10 საინტერესო ადგილი, რომელიც ტალინში უნდა მოინახულოთ

ესტონეთის დედაქალაქი – ძველი დროისა და თანამედროვეობის საოცრად კოლორიტული და ნათელი ჰარმონიული შეთანხმებაა. გთავაზობთ ტალინის 10 ყველაზე საინტერესო ადგილისა და ღირშესანიშნაობის სიას.

რატუშის მოედანი

რა უნდა მოინახულოთ ტალინში პირველ რიგში? ქალაქთან გაცნობა ისტორიული ცენტრიდან დაიწყეთ. რატუშის მოედანი  ერთ-ერთი ყველაზე საინტერესო და მოგზაურთა საყვარელი ადგილია. განსაკუთრებული ატმოსფერო და ოდნავ სათამაშო სილამაზე შთამბეჭდავია. სწორედ აქ იმართება ქალაქის ზეიმები და დღესასწაულები,  ფესტივალები, კონცერტები და ბაზრობები.

ტალინი: ძველი ქალაქი

ზღაპრის ნაწილი თანამედროვე ქალაქის ცენტრში, ძველი ქალაქი  -ტალინის შუაგულია. აქ შეგიძლიათ მთელი დღე გაატაროთ, მიხვეულ-მოხვეულ, ქვაფენილით მოპირკეთებულ ქუჩებში ქვის კოშკების ჩრდილქვეშ ისეირნოთ, უძველესი ეკლესიები შეისწავლოთ და შუა საუკუნეების სახლები დაათვალიეროთ.

როგორ ვიმგზავროთ: ფეხით 15-20 წუთი ავტობუსის სადგურიდან, აეროპორტიდან – დაახლოებით 40 წუთი (ან #2 ავტობუსით).

ნიგულისტეს მუზეუმი – წმინდა ნიკოლოზის ეკლესია

ეს მუზეუმი ყურადღებას იმსახურებს მხოლოდ იმიტომ, რომ  იგი მოქმედ საკრალურ შენობაში მდებარე შენობათაგან ერთ-ერთია. აქ წარმოდგენილია იშვიათი ხატები, შუასაუკუნეების საოცრად ნამუშევარი საფლავის ქვები, უნიკალური საკურთხევლები და, რა თქმა უნდა, კოლექციის მარგალიტი – ბერნტ ნოტკეს ნახატის „სიკვდილის ცეკვის“ ფრაგმენტი, რომლის ასაკი 500 წელს აღემატება.

ტალინში ამ მუზეუმის დათვალიერება მხოლოდ ჯგუფის შემადგენლობაში შეგიძლიათ, ექსკურსია ესტონურ ან ინგლისურ ენაზე ტარდება.

მისამართი: Niguliste tänav 3, Kesklinna linnaosa

ფასები: ბილეთი მოზრდილთათვის – €8.

სამუშაო განრიგი:

  • მაისი-სექტემბერი, სამშაბათი-კვირა, 10:00 საათიდან 17:00 საათამდე.
  • ოქტომბერი-აპრილი, ოთხშაბათი-კვირა, 10:00 საათიდან 17:00 საათამდე.

ტალინის ღირსშესანიშნაობები: პარკი კადრიორგი

ამ ადგილს აუცილებლად ეწვიეთ! კადრიორგი – ტალინის, და ზოგადად ესტონეთის ერთ-ერთი ყველაზე ლამაზი პარკია. ჩრდილიანი ხეივნები, გედების ტბა, სასახლისკენ მიმავალი პრომენადი – აქ ყოველი გასეირნება ამაღელვებელი მოგზაურობაა. პარკის ტერიტორიაზე რამდენიმე მუზეუმი მდებარეობს, ასე რომ თქვენ ნამდვილად არ მოიწყენთ.

მისამართი: August Weizenbergi tänav, Kesklinna linnaosa

შესვლა უფასოა (მუზეუმებში შესვლის გარდა).

ესტონეთის მუზეუმი ღია ცის ქვეშ

გსურთ წარსულში იმოგზაუროთ და XVIII-XX საუკუნეების ესტონეთში აღმოჩნდეთ? მაშინ აუცილებლად ეწვიეთ მუზეუმს ღია ცის ქვეშ.  აქ თქვენ გაეცნობით ქვეყნის სოფლის არქიტექტურას, ნახავთ, თუ როგორ ცხოვრობდნენ ადრე ესტონურ ხუტორებში, გიამბობენ, თუ რითი იყო დაკავებული და როგორ მართავდა მეურნეობას ადგილობრივი მოსახელობა.

შეგიძლიათ სოფლის ტრაქტირში შეხვიდეთ და ეროვნული სამზარეულოს კერძები დააგემოვნოთ, ან შეგიძლიათ ქარის წისქვილები ნახოთ ან ერთ-ერთ სახლს სტუმრად ეწვიოთ.

მისამართი: Vabaõhumuuseumi tee 12, Haabersti linnaosa.

სამუშაო საათები და ფასები:

  • 23 აპრილიდან 28 სექტემბრის ჩათვლით, ყოველდღე 10:00 საათიდან 20:00 საათამდე. ბილეთის ღირებულება – €10 (8 წლამდე ასაკის ბავშვებისთვის უფასოა).
  • 29 სექტემბრიდან 22 აპრილის ჩათვლით, ორშაბათი-სამშაბათი – 10:00 საათიდან 18:00 საათამდე, ოთხშაბათი-კვირა – 10:00 საათიდან 20:00 საათამდე. ბილეთის ღირებულება – €8 (8 წლამდე ასაკის ბავშვებისთვის უფასოა).

ტალინი: გუმბათოვანი ტაძარი

ეს მე-13 საუკუნის ტაძარი არავის დატოვებს გულგრილს! ტაძრის კედლებს XVII-XX საუკუნეების გერმანელ დიდგვაროვანთა გერბები ამშვენებს, აქ ასევე შეგიძლიათ იხილოთ არაჩვეულებრივი სილამაზის ხის მოჩუქურთმებული  კათედრა  და 69 მეტრი სიმაღლის კოშკზე ახვიდეთ, საიდანაც ქალაქის საოცარი ხედი იშლება. ყოველ ოთხშაბათს 17:00 საათზე ტაძარში ორგანი უკრავს.

ტაძარში შესვლა და კოშკზე ასვლა აკრძალულია ღვთისმსახურებისა და კონცერტების დროს.

მისამართი: Toom-Kooli 6.

ფასები: ტაძრის მოსანახულებლად შემოწირულობა უნდა გაიღოთ. კოშკზე ასვლის ბილეთის ღირებულება – €2.

სამუშაო განრიგი:

  • 1 ნოემბრიდან 20 აპრილის ჩათვლით სამშაბათი-კვირა – 10:00 საათიდან 16:00 საათამდე;
  • 1 მაისიდან 31 მაისის და 1 სექტემბრიდან 30 სექტემბრის ჩათვლით ორშაბათი-კვირა, 9:00 საათიდან 17:00 საათამდე;
  • 1 ივნისიდან 31 აგვისტოს ჩათვლით ორშაბათი-კვირა – 9:00 საათიდან 18:00 საათამდე;
  • 1 ოქტომბრიდან 31 ოქტომბრის ჩათვლით ორშაბათი-კვირა – 9:00 საათიდან 16:00 საათამდე.

კალამაიას უბანი ტალინში

სავარაუდოდ, ტალინის ერთ-ერთი ყველაზე კოლორიტული უბანი, რომელიც, უპირველეს ყოვლისა, თავისი ისტორიული ხის ნაგებობებითაა ცნობილი. აქ წარსული ორგანულად არის შერწყმული  აწმყოსთან. კალამაიას ცენტრს ტელისკივი წარმოადგენს. აქ მრავალი კაფე, ბარი, გალერეა და თეატრია, ეს შემოქმედებითი ახალგაზრდობის საყვარელი ადგილია.

თუ გსურთ ტალინიდან ნამდვილი ესტონური სუვენირი ჩამოიტანოთ, აუცილებლად ეწვიეთ  დახურულ სავაჭრო ქუჩას. და რა თქმა უნდა, არ აუაროთ გვერდი საზაფხულო ნავსაყუდელს – ქვეყნის ყველაზე დიდ საზღვაო ცენტრე.

როგორ ვიმგზავროთ: #1 და #2 ტრამვაი.

ვიიმსის მუზეუმი ღია ცის ქვეშ 

როდესაც ტალინით გულს იჯერებთ, ვიიმსიში გაემგზავრეთ. აქ კიდევ ერთი უნიკალური მუზეუმი მდებარეობს ღია ცის ქვეშ. ზღვის სანაპიროზე 1820 წლის ორიგინალური მეთევზეთა დასახლებაა აღდგენილი. აქ შეგიძლიათ ხუტორულ ეზოში გაისეირნოთ, კარაპანში და მასპინძლის სახლში შეიხედოთ, ასევე გაეცნოთ თუ რით და როგორ ცხოვრობდნენ მეთევზეები იმ დროს. მთელი წლის განმავლობაში 10:00 საათიდან 14:00 საათამდე აქ ბაზარი მუშაობს.

ბილეთის ღირებულებაში ასევე შედის ვიზიტი მეზობლად მდებარე სანაპირო ხალხის მუზეუმში, რომელსაც შეგიძლიათ ეწვიოთ ბილეთის შეძენის ან მომდევნო დღეს.

მისამართი: Muuseumi tee 1, Pringi küla, Viimsi vald, Harju maakond.

ფასები: ბილეთების ღირებულებაა €3 (მოზრდილთათვის) და €2 (ბავშვებისთვის).

სამუშაო განრიგი:

  • 1 მაისიდან 30 სექტემბრის ჩათვლით ყოველდღე 10:00 საათიდან 20:00 საათამდე.
  • 1 ოქტომბრიდან 30 აპრილის ჩათვლით ორშაბათი-პარასკევი – 12:00 საათიდან 17:00 საათამდე. შაბათი-კვირა – 10:00 საათიდან 17:00 საათამდე.

კატარინა კიაიკი ან ეკატერინეს ჩიხი

ადრე აქ ხელოსნებისა და მხატვრების  სახელოსნოები იყო. ამ ადგილის მონახულება ნამდვილად ღირს იმისათვის, რომ ძველებურ ქვაფენილზე გაისერნოთ და პირდაპირი მნიშვნელობით ძველ დროს შეეხოთ, რომელიც ცნობილი თაღების, შუასაკუნეების კედლებისა და წმინდა კატარინა ალექსანდრიელის ტაძრის ნანგრევების სახითაა შემორჩენილი.

მდებარეობა: შესახვევი მდებარეობს Veneდა Muurivahe ქუჩებს შორის.

მოგზაურობა ტალინში: ოსტატთა ეზო

კიდევ ერთი საინტერესო ადგილი და ზღაპრული ტალინის „კარიბჭე წარსულში“. ძველი ქალაქის ამ მყუდრო ეზოში დღესაც მუშაობს სახელოსნოები, სადაც ოსტატები წარმოუდგენელი სილამაზის ნივთებს ქმნიან.

ტყავის ნაწარმი, საოცარი ქუდები, შალის სვიტერები, მინა, კერამიკა – როგორც ჩანს, აქ ყველაფერია! ეზოში კი ცნობილი კაფე Chocolaterie მდებარეობს. შეუძლებელია აქ დიდხანს არ შეყოვნდეთ!

მისამართი: Vene tänav 6, Kesklinna linnaosa მაღაზიები და სახელოსნოები ღიაა ყოველდღე 10:00 საათიდან 18:00

ავიაბილეთები ამ თვეში Tbilisi-დან Tallinn-მდე

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

25.04.2019

29.04.2019

1 stop

ფასი 962

26.04.2019

03.05.2019

1 stop

ფასი 847

ასევე წაიკითხეთ:

Posted in ბლოგი, კრებულები and tagged , , .