პრაღა

პრაღა – ეს არის ქალაქი, სადაც ფეხები მუდმივად გეტკინებათ, სადაც მარტივად შეძლებთ რამდენიმე ზედმეტი კილოგრამის მომატებას და უამრავ ფულს დახარჯავთ სრულიად დაუგეგმავ საყიდლებზე. მაგრამ ამავდროულად პრაღა – ეს არის ქალაქი, რომელიც თავდავიწყებით შეგიყვარდებათ  და რომელშიც ისევ და ისევ ინატრებთ დაბრუნებას: კომფორტული ფეხსაცმლით, მგლის მადითა და სათადარიგო ჩემოდნით.

პრაღის აღწერა დაუსრულებლად შეიძლება. ეს არის ცენტრალური ევროპის ერთ-ერთი უდიდესი ქალაქი და ბოჰემიის მრავალსაუკუნოვანი  დედაქალაქი. ეს არის ხიდები, ტაძრები, მოოქროვილი კოშკები და ეკლესიის გუმბათები, რომლებიც უკვე 10 საუკუნეა მდინარე ვლტავას წყლებში ირეკლება. მეორე მსოფლიო ომის დროს პრაღის შუასაკუნოვანი ცენტრი  პრაქტიკულად არ დაზიანებულა თავისი ვიწრო ქვაფენილიანი ქუჩებითა და ეზოებით, უამრავი დუქნითა და კოშკის შპილით.  თუმცა ამავდროულად პრაღა თანამედროვე და გაცხოველებული ქალაქია, რომელიც სავსეა ახალგაზრდული ენერგიით, მუსიკით, სხვადასხვა კულტურითა და მაღალი კლასის რესტორნებით. ბევრი პრაღას ევროპის ულამაზეს ქალაქად მიიჩნევს.

ერთადერთი, რამაც ტურსტის შთაბეჭდილება შესაძლოა ცოტათი გააფუჭოს – ეს არის მისი ზომა და ის ფაქტი, რომ ქალაქი რამდენიმე ერთმანეთთან დაუკავშირებელ უბნებადაა დაყოფილი. სასტუმროს არჩევისას ძალიან ყურადღებით უნდა იყოთ. თუ ჩეხეთს პირველად ეწვიეთ და მხოლოდ ერთი კვირით, შეგიძლიათ ამოალაგოთ ჩანთიდან ნივთები და საერთოდ დაივიწყოთ სხვა მიმართულებები: პრაღაში ყოველდღე თითქოს  ახალ ქალაქს დაინახავთ.

ასევე წაიკითხეთ ჩვენი ბლოგიდან:

• ორი ერთში: ქალაქები, რომლებიც ერთი მოგზაურობის დროს შეგიძლიათ მოინახულოთ
• პრაღის ჯადოსნური ოცეული
• როგორ დავზოგოთ პრაღაში მოგზაურობის დროს: რჩევები მოგზაურთათვის

• 39