TOP-20 ადგილი, რომელთა მონახულება ღირს მილანში

მაშ ასე, იმისათვის, რომ არ დაიკარგოთ ამ მრავალფეროვან სანახაობებს შორის, ჩვენ შევადგინეთ TOP-20 ადგილის სია, რომელთა წყალობით მილანი პირველივე შეხედვით და სამუდამოდ მოგხიბლავთ.

  1. მილანის ტაძარი

ეს დიდებული გოთიკური შენობა მართლაც მილანის სიმბოლო და მისი ერთ-ერთი მთავარი მშვენებაა.

მილანის  საკათედრო ტაძარი

იშვიათი ტურისტი თუ გაივლის ამ გიგანტის მიღმა, რადგან ტაძარი ულამაზესია როგორც გარედან, ისე შიგნიდან: მოლივლივე თაღები, სვეტები და ქანდაკებები, მდიდრული მოხატულობა – დუომოს მორთულობას თვალს ვერ მოწყვეტთ. მოგეჩვენებათ, რომ თითქოს სხვა განზომილებაში მოხვდით. მხოლოდ ფანტასტიკური სილამაზის ვიტრაჟები რად ღირს, რომელთაგან უძველესი 500 წელზე მეტი ასაკისაა!

ტაძარში ასევე შეძლებთ წაიკითხოთ მილანის ყველა არქიეპისკოპოსის ქვაზე ამოკვეთილი სახელები (I საუკუნიდან დაწყებული), დაათვალიეროთ წმინდანთა საფლავის ქვები, რომლებსაც წმინდა ამბროსის ცხოვრების ამსახველი ნახატები ამშვენებს, და ასევე შეძლებთ მოუსმინოთ მსოფლიოში ერთ-ერთ საუკეთესო ორგანს.

დუომო ღიაა ყოველდღე 09:00 საათიდან 18:00 საათამდე (შესვენება – 12:00 საათიდან 14:30 საათამდე). შესვლა 16 ევრო კათედრა, ტერასა და არქეოლოგიური განყოფილება.

  1. სფორცას ციხე-სიმაგრე

ეს არის სავარაუდოდ ტურისტებს შორის ყველაზე პოპულარული მილანის ციხე-სიმაგრე, რომელიც XIX საუკუნეში აშენდა როგორც იმავე სახელის დინასტიის მილანელი ჰერცოგების რეზიდენცია. ციხე-სიმაგრე დღეს ღიაა იმ სტუმრებისთვის, რომლებსაც სურთ გაეცნონ არა მხოლოდ იმ დროინდელ დიდგვაროვანთა ცხოვრებას, არამედ ცნობილი იტალიელების ხელოვნების ნიმუშებსაც.

გადაიხადეთ 15 ევრო და თქვენ მიიღებთ წვდომას ციხე-სიმაგრეში მდებარე მუზეუმის დარბაზებში, სადაც ავეჯი და საყოფაცხოვრებო ნივთებია გამოფენილი, ასევე სამხატვრო გალერეაში, სადაც ისეთი მხატვრების ნამუშევრებია წარმოდგენილი, როგორიცაა მანტენია, ბელინი და კორეჯო. აქვეა ლეონარდო და ვინჩისადმი მიძღვნილი ცალკე დარბაზი (რომელიც, სხვათა შორის, პირადად იღებდა მონაწილეობას ციხე-სიმაგრის მორთვაში). ასევე გირჩევთ არქეოლოგიურ მუზეუმს ეწვიოთ.

სფორცას ციხე-სიმაგრე ღიაა 07:00 საათიდან 19:30 საათამდე. ტერიტორიაზე შესვლა უფასოა,  მხოლოდ მუზეუმში შესვლაა  ფასიანი.

მუზეუმები ღიაა სამშაბათიდან კვირის ჩათვლით 09:00 საათიდან 17:30 საათამდე. ბილეთის ღირებულებაა – €8 (2018 წლის 21 ნოემბრამდე ვებ-გვერდზე მოცემული ოფიციალური მონაცემების  მიხედვით).

შენიშვნა: პარასკევს, 14:00 საათის შემდეგ მუზეუმში შესვლა უფასოა.

ციხე-სიმარის სანახავად #1, 2, 4, 12, 14, 19 ტრამვაით ან #18, 37, 50, 58, 61, 94 ავტობუსით შეგიძლიათ იმგზავროთ.

  1. პინაკოთეკა ბრერა

თავად მილანი არის ხელოვნების ნიმუში, რა შეიძლება ითქვას მის მუზეუმებსა და გალერეებზე? მილანს ეწვიოთ და მისი სიმდიდრის თუნდაც მცირე ნაწილიც კი არ ნახოთ? ეს შეუძლებელია!

იტალიელი (და არა მხოლოდ) ოსტატების შედევრების ნახვის საუკეთესო ადგილია ბრერას პინაკოთეკა – მილანის ყველაზე დიდი მუზეუმი. აქ დაცულია XVI-XIX საუკუნეების იტალიური ფერწერის ერთ-ერთი უდიდესი კოლექცია,  აგრეთვე XV-XVII საუკუნეების ევროპის ფერმწერთა ნამუშევრების კოლექცია. ვან დეიკი, ელ გრეკო, გოია, რემბრანდტი, კარავაჯო – ეს სახელები როგორც მუსიკა ჟღერს მშვენიერების მოყვარულთათვის. მაშინაც კი, თუ საკუთარ თავს მათ რიცხვს არ მიაკუთვნებთ, პინაკოთეკას მონახულება ნამდვილად ღირს!

პინაკოთეკა შემდეგ მისამართზე მდებარეობს: Via Brera, 28. შეგიძლიათ  #61 და 97 ავტობუსით იმგზავროთ. პინაკოთეკა ღიაა: სამშაბათიდან პარასკევის ჩათვლით, კვირას – 08:30-19:15 საათამდე, შაბათს – 08:30-23:00 საათამდე. ბილეთების საფასურია €10.

  1. წმინდა ამბროსის ბაზილიკა

აუცილებლად გამოძებნეთ დრო, რომ წმიდა ამბროსის ბაზილიკას ეწვიოთ. საკუთარი თვალით იხილეთ ნაგებობა, რომელიც თითქმის ათასი წლისაა. უძველესი შენობა თითქოს გასული საუკუნეების ისტორიით და სულითაა გაჯერებული: ულამაზესი მოხატულობა, ნახატები რელიგიურ თემებზე, საეკლესიო ნივთები – თქვენ ნამდვილად აღფრთოვანებული დარჩებით! ეს შესანიშნავი ადგილია, სადაც ძველი დროის განუმეორებელ ატმოსფეროს და სიმშვიდეს შეიგრძნობთ.

ბაზილიკა შემდეგ მისამართზე მდებარეობს: Piazza Sant’Ambrogio, 15. ღიაა ორშაბათიდან შაბათის ჩათვლით 10:00-დან 12:00 საათამდე და 14:30-დან 18:00 საათამდე, კვირაობით 15:00-დან 17:00 საათამდე. ბაზილიკის ვებგვერდზე შესვლის საფასური არ არის მითითებული, ამიტომ სავარაუდოდ შესვლა უფასოა.

  1. ბრერას კვარტალი

ბრერას კვარტალი არის ერთ-ერთი იმ ადგილთაგანი, რომელსაც მილანში ტურისტები შთაბეჭდილებების მისაღებად სტუმრობენ. კვარტალი ცნობილია არა იმით, რომ დუომოსა და პინაკოთესათან ახლოს მდებარეობს, არამედ თავისი განუმეორებელი კოლორიტით.

გაისეირნეთ ქუჩების ნაირფეროვან ლაბირინთებში, დაისვენეთ მყუდრო კაფის ტერასაზე ან ქუჩის მუსიკოსს მოუსმინეთ. ან იქნებ საკუთარი ბედი გსურთ გაიგოთ? ეს მარტივია! აქ უამრავ მკითხავს შეხვდებით.

ბრერას კვარტლის უდავო უპირატესობაა – მხოლოდ საქვეითო ზონის არსებობა (მხოლოდ მის მაცხოვრებლებს შეუძლიათ ავტომობილით შესვლა). ასე რომ ტრანსპორტის მინიმალური რაოდენობა და  გადაადგილების მაქსიმალური თავისუფლება. და, რა თქმა უნდა, უამრავი ფოტო!

ბრერას კვარტალი Via Pontaccio, Via Borgonuovo, Via del Lauro და Via Monte di Pieta, და Via Mercato ქუჩებითაა გარშემორტყმული. უახლოესი მეტროს სადგურებია: Lanza, Cairoli და Montenapoleone

  1. სან-მაურიციოს ეკლესია

სან-მაურიციოს ეკლესია – სწორედ ის შემთხვევაა, როდესაც წიგნი ყდით არ უნდა შეაფასო. გარედან არაფრით გამორჩეული ბაზილიკა, შიგნით შესვლისთანავე სხვაგვარად წარმოგიდგებათ. სტუმრებს შესანიშნავი ინტერიერი ელით XVI საუკუნის ულამაზესი ფრესკებით, რომლებიც ლომბარდიის საუკეთესო მხატვრების მიერააა მოხატული.

გარდა ამისა, ეკლესიის გვერდით, ყოფილი მონასტრის დარბაზებში  იარაღის (კელტური, ეტრუსული და რომაული), სამკაულების, კერამიკის და საყოფაცხოვრებო ნივთების მდიდარი  კოლექციის მქონე არქეოლოგიური მუზეუმი  მდებარეობს.

ეკლესიაში შესვლა უფასოა. სამუშაო საათებია: ორშაბათი-შაბათი – 09:30-17:30. აქ მეტროთი შეგიძლიათ იმგზავროთ (ჩამოდით Cadorna Fn გაჩერებაზე, ხაზი 2 ან  გაჩერებაზე Caіroli, ხაზი 1).

  1. პოლდი პეცოლის მუზეუმი

კიდევ ერთი მილანის ღირსშესანიშნავი საგანძურია პოლდი პეცოლის მუზეუმი. მუზეუმში წარმოდგენილია ჯან ჯაკომო პოლდი პეცოლის  პირადი კოლექცია, რომელიც მოიცავს თავისივე სიცოცხლეში შეგროვილ ხელოვნების ნიმუშებს, ძველებურ იარაღს, სამკაულს და ანტიკვარიატს. აქ შეძლებთ იხილოთ ბოტიჩელის, ბელინის, მანტენიას და იტალიური ფერწერის სხვა მრავალი ოსტატის ნამუშევრები.

მუზეუმი შემდეგ მისამართზე მდებარეობს: Via Alessandro Manzoni, 12 და ღიაა ოთხშაბათიდან ორშაბათის ჩათვლით 10:00 საათიდან 18:00 საათამდე. ბილეთის საფასურია – €8. შეგიძლიათ მეტროთი იმგზავროთ (ხაზი M3, გაჩერება Montenapoleone ან Duomo  და ხაზი M1, გაჩერება Duomo).

  1. ნავილიო გრანდე

იცით თუ არა, რომ მილანში საკუთარი გრანდ-კანალი მიედინება? ახლა ზუსტად გეცოდინებათ. ნავილიო გრანდე უბრალო არ გეგონოთ, ეს 48 კილომეტრი სიგრძის ევროპის უძველესი არხია (აგებულია XII საუკუნეში). ის მილანს ქალაქ ტორნავენტოსთან აკავშირებს.

დღეს ნავილიო გრანდე არა მხოლოდ ულამაზესი ადგილია ფეხით სეირნობისთვის (განსაკუთრებით საღამოს), არამედ ქალაქის ღამის ცხოვრების ცენტრია. უამრავი ბარი და რესტორანი ყველა გემოვნების ღამის აქტიური ცხოვრების მოყვარულებს იზიდავს, ხოლო ცნობილი aperitivo (happy hour-ს ვარიანტი) საშუალებას მოგცემთ ადგილობრივი სამზარეულო თითქმის  უფასოდ დააგემოვნოთ (aperitivo-ს პრინციპია – იხდით მხოლოდ სასმელის საფასურს, ხოლო შვედური მაგიდა საფასურში შედის). ხოლო  თვის ყოველ ბოლო კვირა დღეს ნავილიო გრანდეს  გასწვრივ ძველმანების ბაზრობა იმართება. არხთან მიმავალი უახლოესი მეტროს სადგურია Porta Genova F.s., ხოლო სან-ლორენცო მაჯორეს ბაზილიკიდან ფეხით  15 წუთის სავალ მანძილზეა.

რჩევა: გაზაფხულზე არხს ხშირად აშრობენ გაწმენდის მიზნით, ამიტომ გაითვალისწინეთ ეს ფაქტი თუ არხის სრული სილამაზის ხილვა გსურთ.

  1. პარკი სემპიონე

მილანელების ერთ-ერთი ყველაზე საყვარელი დასასვენებელი ადგილი  სემპიონეს პარკია –  ქალაქის შუაგულში მდებარე ცოცხალი ბუნების საოცარი კუთხე. ეწვიეთ პარკს ქალაქში ხანგრძლივი სეირნობის შემდეგ, გაისეირნეთ ჩრდილიან ხეივნებში, დაათვალიერეთ ლამაზი ქანდაკებები  ან იხვები და გედები გამოკვებეთ. თუ გსურთ აკვარიუმს ეწვიეთ (შესვლა უფასოა). აქტიური დასვენების მოყვარულთათვის პარკში ველოსიპედის ბილიკები და სპორტული მოედნებია მოწყობილი, ხოლო პარკის სათვალთვალო  კოშკიდან ქალაქის შთამბეჭდავი ხედი იშლება.

პარკი ღიაა ყოველდღე – 06:30 საათიდან 22:00 საათამდე ზაფხულში, ხოლო ზამთარში – 06:30 საათიდან 20:00 საათამდე. შეგიძლიათ მეტროთი  (სადგური Lanza Brero Piccolo ან Teatro Cairoli Castello) ან #12, 14 ტრამვაით (გაჩერება Bramante Lega Lombarda) იმგზავროთ.

  1. მეცნიერებისა და ტექნიკის მუზეუმი

სავარაუდოდ ეს მილანის ერთ-ერთი ყველაზე შემეცნებითი მუზეუმია: სამი სართული, რომლებიც  ადამიანის ტექნოლოგიური გამოგონებისადმია მიძღვნილი! აქ თქვენ ყველაფრის ნახვას შეძლებთ – ორთქლის ძრავით დაწყებული, წყალქვეშა ნავით დამთავრებული. რადიოტალღები და ელექტრობა, ტელევიზია და ტელეგრაფი, საათები და ასტრონომიული ხელსაწყოები – აქ საინტერესოა როგორც მოზრდილთათვის, ისე ბავშვებისთვის. და, რა თქმა უნდა, ეწვიეთ თავად ლეონარდოს  გამოგონებების დარბაზს – იქნებ შეძლოთ ამ უდიდესი გენიოსის გამოცანის ამოხსნა?

მუზეუმი ღიაა სამშაბათიდან პარასკევის ჩათვლით 09:30 საათიდან 17 საათამდე. შაბათს და დღესასწაულებზე – 09:30 საათიდან 18:30 საათამდე. ორშაბათობით, ისევე, როგორც 25 დეკემბერს და 1 იანვარს, მუზეუმი დაკეტილია.

ბილეთის საფასურია €10 (სრული) და €7.50 – 25 წლამდე ასაკის ახალგაზრდებისთვის  (უნდა წარმოადგინოთ პასპორტი), 3-დან 13 წლამდე ასაკის ბავშვებისთვის, 65 წელზე მეტი ასაკის პენსიონრებისთვის და 10 კაციანი ჯგუფებისთვის. 3 წლამდე ასაკის ბავშვებისთვის და შეზღუდული შესაძლებლობის მქონე პირთათვის (თანმხლებ პირთან ერთად) შესვლა უფასოა.

მუზეუმის მისამართია: Via San Vittore, 21. მუზეუმამდე შეგიძლიათ №50, 58, 94 ავტობუსით იმგზავროთ.

  1. ვიტორიო ემანუელეს გალერეა

თუნდაც არ გქონდეთ დაგეგმილი საყიდლებზე სიარული, ვიქტორ ემანუილ II-ს გალერეა უნდა შედიოდეს თქვენი აუცილებელად სანახავი ადგილების სიაში. მოზაიკები, სკულპტურები, ქანდაკებები, ფრესკები, რომლებითაც გალერეაა მორთული, ცნობილი შუშის გუმბათი – თითქოს უზარმზარი კალეიდოსკოპის შიგნით მოხვდით! გარდა ამისა, გალერეიდან მილანის ორ ცნობილ  ღირსშესანიშნაობასთან შეძლებთ გასვლას – დუომოს ტაძართად და ლა სკალასთან.

ვიტორიო ემანუელეს გალერეა დუომოს მოედანზე (Piazza del Duomo) მდებარეობს და ღიაა 24 საათის განმავლობაში (იმ მაღაზიებისგან განსხვავებით, რომლებიც 10:00 საათზე იკეტება), ამიტომ ამ მინი-მუზეუმში სეირნობას ნებისმიერ დროს შეძლებთ.

  1. გალერეა ამბროსიანა

მათთვის, ვინც ჯერ კიდევ ვერ დაიოკა სილამაზით ტკბობის წყურვილი, ამბროსიანას სურათების გალერეა შემდეგი დანიშნულების პუნქტი უნდა იყოს. გალერეა  მილანის პირველ მუზეუმად ითვლება, რადგან იგი მე-17 საუკუნის დასაწყისში დაარსდა, ხოლო მისი კოლექციის მსოფლიოს ნებისმიერ მუზეუმს შეშურდება. რაფაელის, ტიციანის და კარავაჯოს ტილოების გარდა, აქ ლეონარდო და ვინჩისადმი მიძღვნილი მთელი ექსპოზიაა  გენიოსის ორიგინალი ტილოებითა და ხელნაწერებით.

გალერეას შეგიძლიათ ეწვიოთ სამშაბათიდან კვირის ჩათვლით 09:00 საათიდან 19:00 საათამდე. მუზეუმი დაკეტილია აღდგომისა და შობის დღესასწაულებზე, აგრეთვე 1 იანვარს და 1 მაისს, ბილეთის საფასურია – €15. მისამართი: Piazza Pio XI, 2.

  1. მილანი თანამედროვე ხელოვნების გალერეა

მილანის კულტურული ტურის მრავალფეროვნების მიზნით  თანამედროვე ხელოვნების გალერეას ეწვიეთ, რომლის კოლექციაში XVIII-XX საუკუნეების 2,500 მეტი იტალიელი და ფრანგი მხატვრების ხელოვნების ნიმუშებია წარმოდგენილი. პიკასო, მონე, რენუარი, მოდილიანი, კანოვა, ბოჩონი – და ეს არ არის სრული სია. თუ გადაიღალეთ – შეისვენეთ და მყუდრო ბაღს ესტუმრეთ, რომელიც შენობის ირგვლივაა მოწყობილი.

გალერეა შემდეგ მისამართზე მდებარეობს: Via Palestro, 16. უახლოესი მეტროს სადგურია Palestro (ხაზი M1). სამუშაო საათებია: სამშაბათი-კვირა – 09:00-დან 13:00 საათამდე და 14:00-დან 17:30 საათამდე. შესვლა უფასოა.

  1. ინგროსოს რაიონი

ჩვეულებრივ მილანს ორი მიზნით სტუმრობენ – კულტურული ფასეულობების ან უფრო მატერიალური ფასეულობების გამო, სხვაგვარად რომ ვთქვათ საყიდლების მიზნით. თუ თქვენ ამ სიას ეკუთვნით, თქვენ სწორედ ინგორსოს რაიონს უნდა ეწვიოთ. Milano Centrale სადგურსა და Republica მეტროს სადგურს შორის თავმოყრილია უამრავი საბითუმო და ფასდაკლების მაღაზია, სადაც შეგიძლიათ იპოვოთ ახალგაზრდა კრეატიული დიზაინერის ან თუნდაც მოდის ინდუსტრიის აღიარებული მოდელიერის მიერ შექმნილი უჩვეულო და ორიგინალური ნამუშევარი.

თუმცა აქ გარკვეული ნიუანსები არსებობს – მაგალითად, რაღაც ღირებულის პოვნა ყოველთვის არ არის შესაძლებელი. ამიტომაც ინგოროსოს მაღაზიათა უმრავლესობა საერთო ბროშურას გამოსცემს ხოლმე, სადაც მოწოდებულია ინფორმაცია ყველა დაგეგმილი ღონისძიების, ფასდაკლებებისა და გაყიდვების შესახებ, აგრეთვე მოდის კვირეულისა და დღესასწაულების დროს სამუშაო გრაფიკების შესახებ. ბროშურის მიღება ნებისმიერ ბუტიკშია შესაძლებელია,  უბრალოდ თხოვეთ.

  1. სანტა-მარია-დელე-გრაციეს ეკლესია

სწორედ აქ არის ლეონარდო და ვინჩის სახელგანთქმული „საიდუმლო სერობა“. სინამდვილეში ფრესკა არა უშუალოდ ეკლესიაში, არამედ სატრაპეზოს უკანა კედელზეა განთავსებული, გვერდით მდებარე დომინიკური მონასტრის ყოფილ შენობაში.

ამ შედევრის სანახავად ბილეთის შეძენა თვეობით თუ არა, რამდენიმე კვირით ადრეც თუ ვერ მოახერხეთ, ნუ იდარდებთ. თავად ეკლესიაც ღირს სანახავად. შიგნიდან ეკლესია, რა თქმა უნდა, არ არის ისეთივე მასშტაბური, როგორც დუომო, მაგრამ კამერულობა მოხატული ჭერის, სვეტებისა და თაღების თანხლებით, სიმშვიდისა და სიმსუბუქის საოცარ ატმოსფეროს ქმნის.

ეკლესია მდებარეობს მოედანზე Piazza Santa Maria delle Grazie, 2 და ღიაა სამშაბათიდან კვირის ჩათვლით 08:00-დან 19:30 საათამდე. ეკლესიაში შესვლა უფასოა.

  1. სათამაშოების მუზეუმი

რა უნდა ნახოთ მილანში ბავშვებთან ერთად? რა თქმა უნდა, სათამაშოების მუზეუმი! და ვინ თქვა, რომ სათამაშოები მხოლოდ ბავშვებისთვისაა საინტერესო? უფროსებიც არანაკლებ აღფრთოვანებული არიან!  თუმცა თქვენ 5 ან 8 წლის უკვე აღარ ხართ, გირჩევთ არ გამოტოვოთ ექსკურსია მილანის სათამაშოების მუზეუმში.

აქ თქვენ ყველა ფერისა და ფორმის 2 000 მეტი ძველი და თანამედროვე სათამაშოების ნახვას შეძლებთ – როგორც იმ სათამაშოებისა, რომლებითაც XVIII საუკუნეში თამაშობდნენ, ისე ჩვენთვის უფრო ნაცნობი „ბავშვობის მეგობრებისა“ – XX საუკუნის 60-იანი წლებიდან. ეს შესანიშნავი ადგილია, რომელიც თქვენში ბავშვობის სასიამოვნო მოგონებებს გამოიწვევს და გიჩვენებთ თუ როგორ ატარებდნენ ბავშვობას წინა საუკუნეებში.

მუზეუმი შემდეგ მისამართზე მდებარეობს: Via Gianni Rodari, 3 და ღიაა სექტემბრიდან მაისის ჩათვლით ორშაბათიდან შაბათის ჩათვლით. ბილეთის საფასურია – €8.

  1. პიცერია Spontini

სურათები, სასახლეები და მაღაზიებში სიარული – ყველაფერი ეს, რა თქმა უნდა, კარგია, მაგრამ როგორ წარმოგიდგენიათ იტალია პიცის გარეშე? ამ ნაციონალური სამზარეულოს ღირსების დაგემოვნებას ჩვენ პიცერია Spontini-ში გირჩევთ, რადგან სწორედ აქ ამზადებენ პიცას  ორიგინალური რეცეპტის მიხედვით, რომელიც უცვლელია 1953 წლიდან. მართალია, აქ მხოლოდ „მარგარიტას“ ამზადებენ, მარგამ როგორს! თითებს ჩაიკვნეტთ და დამატებას მოითხოვთ. და ფასიც საკმაოდ ხელმისაწვდომია (დაახლოებით €5). მისამართია: Milano, Corso Buenos Aires, 60. Buon appetito!

  1. კაფე Chocolat

რადგან საუბარი გასტრონომიული სიამოვნების შესახებ დავიწყეთ, აუცილებლად დააგემოვნეთ ტრადიციული იტალიური ნაყინი! და სად თუ არა მილანის საუკეთესო სანაყინეში Emporio Chocolat. კაფეს მარტივად იპოვით: ის რამდენიმე ნაბიჯის მანძილზე მდებარეობს პიაცა კასტელოსა  და სფორცას ციხე-სიმაგრიდან (Via Giovanni Boccaccio,9).

აქ საკმაოდ ხელმისაწვდომ ფასად (მცირე ულუფის ფასია – €2.50, საშუალო – €3) თქვენი საყვარელი ტკბილეულის უზარმაზარ არჩევანს, აგრეთვე ნამცხვრებს, ყავასა და ცხელ შოკოლადს შემოგთავაზებენ.

  1. მერკანტის მოედანი

მილანში Via Orefici-ს ქუჩაზე მერკანტის მოედანი მდებარეობს. რით არის ეს მოედანი ცნობილი? თუნდაც იმით, რომ ძველი მილანის გულია, ასევე იმ ფაქტით, რომ ის ოთხი მშვენიერი სასახლითაა გარშემორტყმული: Palazzo della Ragione (ან რატუშა), Palazzo dei Notai, Palazzo delle Scuole Palatine და Loggia degli Osii. სწორედ აქ ნახავთ ერთბაშად XIII, XIV და XV საუკუნეების არქიტექტურას, ამიტომაც აქ ტურისტებისთვის მიმზიდველი ძველი იტალიის სული იგრძნობა.

მერკანტის მოედნამდე მილანის ცენტრალური სადგურიდან (Milano Centrale) მეტროთი შეგიძლიათ იმგზავროთ (ხაზი M3 Centrale FS სადგურიდან Duomo-მდე) ან ფეხით 40 წუთში.

  1. ლა სკალას თეატრი

ვის არ გაუგია ლა სკალა? მსოფლიოს საუკეთესო საოპერო მომღერლებისთვის პატივია აქ გამოსვლა. შესაძლოა სპექტაკლზე წასვლას არ გეგმავდეთ, მაგრამ ნუ იტყვით უარს თეატრის მუზეუმში ექსკურსიის მოწყობაზე.

შეიგრძენით თეატრალური ცხოვრების ატმოსფერო პრიმადონას კოსტიუმებს, მუსიკალურ ინსტრუმენტებსა და კომედია დელ არტეს პერსონაჟების ფაიფურის ფიგურებს შორის.

მუზეუმი შემდეგ მისამართზე მდებარეობს: Piazza Scala, Largo Ghiringhelli,1.

თეატრს ყოველდღე შეგიძლიათ ეწვიოთ 09:00-დან 12:30 საათამდე და 13:30-დან 17:30 საათამდე. დაკეტილია 7, 24-26, 31 დეკემბერს, ასევე 1 იანვარს, 1 მაისსა და 15 აგვისტოს.

ბილეთის საფასურია €7, €5 ჯგუფებისთვის, სტუდენტებისა და 65 წელზე მეტი ასაკის პენსიონრებისთვის. 12 წლამდე ასაკის ბავშვებისთვის და შეზღუდული შესაძლებლობების მქონე პირებისთვის შესვლა უფასოა.

 

ყველაზე იაფი ავიაბილეთები Tbilisi-დან Milan-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

28.12.2018

04.01.2019

1 stop

ფასი 574

22.01.2019

26.01.2019

1 stop

ფასი 574

01.02.2019

28.02.2019

1 stop

ფასი 541

09.03.2019

16.03.2019

1 stop

ფასი 567

01.04.2019

06.04.2019

1 stop

ფასი 413

09.05.2019

15.05.2019

1 stop

ფასი 582

02.06.2019

08.06.2019

1 stop

ფასი 447

10.07.2019

15.07.2019

1 stop

ფასი 668

10.08.2019

15.08.2019

1 stop

ფასი 536

03.09.2019

10.09.2019

1 stop

ფასი 735

16.11.2019

23.11.2019

1 stop

ფასი 582

პირდაპირი ფრენები Kutaisi-დან Milan-მდე

გაფრენის თარიღი დაბრუნების თარიღი ავიაკომპანია ბილეთების მოძებნა

19.12.2018

28.12.2018

ფასი 552

14.01.2019

21.01.2019

ფასი 264

11.02.2019

15.02.2019

ფასი 201

sastumroebi
Posted in ბლოგი and tagged , , .

მალხაზ კევლიშვილი