კრაკოვი

კრაკოვის სრული სახელი ასე ჟღერს: სამეფო დედაქალაქი კრაკოვი . ის მართლაც ამართლებს ამ საზეიმო სახელწოდებას . მიუხედავად იმისა, რომ პოლონეთის სამხრეთით მდებარე ეს დიდი ქალაქი უკვე დიდი ხანია აღარ არის ქვეყნის დედაქალაქი, მას კვლავ შემორჩა ქვეყნის მთავარი დასახლებული პუნქტის ღირსება და სილამაზე, სამეფო პეწი კი აქ ყოველ ნაბიჯზე იგრძნობა.

მრავალი ტურისტი კრაკოვს პოლონეთის ყველაზე საინტერესო ადგილად მიიჩნევს . მოგზაურები აქ ღირსშესანიშნაობების  და მეორე მსოფლიო ომის შთამბეჭდავი და შემზარავი ძეგლების, საოცრად ჰარმონიული არქიტექტურის სანახავად ჩამოდიან . გარდა ამისა, აქ ხშირად მუსიკალური და კინოფესტივალები, ქუჩის თეატრის დღეები და მსოფლიო მასშტაბის სხვა კულტურული ღონისძიებები ეწყობა.

როგორ ვიმგზავროთ კრაკოვამდე

ყველაზე მარტივი და სწრაფი გზა თვითმფრინავით მგზავრობაა, კრაკოვ-ბალიცეს საერთაშორისო აეროპორტი ისტორიული ცენტრიდან 11 კმ-ში მდებარეობს . საქართველოდან კრაკოვში პირდაპირი რეისები ქუთაისის აეროპორტიდან ხორციელდება . მგზავრობის ხანგრძლივობა დაახლოებით 3,5 საათია.

აეროპორტიდან ქალაქში უფრო იაფია ავტობუსით მგზავრობა (ჩვეულებრივ 4 PLN ან რკინიგზის ტრანსპორტით – 9 PLN) . ტაქსით მგზავრობის ღირებულება 50 PLN-დან იწყება.

საქართველო პოლონეთთან არ არის დაკავშირებული მატარებლით ან ავტობუსით .  

კრაკოვის რაიონები

კრაკოვი  18 ნაწილადაა დაყოფილი, რომლებიც ოფიციალურად რომაული ციფრებითაა განსაზღვრული, მაგრამ პრაქტიკაში მათ ხშირად ისტორიულ სახელებს უწოდებენ .

თითქმის ყველა ღირსშესანიშნაობა I Stare Miasto ან ძველი ქალაქის უბანშია თავმოყრილი . სწორედ აქ ჩერდებიან ტურისტები, რათა ცენტრის ნებისმიერ წერტილამდე ფეხით მივიდნენ.

გარშემო უბნები ძირითადად ახალი შენობებითაა წარმოდგენილი, სადაც იშვიათად რელიგიურ ძეგლებსა და პარკებსაც შეხვდებით . მწვანე ზონის სიუხვის თვალსაზრისით, საინტერესოა ზვეჟინეცის VIII უბანი . პოდგუჟეში ძალიან უჩვეულო არქიტექტურასაც კი იხილავთ, მაგალითად, ვილა იულია, პოდსკალე ან წმ . ბენედიქტის ეკლესია, ისევე როგორც სევდიანად ცნობილი საკონცენტრაციო ბანაკი „პლაშოვი“ . ვზგუჟა-კშესლავიცკეში ძველ ფორტებს ათვალიერებენ.

რამდენიმე სასახლე, მათ შორის კიჰმაიერების ან ვოძიცკების, პოპელის კარ-მიდამო და სტალინური არქიტექტურის ნიმუშები ნოვა-ხუტაში მდებარეობს . თუმცა ეს ადგილი სიმშვიდით არ გამოირჩევა, რადგან აქ ხშირია ქუჩის ქურდობები და ამიტომ აქაურობას გირჩევთ დღისით ეწვიოთ .

კრაკოვის სასტუმროები

კრაკოვში განთავსების რამდენიმე ათასი ვარიანტია . ესენია მოკრძალებული ჰოსტელები, სასტუმრო სახლები, ბინები და სასტუმროები: უბრალო და ბიუჯეტურიდან დაწყებული მდიდრული და ძვირადღირებულით დამთავრებული . ადგილის შერჩევისას ბევრი მოგზაური უბანს აქცევს ყურადღებას და თითქმის ყველას ცენტრში სურს გაჩერება . ძველი ქალაქის სამვარსკვლავიან სასტუმროში  ნომრის ღირებულებაა 270 PLN ორ ადამიანზე, ხოლო 5* – 800 PLN . ადგილი ჰოსტელში 37 PLN ღირს . მრავალი სასტუმრო უფასო პარკირების ადგილს, საუზმეს და Wi-Fi სთავაზობს.

წაიკითხეთ ასევე:

• ავიაბილეთები პოლონეთის მიმართულებით
• მარშრუტი პოლონეთში: TOP 5 ყველაზე საინტერესო ქალაქი
• ყველაზე მნიშვნელოვანი ვარშავის შესახებ ერთ სტატიაში
• ევროპის TOP 10 საოცარი პლაჟი, რომელსაც აუცილებლად უნდა ეწვიოთ
• TOP 10 საინტერესო ადგილი, რომელთა მონახულება ღირს კრაკოვში