზე გადის.

სურვილის შემთხვევაში, ასევე შეგიძლიათ გაისეირნოთ Sentosa Boardwalk-ზე, მრავალდონიან საფეხმავლო გზაზე, რომელიც სენტოსასა და სინგაპურს აკავშირებს . ამავდროულად შეძლებთ შეუთავსოთ სასიამოვნო (გასეირნება და შესანიშნავი ხედები) სასარგებლოს (ფიზიკურ აქტივობას).

მისვლა საბაგიროთიც შეგიძლიათ, თან საოცარი ხედებით დატკბებით.

Singapore Flyer

ეს გიგანტური ეშმაკის ბორბალი აუცილებლად უნდა მოინახულოთ, რადგან ასეთი სილამაზის გამოტოვება არავითარ შემთხვევაში არ შეიძლება . Singapore Flyer მსოფლიოში ყველაზე დიდია, თანაც აქედან სინგაპურზე და მალაიზიისა და ინდონეზიის კუნძულებზე საოცარი პანორამული ხედები იშლება.

მისამართი: 30 Raffles Avenue

სამუშაო საათები: ეშმაკის ბორბალი მუშაობს ყოველდღე 8:00 საათიდან 22:00 საათამდე

ბილეთები უფროსებისთვის 29,50 სინგაპურის დოლარი ღირს, ბავშვებისთვის (3-12 წლამდე) 20,65 სინგაპურის დოლარი, ხოლო ხანდაზმულებისთვის 23,60 სინგაპურის დოლარი.

გირჩევთ ! წინასწარ შეიძინეთ ბილეთები რადგან ადგილზე რიგებია . ბილეთებს ამ ბმულზე შეიძენთ

აქ შეგიძლიათ მოხვდეთ მეტროთი (ხაზი CC4, სადგური Promenade) ან ავტობუსით No . 106, 111 და 133 (სადგური Temasek Avenue).

ჯურონგის პარკი

ეს ადგილი ყველა ფრინველის მოყვარულს მოეწონება . პარკში დაახლოებით 9000 სახეობაა წარმოდგენილი პლანეტის სხვადასხვა კუთხიდან .

აქ ნახავთ ტროპიკულ თუთიყუშებს, გედებს, პინგვინებს და სხვა ეგზოტიკურ სახეობებს . პარკი დაყოფილია ბუნებრივ ზონებად მისი მაცხოვრებლების საბინადრო ტერიტორიის შესაბამისად . ფრინველები აქ თავისუფლად დაფრინავენ სტუმრების თავზე, რაც პარკში გასეირნებას დაუვიწყარ თავგადასავლად აქცევს . სინგაპურში ყოფნისას ამ პარკის მონახულება ნამდვილად ღირს.

Jurong Park მდებარეობს შემდეგ მისამართზე: 2 Jurong Hill.

სამუშაო საათები: პარკი მუშაობს ყოველდღე 08:30 საათიდან 18:00 საათამდე, ბილეთის ფასი არის 18 სინგაპურის დოლარი ზრდასრულებისთვის და 12 სინგაპურის დოლარი ბავშვებისთვის (3-12 წელი).

პარკთან მისვლა შესაძლებელია მეტროთი (სადგური Boon Lay) ან ავტობუსით No . 194 და 251.

შრი მარიამანი

სინგაპურშია თუ მოხვდებით, უცილებლად ეწვიეთ შრი მარიამანს, რადგან ეს არის კუნძულის ყველაზე ძველი ინდუისტური ტაძარი, რომელიც აშენდა 1827 წელს . პირველი, რაც ყურადღებას იპყრობს, არის კარიბჭის თავზე განლაგებული ხუთიარუსიანი კოშკი, რომელიც მორთულია ღმერთების, დემონების და მისტიური ურჩხულების ქანდაკებებით.

ტაძარში შესვლა უფასოა, გადახდა მოგიწევთ მხოლოდ იმ შემთხვევაში, თუ შიგნით ფოტო ან ვიდეო გადაღებას აპირებთ . თავად ტაძარში ყურადღება უნდა მიაქციოთ ორიგინალურ სვეტებს, ღვთაებების სკულპტურებსა და მათი ღვაწლისადმი მიძღვნილ ფერად ნახატებს.

მისამართი: 244 South Bridge Road . მისვლას შეძლებთ მეტროთი (NE ხაზი, სადგური Chinatown) ან ავტობუსით No . 61,166, 197 (სადგური შრი მარიამანი).

ტელოკ ეირის ბაზარი

ეს ბაზარი სინგაპურში აუცილებლად უნდა მოინახულოთ, რადგან სწორედ აქ შეძლებთ დააგემოვნოთ ქალაქში საუკეთესო ადგილობრივი სამზარეულო, ასევე მსოფლიოს თითქმის ყველა კუთხის კერძები, ევროპული და აზიური სამზარეულო – და ეს ყველაფერი საკმაოდ მისაღებ ფასად . ბაზარი ასევე კარგი ადგილია შაბათ-კვირას ცოცხალი მუსიკით ტკბობისთვის; ამას გარდა, ტელოკ ეარი მასპინძლობს კვების ფესტივალებსა და დღესასწაულებს.

ბაზარი მუშაობს ყოველდღე, 24 საათის განმავლობაში.

მისამართი: 18 Raffles Quay.

მეტროსადგური Raffles Place . ავტობუსები — № NR6, NR1, 970, 700, 167, 75, 196Е, 196, 186, 162, 131, 130, 107, 100, 97Е, 97, 70, 57, 10Е, 10.

სინგაპურის ზოოპარკი

სინგაპურის ზოოპარკი თავისი ფაუნის მრავალფეროვნებითა და საინტერესო გასართობებით გაახარებს ქალაქის დიდ და პატარა სტუმრებს . აქ 2000-მდე სახეობის ცხოველი ბინადრობს, ხოლო ზოოპარკში გალიების არარსებობა ვიზიტს კიდევ უფრო საინტერესოს ხდის.

აქ შეგიძლიათ იხილოთ იშვიათი ნისლა ლეოპარდი, სუმატრის ვეფხვი და კომოდოს ხვლიკი, ასევე ბევრი ბალახისმჭამელი და მტაცებელი, ფრინველი და ქვეწარმავალი . მნახველებს ზოოპარკი სთავაზობს მაიმუნებისა და სპილოების შოუებს, საღამოს 18:00 საათიდან იხსნება ღამის საფარი, როდესაც მოგეცემათ შესაძლებლობა დააკვირდეთ ღამის ცხოველების ცხოვრებას . ერთი სიტყვით, სინგაპურის ზოოპარკი შესანიშნავი გადაწყვეტილებაა ოჯახთან ერთი დღის გასატარებლად.

ბილეთების დაჯავშნა:

• ზოოპარკში შესასვლელი ბილეთები აქ
• ზოოპარკის + Jurong Park (ფრინველების პარკი) ბილეთები ერთიანი ფასდაკლებით აქ

ბოტანიკური ბაღი

ამ არაჩვეულებრივ ბოტანიკურ ბაღში შეგიძლიათ დატკბეთ სინგაპურის ფლორის მთელი სიმდიდრითა და ფერებით . აქ შეგიძლიათ გაატაროთ მთელი დღე, იხეტიალოთ მიხვეულ-მოხვეული ბილიკებით ტროპიკულ ჭაობებს შორის, ან ისეირნოთ ტბორებთან ფართო ხეივნებში . ბაღის ყველა მცენარეს აქვს სანიშნე დაფები სახელებითა და მოკლე ინფორმაციით, ამიტომ სასიამოვნო გასეირნებას ბუნებაში შეგიძლიათ შეუთავსოთ საგანმანათლებლო ექსკურსია მცენარეთა სამყაროში.

მისამართი: 80 Mandai Lake Road

სამუშაო საათები: 8:30 საათიდან 18:00 საათამდე

უფროსებისთვის ბილეთი ღირს 18 სინგაპურის დოლარი, 3-12 წლის ბავშვებისთვის – 12 სინგაპურის დოლარი . სამ წლამდე ბავშვები ბოტანიკურ ბაღში უფასოდ დაიშვებიან . ბილეთების შეძენა

ბოტანიკურ ბაღში შეგიძლიათ მიხვიდეთ მეტროთი (Ang Mo Kio MRT სადგური (NS16), შემდეგ ავტობუსით No . 138, ან თუ Choa Chu Kang MRT სადგურზე (NS4) ჩამოხვალთ, შემდეგ ავტობუსით No . 927).

MegaZip სათავგადასავლო პარკი

აქტიური და უჩვეულო გართობის მოყვარულთათვის ეს ადგილი უბრალოდ იდეალური ვარიანტია, რადგან სწორედ აქ არის განლაგებული ყველაზე ექსტრემალური საბაგირო გზები მთელს აზიაში ! აქ არის საბაგირო, თავისუფალი ვარდნის სიმულატორი, საცოცი კედელი და სხვადასხვა სირთულის ტრასები . ერთი სიტყვით, ამ პარკში ნამდვილად არ მოიწყენთ.

მისამართი: MegaZip Adventure Park, Imbiah Hill Road, კუნძული სენტოსა.

სამუშაო საათები: პარკი მუშაობს ყოველდღე 11:00 საათიდან 19:00 საათამდე

აქ შეგიძლიათ შეიძინოთ კომბინირებული ბილეთები (მოიცავს სხვადასხვა აქტივობებს) სხვადასხვა ფასად:

• ბილეთი “დრაკონი” (MegaZip, ClimbMax, Parajump, NorthFace) – 85 სინგაპურის დოლარი.
• “ვეფხვი” (MegaZip, ClimbMax, Parajump) და “ლომი” (MegaZip, ClimbMax, NorthFace) – 70 სინგაპურის დოლარი.
• “არწივი” (MegaZip, ClimbMax), “კენგურუ” (MegaZip, Parajump), “პანტერა” (MegaZip, NorthFace), “ქორი” (ClimbMax, Parajump) და “ლეოპარდი” (ClimbMax, NorthFace) – 50 სინგაპურის დოლარი.
• ცალკეული ატრაქციონები (MegaZip ან ClimbMax) ღირს 39 სინგაპურის დოლარი, ერთი Parajump-ით გადმოხტომა ან NorthFace-ის საცოც კედელზე ასვლა ღირს 19 სინგაპურის დოლარი.

პარკთან მისვლა შესაძლებელია საბაგირო მანქანით ან სენტოსა-ექსპრესით.

კლარკ-კის სანაპირო

კლარკ-კის სანაპირო სინგაპურის არა მხოლოდ ერთ-ერთი ყველაზე ფერადი და თვალწარმტაცი ადგილია (სადაც, ლამაზი ფოტოების გადაღებას შეძლებთ), არამედ ქალაქის დატვირთული სავაჭრო ცენტრია.

აქ უმჯობესია შებინდებისას მოხვიდეთ ან საღამოს, როდესაც სანაპირო განათებულია ასობით აბრების, მაღაზიის ვიტრინებისა და განათებების შუქით, ჰაერი კი გაჟღენთილია უგემრიელესი კერძების სურნელით და ცოცხალი მუსიკის ხმებით . აქ მთელ ღამეს ისე გაატარებთ, ვერც კი შეამჩნევთ, როგორ გავა დრო, რადგან გასართობი საკმარისზე მეტია . ხოლო თავად სანაპირო, თავისი ქანდაკებებით, უჩვეულო არქიტექტურითა და ძველისა და თანამედროვეობის წარმოუდგენელი ნაზავით უკვე თავისთავად ცოცხალი ატრაქციონია.

სანაპირომდე მისვლა შეგიძლიათ მეტროთი (სადგური Clarke Quay, იასამნისფერი ხაზი) ​​ან ავტობუსით No2, 33, 12, 54, 147, 190.

მერლიონის ქანდაკება

მერლიონი მითიური ცხოველია, ნახევრად ლომი და ნახევრად თევზი; ის ქალაქის სიმბოლო და ტურისტების ერთ-ერთი საყვარელი ადგილია . 37 მეტრის სიმაღლის ქანდაკება მდებარეობს კუნძულ სენტოსაზე და მისი პანორამული მოედნებიდან ქალაქზე განსაცვიფრებელი ხედები იშლება . თავად ქანდაკებაში განთავსებულია ისტორიული მუზეუმი და ობსერვატორია.

ქანდაკების კოშკი დამთვალიერებლებისთვის ღიაა 9:00 საათიდან 19:00 საათამდე, ბილეთების ფასი 10 სინგაპურის დოლარი (ზრდასრულებისთვის) და 7 სინგაპურის დოლარი (ბავშვებისთვის).

ოპტიკური ილუზიების მუზეუმი

ფიქრობთ, რომ სინგაპური მხოლოდ პლაჟები, ტაძრები და ლამაზი ხედებია ? სინგაპური ოპტიკური ილუზიების მუზეუმითაც გაგაკვირვებთ.

ამ უჩვეულო მუზეუმის ექსპოზიციები შეიცავს ასზე მეტ 3D ნახატს, რომელიც თავდაყირა დააყენებს რეალობის თქვენს აღქმას . გსურთ აღმოჩნდეთ მსოფლიო მხატვრობის ერთ-ერთ შედევრში ? ან მოხვდეთ ჯადოსნურ ოთახში, სადაც ყველაფერი ისე არ არის, როგორც ჩანს ? მაშინ ეს ადგილი ნამდვილად მოგეწონებათ.

მუზეუმი მდებარეობს შემდეგ მისამართზე: 26 Sentosa Gateway, Resorts World Sentosa, Universal Studios-ის გვერდით.

მუზეუმი მუშაობს ყოველდღე, 10:00 საათიდან 21:00 საათამდე.

ბილეთის ფასი: ზრდასრულები (13-59) – 25 სინგაპურის დოლარი, ბავშვები (4-12) – 20 სინგაპურის დოლარი, პენსიონერები (60 და მეტი) – 20 სინგაპურის დოლარი.

პეპლების პარკი

კუნძული სენტოსა მწერების ნამდვილი სამეფო გახლავთ, რომელიც ყველა მოგზაურმა უნდა მოინახულოს . პეპლების პარკში არა მხოლოდ ულამაზეს აყვავებულ ტროპიკულ მცენარეებს ნახავთ, არამედ მრავალფეროვან იშვიათ მწერებსაც შეხვდებით – მათ ბუნებრივ საბინადრო გარემოში . ამასთან, რა თქმა უნდა, აღფრთოვანებული დარჩებით გარშემო მოფარფატე ფერადი პეპლებით, – პარკში დაახლოებით 1500 სახეობაა წარმოდგენილი.

პარკის მისამართია: Imbian Road, 51 . პარკში ადვილად მოხვდებით ლურჯი ან მწვანე ხაზის ავტობუსით.

სამუშაო საათები: 9:30 საათიდან 19:00 საათამდე (შესასვლელი იხურება 18:30 საათზე)

ბილეთების ღირებულებაა 16 სინგაპურის დოლარი უფროსებისთვის და 10 სინგაპურის დოლარი 3-12 წლის ბავშვებისთვის.

სინგაპურის ავიაბილეთები თბილისიდან

დაჯავშნეთ ფრენები თბილისიდან სინგაპურის მიმართულებით ყველაზე იაფად

Orchard Road

სინგაპურის ერთი არაჩვეულებრივი მახასიათებელი ისაა, რომ ერთი შეხედვით ჩვეულებრივი ნივთებიც კი შეიძლება ყურადსაღები აღმოჩნდეს . სწორედ ასეთუია Orchard Road . ეს ქუჩა არა მხოლოდ სილამაზით და საოცარი გამწვანებით გამოირჩება, არამედ ის სამოთხეა დედამიწაზე შოპინგისა და გართობის მოყვარულთათვის . აქ აღმოაჩენთ უამრავ სხვადასხვა კაფესა თუ კლუბს, ასევე მრავალრიცხოვან მაღაზიებს, რომლებიც ყველანაირ გემოვნებასა და ბიუჯეტს მოერგება.

სასიამოვნო ბონუსი ის არის, რომ მაღაზიები ამ ქუჩაზე ღიაა 23:00 საათამდე და ფასდაკლებების დროს, რომლებიც საკმაოდ ხშირია Orchard Road-თვის, შეძლებთ შეიძინოთ შესანიშნავი ნივთები ძალიან დაბალ ფასად.

სიმდიდრის შადრევანი

ღამის სინგაპურის ერთ-ერთი მარგალიტი, სიმდიდრის შადრევანი მდებარეობს ქალაქის ცენტრში, Suntec City სავაჭრო ცენტრის გვერდით . ოფიციალურად ეს მსოფლიოში ყველაზე დიდი (!) შადრევანია, თუმცა კიდევ უფრო ღრმა მნიშვნელობასაც ატარებს . შადრევანი აშენდა ფენ შუის ყველა წესის მიხედვით და მის თითოეულ ელემენტს აქვს თავისი მნიშვნელობა, როგორც მაგალითად, ბრინჯაოს ბეჭედი, რომელიც სინგაპურში მცხოვრები ყველა ეროვნების ერთიანობის სიმბოლოა.

იმასაც ამბობენ, რომ შადრევანი სურვილებს ასრულებს – ამისათვის საჭიროა მარჯვენა ხელი ჩაყოთ მის პატარა რეზერვუარში, ჩაიფიქროთ სურვილი და შადრევანს სამჯერ დაარტყათ წრე.

სტუმრები შადრევანთან დაიშვებიან მხოლოდ განსაზღვრულ საათებში: 09:00–12:00, 14:00–18:00, 19:00–19:50, 21:30–22:00, ხოლო საღამოობით აქ წარმოდგენილია ლაზერული შოუ (20:00, 20:30, 21:0) და მუსიკალური წარმოდგენები 19:00 საათიდან 21:30 საათამდე (ორშაბათიდან ხუთშაბათამდე) და 20:00 საათიდან 21:30 საათამდე (პარასკევიდან კვირამდე და დღესასწაულებზე).

აქ მოხვედრა შეგიძლიათ მეტროთი (სადგური Promenade ან სადგური City Hall) ან ავტობუსით No . 36, 97, 111, 133, 502, 518, 857.

ორქიდეების პარკი

სინგაპურის კიდევ ერთი იშვიათი საგანძურია – ორქიდეების პარკი, რომელიც ქალაქის ბოტანიკურ ბაღში მდებარეობს . აქ წარმოდგენილია ორქიდეების მსოფლიოში ყველაზე დიდი კოლექცია, ასევე მათი გაშენებისა და მოშენების ცენტრი . მხოლოდ აქ შეგიძლიათ ნახოთ ამ საოცარი ყვავილების 60 000-ზე მეტი სახეობა და დატკბეთ მათი სილამაზით.

ორქიდეების პარკი ღიაა ყოველდღე 08:30 საათიდან 19:00 საათამდე

ბილეთები უფროსებისთვის 5 სინგაპურის დოლარი ღირს, სტუდენტებისთვის და პენსიონერებისთვის – 1 სინგაპურის დოლარი, ხოლო 12 წლამდე ბავშვებისთვის შესვლა უფასოს.

აზიური ცივილიზაციების მუზეუმი

აზიური ცივილიზაციების მუზეუმი სინგაპურში ყოფნის დროს ინტელექტუალური გართობის კიდევ ერთი შესანიშნავი შესაძლებლობაა . აქ შეგიძლიათ გაეცნოთ ბოლო 5000 წლის განმავლობაში აზიის ქვეყნებისა და ხალხების კულტურულ და ისტორიულ მემკვიდრეობას . ჩვეულებრივი საყოფაცხოვრებო ნივთების, ჭურჭლისა და დეკორაციების გარდა, აქ შეგიძლიათ გაეცნოთ სხვადასხვა ერის საზეიმო ტრაპეზის წეს-ჩვეულებებს ან ინტერაქტიულ გამოფენაზე შეისწავლოთ, ვთქვათ, ინდოეთის ან ჩინეთის ისტორია.

• მისამართი: 1 Empress Pl
• სამუშაო საათები: ორშაბათი-ხუთშაბათი და შაბათ-კვირა 10:00 საათიდან 19:00 საათამდე, პარასკევი 10:00 საათიდან 21:00 საათამდე.
• ბილეთის ფასი: ზრდასრულები – 8 სინგაპურის დოლარი, ოჯახი – 24 სინგაპურის დოლარი.

პალავანის სანაპირო

სინგაპურის ერთ-ერთი ულამაზესი პლაჟი პალავანი იზიდავს ტურისტებს თავისი თეთრი ქვიშითა და ცისფერი ოკეანით . აქ შეგიძლიათ უბრალოდ დატკბეთ მზის სხივებით, იაროთ ვინდსერფინგზე ან დაიქირავოთ კანოე.

გარდა ამისა, პალავანი იდეალურია ბავშვებთან ერთად დასასვენებლად: პალავანის ამფითეატრში ბავშვები დაინტერესდებიან ტროპიკული ტყეების ცოცხალი ბინადრებით, შეძლებენ მოეფერონ მაიმუნებს ან გამოკვებონ თუთიყუშები . ამფითეატრი ღიაა 12:00 საათიდან 17:30 საათამდე . შესვლა უფასოა.

ხელოვნების მუზეუმი

თუ გიყვართ ყველაფერი უჩვეულო, მაშინ გირჩევთ, ეწვიოთ ხელოვნების მუზეუმს მისამართზე: 71 Bras Basah Road . აქ ვერ ნახავთ ცნობილი ოსტატების ჩვეულ კლასიკურ ნახატებს, მაგრამ აღმოაჩენთ უამრავ ახალ ორიგინალურ იდეას ხელოვნებაში, ხელოვნების ობიექტებსა და ინსტალაციებში.

მუზეუმი ღიაა: პარასკევს 10:00 საათიდან 21:00 საათამდე, შაბათიდან ხუთშაბათის ჩათვლით 10:00 საათიდან 19:00 საათამდე.

ბილეთები ღირს 10 სინგაპურის დოლარი (უფროსები) და 5 სინგაპურის დოლარი (პენსიონერები).

მერლიონის პარკი

ეს პარკი ნამდვილად ყველამ უნდა მოინახულოს, ვინც სინგაპურს სტუმრობს . განსაკუთრებული სილამაზით გამორჩეული ეს პარკი ქალაქის საკულტო ადგილია . ყურის გასწვრივ სეირნობა, განსაკუთრებით საღამოს ან დილით ადრე, დაუვიწყარ შთაბეჭდილებებს მოგიტანთ, როდესაც ჰაერი ჯერ კიდევ სუფთა და გრილია . თქვენ ასევე შეგიძლიათ ყურეში პატარა მოგზაურობა მოიწყოთ და სინგაპური წყლიდან დაათვალიეროთ – გამთენიისას ან ღამით, შუქების ბრწყინვალებაში.

პარკი ღიაა 24 საათი, მთელი წლის განმავლობაში . შესვლა უფასოა.

Tiger Sky Tower

თუ არ გეშინიათ თავბრუდამხვევი სიმაღლის და გსურთ სინგაპური, როგორც ხელისგულზე იხილოთ, ეს სწორედ ამ პანორამული მოედნიდან უნდა სცადოთ . მოედანი მდებარეობს პანორამული კაბინაში 91 მეტრის სიმაღლეზე . ნათელ ამინდში ამბობენ, რომ იქიდან ინდონეზიაში ჯოჰორ ბაჰრუსაც კი მოკრავთ თვალს.

მისამართი: Imbiah Road, 41 . კოშკთან მისვლა შეგიძლიათ ავტობუსით (ლურჯი და წითელი ხაზები, გაჩერება “Imbiah Lookout”).

სამუშაო საათები: ყოველდღე 9:00 საათიდან 21:00 საათამდე

შესასვლელი ბილეთი 18 სინგაპურის დოლარი ღირს ზრდასრულებისთვის და 10 სინგაპურის დოლარი 10 წლამდე ბავშვებისთვის.