იაპონიის 10 საინტერესო ადგილი, რომელთა მონახულება ღირს

იაპონია – უძველესი ტრადიციების, სალოცავებისა და ყველაზე მოწინავე ტექნოლოგიების საოცარი ნაზავია. ქვეყანა, რომელიც თავის წარსულს უსაზღვრო პატივს სცემს და ამავდროულად, გამალებით მიემართება მომავლისკენ, თავის არსენალში არსებული უნიკალური ბუნების საოცრებებისა და შემოქმედებითი მემკვიდრეობის წყალობით.

Aviabiletebi.org -მა თქვენთვის იაპონიის 10 საინტერესო ადგილი შეარჩია, რომლებიც აუცილებლად უნდა მოინახულოთ. დარწმუნებული ვართ, რომ თქვენი გაცნობა ამ საოცარ ქვეყანასთან სასიამოვნო იქნება.

ფუძი-ჰაკონე-იძუს ეროვნული პარკი

ეს ბუნებრის ერთ-ერთი ყველაზე საინტერესო ადგილია  იაპონიაში, რომელიც ყოველწლიურად 20 მილიონ ტურისტს მასპინძლობს. პარკში ცნობილი მთა ფუძი, 1000 მეტრის სიმაღლეზე ერთმანეთის გვერდიგვერდ მდებარე 5 დიდი მთის ტბა, ცხელი წყაროები და ჩანჩქერები, კუნძულები და პლაჟი, ასევე უძველესი ბუდისტური და სინტოისტური ტაძრები მდებარეობს.

პარკში პოპულარული ადგილია საბაგირო გზა ჰაკონეს მთაზე, რომელიც ადრე აქტიური ვულკანი იყო. მის გარშემო 6 პატარა ვულკანი მდებარეობს, რომელთა კრატერებიდან დღემდე კვამლი ამოდის. საბაგირო გზის გამჭვირვალე კაბინიდან  არაჩვეულებრივი ხედი იშლება მთელ პარკსა და მის პეიზაჟებზე, ხოლო „დაშვების“ შემდეგ თქვენ თერმული წყაროები და წარმოუდგენელი სილამაზის მთის ტბა ასი გელოდებათ.

მაცუმოტოს ციხე

კიდევ რა შეიძლება მოვინახულოთ იაპონიაში? რა თქმა უნდა, მაცუმოტოს ციხე. იგი  იმავე სახელწოდების ქალაქში მდებარეობს და ქვეყნის ერთ-ერთ ყველაზე ლამაზ ნაგებობად ითვლება. წარმოუდგენელია, მაგრამ ციხე  თავდაპირველი სახითაა შემონახული, თუმცა XVI საუკუნეშია აგებული.

შავი კედლებისა და ფრინველის ფრთების მსგავსი 5 სართულიანი სახურავების გამო მაცუმოტოს „შავი ყვავის ციხესაც“ უწოდებენ. ეს ღირსშესანიშნაობა ტბის მახლობლად მდებარეობს, სადაც თეთრი გედები დაცურავენ. ციხის ტერიტორიაზე ასევე განთავსებულია საოცარი პარკი საკურებით და ბაღი ქრიზანთემებით.

გსურთ ციხეში ფეხით გაისეირნოთ? მაშინ ექსკურსია შეუკვეთეთ, ექსკურსიაზე მაცუმოტოს ყველა იმ მფლობელთა მდიდარ ისტორიას გაეცნობით, რომლებიც  ამ კედლებში ყოფნის უფლებისთვის იბრძოდნენ.

ეროვნული პარკი სინძიუკუ-გეენი ტოკიოში

იაპონიის ერთ-ერთი უდიდესი პარკი, ადგილობრივი მოსახლეობისა და ტოკიოს სტუმრების საყვარელი ადგილი. დიდება მან  თავისი სილამაზითა და მრავალფეროვნებით მოიპოვა. სინძიუკუ-გეენის ტერიტორიაზე  3 დიდი ბაღია განთავსებული: ორ გუბურასთან მდებარე კლასიკური იაპონური, „რეგულარული“ ფრანგული ბაღი და პეიზაჟური ინგლისური ბაღი.

უფრო მეტი პოპულარობით იაპონური ბაღი სარგებლობს – სწორედ მის ტერიტორიაზე ყვავის საკურას რეკორდული რაოდენობა (1500-ზე მეტი). თქვენც კარგად მოგეხსენებათ, რომ გაზაფხულზე აქ ნემსის ჩასავარდნი ადგილიც კი არ რჩება.

ფრანგული და ინგლისური ბაღები შექმნილია ევროპის ლანდშაფტური ტრადიციების მიხედვით. აქ ნახავთ შადრევნებს, შეკრეჭილ ბუჩქებსა და საყვავილე კლუმბებს. ბაღებს შორის  ტაივანური პავილიონია, სადაც ჩაის სახლი და ძველი ხის ვილა მდებარეობს.

იცუკუსიმა (კუნძული მიაძიმა)

ტაძარი იცუკუსიმა – იაპონიის ეროვნული საგანძურია. უძველესი სინტოისტური სალოცავი  იაპონიის შიდა ზღვაში, მწვანე მთებითა და ყურეებით გარშემორტყმულ კუნძულ იცუკუსიმაზე მდებარეობს, რომელიც უფრო ცნობილია, როგორც კუნძული მიაძიამა. მდიდარი ბუნებისა და უძველესი ისტორიის წყალობით (სალოცავი ჩვენს წელთაღრიცხვამდე შეიქმნა), იცუკუსიმა ათასობით მოგზაურის მომლოცველობის ადგილად იქცა.

იცუკუსიმას ტერიტორიაზე განთავსებულია დიდი პაგოდა, ასევე სხვადასხვა ტორიი და ტერასა ლოცვების აღსავლენად. იცუკუსიმაზე სეირნობის დროს ირმების ან მაიმუნების ხილვასაც შეძლებთ. ბავშვები ნამდვილად აღფრთოვანებული დარჩებიან. როგორ ვიმგზავროთ კუნძულამდე? კუნძულზე ტურისტული გემები მოძრაობს. არ დაგვავიწყდეთ მომიძი–მანძიუს დაგემოვნება – ტკბილი ღვეზელი, რომელსაც, სხვათა შორის, მხოლოდ მიაძიმაზე ამზადებენ.

ინოვაციების მუზეუმი მირაიკანი ტოკიოში

იაპონია პატივს სცემს უძველეს ტრადიციებს და აქტიურად ნერგავს ახალ ტექნოლოგიებს. ტოკიოში ბევრ მოგზაურს შთაბეჭდილება ექმნება, რომ თითქოს მომავალში მოხვდა. განსაკუთრებით კი ინოვაციების მუზეუმის მონახულების შემდეგ (მას ასევე „რობოტების მუზეუმს“ უწოდებენ).

აქ ნამდვილად იგრძნობთ თავს სხვა პლანეტაზე მოხვედრილ ფილმის პერსონაჟად. მუზეუმის ინტერაქტიულ ექსპონატებთან შეხება არა მხოლოდ შესაძლებელი, არამედ აუცილებელიც კია; ვიზიტორებისთვის ხელმისაწვდომია ელექტრონული გიდები ექვს ენაზე; თანამშრომლებსა და სტუმრებს სეგვეებით გადაადგილება შეუძლიათ, ხოლო მუზეუმის ცენტრში, უზარმაზარი „დედამიწის“ გარდა, მთელი სეისმოლოგიური სადგური მდებარეობს, რომელიც ნათლად აჩვენებს, რომ იაპონია თითქმის ყოველწამიერ „იძვრის“.

მაგრამ მუზეუმის მთავარი ექსპონატია ცნობილი რობოტი Asimo. მას შეუძლია კიბეზე სიარული, ლაპარაკი და ფეხბურთის თამაშიც კი.

პარკი კენროკუ-ენი კანაძავაში

კენროკუ-ენი (ან „ექვსი ღირსების ბაღი“) – იაპონიის ერთ-ერთი მთავარი პარკია. იგი იდეალური და მშვიდი დასვენებისთვის შექმნილი წარმოუდგენლად თვალწარმტაცი პარკია. კენროკუ-ენი 8000-ზე მეტი სახეობის ხე, ბუჩქნარი და მცენარეა. ეს ჩანჩქერები, ნაკადულები, შადრევნები და ხიდებია. ეს ჩაი სახლები და დასასვენებელი ადგილებია. პარკის თითოეული მეტრი დეტალურადაა გააზრებული, მასზე ყოველდღიურად მუშაობენ დიზაინერები და ათობით მებაღე. აქ გასეირნებას ნამდვილად გირჩევთ.

მშვიდობის მემორიალური კომპლექსი ჰიროსიმაში

არა მხოლოდ იაპონიის, არამედ მთელი მსოფლიოს ერთ-ერთი მთავარი ტრაგედიაა 1945 წელს ჰიროსიმასა და ნაგასაკის ქალაქების ატომური დაბომბვა.  მიუხედავად იმისა, რომ ქალაქები საკმაოდ სწრაფად აღადგინეს იმ საშინელი დროის ხსოვნა დღემდე ინახება.

მშვიდობის მთავარი მემორიალური კომპლექსი ჰიროსიმაში მდებარეობს, მის ტერიტორიაზე განთავსებულია დიდი მშვიდობის პარკი, აგრეთვე  მშვიდობის მუზეუმი. აქ ნახავთ ძეგლებს, რომლებიც დაღუპულთა შესახებ მოგითხრობენ, მათ შორის გოგონა სადაკო სასაკის შესახებ, რომლის ისტორიაც ეკრანიზებული იყო. ასევე აქ მარადიული ცეცხლი ანთია. შემქმნელების იდეის მიხედვით, იგი მხოლოდ მაშინ ჩაქვრება, როდესაც დედამიწაზე უკანასკნელი ატომური ბომბი  განადგურდება.

მშვიდობის მუზეუმში თავად ტრაგედიისადმი, მისი წინაპირობებისა და შედეგებისადმი მიძღვნილი ექსპონატები ინახება.

ბამბუკის ტყე საგანო კიოტოში

ეს არის ნამდვილი ოაზისი კიოტოს ცენტრში! აქ 40 მეტრზე მეტი სიმაღლის ბამბუკის ხეები იზრდება. მართლაც, რომ შთამბეჭდავი სანახაობაა. უზარმაზარ ხეივნებში სეირნობისას ცა პრაქტიკულად არ ჩანს. გირჩევთ აუცილებლად შეიგრძნოთ ის სიმშვიდისა და სიმყუდროვის ატმოსფერო, რომელიც აქ სუფევს.

პარკი განსაკუთრებულად ლამაზია საღამოობით და ღამით, როდესაც ბამბუკის კორომები ათასფრადაა განათებული. საგანოს ერთ მხარეს ბუდისტური ტაძარი ტენრიუ-ძი მდებარეობს, ხოლო მეორე მხარეს – თვალწარმტაცი ბაღი, საიდანაც ულამაზესი ხედი იშლება აროსიამას მთაზე. მთელი ანსამბლი შეტანილია იუნესკოს კულტურული მემკვიდრეობის ძეგლთა დაცვის სიაში.

თანამედროვე ხელოვნების ეროვნული მუზეუმი (MOMAT) ტოკიოში

ეს არის Must-visit  ადგილი  ხელოვნების ყველა მოყვარულთათვის. ბევრი მოგზაური არ შედის MOMAT-ში, რადგან მათ არ იტაცებთ აღმოსავლური ხელოვნება, მით უმეტეს თანამედროვე ხელოვნება. მაგრამ მათ არ იციან, რომ აქ მსოფლიო მემკვიდრეობის საკმაოდ შთამბეჭდავი კოლექციაა წარმოდგენილი: პიკასოს, მოდილიანის, გოგენის, კანდინსკის, რუსოს, ბეკონის, შაგალისა და სხვა ცნობილი მხატვრების ნამუშევრები.

მომატი დაყოფილია 3 მთავარ ცენტრად: თანამედროვე ხელოვნების გალერეა, ხელოვნების გალერეა (ტექსტილის, კერამიკისა და ხის ნამუშევრები მე-19 საუკუნის ბოლოდან დღემდე), ეროვნული კინოცენტრი,  სადაც რეგულარულად ეწყობა როგორც იაპონური უახლესი ფილმების, ისე უკვე დიდი ხნის წინ გადაღებული ფილმების ჩვენება.

პაგოდა სეიგანტოძი და ჩანჩქერი ნაჩი-ნო-ტაკი

დაბოლოს – საინტერესო ადგილი, სადაც შეგიძლიათ იხილოთ უძველესი ტაძარი და ჯადოსნური ბუნება. ვაკაიამას პრეფექტურაში, იაპონიის ერთ-ერთი ყველაზე მაღალ, 113 მეტრი სიმაღლის ნაჩი-ნო-ტაკის ჩანჩქერთან მდებარეობს უძველესი ბუდისტური ტაძარი სეიგანტოძი. აქ მილიონობით მოგზაური ჩამოდის ლოცვის აღსავლენად და მომაჯადოებელი სილამაზით დასატკბობად.

პაგოდას ფანჯრებიდან, სადაც წეს-ჩვეულებები და ღვთისმსახურება აღევლინება, იშლება გასაოცარი ხედი მთებსა და ჩანჩქერებზე.

ყველაზე იაფი ავიაბილეთები Tbilisi-დან Tokyo-მდე 1 წლის განმავლობაში

გაფრენის თარიღიდაბრუნების თარიღიგაჩერებაავიაკომპანიაბილეთების მოძებნა

25.10.2019

01.11.2019

2 stops

ფასი 4 173

05.02.2020

19.02.2020

1 stop

ფასი 2 215

16.03.2020

22.03.2020

1 stop

ფასი 2 738

24.04.2020

03.05.2020

1 stop

ფასი 2 224

08.06.2020

13.06.2020

1 stop

ფასი 2 342

13.08.2020

20.08.2020

1 stop

ფასი 2 534

წაიკითხეთ ასევე:

Posted in ბლოგი, კრებულები and tagged , , .