ბარგა

იტალიის 5 ქალაქი, რომელშიც ჯერ არ ყოფილხართ

გაოცება, აღფრთოვანება და მოჯადოება … მართლაც, იტალია – ევროპის ერთ-ერთი ყველაზე ლამაზი ქვეყანა, ყველა ამ ამოცანას კარგად უმკლავდება. გთავაზობთ სტანდარტული მარშრუტების ფარგლებს გარეთ გავიდეთ და სხვა პატარა, მაგრამ უდავოდ ლამაზი ქალაქების სანახავად გავემგზავროთ.

1. ალბერობელო

ეს ქალაქი უნიკალურია არა მარტო იტალიისთვის, არამედ მთელი მსოფლიოსთვის – 1996 წლიდან იგი იუნესკოს მსოფლიო მემკვიდრეობის ძეგლთა დაცვის სიაშია შეტანილი. ამის მიზეზი კი ის იყო, რომ მისი ისტორიული ცენტრი სავსეა  ტრულით – კონუსის ფორმის მქონე სახურავებიანი ძველი სახლებით, რომლებიც რთული ნახატებითაა გაფორმებული. აღსანიშნავია, რომ ისინი ყველა კირხსნარის გარეშეა აშენებული.

მოგზაურები გვირჩევენ იტალიის პატარა ქალაქებში ხანგრძლივი მოგზაურობა არ დავგეგმოთ, რადგან 1-2 დღე საკმარისია, რომ ყველა ადგილობრივი ღირსშესანიშნაობა მოინახულოთ. გირჩევთ ერთ-ერთ ადგილობრივ სუვენირების მაღაზიას ეწვიოთ (რომელთა საკმაოდ ბევრი რაოდენობაა) და სამახსოვროდ რამდენიმე ორიგინალური ხელნაკეთი ნივთი შეიძინოთ, აგრეთვე ადგილობრივი ტკბილეული დააგემოვნოთ. სხვათა შორის, ტურისტების უწყვეტი ნაკადის წყალობით, ალბერობელოში საკმაოდ განვითარებული ინფრასტრუქტურა, ბევრი კარგი მაღაზია და ასევე მიშლენის ვარსკვლავის მფლობელი რესტორანია.

როგორ ვიმგზავროთ: რომიდან ბარის გავლით მატარებლით ან ავტობუსით (მგზავრობის საფასური 30 ევროდან).

2. მონტე იზოლა

ამ ქალაქს მთელი კუნძული უკავია! და არა უბრალოდ კუნძული, არამედ ევროპის ტერიტორიის ყველაზე დიდი და მაღალი კუნძული-მთა. მონტე-იზოლა ყველა მხრიდან  იზეოს ტბის სუფთა წყლებითაა გარშემორტყმული. ხელსაყრელი ადგილმდებარეობისა და განსაცვიფრებელი ხედების წყალობით, იგი მრავალი წლის მანძილზე დელტაპლანით ფრენის მოყვარულებს შორისაა პოპულარული. ასევე პოპულარობით სარგებლობს ვინდსერფინგი და საიალქნო სპორტი.

ამ თითქმის საიდუმლო ქალაქში რომ ჩამოხვიდეთ, ქალაქ იზეომდე უნდა იმგზავროთ (ბრეშიადან ელექტრომატარებლით), აქედან კი მონტე-იზოლამდე კატარღა ჩაგიყვანთ. თავად  კუნძულზე არ არის საავტომობილო მოძრაობა – მხოლოდ ავტობუსებია, რაც სავსებით  საკმარისია, რადგან მისი ფართობი მხოლოდ 12.8 კვ.მ.-ს შეადგენს. აღსანიშნავია, რომ კუნძულზე ბევრი უცხოელი ტურისტი არ არის – აქ ძირითადად   იტალიელები ჩამოდიან დასასვენებლად.

როგორ ვიმგზავროთ: მილანიდან ტაქსით ან ავტომობილით (მანძილი – დაახლოებით 100 კმ).

3. ბარგა

IX საუკუნეში აქ გავლენიანი ოჯახის როლადინგების საგვარეულო მამული მდებარეობდა, ხოლო რამდენიმე საუკუნის შემდეგ ქალაქი ბარგა დაარსდა – ფლორენციის ერთ-ერთი ყველაზე დიდი სავაჭრო ცენტრი. თანამედროვე სახით ბარგა ერთ-ერთი ყველაზე ლამაზი და საინტერესო ადგილია ცოდნისმოყვარე მოგზაურთათვის.

რასაკვირველია, ყველაზე დიდ ინტერესს ისტორიული ცენტრი წარმოადგენს: მიუვალი კედლით გარშემორტყმული შუა საუკუნეების ციხესიმაგრე  დღემდე საკმაოდ კარგადაა შემონახული.

გარდა ამისა, ბარგაში ყველგან შეგიძლიათ იპოვოთ სათვალთვალო მოედნები  და სადამკვირვებლო პუნქტები, ამიტომ ამ ადგილის მონახულებას განსაკუთრებით ვურჩევთ ლამაზი ხედების მოყვარულებს.  ციხესიმაგრის  გარდა მოინახულეთ ქალაქის კარიბჭე პორტა რეალე, ძველი ხიდი და საკათედრო ტაძარი სან-ქრისტოფორო.

როგორ ვიმგზავროთ: უახლოეს დიდ ქალაქი – ფლორენციაა, მატარებლით ლუკას გავლით ბარგაში 7-9 ევროდ იმგზავრებთ.

4. კოლოდი

კარლო ლორენცინიმ ფსევდონიმი „კოლოდი“ თავისი დედის სამშობლოს საპატივცემულოდ დაირქვა, შემდეგ კი ხის ბიჭუნა პინოქიოს შესახებ მსოფლიოს მშვენიერი ზღაპარი აჩუქა და ისტორიაში შევიდა. დღეს, ამ ყოფილ სოფელს, რომელიც ქალაქის ზომამდე გაიზარდა, ყოველ წელს ათასობით ტურისტი სტუმრობს იმ მიზნით, რომ ცნობილი მოთხრობის გმირებისადმი მიძღვნილ ზღაპრულ პარკში გაისეირნონ.

აღსანიშნავია, რომ თავად კოლოდიც  ყურადსაღებია: ბორცვიან, სიმწვანით დაფარულ ადგილზე უძველესი სახლებია ჩამწკვრივებული. იმისათვის, რომ მთელი ქალაქი მთავარი გზით გაიაროთ, ზემოთ ასვლა მოგიწევთ, თუმცა აქედან გადაშლილი ხედი თქვენი ძალისხმევის ღირსეული საზღაური იქნება. ასევე გვირჩევთ ეწვიოთ  გარცონის ძველ პარკსა და პეპლების სახლს.

როგორ ვიმგზავროთ: კოლოდი  ფლორენციის მახლობლად მდებარეობს, საიდანაც მატარებელით 5 ევროდ შეგიძლიათ იმგზაროთ.

5. მონტერიჯონი

დიდებული მონტერიჯონის გარშემო არსებული კოშკების შესახებ დანტე ალიგიერის ცნობილ „ღვთაებრივ კომედიაში“ შეძლებდით წაკითხვას. მას შემდეგ ქალაქს არც თავისი სიდიადე და არც სილამაზე დაუკარგავს, და ტურისტებს ნამდვილი შუა საუკუნეების კოლორიტით იზიდავს.

ჯერ კიდევ XIII საუკუნეში ქალაქი 14 კოშკიან მიუვალ სამხედრო ციხესიმაგრედ აქციეს. სწორედ ეს ციხესიმაგრე, ისევე როგორც წმინდა მარიამის ძველი ეკლესია, მონტერიჯონის მთავარ ღირსშესანიშნაობებს წარმოადგენს. მოგზაურები ციხესიმაგრის კედლის მთელი სილამაზის ხილვას კოლე დი ვალ-დელზას გზატკეცილიდან გვირჩევენ.

როგორ ვიმგზავროთ: ფლორენციიდან ავტობუსით 9 ევროდ.

თეგები: , ,

მოძებნე ავიაბილეთი

შენთვის სასურველი მიმართულებით საუკეთესო ფასად

Leave a Comment

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა