“ჰელსინკი მოსაწყენი ქალაქია” – ასე არაერთხელ დაუხასიატებიათ ეს ქალაქი . ჩვენ ამის არ გვჯერა, რადგან პატარა სოფელშიც კი შეიძლება რამე საინტერესო აღმოაჩინოთ . ჰელსინკი არის თანამედროვე, დინამიური ქალაქი, რომელიც საოცარ საუნასა და სპას შემოგთავაზებთ, გაჩვენებთ ნეოკლასიკური არქიტექტურის საუკეთესო ნიმუშებს, გაგაოცებთ თავისი კულტურული ცხოვრებით და აუცილებლად დაგიტოვებთ დაბრუნების სურვილს . ფინეთის დედაქალაქში 15 ლოკაციას გთავაზობთ, რაც აუცილებლად შეგიცვლით მოსაზრებას, რომ აქ სანახავი არაფერია.

სტატიის სარჩევი

საკათედრო ტაძარი სენატის მოედანზე

საკათედრო ტაძარი ფინეთის დედაქალაქის გულია და მისი სავიზიტო ბარათი . სწორედ აქედან უნდა დაიწყოთ გასეირნება ამ ქალაქში . ნეოკლასიკური ტაძარი აშენდა 1830-1852 წლებში, სანქტ-პეტერბურგში წმინდა ისააკის ტაძრის მშენებლობის პარალელურად . ამ ფაქტით აიხსნება საკათედრო ტაძრების მსგავსება . ჩამოჯექით ტაძრის კიბეებზე, დატკბით პანორამული ხედით, ყავა მიირთვით და გაემგზავრეთ ფინეთის დედაქალაქის შესასწავლად.

მისამართი: Unioninkatu 29

სამუშაო საათები: 9:00-18:00

ჰელსინკის საქალაქო მუზეუმი

სენატის მოედანთან ახლოს, საკათედრო ტაძრის მოპირდაპირედ, მდებარეობს ჰელსინკის საქალაქო მუზეუმი . გირჩევთ ეწვიოთ ამ ადგილს, თუნდაც მუზეუმები დიდად არ გიყვარდეთ . მუზეუმი საუკეთესო ადგილია ქალაქის 450 წლიანი ისტორიის გასაცნობად, იმის გასარკვევად, თუ როგორ ცხოვრობდა იგი წარსულში და როგორ ცხოვრობენ ახლა ქალაქელები .

გადმოიწერე ჩვენი მობილური აპლიკაცია!

მოიძიე ავიაბილეთები და სასტუმროები ყველაზე იაფად!

APP გადმოწერა

მუზეუმი კომპაქტურია და მის დათვალიერებას დიდი დრო არ დასჭირდება, სამაგიეროდ ჰელსინკის ისტორიას კარგად გაეცნობით . შესვლა უფასოა.

მისამართი: Aleksanterinkatu 16

სამუშაო საათები: ყოველდღე 11:00-19:00, შაბათი-კვირა – 11:00-17:00

იხილეთ მოსახერხებელი ფრენები საქართველოდან ჰელსინკის მიმართულებით აქ

ტემპელიაუკიოს ეკლესია (Temppeliaukion Church)

გინახავთ ოდესმე კლდეში ჩაშენებული ეკლესია ? ეს მრგვალი ეკლესია კლდეშია განლაგებული, ჩვეულებრივ საცხოვრებელ უბანში, თავზე გამჭვირვალე გუმბათი ადგას და მთელი თავისი იერსახით სიმბოლოა ბუნებისა და ტექნოლოგიების ორგანულუ სიმბიოზის სიმბოლოს წარმოადგენს . რელიგიური ღონისძიებების გარდა, აქ ხშირად იმართება კონცერტები და ორგანული წარმოდგენები . 2006 წელს კი აქ შედგა ფინეთში პირველი წირვა, როდესაც მძიმე როკ-მუსიკის თანხლებით შესრულდა საეკლესიო გალობა . მიმდინარე კონცერტების განრიგი შეგიძლიათ იხილოთ ვებგვერდზე.

მისამართი: Lutherinkatu 3

სამუშაო საათები: ორშაბათი, ოთხშაბათი-პარასკევი – 10:00-17:00, სამშაბათი – 12:00-17:00, შაბათი – 10:00-11:45, 13:45-17:00; კვირა – 12:00-14:45, 15:45-17:00

მიძინების ტაძარი

თუ ჰელსინკში ზღვით ჩახვალთ, ეს ტაძარი ერთ-ერთი პირველი იქნება, რასაც შენიშნავთ . ეს უდიდესი მართლმადიდებლური ეკლესიაა ჩრდილოეთ ევროპაში და სიდიდით მეორე შენობა ჰელსინკში . ტაძრის ინტერიერიც და გარეგნული მხარეც მომაჯადოებელია და დიდებული, ხოლო ტაძრის წინ განლაგებული მოედნიდან პორტსა და ქალაქზე ულამაზესი ხედი იშლება.

მისამართი: Kanavakatu 1

სამუშაო საათები: სამშაბათი-პარასკევი – 9:30-19:00, კვირა – 12:00-15:00, ორშაბათს ტაძარი დაკეტილია.

ბაზრის მოედანი

ვაჭრობა ამ მოედანზე მე-18 საუკუნეში დაიწყეს, როცა მეთევზეებმა აქ პირველად ახლადდაჭერილი თევზი მოიტანეს გასაყიდად . საღამოობით ეს სრულიად ჩვეულებრივი სანაპიროა, მაგრამ დილიდან შუადღემდე ცხოვრება მოედანზე უბრალოდ დუღს და გადმოდის . ამ დროს მოედანი ივსება კარვებით, სადაც იყიდება ყველანაირი ნივთი და ადგილობრივი კერძები – თევზის წვნიანი, სენდვიჩები, სოკო და კენკრა – აქედან მშიერი ვერ წახვალთ და თან სუვენირებსაც გაიყოლებთ.

ფრთხილეად იყავით – ადგილობრივ თოლიებს და კორმორანებს შეუძლიათ ადვილად აგაცალონ თქვენი გემრიელი სენდვიჩი.

მისამართი: Eteläranta

სამუშაო საათები: 8:00 – 17:00

კამპის დუმილის სამლოცველო

შეუძლებელია არ შენიშნოთ ეს ნარინჯისფერი კასრი . 2012 წელს დასრულებული ეს სამლოცველო არის ჰელსინკის ახალი არქიტექტურის ერთ-ერთი ყველაზე გამორჩეული და კაშკაშა მაგალითი . მაგრამ თუკი წინაისტორია არ იცით, ვერაფრით ვერ მიხვდებით, რომ ეს ფუტურისტული შენობა სამლოცველოა . როცა დაიღლებით ქალაქის აურზაურისგან, აქ მხოლოდ იმისთვის მოდით, რომ ჩამოჯდეთ და ფიქრებში წასული სიჩუმით დატკბეთ . სწორედ აქ იგრძნობთმ, თუ როგორ ჟღერს სიჩუმე.

მისამართი: Simonkatu 7

სამუშაო საათები: ყოველდღე 8:00 до 20:00, შაბათი და კვირა – 8:00 – 18:00.

მუზეუმი Amos Rex

მუზეუმი Amos Rex მოედანზე კამპის სამლოცველოს მახლობლად, გორებსა და მთვარის კრატერებს შორის მდებარეობს . ეს სრულიად ახალი ღირსშესანიშნაობა ფინეთის დედაქალაქში და უდიდესი კერძო მუზეუმი ფინეთში, ასევე ამოს ანდერსონის ხელოვნების მუზეუმის ხელახალი დაბადება . 2018 წელს ის BBC-მა მუზეუმი ევროპის ერთ-ერთ ყველაზე ინოვაციურ ახალ არქიტექტურულ კომპლექსად დაასახელა . აუცილებლად მოინახულეთ ის, რათა ბოლომდე შეიგრძნოთ ჰელსინკის კულტურული ცხოვრება.

მისამართი: Mannerheimintie, 22–24

სამუშაო საათები: ორშაბათი და პარასკევი – 11:00 – 18:00; ოთხშაბათი და ხუთშაბათი – 11:00 – 20:00; შაბათი და კვირა – 11:00 – 17:00; სამშაბათს მუზეუმი არ მუშაობს.

მუზეუმის ბილეთის ღირებულება: 22 ევრო, სტუდენტებისთვის – 15 ევრო.

სიბელიუსის მონუმენტი

ჟან სიბელიუსი არის ფინური მუსიკის სიამაყე, მისი არაოფიციალური ჰიმნის ავტორი და კომპოზიტორი, რომელმაც თავის დროზე საკუთარი ქვეყანა მთელ ევროპაში გახადა ცნობილი . გამოჩენილი თანამემამულის პატივსაცემად, ფინელებმა ააგეს მონუმენტი, რომელიც ახლა დედაქალაქის ერთ-ერთი ყველაზე პოპულარული ადგილია . ჰელსინკში რამდენიმე ასეული მილისგან შემდგარ ამ მასიურ ძეგლს ყოველწლიურად მრავალი ადამიანი სტუმრობს . გაისეირნეთ მის ქვეშ და ჩაყვირეთ მილებს . უბრალოდ ფოტოების გადაღებასთან შედარებით ეს უფრო სახალისო იქნება.

მისამართი: Sibeliuksen puisto, Mechelininkatu

ჰიეტანიემის სასაფლაო

თქვენი მარშრუტი სიბელიუსის ძეგლისკენ, სავარაუდოდ, გაივლის ჰიეტანიემის სასაფლაოზე . ეს ადგილი არ უნდა გამოტოვოთ . ადგილობრივებისთვის ეს ჩვეული ადგილია სასეირნოდ . მწვანეში ჩაფლული სასაფლაო თავისი ფართო დაჩრდილული ხეივნებით ნამდვილად გაგაოცებთ, ხოლო სასაფლაოს უკან დასავლეთით ქალაქის პლიაჟზე გახვალთ.

მისამართი: Hietaniemenkatu 20

სვეაბორგის ციხე (სუომენლინა)

წარსულში თავდაცვითი ციხესიმაგრე სუომენლინა ახლა ჰელსინკის საცხოვრებელი ადგილია, სადაც დაახლოებით 800 ადამიანი ცხოვრობს . აქ გაჩერებას ნამდვილად გირჩევთ; გაისეირნეთ ბასტიონებზე და მოიწყვეთ პიკნიკი, დატკბით ზღვისა და გამვლელი ლაინერების ხედებით . თუ კუნძულზე ბავშვებთან ერთად მოხვდებით, აუცილებლად წაიყვანეთ ისინი სათამაშოების მუზეუმში, სადაც თავმოყრილია ასობით სხვადასხვა ფინური სათამაშო.

კუნძულზე მისვლა მარტივია: ბორნები რეგულარულად გადაადგილდებიან კუნძულსა და ბაზრის მოედანთან მდებარე ნავსაყუდელს შორის.

ალექსანტერინკატუს ქუჩა

თუკი შოპინგი გიტაცებთ, ქალაქის მთავარ სავაჭრო ქუჩაზე – ალექსანტერიკატუზე უნდა მიხვიდეთ . შეიხედეთ ადგილობრივ უდიდეს სავაჭრო ცენტრებში Stockmann-ში, Galleria Esplanad-სა და Aleksi 13-ში . თუ საყიდლებზე ბევრი დროის დახარჯვა არ გსურთ ჰელსინკში, მარტივად მხოლოდ სკანდინავიური მას-მარკეტით – H&M და COS შემოიფარგლეთ.

მუზეუმი Kiasma

ესაა თანამედროვე ხელოვნების ნამდვილი მუზეუმი . ის არა მხოლოდ ხელოვნების მოყვარულთ იტაცებს, არამედ თავისი საუცხოო ინტერიერით გაჯადოებს.

მისამართი: Mannerheiminaukio 2

სამუშაო საათები: სამშაბათი – 10:00-18:00; ოთხშაბათი-პარასკევი – 10:00-20:30; შაბათი – 10:00-18:00; კვირა – 10:00-17:00; ორშაბათს მუზეუმი არ მუშაობს

მუზეუმის ბილეთის ღირებულებაა: 22 ევრო.

Allas Sea Pool

ფინეთის 5,5 მილიონიანი მოსახლეობის გათვალისწინებით, აქ 3,3 მილიონი საუნაა . ეს ფინელების დროის გატარების ყველაზე საყვარელი საშუალებაა . დღესდღეობით, თითქმის ყველა ფინურ სახლს აქვს საუნა და ისედაც ქალაქში ყოველ ფეხის ნაბიჯზე იპოვით . ამ კუთხით გირჩევთ კომპლექსს Allas Sea Pool.

საუნა მდებარეობს ქალაქის ცენტრში, ბაზრის მოედნის გვერდით . კომპლექსის საცურაო აუზი უშუალოდ ზღვაშია, ასე რომ შეგიძლიათ ფინეთის ყურის წყლებშიც ჩაეშვათ . უმჯობესია პირსახოცი თან იქონიოთ, რადგან აქ პირსახოცის ქირაობა 10 ევრო ღირს . საუნა ჰელსინკის განუყოფელი ნაწილია, ამიტომ აუცილებლად უნდა სცადოთ.

მისამართი: Katajanokanlaituri 2a

სამუშაო საათები: სამუშაო დღეები – 6:30-21:00; შაბათი – 9:00-21:00; კვირა – 10:00-20:00.

კომპლექსში შესვლა 18-22 ევრო ღირს.

Sompasauna

თუ ბიუჯეტი შეზღუდული გაქვთ, არ ინერვიულოთ . ჰელსინკში ასევე არის უფასო საუნა – Sompasauna, რომელიც მოხალისეთა შემოწირულობებით ფუნქციონირებს . ამის შემდეგ შეგიძლიათ ყინულოვან ზღვაში ჩაძირვაც – და ეს შთაბეჭდილებები დიდხანს გაგყვებათ . საუნა 24 საათი მუშაობს.

მისამართი: Sompasaarenlaituri

საუნა Arla

ეს არის ერთ-ერთი უძველესი საუნა ჰელსინკში, რომელიც ფუნქციონირებს 1929 წლიდან . ის აუცილებლად უნდა მოინახულოთ, თუ გსურთ შეაფასოთ ჭეშმარიტად ავთენტური ფინური საუნის ატმოსფერო . საუნაში შესვლა 12 ევრო ღირს.

მისამართი: Kaarlenkatu 15

სამუშაო საათები: ოთხშაბათი-პარასკევი – 15:00-22:00; შაბათი-კვირა – 14:00-22:00; ორშაბათს და სამშაბათს საუნა არ მუშაობს.

P.S . ამასთან ჰელსინკიდან ტალინში ბორნით რამდენიმე საათშიც შეგიძლიათ მოხვდეთ, ასე რომ შეგიძლიათ ეს ორი ქალაქი ერთ მოგზაურობის ფარგლებში მოინახულოთ . დაჯავშნეთ ბორნის ორმხრივი ბილეთები ამ საიტზე . ღირებულება 37 ევრო