პრაღის ჯადოსნური ოცეული

ჩეხეთის დედაქალაქი იმით არის ცნობილი, რომ აქ ყველაზე ბიუჯეტური ტურისტიც კი არ იგრძნობს თავს გარიყულად. პრაღის მდიდარი და მრავალფეროვანი არქიტექტურა, უძველესი ქუჩები, რომლებიც შუა საუკუნეების გაცოცხლებულ ნახატებს მოგაგონებთ – ქალაქში უბრალო გასეირნებაც კი შესაძლოა საინტერესო ექსკურსიად იქცეს. ჩვენ შევადგინეთ პრაღის 20 საუკეთესო ადგილის სია, რომელიც აუცილებლად უნდა მოინახულოთ. ამრიგად …

ჩეხეთის ყველაზე დიდი ციხე-სიმაგრე, რომელიც ჯერ კიდევ IX საუკუნიდან არის ცნობილი, ძველთაგან ქალაქის გულად ითვლება. ეს შესანიშნავი ადგილია მათთვის, ვისაც შუა საუკუნეების პრაღის სულისკვეთების შეგრძნება სურს: ციხე-სიმაგრის წინ მოედანზე XVI საუკუნეში აგებული არქიეპისკოპოსის სასახლე მდებარეობს, აგრეთვე შტერნბერგისა და შვარცენბერგ-ლობკოვიცის სასახლეები, თვით ციხე-სიმაგრე კი – ძველი დროის ცოცხალ განსახიერებას წარმოადგენს.

პრაღის ციხე-სიმაგრეში („პრაღის გრადი“) შესვლა ფასიანია, ფასი განსხვადება ტურის მიხედვით: 350 კრონა (€13) ხანგრძლივი, 250 კრონა(€ 9)  მოკლე ტური. ასევე შეგიძლიათ იხილოთ სამხატვრო გალერეა (150 კრონა / €5.50) და გამოფენა „პრაღის ციხე-სიმაგრის ისტორია“ (140 კრონა / €5).

ციხე-სიმაგრე ღიაა ყოველდღე ღამის 12 საათამდე (აპრილი-სექტემბერი). ადგილები, სადაც შესვლას ბილეთით შეძლებთ – 09:00 საათიდან 18:00 საათამდე. ოქტომბრიდან მარტის ჩათვლით პრაღის ციხე-სიმაგრე ღიაა 06:00 საათიდან 23:00 საათამდე. ადგილები, სადაც შესვლას ბილეთით შეძლებთ – 09:00 საათიდან 16:00 საათამდე.

პრაღაში ერთ-ერთი ყველაზე ლამაზი ადგილია „სტარე მესტოს“ (Staré Město) და „მალა სტრანას“ (Malá Strana) უბნების დამაკავშირებელი ხიდი. თუნდაც არ გქონდეთ ხიდის კოშკებზე ასვლის შესაძლებლობა (ან სურვილი), შეგიძლიათ უბრალოდ ფეხით გაისეირნოთ ხიდზე და ხიდზე განთავსებული ქანდაკებები დაათვალიეროთ (რომელთა რაოდენობა 30-ს აღწევს), ქუჩის მუსიკოსებს მოუსმინოთ და ადგილობრივი მხატვრების მუშაობას ადევნოთ თვალყური.

თუკი ესეც გეცოტავებათ, შეგიძლიათ ძველის ქალაქის ხიდის კოშკზე მოწყობილ სათვალთვალო მოედანს ესტუმროთ. სამუშაო საათებია – 10:00 საათიდან 22:00 საათამდე ივნისიდან სექტემბრის ჩათვლით და 10: 00-დან 19:00 საათამდე ოქტომბრიდან მაისის ჩათვლით. ასევე ფუნქციონირებს ხიდის ისტორიისადმი მიძღვნილი ექსპოზიცია (მალა სტრანას ხიდის კოშკში). და აუცილებლად შეეცადეთ, რომ კარლის ხიდზე მზის ამოსვლის ან ჩასვლის დროს მოხვდეთ – ეს უბრალოდ ზღაპრული სილამაზის სანახაობაა!

პრაღის ბოტანიკური ბაღი თავისი მრავალფეროვნებით ბუნების მოყვარულთათვის შესანიშნავ ვარიანტს წარმოადგენს. აქ მთავარი პარკის გარდა თემატურ ბაღებსაც იხილავთ: იაპონურ, თურქულ და ხმელთაშუა ზღვის ბაღებს. გარდა ამისა, არ დაგვავიწყდეთ შეიხედოთ „ფატა მორგანას“ ორანჟერეაში – თქვენ არა მარტო ტროპიკებისა და სუბტროპიკების ბუნების სამყაროში მოხვდებით, არამედ თუ გაგიმართლებთ, აქ მობინდარე უამრავი ცოცხალი პეპლისა და თევზის გადაღებას შეძლებთ.

ბოტანიკურ ბაღში მგაზვრობა შეგიძლიათ მეტროს სადგურიდან Nadraji Holesovice. #112 ავტობუსით ზოოპარკამდე იმგზავრეთ და შემდეგ მინიშნებებს მიჰყევით (ზოოპარკი და ბოტანიკური ბაღი ერთმანეთთან ახლოს მდებარეობს).

ბაღის სამუშაო განრიგია: ნოემბერი-თებერვალი – 09:00 საათიდან 16:00 საათამდე; მარტი და ოქტომბერი – 09:00 საათიდან 17:00 საათამდე; აპრილი – 09:00 საათიდან 18:00 საათამდე; მაისი-სექტემბერი – 09:00 საათიდან 19:00 საათამდე. ბაღი ღიაა მთელი კვირის განმავლობაში. ბილეთის ღირებულებაა – 150 კრონა (€5.50), საოჯახო ბილეთის კი – 375 კრონა (€14).

შადრევნები მდებარეობს პარკის კომპლექსში Vystaviste. შადრევნების მუსიკალური პროგრამა შთამბეჭდავია და ნამდვილად ყველას მოეწონება: კლასიკური მუსიკიდან დაწყებული (ჩაიკოვსკი, ვივალდი, მოცარტი, დვორჟაკი) თანამედროვე მუსიკით დამთავრებული (Queen, Rihanna, ABBA და ა.შ.). რჩევა: უმჯობესია წარმოდგენას საღამოს ან შებინდების დროს დაესწროთ. შუქ-მუსიკალური შადრევნის შოუს ბილეთის ღირებულებაა 226 კრონა (€8). შადრევნები ღიაა აპრილიდან ნოემბრის ჩათვლით, წარმოდგენა იწყება 19:00, 20:00, 21:00 და 22:00 საათზე.

ტკბილეულის მოყვარულთათვის პრაღას სასიამოვნო სიურპრიზი აქვს მომზადებული – შოკოლადის მუზეუმი, რომელიც ძველი ქალაქის მოედანზე (Staroměstské náměstí) მდებარეობს. შესასვლელთან თქვენ შოკოლადით ან ცხელი შოკოლადის სასმელით გაგიმასპინძლდებიან, ხოლო მუზეუმში ამ ყველასთვის საყვარელი ტკბილეულის წარმოშობის ისტორიას გაეცნობით.

თქვენ ასევე შეგიძლიათ თავი კონდიტერის როლში გამოსცადოთ და შოკოლადი ბელგიური ტრადიციით მოამზადოთ (შემდეგ კი მიირთვათ თქვენი ნახელავი) ან შეგიძლიათ შოკოლადით დახატოთ. მუზეუმი შემდეგ მისამართზე მდებარეობს Celetná 557/10 და სტუმრებს 10:00-დან 19:00 საათამდე იღებს (ბილეთის ღირებულება – €10).

ეს არის  არა მხოლოდ პრაღის ისტორიული ცენტრის გული (უბანი Staré Město), არამედ პრაღის ყველაზე ცნობილი ღირსშესანიშნაობების თავმოყრის ადგილი. სწორედ აქ შეძლებთ „ორლოიასტრონომიული საათისა და რატუშას, წმინდა ნიკოლოზის ეკლესიისა და კინსკების სასახლის მონახულებას. მაგრამ ამის გარეშეც, ძველი ქალაქის მოედანი გაგახალისებთ თავისი მრავალფეროვანი არქიტექტურული მრავალფეროვნებითა და ძველი პრაღის განუმეორებელი სულისკვეთებით. და თუკი გაგიმართლათ და ჩეხეთის დედაქალაქში შობის დროს აღმოჩნდით, თქვენ ზღაპრულად ლამაზ საშობაო ბაზრობებს იხილავთ, რომლებიც აქ ყოველწლიურად იმართება.

თუკი პრაღაში ყოფნის დროს ყველაზე აუცილებელი ღირსშესანიშნაობების მონახულების დროც არ გაქვთ, შეგიძლიათ ფაქტიურად მხოლოდ ვიშეჰრადის (Vyšehrad) ვიზიტით შემოიფარგლოთ. ამ X საუკუნის ციხე-სიმაგრიდან შეძლებთ არა მხოლოდ ქალაქის არაჩვეულებრივი ხედით დატკბეთ, არამედ აქ განთავსებული მრავალფეროვანი არქიტექტურული ღირსშესანიშნაობები მოინახულოთ, როგორებიცაა წმინდა პეტრესა და პავლეს ტაძარი, კაზემატი, გოთიკური მიწისქვეშეთი, გალერეა და ლეოპოლდის ჭიშკარი. ვიშეჰრადს ყოველ დღე შეგიძლიათ ეწვიოთ 10:00-დან 18:00 საათამდე, ბილეთის ღირებულება დაახლოებით 200 კრონაა (€7).

ეს სასიამოვნოს სასარგებლოსთან შეთავსების შესანიშნავი შესაძლებლობაა. Malá Strana-ს უბნისგან პრაღის ციხე-სიმაგრის აღმოსავლეთ ჭიშკრისკენ მიმავალ კიბეებზე ასვლით თქვენ  არა მხოლოდ პრაღის ისტორიული ნაწილის გაზიარებას შეძლებთ (ჩრდილოეთ კედლის მიღმა წმინდა ვაცლავის ყოფილი ვენახი, სადაც ის მუშაობდა და ვენახს აშენებდა), არამედ პრაღისა და ფიურსტენბერგის ბაღის მომაჯადოებელი ხედებით ისიამოვნებთ. ამასთან სრულიად უფასოდ!

თუ გსურთ იხილოთ თუ როგორ გამოიყურებოდა პრაღის ქუჩები ძველად  ნოვი სვეტის (Nový Svět) ქუჩას ეწვიეთ. ადრე აქ მსახურები ცხოვრობდნენ პრაღის ციხე-სიმაგრიდან, ახლა კი ცნობილია, როგორც მხატვრების, მწერლებისა და სხვა შემოქმედებითი ადამიანების ქუჩა. იგი იწყება კანოვნიცკას (Kanovnická) და ბრუსნიცეს (Brusnice) ქუჩების გადაკვეთაზე,  ეშვება ფერდობზე და  ჩერნინსკას (Cherninska) ქუჩაზე მთავრდება. ფერად სახლებს შორის სეირნობის დროს არ დაგავიწყდეთ სამახსოვრო წარწერების წაკითხვა, რომლებიც ცნობილი მობინდარეების შესახებ გვაწვდის ინფორმაციას (მაგალითად, ტიხო ბრაგეს ან იოჰანეს კეპლერის შესახებ).

პრაღის ერთ-ერთი „სავიზიტო ბარათი“ პრაღის მთავარეპისკოპოსის რეზიდენციაა. ისტორიკოსების მონაცემებით, ტაძრის მშენებლობა თითქმის 600 წელი უწყვეტად მიმდინარეობდა, რომლის წყალობითაც ის ხელოვნების სხვადასხვა მიმართულების ნიმუშების შეიცავს: გოთიკიდან და ნეოგოთიკიდან დაწყებული როკოკოთი და რენესანსით დამთავრებული.

გარდა ამისა, ტაძარი ცნობილია თავისი ვიტრაჟებით, რომლის ავტორია ცნობილი ალფონს მუხა. პრაღის ციხე-სიმაგრეში მდებარე წმინდა ვიტის ტაძარს შეგიძლიათ ყოველდღე ეწვიოთ აპრილიდან ოქტომბრის ჩათვლით 09:00 საათიდან 17:00 საათამდე. ნოემბრიდან მარტის ჩათვლით – 09:00 საათიდან 16:00 საათამდე. ტაძარში შესვლა უფასოა, ფასიანია მხოლოდ იმ ნაწილში შესვლა, სადაც საკურთხეველი და კაპელა მდებარეობს.

მდინარე ვლტავის მარცხენა ნაპირზე პეტრშინის (პეტრჟინის) გორაკია აღმართული. ლეგენდის მიხედვით, სწორედ აქ იწინასწარმეტყველა თავადის ქალმა ლიბუშემ პრაღის დიდი მომავალი. მაგრამ გორაკი საინტერესოა არა მხოლოდ იმით, რომ აქედან დიდებული ხედი იშლება. აქ ყველა სტუმარი შეძლებს მისთვის სასურველი გასართობის პოვნას: მაგალითად, შეგიძლიათ სარკის ლაბირინთს ეწვიოთ და შეეცადოთ არ დაიკარგოთ ანარეკლის ფანტასმაგორიაში, ან პეტრშინის ბაღებში გაისერნოთ, ასევე წმინდა ლავრენტის ტაძარს ეწვიოთ. სხვათა შორის, გორაკზე მდებარე ყველა ბაღში (გარდა ლობკოვიჩისა) შესვლა უფასოა, შემოდგომაზე შეგიძლიათ თავისუფლად შეაგროვოთ ვაშლი და მსხალი.

დედაქალაქის ყველა სტუმარმა უნდა მოინახულოს ძველი ქალაქის კოშკზე განთავსებული საოცრად ლამაზი კურანტები. ყოველ საათში კოშკის საათი „ცოცხლდება“ და თქვენ მინი-წარმოდგენის ხილვას შეძლებთ, როდესაც საათის სიმბოლური ფიგურები მუსიკის თანხლებით მოძრაობას იწყებს.

რჩევა aviabiletebi.org-სგან:  აქ უმჯობესია დილით მოხვიდეთ, როდესაც ტურისტების მინიმალური ნაკადია – შეძლებთ მშვიდად დატკბეთ სანახაობით.

კარლის ხიდთან ახლოს, იმავე სახელის მქონე მოედანზე პრაღისთვის საკმაოდ უჩვეულო ადგილი მდებარეობს. ეს ნამდვილი ჩეხური ვენეციაა! აქ ვიწრო არხში მდინარე ჩერტოვკა მიედინება. ახლომდებარე სახლები პირდაპირ წყალშია აგებული, ხოლო გაზაფხულზე და ზაფხულში კამპას პარკის აყვავებული ულამაზესი სიმწვანე საპირისპირო სანაპიროზე გადმოდის. მდინარეზე შეყვარებულთა ხიდია აგებული, სადაც წყვილები ბედნიერებისთვის ტრადიციულად ბოქლომებს ათავსებენ, რომლებზეც მათი ინიციალებია გამოსახული. იქვე ძველი წყლის წისქვილის უზარმაზარი ბორბალი ტრიალებს. ჩეხური ვენეცია შესანიშნავი ადგილია სასიამოვნო გასეირნებისთვის, სადაც მდინარის ნაპირზე პიკნიკის მოწყობაც კი შეგიძლიათ.

ეს  მხატვრული ფანტაზიის სასწაული ძველი ქალაქის მოედანზე მდებარეობს და იმდენად უჩვეულოა, რომ გვერდის ავლას ვერ შეძლებთ! სახლი აგებულია XV საუკუნეში გვიანი გოთიკის სტილში, მაგრამ ამ მიზეზით არ არის განსაკუთრებული.

აქ მთავარია ფასადი, რომელიც სგრაფიტოს ტექნიკით შესრულებული ნახატებითაა მთლიანად დაფარული. ასეთი ფრესკები ტრაფარეტით კეთდება, ბათქაშის რამდენიმე ფენა იდება, შემდეგ კი ამ ფენებს  კაწრავენ ისე, რომ მოცულობის ეფექტი იქმნება. სხვათა შორის, ვატიკანის  რამდენიმე ფრესკაც იმავე ტექნიკითაა შესრულებული.

სახლი სამხატვრო გალერეას ჰგავს: აქ ნახავთ სხვადასხვა ეპოქის მმართველების პორტრეტებს, ანტიკური მითოლოგიის სცენებს და ძველი აღთქმის ბიბლიურ სცენებსაც კი. ამბობენ, რომ ერთ დროს აქ ფრანც კაფკაც კი ცხოვრობდა.

პრაღა ასევე ბუნებრივი სილამაზითაა მდიდარი, ირმის ხევი (Jelení příkop) – არ არის გამონაკლისი. ბუნებრივი ღრმა ხევი, რომელიც ადამიანის ჩარევის გარეშეა შექმნილი, იწყება ბრუსნიცეს ქუჩიდან, მიჰყვება პრაღის ციხე-სამაგრეს და მთავრდება ჰოტკოვის გზატკეცილის მახლობლად. ხევი ორ ნაწილადაა გაყოფილი: ზედა და ქვედა, ქვემოთ მდინარე ბრუსნიცე მიედინება. ირმის ხევი  შესანიშნავი ადგილია ფეხით სეირნობისთვის და მათთვის, ვინც ქალაქის აურზაურისგან უბრალოდ განტვირთვა გადაწყვიტა. ხევის ზედა ნაწილში სათვალთვალო მოედანია  მოწყობილი, საიდანაც პრაღის ციხე-სიმაგრის ფანტასტიკური ხედი იშლება.

ეს დიდებული კომპლექსი ჰრადჩანში (Hradčany) ბაროკოს სტილში აშენდა, რომელიც ასევე ლორეტის მონასტრის სახელითაა ცნობილი. თუნდაც ტაძრებისა და ეკლესიების მონახულება დიდად არ გხიბლავდეთ,  პრაღის ამ მარგალიტის მონახულება ნამდვილად ღირს.

130 კრონად (€5) არა მხოლოდ საეკლესიო ნივთების  მდიდარ კოლექციას და XVI-XVIII საუკუნეების ხელოვნების ნიმუშებს იხილავთ, არამედ  კომპლექსის საოცარი სილამაზის მოხატულობასა და მორთულობას დაათვალიერებთ.

გვერწმუნეთ, რომ აქ უამრავი საინტერესო რამაა სანახავი: საგანძურის გარდა კომპლექსი რამდენიმე სამლოცველოსა და მაცხოვრის შობის ეკლესიას მოიცავს. პრაღის ლორეტის მონატერი ღიაა ყოველდღე 09:00-დან 12:15 საათამდე და 13:00-დან 17:00 საათამდე (აპრილი-ოქტომბერი); ნოემბრიდან მარტის ჩათვლით კომპლექსი იხურება 16:00 საათზე.

ნამდვილი ჩეხეთი მინიატურაში! ინტერაქტიული მაკეტი საშუალებას გაძლევით ერთი ვიზიტით მოინახულოთ არა მხოლოდ პრაღა, არამედ ბევრი სხვა რამ, და ამავდროულად  ქვეყნის რკინიგზის ტრანსპორტის განვითარების ისტორიას გაეცნოთ.

აქ XIX საუკუნის პრაღის ხილვას შეძლებთ, რომლის ყველა დეტალი ქაღალდისგანაა დამზადებული. ექსპოზიციის ტერიტორიაზე ფუნქციონირებს კინოთეატრი, ხოლო ბავშვები სიამოვნებით ითამაშებენ ლეგოსგან აგებული ქალაქების ინტერაქტიული მაკეტებით. ამ ოცნების სამეფოში შესვლის ღირებულებაა  200 კრონა (€7), 15 წლამდე ასაკის ბავშვებისთვის და პენსიონრებისთვის – 120 კრონა (€4).

ჩეხეთის უმსხვილესი სასახლისა და პარკის კომპლექსი, დღეს ვალდშტეინის სასახლეში ჩეხეთის სენატი მართავს სხდომებს. არ დაიშუროთ დრო და  ბრწყინვალე დარბაზებსა და პარკში გაისეირნეთ. კომპლექსის ტერიტორიაზე შესვლა უფასოა. საექსკურსიო მარშრუტი მოიცავს ეზოს, რაინდთა დარბაზს, ტყავის სალონს, სარკეთა დარბაზს და აუდიენციეთა დარბაზს, ასევე ოვიდის დერეფანს. შესასვლელი ვალდშტეინის მოედანიდანაა. ტურისტებისთვის ხელმისაწვდომია საინფორმაციო ბუკლეტები ინგლისურ, რუსულ და ჩეხურ ენებზე.

შეუძლებელია პრაღის შესახებ ვისაუბროთ  და არაფერი ვთქვათ ყავის შესახებ! ეს არომატული სასმელი  ჩეხეთის დედაქალაქთან ასოცირდება – ალბათ იმიტომ, რომ მისი ისტორია ისეთივე ძველია, როგორც თავად ქალაქისა. ამიტომ აუცილებლად ეწვიეთ ადგილობრივი ყავის მუზეუმს შემდეგ მისამართზე: Jana Zajice, 7.

შესვლის ღირებულება 80 კრონაა (€2.95), ამ თანხით თქვენ არა მარტო ყველაფერს გაიგებთ დასაბამიდან ყავის კულტურის ისტორიისა და  ტრადიციების შესახებ, არამედ  ახლად მოხალული მარცვლებისგან დამზადებული გამამხნევებელი ცხელი სასმელის მირთმევით ისიამოვნებთ. მუზეუმის სამუშაო საათებია 11:00-18:00 მთელი კვირის განმავლობაში.

პრაღა არა მხოლოდ ძალიან ლამაზი ქალაქია – ის საიდუმლოებებითაა სავსე და თითქმის ყველა სახლსა და ქუჩას საკუთარი ისტორია ან ლეგენდა აქვს. მათ, ვისაც ძველი პრაღის საიდუმლო ატმოსფეროს შეგრძნება სურთ, ვურჩევთ ალქიმიის მუზეუმს ეწვიონ სტარე მესტოს (Staré Město) უბანში (მისამართი: Hstalska,1).

აქ გაიგებთ, თუ როგორ მუშაობდნენ უძველესი ალქიმიკოსები, ნახავთ ძველ ალქიმიურ ლაბორატორიას მისი „შიგთავსით“ და სავარაუდოდ არაერთ ლეგენდას მოუსმენთ ჯადოსნური პრაღის შესახებ. მუზეუმი მუშაობს ყოველდღე 10: 00-დან 18:00 საათამდე. ბილეთის ღირებულებაა – 200 კრონა (€7.40).

 

ყველაზე იაფი ორმხრივი ავიაბილეთი Tbilisi -დან Prague -მდე

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

26.04.2019

30.04.2019

Direct

ფასი 783

23.02.2019

26.02.2019

1 stop

ფასი 470

26.03.2019

12.04.2019

2 stops

ფასი 645

პირდაპირი ფრენები Kutaisi-დან Prague-მდე

გაფრენის თარიღი დაბრუნების თარიღი ავიაკომპანია ბილეთების მოძებნა

25.12.2018

29.12.2018

ფასი 440

19.01.2019

22.01.2019

ფასი 327

 

ასევე წაიკითხეთ:

როგორ დავზოგოთ პრაღაში მოგზაურობის დროს: რჩევები მოგზაურთათვის

ჩემი ოცნების ფრენა გადაჯდომით: მსოფლიოს 7 ყველაზე საინტერესო აეროპორტი

20 ადგილი, რომელთა მონახულება ღირს ნიუ-იორკში

sastumroebi
Posted in ბლოგი.

მალხაზ კევლიშვილი