ახალი წელი ჯერ კიდევ შორს გგონიათ? დაფიქრდით ! სწორედ ახლა, როცა უმრავლესობა ჯერ კიდევ ზაფხულის მოგონებებით ცხოვრობს, საუკეთესო დროა, დაგეგმოთ საახალწლო შვებულება და რაც მთავარია – აღმოაჩინოთ ყველაზე იაფი ავიაბილეთები!

ყველამ ვიცით, რომ რაც უფრო ახლოვდება 31 დეკემბერი, მით უფრო ძვირდება ბილეთები . ამიტომ, ჩვენ გადავწყვიტეთ, დროზე ადრე ვიზრუნოთ თქვენს დაუვიწყარ დასვენებაზე და შევაგროვეთ საუკეთესო მიმართულებები თბილისისა და ქუთაისის აეროპორტებიდან, სადაც ახალი წლის გატარება განსაკუთრებულ მოგონებად გექცევათ .

მრავალი ადამიანისთვის ახალი წლის დაგეგმვა და კითხვა თუ სად გავატარო ახალი წლის ღამე ერთი დიდი თავისტკივილია, ვეცდებით მოგაწოდოთ იდეები და ცოტა შეგიმსუბუქოთ არჩევანის გაკეთება.

მაშ ასე, მოემზადეთ, ვიწყებთ საახალწლო მოგზაურობის დაგეგმვას ყველაზე ხელსაყრელი პირობებით!

სტატიის სარჩევი

დუბაი, არაბთა გაერთიანებული საამიროები

როცა საქმე მდიდრულ და ყველაზე შთამბეჭდავ საახალწლო ზეიმს ეხება, რომელი ქალაქი გაგვახსენდებოდა, თუ არა დუბაი ? სწორედ ამიტომ, ჩვენს სიაში მას პირველი ადგილი დავუთმეთ . ეს არის ქალაქი, სადაც ახალი წლის ღამე ჩვეულებრივ მოვლენას კი არა, მსოფლიო დონის სანახაობას წარმოადგენს . წარმოიდგინეთ, როგორ ითვლით წამებს შუაღამემდე და თქვენს თვალწინ მსოფლიოს ყველაზე მაღალი შენობა, ბურჯ ხალიფა, გრანდიოზული ლაზერ-შოუთი და ფოიერვერკებით ნათდება . დუბაიში ახალი წელი უბრალოდ წვეულება არ არის — ეს არის შოუ, რომელიც მთელი ცხოვრება გემახსოვრებათ.

რატომ დუბაი ახალ წელს?

🎆 გინესის რეკორდების მფლობელი ფოიერვერკი და ლაზერ-შოუ ბურჯ ხალიფაზე.
☀️ ზამთრის სითბო და მზიანი პლაჟები — დაისვენეთ Jumeirah-ს სანაპიროზე, როცა სხვაგან ზამთარია.
🛍️ მსოფლიო დონის შოპინგი და გრანდიოზული საახალწლო ფასდაკლებები Dubai Mall-ში.
✨ მდიდრული წვეულებები და გლამურული საახალწლო ვახშმები ცნობილ სასტუმროებსა და რესტორნებში.
🏜️ უნიკალური შესაძლებლობა, შეხვდეთ ახალ წელს უდაბნოს საფარიზე, ბედუინების სტილის ბანაკში.

✈️ ფრენის დეტალები:

საიდან: თბილისი (TBS)
პერიოდი: 31 დეკემბერი – 5 იანვარი
ფასი: 1256 ლარი
[ ბილეთის შეძენა ]
დაჯავშნე 3 საათიანი საახალწლო კრუიზი ან სხვა საახალწლო აქტივობები აქ

დუბაიში 2026 წელს საღამოს გაგილამაზებთ პოპულარული ჯგუფი maroon 5, მეტი დეტალები იხილეთ აქ

პრაღა, ჩეხეთი

ნამდვილი საახალწლო ზღაპარი ! თოვლიანი პრაღა, თავისი გოტიკური კოშკებით, ასტრონომიული საათითა და მორთული ქუჩებით, ზამთრის ერთ-ერთი საუკეთესო მიმართულებაა.

რატომ პრაღა ახალ წელს?

🎄 საოცარი საშობაო ბაზრობები ძველი ქალაქის მოედანზე.
🏰 ზღაპრული არქიტექტურა თოვლის ქვეშ.
🎆 ფოიერვერკი მდინარე ვლტავაზე, კარლის ხიდის ხედით.
🍻 ხელმისაწვდომი ფასები და უგემრიელესი ადგილობრივი ლუდი.

✈️ ფრენის დეტალები:

საიდან: თბილისიდან (KUT)
პერიოდი: 31 დეკემბერი – 6 იანვარი
სავარაუდო ფასი: 464 ლარი
შეძენა: [ თბილისი – პრაღა ] [ პრაღა – ქუთაისი ]

ჟენევა, შვეიცარია

თუ თქვენი საახალწლო იდეალი ცათამბჯენების გრანდიოზულ შოუს კი არა, ალპების თოვლიან მწვერვალებს, კრისტალურად სუფთა ტბასა და ევროპულ დახვეწილობას უკავშირდება, მაშინ ჟენევა თქვენთვისაა შექმნილი . წარმოიდგინეთ ახალი წლის ღამე ჟენევის ტბის სანაპიროზე, სადაც წყლის შადრევანი Jet d’Eau განათებულია, ჰაერში კი შვეიცარული შოკოლადისა და გლინტვეინის სურნელი ტრიალებს .

გადმოიწერე ჩვენი მობილური აპლიკაცია!

მოიძიე ავიაბილეთები და სასტუმროები ყველაზე იაფად!

APP გადმოწერა

ეს არის ზეიმი ზედმეტი ხმაურის გარეშე, სადაც მთავარი აქცენტი სიმშვიდეზე, ბუნების სილამაზესა და ელეგანტურ გარემოზე კეთდება.

რატომ ჟენევა ახალ წელს?

🎆 გრანდიოზული ფოიერვერკი ჟენევის ტბაზე (Lac Léman), რომელიც ალპების ფონზე იშლება.
⛷️ სათხილამურო კურორტებთან სიახლოვე: გაატარეთ დღე თხილამურებზე ისეთ კურორტებზე, როგორიცაა შამონი (საფრანგეთი) ან ვერბიე, საღამოს კი დაუბრუნდით ქალაქს.
🏰 ისტორიული ძველი ქალაქის (Vieille Ville) მომხიბვლელობა, მორთული ქუჩებითა და მყუდრო კაფეებით.
🍫 შვეიცარული შოკოლადის სამყარო: დააგემოვნეთ მსოფლიოში საუკეთესო შოკოლადი და შეიძინეთ საჩუქრები ოჯახისთვის.
⌚ მშვიდი და დახვეწილი ატმოსფერო მათთვის, ვისაც ხალხმრავალი წვეულებებისგან შორს სურს ახალი წლის შეხვედრა.

✈️ ფრენის დეტალები:

საიდან: თბილისიდან (TBS)
პერიოდი: 31 დეკემბერი – 4 იანვარი
სავარაუდო ფასი: 299 ლარი
[ავიაბილეთების შეძენა აქ]

მილანი, იტალია

თუ ახალი წელი თქვენთვის სტილთან, ენერგიასთან, გემრიელ საკვებთან და ცოცხალ მუსიკასთან ასოცირდება, მაშინ მილანი საუკეთესო არჩევანია . ეს არ არის უბრალოდ ქალაქი, ეს არის პოდიუმი, რომელიც საახალწლოდ კიდევ უფრო იპრანჭება . წარმოიდგინეთ ათასობით ადამიანთან ერთად დუომოს (Duomo di Milano) გრანდიოზულ მოედანზე შეკრება, სადაც ცნობილი შემსრულებლების ცოცხალი კონცერტი იმართება და შუაღამისას ცას გრანდიოზული ფოიერვერკი ანათებს . მილანში ახალი წელი არის მოდური, ხმაურიანი და დაუვიწყრად იტალიური!

რატომ მილანი ახალ წელს?

🎉 უფასო კონცერტი და ზეიმი პიაცა დუომოზე, სადაც ათასობით ადამიანი ერთად ხვდება ახალ წელს.
🛍️ საახალწლო შოპინგის სამოთხე: იანვრის დასაწყისში იწყება გრანდიოზული ფასდაკლებების სეზონი (Saldi), რაც იდეალურია მოდის მოყვარულთათვის.
🖼️ ხელოვნება და კულტურა: ნახეთ ლეონარდო და ვინჩის “საიდუმლო სერობა” და დაათვალიერეთ ბრერას გალერეა.
🍸 დახვეწილი აპერიტივოს კულტურა: საღამო დაიწყეთ ტრადიციული იტალიური აპერიტივოთი ნავიგლის (Navigli) არხების გასწვრივ მდებარე ბარებში.
🍕 იტალიური სამზარეულო: პანეტონედან დაწყებული, ოსობუკოთი დამთავრებული — საახალწლო სუფრა მილანში ნამდვილი გურმანული თავგადასავალია.

✈️ ფრენის დეტალები:

საიდან: თბილისი ან ქუთაისი (KUT)
პერიოდი: 31 დეკემბერი – 4 ან 5 იანვარი
სავარაუდო ფასი: 365 ლარი თბილისიდან; 348 ლარი ქუთაისიდან
ბილეთების შეძენა: [თბილისიდან] [ქუთაისიდან]

იხილეთ აქ: საუკეთესო აქტივობები მილანში რომელიც ახალ წელს უნდა გააკეთოთ

სტამბოლი, თურქეთი

ევროპისა და აზიის გასაყარზე მდებარე ჯადოსნური ქალაქი, რომელიც ახალ წელს განსაკუთრებულად ირთვება . წარმოიდგინეთ ფოიერვერკები ბოსფორის თავზე, სადღესასწაულოდ მორთული ისტიკლალის ქუჩა და გრანდ ბაზრის საახალწლო ფუსფუსი.

რატომ სტამბოლი ახალ წელს?

✨ გრანდიოზული ფოიერვერკები ბოსფორის ხიდზე.
🛍️ საახალწლო ფასდაკლებები და შოპინგი ცნობილ სავაჭრო ცენტრებში.
🛳️ სადღესასწაულო კრუიზი ბოსფორზე გემრიელი ვახშმით . [დაჯავშნე]
🍽️ გამორჩეული თურქული სამზარეულო და სადღესასწაულო ატმოსფერო.

✈️ ფრენის დეტალები:

საიდან: თბილისი (TBS)
პერიოდი: 31 დეკემბერი – 5 იანვარი
სავარაუდო ფასი: 322 ლარი
შეძენა: ავიაბილეთები თბილისი – სტამბოლი

ბარსელონა, ესპანეთი

თუ თქვენი საახალწლო სურვილების სიაში რბილი კლიმატი, ენერგიული ქუჩის წვეულებები და უნიკალური ადგილობრივი ტრადიციები შედის, მაშინ ბარსელონა თქვენი მიმართულებაა . დაივიწყეთ სტანდარტული ზეიმი — აქ ახალ წელს ხმაურიანი, მხიარული და ნამდვილად ესპანური ტემპერამენტით ხვდებიან . წარმოიდგინეთ, როგორ დგახართ ესპანეთის მოედანზე (Plaça d’Espanya) ათასობით ადამიანთან ერთად, მონჟუიკის ჯადოსნური შადრევნების ფონზე გრანდიოზულ შოუს უყურებთ და შუაღამისას, ზუსტად 12 საათზე, იღბლისთვის ყურძნის 12 მარცვალს მიირთმევთ . ბარსელონაში ახალი წელი არის ხელოვნება, გართობა და დაუვიწყარი ემოციები ხმელთაშუა ზღვის სანაპიროზე.

რატომ ბარსელონა ახალ წელს?

🎉 გრანდიოზული საახალწლო შოუ ესპანეთის მოედანზე მუსიკით, აკრობატებით და მონჟუიკის შადრევნების შთამბეჭდავი წარმოდგენით.
🍇 უნიკალური ტრადიცია: მიირთვით “იღბლის 12 მარცვალი ყურძენი” შუაღამისას, რათა მომავალი წელი წარმატებული გქონდეთ.
☀️ რბილი ხმელთაშუა ზღვის კლიმატი: ისიამოვნეთ მზიანი დღეებით და კომფორტული ტემპერატურით ზამთრის სუსხის ნაცვლად.
🎨 გაუდისა და მოდერნიზმის არქიტექტურა: დაათვალიერეთ საგრადა ფამილია, გუელის პარკი და სხვა შედევრები სადღესასწაულო განათებების ფონზე.
💃 ცოცხალი ღამის ცხოვრება: ძველი ქალაქის (Barri Gòtic) ტაპას ბარებიდან დაწყებული, პორტ ოლიმპიკის კლუბებით დამთავრებული — გართობა დილამდე გრძელდება.

✈️ ფრენის დეტალები:

საიდან: ქუთაისი (KUT)
პერიოდი: 31 დეკემბერი – 2 ან 5 იანვარი
სავარაუდო ფასი: 511 ლარი ან 447 ლარი (დასაჯავშნად დააჭირეთ ფასს)

გაიგე მეტი ახალი წლის ღონისძიებებზე: Barcelona NEW YEAR’S EVE 2025 – 2026 ▷ Spain Celebrations party

ლონდონი, დიდი ბრიტანეთი

როდესაც საათის ისრები შუაღამეს უახლოვდება, ბიგ ბენის ზარები პირველად ჩამოკრავს და ლონდონის ცა მდინარე თემზის თავზე ფერთა გრანდიოზული აფეთქებით ნათდება — ეს ის კადრებია, რომელსაც მთელი მსოფლიო პირდაპირ ეთერში უყურებს . ლონდონში ახალი წლის შეხვედრა ნიშნავს, იყო ამ გლობალური ზეიმის ეპიცენტრში . ეს არის ქალაქი, რომელიც აერთიანებს სამეფო ტრადიციებს, თანამედროვე ენერგიასა და კოსმოპოლიტურ ატმოსფეროს . მოემზადეთ სანახაობისთვის, რომელიც მსოფლიოში ერთ-ერთ საუკეთესოდ არის აღიარებული და რომელიც ნამდვილად შედის “ცხოვრებაში ერთხელ მაინც სანახავი” მოვლენების სიაში.

რატომ ლონდონი ახალ წელს?

🎆 მსოფლიოში ცნობილი ფოიერვერკები: გრანდიოზული შოუ London Eye-ს გარშემო . მნიშვნელოვანია: საუკეთესო სანახავი ზონებისთვის ბილეთები წინასწარ, ოფიციალურ საიტზე უნდა შეიძინოთ.
✨ ჯადოსნური საახალწლო განათებები: გაისეირნეთ ოქსფორდისა და რიჯენთ-სთრითის ზღაპრულად მორთულ ქუჩებში და შეიქმენით სადღესასწაულო განწყობა.
🛍️ გრანდიოზული ფასდაკლებების დაწყება: ახალი წლის შემდეგ ლონდონის მაღაზიებში, მათ შორის Harrods-სა და Selfridges-ში, იწყება მასშტაბური ფასდაკლებები (January Sales).
🎺 საახალწლო აღლუმი 1 იანვარს: დაესწარით მსოფლიოში ერთ-ერთ უდიდეს საახალწლო აღლუმს, სადაც ათასობით შემსრულებელი, მოცეკვავე და მუსიკოსი იღებს მონაწილეობას.
🎭 მსოფლიო დონის მიუზიკლები: გაატარეთ საღამო ვესტ-ენდის ერთ-ერთ თეატრში და დაესწარით მსოფლიოში ცნობილ წარმოდგენას.

✈️ ფრენის დეტალები:

საიდან: თბილისიდან (TBS)
პერიოდი: 30 დეკემბერი – 3 იანვარი
სავარაუდო ფასი: 582 ლარი
ავიაბილეთის შეძენა: დაჯავშნე აქ

ნიუ-იორკი, აშშ

არსებობს ცნობილი საახალწლო ზეიმები და არსებობს ნიუ-იორკი . ეს ის ადგილია, რომელიც ყველას გვინახავს ფილმებში, კლიპებსა და სატელევიზიო შოუებში — თაიმს სკვერზე შეკრებილი მილიონობით ადამიანი, ლეგენდარული ბროლის ბურთის ვარდნა და კონფეტის წვიმა, რომელიც ახალი წლის დადგომას ამცნობს . ნიუ-იორკში ახალი წლის შეხვედრა არ არის უბრალოდ მოგზაურობა, ეს არის კინემატოგრაფიულ ოცნებაში მონაწილეობის მიღება . იყო ამ ისტორიული მომენტის ნაწილი, იგრძნო “დიდი ვაშლის” დაუჯერებელი ენერგია და მთელ მსოფლიოსთან ერთად იზეიმო — ეს გამოცდილებაა, რომელიც სიტყვებით რთულია აღწერო.

რატომ ნიუ-იორკი ახალ წელს?

🏙️ ლეგენდარული ბურთის ვარდნა (Ball Drop) თაიმს სკვერზე: მსოფლიოში ყველაზე ცნობილი საახალწლო ტრადიციის ეპიცენტრში ყოფნა . (გაითვალისწინეთ: კარგი ადგილის დასაკავებლად მოედანზე მისვლა დღის პირველ ნახევარშია საჭირო).
🎄 საკულტო ნაძვის ხე როკფელერ ცენტრთან და მეხუთე ავენიუს ზღაპრული საახალწლო ვიტრინები, რომლებიც ხელოვნების ნიმუშებს ჰგავს.
⛸️ რომანტიკული სრიალი ცენტრალ პარკის ან როკფელერ ცენტრის ცნობილ საციგურაო მოედანზე, ცათამბჯენების ფონზე.
🎆 ალტერნატიული ზეიმი: თუ ხალხმრავლობა არ გიყვართ, შეგიძლიათ აირჩიოთ საახალწლო კრუიზი მდინარე ჰუდსონზე, საიდანაც დატკბებით ფოიერვერკით თავისუფლების ქანდაკებასთან.
🎭 ბროდვეის მსოფლიო დონის შოუები: საახალწლო პერიოდი იდეალური დროა, დაესწროთ ისეთ ცნობილ მიუზიკლებს, როგორიცაა “მეფე ლომი” ან “ვიკიდი”.

✈️ ფრენის დეტალები: