როგორ დავზოგოთ პრაღაში მოგზაურობის დროს: რჩევები მოგზაურთათვის

მთელ მსოფლიოში პრაღა ტურისტებისთვის იაფ ქალაქად მიიჩნევა. მართალია, ადგილობრივ ვალუტაზე გადათვლისას  ჩვენი მოგზაურები დიდად არ არიან ხელმისაწვდომი ფასებით აღფრთოვანებული, მაგრამ ყოველთვის არსებობს ხრიკები, რომლებიც მოგზაურობისას დანაზოგის გაკეთებაში დაგეხმარებათ, რომელთა შესახებ ტურისტებმა არ იციან ხოლმე. მოდით  სწორედ  აღნიშნული თრეველჰაკების შესახებ ვისაუბროთ. 

როგორც პრაქტიკა გვიჩვენებს, პრაღაში ყველაზე იაფი ფრენა თებერვალშია. საშობაო და საახალწლო დღესასწაულები უკვე გავიდა, სითბო ჯერ კიდევ არ არის და ქალაქში შედარებით სიწყნარეა. ამიტომ, თუ ცივი ამინდების არ გეშინიათ და არ გიყვართ უამრავ ტურისტთან ერთად დასვენება, თებერვალი  იდეალური დროა ბიუჯეტური მოგზაურობისთვის.

მაგალითად, ამ დროს თბილისი – პრაღა – თბილისი ფრენის ღირებულება 170 ევროა, ხოლო სტანდარტული ბილეთის ღირებულება – დაახლოებით 250 ევრო. მაგრამ ამ „დაბალ“ სეზონზეც კი ბილეთები წინასწარ, თუნდაც ერთი თვით ადრე უნდა შეიძინოთ.

პრაღაში მიმოქცევაშია ადგილობრივი ვალუტა – კრონა, მაგრამ უკიდურეს შემთხვევაში შეგიძლიათ ევროთი გადაიხადოთ. გირჩევთ თან ნაღდი ფული იქონიოთ გადაცვლისთვის და ასევე ბარათი უნაღდო ანგარიშსწორებისთვის. ყველგან სადაც საშუალება გექნებათ, ბარათით გადაიხადეთ , რადგან ვალუტის გადაცვლასთან დაკავშირებით პრაღაში ვითარება საკმაოდ უცნაურია.

ბანკებისა და სასტუმროების ვალუტის გადამცვლელ პუნქტებში ძალიან დიდ საკომისიო გადასახადს ართმევენ (ზოგიერთ ტურისტულ ადგილზე 25% -საც კი აღწევს). გირჩევთ არ ენდოთ წარწერას „საკომისიოს გარეშე“ და ვალუტა არაბებთან გადაცვალოთ მცირე გადამცვლელ პუნქტებში (ბევრი მათგანი  ვაცლავის მოედანზე შეგიძლიათ იხილოთ) – ისინი საერთოდ არ ითხოვენ ან მინიმალური საკომისიოს გადახდას ითხოვენ.

პრაღაში ჩამოსვლისთანავე  ეწვიეთ ერთ-ერთ ტურისტულ ოფისს (ჩეხურად Turistické informační centrum) ან მუნიციპალურ საინფორმაციო სამსახურს Prazska informacni sluzba მისამართი: Rytířská, 31). აქ შეგიძლიათ  უფასოდ მიიღოთ ქალაქის რუკა, ბევრი შემეცნებითი ბროშურა ინგლისურ ან რუსულ ენებზე. ასევე ამ საინფორმაციო ცენტრებში ყოველკვირეულად უფასო ღონისძიებების სიას აკრავენ.

სამგზავრო ბილეთები  ყველა სახის ტრანსპორტზე მოქმედებს პრაღაში, ყველაზე პოპულარული ტრანსპორტია – ტრამვაი და მეტრო. ამ სამგზავრო ბილეთების  ფასები განსხვავდება მათი გამოყენების ხანგრძლივობის მიხედვით: მინიმალური – 30 წუთი, მაქსიმალური – ერთი კვირა. მაგრამ გაფრთხილებთ, რომ პრაღა საკმაოდ კომპაქტური ქალაქია და ყველა მთავარი ღირსშესანიშნაობა ერთმანეთთან ახლოს მდებარეობს. ეს, სხვათა შორის, დიდი პლუსია – რადგან უბრალო გასეირნების დროს შეგიძლიათ ქალაქის ყველა ლამაზი ადგილი დაათვალიეროთ. ამიტომ ერთ საათიანი სამგზავრო ბილეთის შეძენას აზრი არ აქვს – პრაღაში უბრალოდ ვერსად იმგზავრებთ ერთი საათი. არ დაგავიწყდეთ, რომ ტრანსპორტში ჩასხდომის დროს ბილეთი უნდა გაატაროთ, თუ შეგამოწმეს – ჯარიმა 500 კრონაა (€ 18.50).

მაგრამ  პრაღაში საზოგადოებრივი ტრანსპორტით უფასო სარგებლობის საშუალებაც არსებობს. რამდენიმე ადამიანმა თუ იცის, რომ პრაღაშიც მოქმედებს ტურისტული ბარათები, ისევე როგორც ევროპის სხვა ბევრად უფრო პოპულარულ  დედაქალაქებში. Prague Card-ის მეშვეობით შეგიძლიათ უფასოდ ისარგებლოთ საზოგადოებრივი ტრანსპორტით და 50-ზე მეტი ღისშესანიშნაობა მოინახულოთ. ასევე ამ ბარათით ფასდაკლებას მიიღებთ ქალაქის ბევრ დაწესებულებაში და მაღაზიაში.  ორ დღიანი ბარათის ღირებულებაა – €48 მოზრდილთათვის, €35 ბავშვებისთვის და სტუდენტებისთვის, სამ დღიანი ბარათის ღირებულებაა – €58 და €42, ხოლო ოთხ დღიანი – შესაბამისად €67 და €49. ნუ შეგაშინებთ ეს თანხები: ცალკეული ბილეთების შეძენა ბევრად უფრო მეტი დაგიჯდებათ.

გირჩევთ პრაღის ტურისტული ბარათი ამ საიტზე წინასწარ შეიძინოთ. ერთი მხრივ, ონლაინ შეძენისას ის ცოტათი უფრო იაფი ეღირება, მეორე მხრივ, ბარათით სარგებლობას უკვე აეროპორტში შეძლებთ, როდესაც აეროპოტიდან პრაღაში გაემზავრებით, ამ ბარათით აეროპორტის ექსპრეს-ავტობუსით მგზავრობაც უფასოა.

გარდა ამისა, არსებობს ასევე Troja ბარათი, რომლის შეძენაც ღირს თუ პრაღაში ბავშვებთან ერთად მოგზაურობთ. იგი მნიშვნელოვნად დაგიზოგავთ ფულს სამი ადგილის მონახულების დროს – ტროას ციხე-სიმაგრე, ბოტანიკური ბაღი და პრაღის ზოოპარკი, სადაც მთელი ოჯახით გასეირნება განსაკუთრებით სასიამოვნოა. ამ ბარათის შეძენა  ერთ-ერთი ღირსშესანიშნაობის სალაროში შეგიძლიათ.  ბარათის ღირებულება ერთი ადამიანისთვის – 300 კრონაა (€ 11), ოჯახისთვის (ორი მოზრდილისთვის და ორი 6 წელზე მეტი ასაკის ბავშვისთვის) – 830 კრონა (€ 31).

პერიოდულად პრაღის მუზეუმები და ღირსშესანიშნაობები ღია კარის დღეებს მართავენ. უმჯობესია აქტუალური ინფორმაცია ტურისტულ საინფორმაციო ოფისებში მოიპოვოთ, გთავაზობთ რამდენიმე მაგალითს:

ვალდშტეინის სასახლე: შესვლა უფასოა იანვრიდან მარტის ჩათვლით ყოველი თვის პირველ შაბათ-კვირას 10:00- დან 16:00 საათამდე, აპრილიდან დეკემბრის ჩათვლით ყოველ შაბათს და კვირას 10:00- დან 17:00 საათამდე,

ქალაქის მუზეუმი: შესვლა უფასოა მოსწავლეებისთვის, სტუდენტებისა და პენსიონერებისთვის ყოველი თვის პირველ ხუთშაბათს. სხვებისთვის კი  სიმბოლური ფასია – 10 კრონა (€ 0.35). მუზეუმი ღიაა 20:00 საათამდე.

მოდის მუზეუმი: შესვლა უფასოა. 11: 00-დან 18:00 საათამდე (კვირაობით 12:00 საათიდან).

ასევე, შეგიძლიათ ყოველთვის შეუერთდეთ პრაღის უფასო მიმოხილვით ექსკურსიებს, რომელთა განრიგიც აქ შეგიძლიათ იხილოთ.

პრაღაში, ისევე, როგორც ევროპის ყველა სხვა დედაქალაქში, კვება უმჯობესია ტურსიტული ცენტრისგან მოშორებით,  იმ დაწესებულებებში, სადაც ადგილობრივი მოსახლეობა დადის ხოლმე. თუმცა  პრაღაში და ძველ ქალაქშიც იპოვით რესტორნებს, სადაც შედარებით იაფია. მაგალითად, კარგი რეპუტაცია აქვს რესტორან U Sádlů, რომელიც ძველი ქალაქის მოედანთან (Staroměstské náměstí) და დენთის კოშკთან (Prašná brána ) ახლოს მდებარეობს.  იგი დიდი ულუფებითა და ზომიერი ფასებითაა განთქმული. ასევე Havelská-ს ქუჩაზე მდებარეობს რაღაც სასადილოს მსგავსი, სადაც ტრადიციული კერძების დაგემოვნებას შეძლებთ. დაწესებულების პოვნა შეგიძლიათ წარწერით „ჩეხური სამზარეულო“ (Česká kuchyně).

მთელ ქალაქში სასმელი წყლის შადრევნებია განთავსებული, ასე რომ პრაღაში სეირნობისას შეგიძლიათ თან პლასტიკური ბოთლი ატაროთ და დროდადრო ცივი და სუფთა წყლით შეასვოთ. ასევე ადგილობრივი სწრაფი კვების რესტორნებში KFC არსებობს უფასო მომსახურება free refill, რომლის მეშვეობითაც შეგიძლიათ შეავსოთ გაზიანი სასმელები შეზღუდვების გარეშე.

ბევრ ადგილობრივ ბარში 20:00-დან 22:00 საათამდე Happy hours იმართება, რომლის დროსაც ალკოჰოლური კოქტეილები და ცნობილი ჩეხური ლუდი ნახევარ ფასად შეგიძლიათ შეიძინოთ. თუმცა ლუდის ფასები პრაღაში  ისედაც საკმაოდ მისაღებია.

ყველაზე იაფი ორმხრივი ავიაბილეთი Tbilisi -დან Prague -მდე

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

26.04.2019

30.04.2019

Direct

ფასი 783

23.02.2019

26.02.2019

1 stop

ფასი 470

12.01.2019

19.01.2019

2 stops

ფასი 645

პირდაპირი ფრენები Kutaisi-დან Prague-მდე

გაფრენის თარიღი დაბრუნების თარიღი ავიაკომპანია ბილეთების მოძებნა

25.12.2018

29.12.2018

ფასი 440

19.01.2019

22.01.2019

ფასი 327

ასევე წაიკითხეთ:

ჰელოუინი 2018: TOP-5 ყველაზე საშიში ადგილი პლანეტაზე

დასვენება ზღაპრულ ბალიზე: 10 რამ, რაც მოგეწონებათ

ფრენა გადაჯდომით კატარში: რით შეიძლება გაერთოთ, რა შეიძლება დააგემოვნოთ, როგორ უნდა მოიქცეთ

sastumroebi
Posted in ბლოგი and tagged , , .

მალხაზ კევლიშვილი