ევროპის TOP 10 საოცარი პლაჟი, რომელსაც აუცილებლად უნდა ეწვიოთ

პლაჟზე დასვენება უბრალოდ საზაფხულო შვებულების გატარების საშუალება შეიძლება იყოს ან ნათელი შთაბეჭდილებებისა და უსასრულო შთაგონების წყარო გახდეს – ეს ყველაფერი დამოკიდებულია იმაზე, თუ რომელ ადგილს აირჩევთ . თქვენთვის ევროპის TOP 10 ყველაზე ლამაზი პლაჟის სია მოვამზადეთ, რომლებზეც დასვენება ნამდვილად დაგამახსოვრდებათ!

Stiniva Beach, კუნძული ვისი, ხორვატია

კუნძული ვისის პლაჟზე დასვენება – ეს არის დაუვიწყარი გამოცდილება, რომლის რაიმესთან შედარებაც კი რთულია . პლაჟი Stiniva Beach  პაწაწინა ყურეში მდებარეობს, რომლის ფარგლებს გარეთ უსასრულო ლურჯი ადრიატიკის ზღვა იწყება . კუნძული ვისი თქვენზე დიდ შთაბეჭდილებას მოახდენს მიუხედავად იმისა, აპირებთ თუ არა აქ  მთელი თქვენი შვებულება გაატაროთ,  ექსკურსიით ეწვიოთ თუ უბრალოდ პატარა კრუიზით გადაწყვიტეთ მოინახულოთ ხორვატის ნაკლებად დასახლებული, მაგრამ  მდიდარი ბუნების მქონე კუნძულები.

საინტერესოა, რომ სტინივას პლაჟი არა მხოლოდ მოგზაურების ყურადღებას იპყრობს: ეს ადგილი ბუნების გეომორფოლოგიურ ძეგლადაა აღიარებული და კანონითაა დაცული.

ასევე იხილეთ: სპლიტი: ხორვატიის კურორტის 12 ღირშესანიშნაობა

პლაია-გრანდი, ტოსა დე მარი, ესპანეთი

კლდეები, ფიჭვნარი, თვალწარმტაცი ყურეები და შესანიშნავი ქვიშიანი პლაჟი – ეს ის სურათია, რისთვისაც აქ დასასვენებლად ჩამოდიან . ტოსა დე მარი – კოსტა ბრავას სანაპიროს სამხრეთ ნაწილია, რომელიც ტურისტებს სასიამოვნო ზღვისა და თვალწარმტაცი ნაპირის, ისტორიის, ხელოვნებისა და გასტრონომიის წარმოუდგენელი სიმდიდრის უნიკალურ კოქტეილს სთავაზობს.

აქ ყველა გემოვნების ადამიანისთვისაა შექმნილი პირობები, პლაია-გრანის ფართო სანაპირო ზოლი კი ყველას ლამაზ პლაჟზე განთავსების საშუალებას აძლევს.

Concha Bay, სან-სებასტიანი, ესპანეთი

სან-სებასტიანი – ევროპის პოპულარული კურორტია, რომელსაც ირჩევს ის, ვისაც არა მხოლოდ პლაჟზე დასვენება სურს, არამედ სურს სიამოვნება მიიღოს დახვეწილ ადგილზე დასვენებით . სწორედ ასეთ პირობებს სთავაზობს სან-სებასტიანი – ბასკების ქვეყნის მარგალიტი, და როგორც მრავალი მიიჩნევს, ესპანეთის ყველაზე ლამაზი ქალაქი.

ლა კონჩა – მსოფლიოში ცნობილი ნიჟარის ფორმის ყურეა, რომელიც ნებისმიერი გემოვნების ადამიანს რამდენიმე ულამაზეს პლაჟს სთავაზობს . იმავე სახელწოდების პლაჟი – ყველაზე ცნობილია, პლაჟი ონდატერა – ოჯახებისთვის საყვარელი პლაჟია, პლაჟ სურიოლუს ახალგაზრდები და სერფერები ანიჭებენ უპირატესობას, ხოლო სანტა-კლარას კუნძულზე განთასვებული ზღვის სანაპიროს პატარა მონაკვეთი იზიდავს მათ, ვისაც მყუდრო, განმარტოებული ადგილები უყვარს.

Berlenga Island, პენიში, პორტუგალია

პენიშიდან 10 კილომეტრის მანძილზე ბუნების ნამდვილი სამოთხე მდებარეობს – კუნძული ბერლენგა, რომელიც  თითქმის ხელუხლებელ  მდგომარეობაშია შენარჩუნებული . ერთადერთი მაცხოვრებლები, რომლებიც კუნძულზე მთელი წლის განმავლობაში იმყოფებიან, შუქურისა და ნაკრძალის მოვლა-პატრონობაზე პასუხისმგებელი პერსონალია . ხოლო მაისიდან ოქტომბრის ჩათვლით პენიშიდან საზღვაო ტრანსპორტი ყოველდღე მოძრაობს.

ბერლენგა იდეალური ადგილია მათთვის, ვინც სიმშვიდეს, სიმყუდროვესა და სიწყნარეს ეძებს . განსაკუთრებით თუ გავითვალისწინებთ, რომ კუნძულის მონახულება ერთდროულად მხოლოდ 350 ადამიანს შეუძლია.

პლაჟზე დასვენების შემდეგ გირჩევთ საფეხმავლო ბილიკებზე გაისეირნოთ და მღვიმეები შეისწავლოთ, სან-ჟუან ბაპტისტას ციხესიმაგრეს ეწვიოთ ან უბრალოდ მყუდრო ადგილი იპოვოთ, საიდანაც ულამაზესი ხედებით დატკბებით.

Cala Acciarino, კორსიკა, საფრანგეთი

ლავეცის კუნძული – ეს ის ადგილია, სადაც სუფთა ბუნებისა და  წარმოუდგენელი ადგილობრივი პეიზაჟების მოსანახულებლად ჩამოდიან .

ლავეცი უჩვეულო კუნძულია, რომელსაც უზარმაზარი გრანიტის ფილები ქმნიან, ხოლო Cala Acciarino მისი ერთ-ერთი ყველაზე ლამაზი ადგილია: სუფთა პლაჟი წვრილი რბილი ქვიშით და უზარმაზარი ქვის ლოდებით გარშემორტყმული . ეს უნიკალური რელიეფი შესანიშნავ პირობებს ქმნის წყალქვეშა ფლორისა და ფაუნის განვითარებისთვის, ამიტომ პლაჟზე დასვენებისა და კუნძულზე გასეირნების შემდეგ შეგიძლიათ წყალქვეშ აკვალანგით იცუროთ და ლავეცის წყალქვეშა სამყარო უფრო ახლოს შეისწავლოთ.

მზისგან დამცავი კრემი, საკვები, სასმელი და ყველაფერი, რაც დასვენებისთვის დაგჭირდებათ – წინასწარ იზრუნეთ, რადგან  ლავეცის კუნძული ბუნების ნაკრძალია ამ სიტყვის მკაცრი გაგებით და ტურისტებისთვის პრაქტიკულად  კეთილმოუწყობელია.

Armaçao de Pera Beach, ალგარვი, პორტუგალია

Armaçao de Pera – ეს ის ადგილია, რომელიც არაბული ბატონობისა და პორტუგალიის  სახელმწიფოებრიობის ჩასახვის ხსოვნას ინახავს და ამავდროულად პოპულარულ კურორტს წარმოადგენს . Armaçao de Pera-ს სანაპირო ზოლი ძალიან ლამაზია და არ ჰგავს მსგავსი კურორტების უმრავლესობას:  მისი უსასრულო  სივრცე საშუალებას გაძლევთ  სრულიად განმარტოებული ადგილი იპოვოთ ყველას თვალწინ, სხვა დამსვენებლებისთვის მიუწვდომელ ადგილას.

უსასურულოდ, რამდენადაც თვალი გასწვდება, გადაჭიმული ქვიშიანი პლაჟები, რომლებიც კლდოვანი ნაპირებითაა გარშემორტყმული,  ოკეანეს რია ფორმოზას ნაკრძალი ზონიდან გამოჰყოფს, ხოლო პატარა ყურეები უცხო თვალისთვის ოქროსფერი კლდეებითაა დაფარული . ლაჟვარდისა და ლურჯის ყველა ელფერი თითქოს  საცურაოდ გეპატიჟებათ.

Apela Beach, კუნძული კარპატოსი, საბერძნეთი

კარპატოსი – დოდეკანესის სიდიდით მეორე კუნძულია, რომელიც მის ყველზე  სამხრეთ ნაწილში მდებარეობს . ეს თვალწარმტაცი და მთაგორიანი ადგილია მინერალური წყლებით, ფიჭვნარებით, ვენახებით, ზეთისხილისა  და ხეხილის ბაღებით . ლეგენდის თანახმად, კუნძულის პირველი მკვიდრი იყო იაპეტი, ურანოსისა და გეას ვაჟი.

გამჭვირვალე ცისფერი ზღვის წყალი მწვანე წიწვოვანი ხეების კონტრასტთან ერთად იმ საოცარ პეიზაჟებს ქმნის, რომელთა ხილვაც  სწორედ პლაჟზე დასვენების დროს გსურთ.

Santa Maria Dell’ Isola, ტროპეა, იტალია

კრისტალურად სუფთა ზღვის წყალი და თოვლივით თეთრი ქვიშა –  ტროპეის სავიზიტო ბარათია . აქ საინტერესო იქნება როგორც მათთვის, ვინც საუკეთესო ადგილს ეძებს  პლაჟზე დასასვენებლად, ისე მათთვის,  ვისაც უამრავი სახეობის თევზით მდიდარი წყალქვეშა სამყაროს შესწავლა სურს.

ზეთისხილის, ციტრუსების პლანტაციები და ვენახები სეირნობისთვის შესანიშნავ პირობებს ქმნიან, ხოლო ტროპეის ისტორიული ცენტრი რომანტიკულ ქუჩებში სასეირნოდ და ეკლესიებისა და უძველესი არქიტექტურის დასათვალიერებლად გეპატიჟებათ.

Ksamil beach, კსამილის კუნძულები, ალბანეთი

კსამილი – ალბანეთის ერთ-ერთი ყველაზე პოპულარული კურორტია, რომელსაც პლაჟები  როგორც კონტინენტზე, ისე კუნძულებზე აქვს . კუნძულის პლაჟებზე შეგიძლიათ ნავით ან კატამარანით იმგზავროთ . და ეს ნამდვილად ღირს, რადგან ამ პატარა კუნძულებზე ბუნების ხელუხლებელი სილამაზის ნაწილია დაცული.

სუფთა წყალი და მწვანე საფარველი კსამილის კუნძულების პლაჟებს ერთ-ერთ ულამაზეს ადგილად აქცევს მთელს ალბანეთში.

პლაჟი ნავაიო, ზაკინტოსი, საბერძნეთი

ზაკინტოსის ჩრდილო-დასავლეთ სანაპიროზე დედამიწის ერთ-ერთი ყველაზე ლამაზი ყურე მდებარეობს იმავე სახელწოდების პლაჟით – ნავაიო . ეს საოცარი ადგილი ფრიალო კლდითაა გარშემორტყმული, ამიტომ აქ მხოლოდ ზღვის მხრიდან შეძლებთ მგზავრობას.

ყურეში ულამაზესი გზით მოგიწევთ გავლა, რადგან კალციუმის მაღალი შემცველობის გამო ზღვის წყალს ხასხასა ცისფერი ელფერი დაჰკრავს . მშვიდი დასვენების მოყვარული ტურისტები აქ საექსკურსიო ნავებით ჩამოდიან: უზარმაზარი კლდეები ყურეს ქარისგან იცავს, ამიტომ აქ სიმშვიდე და სიწყნარე სუფევს.

წაიკითხეთ ასევე:

• რა შეიძლება მოვინახულოთ ათენში: TOP 20 საინტერესო ადგილი
• რომაული არდადეგები: 20 MUST SEE ადგილი, რომელიც აუცილებლად უნდა იხილოთ
• TOP-20 ადგილი, რომელთა მონახულება ღირს მილანში
• იტალიის 5 ქალაქი, რომელშიც ჯერ არ ყოფილხართ