ციურიხი

როგორ ჩავიდეთ ციურიხში

ციურიხში ჩაფრენა თბილისის აეროპორტიდან არ შესაძლებელი ტრანზიტული რეისებით ან ქუთაისის აეროპორტიდან რომელიმე ევროპულ ქლააქში ჩაფრენით და შემდეგ შიდა ტრანსპორტით სარგებლობით . მეტ დეტალებს გაეცნობით ქვემოთ მოცემულ ცხრილებში

ასევე გაეცანით ჩვენს სტატიას: ტოპ-20 ღირსშესანიშნაობა შვეიცარიაში

მეტი ინფორმაცია

შვეიცარიის ჩრდილო-აღმოსავლეთით მდებარე ციურიხი ზუსტი დროისა და შეძლებული ადამიანების ქალაქია . კომპაქტური, რომელიც სულაც არ არის მეგაპოლისი, მაგრამ მაინც „გლობალურია“ – ასეთი სტატუსი მან მსოფლიო ეკონომიკურ ასპარეზზე მნიშვნელობის გამო მიიღო . იგი მდიდარი და, შესაბამისად, ოდნავ ქედმაღალია . ამასთან, ეს მსუბუქი სნობიზმი მიიღება როგორც ჯეროვანი, როგორც კი თქვენს თვალწინ წარსდგება იდეალური აეროპორტი, იდეალური გზები, იდეალური ტბა, სახლები და მაღაზიები .

Arcadis საკონსულტაციო კომპანიის მონაცემებით, 2016 წელს ციურიხი მსოფლიოს 100 ყველაზე წარმატებული ქალაქის რეიტინგის ლიდერი გახდა ეკოლოგიისა და ეკონომიკის თვალსაზრისით.

როგორც ტურისტულ ცენტრს შეეფერება, ციურიხი მდიდარია ღირსშესანიშნაობებით და ნებისმიერი გემოვნების ადამიანს აკმაყოფილებს . ისაუზმეთ კრუასანებით, გედები გამოკვებეთ, შემდეგ კი შეგიძლიათ შეუერთდეთ ხელოვნების მოყვარულებს: კუნსჰაუსის მუზეუმში მონეს ტილოებს მცოდნის თვალით შეხედეთ, ოპერის სახლში ხმების სამყაროში ჩაეფლეთ, დატკბით მარკ შაგალის ვიტრაჟებით ფრაუმიუნსტერში.

ასევე შეგიძლიათ ერთ-ერთ ულტრამოდურ ბარს ეწვიოთ, მთელი ღამე იცეკვოთ Kaufleuten-ის ლეგენდარულ კლუბში ან ღია ცის ქვეშ აფრო-წვეულებაზე წახვიდეთ.

აეროპორტიდან ქალაქში

ციურიხის აეროპორტი ქალაქის ცენტრიდან მხოლოდ რამდენიმე წუთის სავალ მანძილზე მდებარეობს . ციურიხის შუაგულში მისასვლელად მარტივი და მოსახერხებელი გზა მატარებლით მგზავრობაა, რომელიც 10 წუთში Zurich HauptBahnhof ცენტრალურ სადგურში ჩაგიყვანთ . გაჩერება პირდაპირ აეროპორტის ქვეშ მდებარეობს, რომელსაც ადვილად იპოვით SBB მინიშნებითა და მატარებლის ნიშნით.

აეროპორტს სადგურთან #10 ტრამვაი აკავშირებს, იგი მატარებელზე ნელა მოძრაობს, სამაგიეროდ ჩერდება ტურსიტების საყვარელ ერლიკონის ჩრდილოეთ რაიონში . მატარებლისა და ტრამვაის სამგზავრო ბილეთის ღირებულება 22,60 ფრანკია .

ასევე ავიაკვანძიდან ქალაქის ამ ნაწილში სამარშრუტო ავტობუსები და სასტუმროს შატლები მოძრაობს . ბილეთის ღირებულება – დაახლოებით 16-18 ფრანკია . ქალაქში ტაქსით მგზავრობა – 70 ფრანკიდან.

ტრანსპორტი

ტრამვაი ციურიხის მთავარი საზოგადოებრივი ტრანსპორტია . შვეიცარიელებმა ეს ეკოლოგიურად უვნებელი ტრანსპორტი ამჯობინეს სრულფასოვანი მეტროს მშენებლობასა და გზების გაფართოებას . ტრამვაის მთელი ქსელი ორიენტირებულია მგზავრების ქალაქის ცენტრში გადაყვანაზე . სატრანსპორტო მომსახურების მთავარი ოპერატორია – Zurich Public Transport (VBZ) (ვებ-გვერდი ინგლისურ ენაზე).

ტრამვაის მარშრუტებს ტროლეიბუსის გზები ავსებენ . ღამისა და ქალაქგარეთ ტრანსპორტირების ნიშა ავტობუსებმა დაიკავეს . ციურიხში რაღაც მეტროს მსგავსიც არსებობს – ეს არის S-Bahn ელექტრომატარებლები (ვებ-გვერდი ინგლისურ ენაზე) . ისინი რკინიგზის სადგურებზე ჩერდებიან და მთელი კანტონის ფარგლებში კურსირებენ.

ჩვენთვის ცოტა უჩვეულო, მაგრამ ქალაქის მაცხოვრებლებისთვის სავსებით სრულფასოვანი ტრანსპორტის სახეობაა – ფუნიკულიორი . ციურიხში 4 მათგანია, ყველაზე ცნობილი და კოლორიტული – პოლიბანის ფუნიკულიორია . ასევე პოპულარულობით სარგებლობენ ტბისა და მდინარის „ავტობუსები“.

სამგზავრო ბილეთები

საზოგადოებრივი ტრანსპორტის ბილეთები განსხვავდება ზონის, მოქმედების ხანგრძლივობის, კლასისა და ტარიფის (მოზრდილთათვის/საბავშვო) მიხედვით . ერთი სამგზავრო ბილეთით ნებისმიერი სახის ტრანსპორტით შეგიძლიათ იმგზავროთ . 1 კლასის ბილეთი არის მაღალი კომფორტის ვაგონების მქონე მატარებლებისთვის, თუ დამატებითი კომფორტი არ გჭირდებათ, მე-2 კლასის „ჩვეულებრივი“ სამგზავრო ბილეთიც გამოგადგებათ .

6 წლამდე ასაკის ბავშვები უფასოდ მგზავრობენ, 6-დან 16 წლამდე – შემცირებული ტარიფით . მოზრდილთათვის მცირე მანძილზე სამგზავრო ბილეთის ღირებულება 4.20 ფრანკია, იგი 30 წუთის განმავლობაში მოქმედებს (დაახლოებით 6 გაჩერება) . ერთჯერადი მგზავრობის კიდევ ერთი ვარიანტია – 4.30 ფრანკის ღირებულების ერთსაათიანი ბილეთი . 24-საათიანი სამგზავრო ბილეთი 8.40 ფრანკი ღირს, ერთკვირიანი ბარათის ღირებულება 45.20 ფრანკია.

ციურიხი – ეს არის 1-2 ზონა (რუკაზე – ზონა #110) . ზონის ფარგლებს გარეთ მგზავრობისთვის დამატებით უნდა გადაიხადოთ, თანხა დამოკიდებულია მანძილზე . მაგალითად, აეროპორტში მგზავრობისთვის დაგჭირდებათ 6.60 ფრანკის ღირებულების 3 ზონაში მოქმედი ბილეთი . იმ შემთხვევაში, თუ ქალაქში სამგზავრო ბილეთი უკვე გაქვთ, მაგრამ სხვა ზონაში გამგზავრება გსურთ, უნდა შეიძინოთ zone upgrade – ზონებს შორის ბილეთი, რომლის ფასი 4.20 ფრანკიდან იწყება . ციურიხში ღამის ტრანსპორტით მგზავრობისთვის დამატებით 5 ფრანკი უნდა გადაიხადოთ.

ტაქსი, ნავისა და ველოსიპედის ქირაობა

ციურიხის ტაქსი არცთუ ისე პოპულარულია როგორც ტურისტებს, ისე ადგილობრივ მაცხოვრებლებს შორის – მხოლოდ ჩასხდომაში 6 ფრანკის გადახდა მოგიწევთ, ყოველ კილომეტრზე კი – 3,8 ფრანკი . მოკლე მანძილზე მგზავრობაც კი თქვენს ჯიბეზე საგრძნობლად აისახება.

ველოსიპედები აქ უყვართ და აქტიურად იყენებენ . მათი პოპულარობის გასაზრდელად ქალაქში სპეციალური პროგრამა ხორციელდება, რომელიც ველოსიპედის უფასოდ გაქირავებას გულისხმობს წელიწადის ნებისმიერ დროს . ტრანსპორტის Zuri Rollt სადგომზე ქირაობისთვის 20 ფრანკის ოდენობის გირაო უნდა დატოვოთ.

საქალაქო წყლის ტრანსპორტის გარდა, მდინარესა და ტბაზე სასეირნო ნავები კურსირებს . ყველაზე მარტივი, ნიჩბიანი ან პედლებიანი ნავის ქირაობა საათში 30 ფრანკიდან ეღირება . იალქნის ქვეშ გასეირნება ნავის კლასიდან გამომდინარე 30-60 ფრანკი დაგიჯდებათ . ძრავიან ნავზე ჩქაროსნული სიამოვნებისთვის 70 ფრანკზე მეტის გადახდა მოგიწევთ.

ZurichCard

ქალაქის ტრანსპორტით მგზავრობისთვის მოსახერხებელია ZurichCard ბარათის გამოყენება . ბარათის მოქმედების ზონაში გადაადგილება შესაძლებელია მატარებლით, ავტობუსით, ტრამვაით, ნავითა და ფუნიკულიორით 24 ან 72 საათის განმავლობაში . გარდა ამისა, ZurichCard გაძლევთ უფლებას უფასოდ ეწვიოთ ციურიხის 43 მუზეუმს, უფასოდ მიირთვათ მისასალმებელი სასმელი ქალაქის 24 რესტორნიდან ერთ-ერთში და ასევე რიგი ფასდაკლებით ისარგებლოთ . 24-საათიანი ZurichCARD-ის ღირებულება – 27 ფრანკია, 72-საათიანი – 53 ფრანკი (6-16 წლის ასაკის ბავშვებისთვის 19/37 ფრანკი) . მისი შეძენა შეგიძლიათ ციურიხის ტურისტულ ოფისში ცენტრალურ სადგურზე, სასტუმროებსა და სხვა საზოგადოებრივ ადგილებში.

სამთო თხილამურები ციურიხში

ციურიხი არ არის მთავარი ამოსავალი წერილი შვეიცარიის მთებში მოგზაური მოთხილამურეებისთვის . მაგრამ როგორც ამბობენ, მთავარია მონდომება, რადგან ერთ-ერთი ულამაზესი სამთო-სათხილამურო კურორტი – ენგელბერგი (Engelberg) – ქალაქიდან მხოლოდ 1,5 საათის სავალ მანძილზე მდებარეობს . მის ტრასებს ახალბედა მოთხილამურეც კი სწრაფად აითვისებს და აქ პროფესიონალიც არ მოიწყენს . ასეთი აქტიური დასვენების ერთი დღე 66 ფრანკი დაგიჯდებათ აღჭურვილობის ქირაობის გარეშე (დამატებით 20-30 ფრანკი).

ციურიხის აღმოსავლეთით ერთი საათის სავალ მანძილზე მდებარეობს კურორტი Atzmaennig – იდეალური ადგილი დამწყებთათვის, რომლის მარტივ ტრასებზე ბავშვებიც კი უსაფრთხოდ ერთობიან . ტერიტორიაზე არის პარკი Fun Park – ერთგვარი დაბრკოლების ზოლი სკეიტბორდერებისთვის . ფასი დღეში – 35 ფრანკი.

თუ მაინცდამაინც სიჩქარე გიზიდავთ და მომზადებაც საშუალებას გაძლევთ – გაემგზავრეთ კურორტებზე Melchsee-Frutt (ციურიხიდან 69 კილომეტრში), Brigels-Waltensburg-Andiast (79 კმ) ან Falera (144 კმ).

მრავალი კურორტი სტუმრებს ვარსკვლავების შუქზე სრიალს სთავაზობს . აუცილებელად დათანხმდით . ღამით მხოლოდ პროჟექტორით განათებულ ცარიელ ტრასებზე სრიალი დაუვიწყარ შთაბეჭდილებას მოახდენს.

სამთო-სათხილამურო სეზონად ჩვეულებრივ მიიჩნევა პერიოდი დეკემბრის დასაწყისიდან მაისის ბოლოს ჩათვლით . 2000 მეტრის სიმაღლეზე მდებარე ტრასები მთელი წლის განმავლობაში ფუნქციონირებს . გარდა ამისა, კურორტების უმეტესობა საზაფხულო გასართობ საშუალებებს სთავაზობს – მაგალითად, მთებში ლაშქრობას.