ვარშავა

ყველაზე მნიშვნელოვანი ვარშავის შესახებ ერთ სტატიაში

ვარშავა მოგზაურთა მხრიდან უსამართლოდ მოკლებულია ყურადღებას. მეორე მსოფლიო ომის დროს განადგურებული და საბჭოთა ეპოქის დროს აშენებული ქალაქი, დღეს გულმოდგინედ ცდილობს დაიბრუნოს თავისი ყოფილი სიდიადე და სახელი. Aviabiletebi.org-მა სასარგებლო რეკომენდაციები შეაგროვა მათთვის, ვინც ვარშავაში ვიზიტს პირველად გეგმავს.

როგორ ვიმგზავროთ

ვარშავის ფრიდერიკ შოპენის სახელობის აეროპორტი ქალაქიდან მხოლოდ 10 კილომეტრში მდებარეობს. ტურისტულ ცენტრამდე მგზავრობა არ გაგიჭირდებათ, რადგან აქედან რეგულარული ავტობუსი და მატარებელი მოძრაობს. 4 ზლოტის საფასურად შეგიძლიათ იმგზავროთ №148 (ურსუნოვისა და პრაღის უბნებში), №175 (ცენტრალური რკინიგზის სადგურამდე) და №188 (რკინიგზის სადგურის მახლობლად მდებარე მეტროს სადგურამდე) ავტობუსებით. ღამით კი №32 ავტობუსი მოძრაობს, რომელიც ასევე რკინიგზის სადგურამდე მიგიყვანთ.

ძველი ქალაქი ვარშავა

ყოველ 15 წუთში აეროპორტიდან გადის მატარებელი, რომელიც ცენტრალური რკინიგზის სადგურში ჩერდება. თუ გეჩქარებათ ტაქსით შეგიძლიათ იმგზავროთ, თუმცა 40 ზლოტი დაგიჯდებათ (€9.50).

2012 წელს ვარშავის მახლობლად კიდევ ერთი აეროპორტი აშენდა – მოდლინი. იგი ევროპის ორი მთავარი ლოუკოსტ კომპანიის რეისებს ემსახურება: Ryanair და Wizz Air. თუ პოლონეთში ევროპიდან მოფრინავთ, სავარაუდოდ, აქ ჩამოფრინდებით. ქალაქამდე დაახლოებით 40 კილომეტრის მანძილია. ყველაზე სწრაფად მოდლინიდან ვარშავამდე ავტობუსით იმგზავრებთ, რომელიც აეროპორტიდან კულტურის სასახლემდე მიდის. ამ ვებ-გვერდზე მგზავრობის ღირებულებას და განრიგს გაეცნობით.

ვარშავაში ტრანსპორტის ბილეთების შეძენას გაზეთების ჯიხურებში ან ავტომატებში გირჩევთ,  რომელთა ჩამონათვალი და მდებარეობა აქ შეგიძლიათ იხილოთ. საფასურის გადახდა მძღოლთან შეგიძლიათ, მაგრამ ამ შემთხვევაში ბილეთი უფრო ძვირი ეღირება.

ვარშავაში ტრანსპორტის ბილეთების უამრავი სახეობაა – დაწყებული 20 წუთის განმავლობაში მოქმედი ბილეთიდან  ერთ თვიანი სამგზავრო ბილეთით დამთავრებული. ყველა სახის ბილეთებსა და მათ ღირებულებას აქ შეგიძლიათ გაეცნოთ. თუ პოლონეთის დედაქალაქს შაბათ-კვირას ეწვევით, გირჩევთ სპეციალური სამგზავრო ბილეთით ისარგებლოთ, რომელიც შაბათ-კვირას მოქმედებს ერთ ადამიანზე (24 ზლოტი) ან 5 კაციან ჯგუფზე (სულ 40 ზლოტი).

ტურისტის ბარათი

ვარშავის ტურისტული ბარათი ოდნავ განსხვავდება ევროპის სხვა დედაქალაქების მიერ შემოთავაზებული ბარათებისგან. მისი მოქმედება მხოლოდ ძირითადი ღირსშესანიშნაობების მონახულებაზე ვრცელდება, მაგრამ არ იძლევა საზოგადოებრივი ტრანსპორტით მგზავრობის უფლებას.

ვარშავის ღირშესანიშნაობები

თუმცა Warsaw Sightseeing Pass-ის მეშვეობით  დეტალურ გზამკვლევს და Hop on Hop off საექსკურიო ავტობუსით გასეირნების შესაძლებლობას მიიღებთ. ბარათის შეძენა ერთ-ერთ ტურისტულ ოფისში  ან ონლაინ შეგიძლიათ. 1 დღის განმავლობაში მოქმედი ბილეთის ღირებულება 119 ზლოტია, 2 დღის – 159 ზლოტი, 3 დღის – 189 ზლოტი. 26 წლამდე და 65 წელზე მეტი ასაკის ტურისტები ფასდაკლებით სარგებლობენ.

უფასო ექსკურსიები

შეგიძლიათ ისარგებლოთ ავტობუსის ტურით ქალაქის ღირსშესანიშნაობების დასათვალიერებლად. მაგრამ კომენტარების მიხედვით იგი საკმაოდ მოსაწყენია. უმჯობესია თუ ვარშავის დასათვალიერებელ ექსკურსიაზე ადგილობრივ მაცხოვრებელ-გიდთან ერთად წახვალთ. მით უმეტეს, რომ ასეთ ექსკურსიაში უფასოდ შეგიძლიათ მიიღოთ მონაწილეობა.

ამ ვებ-გვერდზე უახლოესი მსგავსი ღონისძიებების ჩამონათვალი შეგიძლიათ იხილოთ, ამასთან, თითოეული შემოთავაზებული ექსკურსია უნიკალურია. აქ თქვენ იპოვით ძველი ქალაქის სტანდარტული დათვალიერების ტურს და ვარშავის კომუნისტური წარსულისადმი მიძღვნილ მარშრუტს, კულინარულ და ალკოჰოლურ ტურებს, ასევე ექსკურსიას „არასტანდარტული ვარშავა“, სადაც ახალმოდურ ადგილებს ეწვევით.

მეორე მსოფლიო ომის დროს ქალაქი ძლიერ განადგურდა და ბევრი მიიჩნევს, რომ ამის გამო, ქალაქში არაფერია სანახავი. მართლაც, ძველი ქალაქი ვარშავაში – ეს არის ომის შემდეგ აღდგენილი შენობები, მაგრამ პრაღის უბანს, რომელიც დაბომბვას გადაურჩა, ჯერ კიდევ შემორჩენილი აქვს ძველი სულისკვეთება.

აუცილებლად მოსანახულებელი ადგილების სიაში შედის სამეფო სასახლე (შესვლის საფასური – 23 ზლოტი), ლაზენკოვსკის სასახლე და მის მახლობლად მდებარე ულამაზესი პარკი (სასახლეში შესვლის საფასური – 18 ზლოტი), შოპენის მუზეუმი (შესვლის საფასური – 22 ზლოტი) და კულტურის სასახლეში სათვალთვალო მოედანი. ძველი ქალაქის დათვალიერება ცხენებით შებმული ძველებური ეტლით შეგიძლიათ – ასეტი რომანტიკული გასეირნება უფრო კარგად დაგამახსოვრდებათ, ვიდრე გიდთან ერთად მოსაწყენი ტური.

გაითვალისწინეთ, რომ ვარშავაში ბევრი მუზეუმი არ მუშაობს ორშაბათობით, ამიტომ უმჯობესია მათი სამუშაო განრიგი ღირსშესანიშნაობების ოფიციალურ ვებ-გვერდებზე შეამოწმოთ.

სხვა რჩევები

გამოცდილი მოგზაურები გვირჩევენ თავი ავარიდოთ სასტუმროში მდებარე ბანკებსა და ვალუტის გადამცვლელ პუნქტებს. ამ დაწესებულებებში კურსი და საკომისიო საკმაოდ არახელსაყრელია. გირჩევთ ეგრეთ წოდებული „კანტორები“ ოპოვოთ (აბრაზე პოლონურად სწორედ ასეა მითითებული — Kantor) – აქ ყველაზე სამართლიანი კურსია ზედმეტი გადასახადების გარეშე. მათი პოვნის ყველაზე მარტივი გზაა  პირდაპირ საძიებო სისტემაში შეიყვანოთ „kantor Warszawa” – და რუკაზე უახლოესი „კანტორები“ იქნება აღნიშნული.

შოპინგი ვარშავაში

ვარშავაში ყველაზე პოპულარული სუვენირებია არაყი „ზუბროვკა“ და თაფლი (miód pitny) – თაფლისგან დამზადებული სასმელი, რომელსაც წლების განმავლობაში სარდაფში აძველებენ.  სამახსოვროდ ერთი ბოთლის შეძენა ჩვეულებრივ მაღაზიაშიც შეგიძლიათ, მაგრამ უგემრიელესია სახლში დამზადებული სასმელები, რომლებიც ქალაქის მრავალ რესტორანში შეგიძლიათ დააგემოვნოთ.

ვარშავაში უამრავი მასობრივი წარმოების საქონლის ბაზრის ბრენდებია წარმოდგენილი, რომელიც ჯერ არ არის შემოსული საქართველოში, უკრაინაში თუ რუსეთში. ამიტომ, ექსკურსიების შემდეგ გირჩევთ ერთ-ერთ სავაჭრო ცენტრს ეწვიოთ. მათგან ყველაზე პოპულარულია  Arkadia, Blue City, Złote Tarasy.

სუვენირების შეძენას ძველ ქალაქში მდებარე პატარა მაღაზიებში გირჩევთ – ეს არის ქარვის ნაკეთობები, სელის ქსოვილის სუფრები და თოჯინები ეროვნულ კოსტიუმებში.

ასევე იხილეთ:

 

პირდაპირი ფრენები Kutaisi-დან Warsaw-მდე

გაფრენის თარიღი დაბრუნების თარიღი ავიაკომპანია ბილეთების მოძებნა

25.03.2019

27.03.2019

ფასი 1 156

16.04.2019

18.04.2019

ფასი 540

07.05.2019

14.05.2019

ფასი 354

ავიაბილეთები ამ თვეში Tbilisi-დან Warsaw-მდე

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

25.03.2019

10.04.2019

1 stop

ფასი 710

26.03.2019

31.03.2019

Direct

ფასი 700

27.03.2019

02.04.2019

1 stop

ფასი 713

28.03.2019

04.04.2019

1 stop

ფასი 570

29.03.2019

04.04.2019

Direct

ფასი 649

30.03.2019

30.05.2019

1 stop

ფასი 693

31.03.2019

07.04.2019

1 stop

ფასი 656

Posted in ბლოგი, ლაიფჰაკი and tagged , , .