ფოტოგრაფი ათენი

უფასო ათენი: ვისვენებთ ბიუჯეტისთვის ზიანის მიყენების გარეშე

ბერძნები – გულუხვი და სტუმართმოყვარე ხალხია. ამაში ათენში ჩასვლის შემდეგ უფრო დარწმუნდებით, სადაც  ამდენ საოცარ რამეს ნახავთ  და მათი სრულიად უფასოდ განცდას შეძლებთ! Aviabiletebi.org დაგეხმარებათ ათენში ზედმეტი დანახარჯების გარეშე გაერთოთ.

ათენში სრულფასოვან ექსკურსიაში უფასოდ მიღების რამდენიმე შესანიშნავი გზა არსებობს. პრაქტიკა, რომელიც მთელ ევროპაში სულ უფრო პოპულარული ხდება – უფასო ფეხმავალი ტურები, საბერძნეთის დედაქალაქშიც ვრცელდება. არსებობს რამდენიმე კომპანია, რომელიც ტურისტებისთვის უფასო გაცნობით ტურებს აწყობს, ყველაზე პოპულარულია ის, რომელის ტურს  ეროვნული ბაღიდან იწყებს  (მისამართი: Leoforos Vasilissis Amalias).

რამდენიმე გამოცდილი ინგლისურენოვანი გიდი სიამოვნებით გაგიძღვებათ ქალაქის ყველაზე ცნობილ და ზოგიერთ საიდუმლო ადგილშიც კი, გზადაგზა კი ყველასთვის ხელმისაწვდომ და ინსაიდერულ ფაქტებს გიამბობთ ათენის შესახებ. ექსკურსიაში მონაწილეობის მისაღებად, უბრალოდ ეწვიეთ ერთ-ერთ სპეციალურ ვებ-გვერდს (მაგალითად,ეს) და მითითებულ საკონტაქტო მისამართზე მიწერეთ, ისინი თავად დაგიკავშირდებიან.

მოწინავე ტექნოლოგიების ხანაში მოგზაურებისთვის კიდევ ერთ შეუცვლელ დამხმარეს სასარგებლო მობილური აპლიკაციები წარმოადგენენ, მაგალითად Clio Muse. ამ აპლიკაციას თქვენი ვირტუალური გიდი შეიძლება ეწოდოს ათენის ყველაზე პოპულარული ღირსშესანიშნაობების მონახულებაში. იგი მოგზაურთა მიმოხილვებსა და გამოხმაურებას მოიცავს, ასევე  საშუალებას გაძლევთ თქვენი საკუთარი შეფასება  დატოვოთ. აპლიკაცია ხელმისაწვდომია iOS-ისა და Android-ის სმარტფონების მომხმარებლებისთვის.

იმისათვის, რომ ეს საოცარი ქალაქი კარგად გაიცნოთ, რა თქმა უნდა, არ არის აუცილებელი უკვე კარგად გაკვალულ ბილიკებზე იაროთ და მობუტბუტე გიდს სდიოთ. როგორც საბერძნეთის ხშირი სტუმრები ამბობენ – ქალაქის განუმეორებელი ატმოსფეროს შეგრძნობის საუკეთესო საშუალება    მის უძველეს ქუჩებში აუჩქარებელი სეირნობაა.

პლაკას უბანი, რომელმაც პრაქტიკულად თავისი ისტორიული იერსახე შეინარჩუნა იმ დროიდან, როდესაც ათენს  საბერძნეთის დედაქალაქი ეწოდა, ყოველთვის სავსეა ტურისტებით, თუმცა სანახაობად ნამდვილად ღირს. ასევე ეწვიეთ დიონისია არეოპაგიტას ქუჩას ან თისიოს უბანს, საიდანაც აკროპოლისის განსაცვიფრებელი ხედები იშლება.

ცალკე აღნიშვნას იმსახურებს ქალაქის საუკეთესო ხედების მქონე ადგილები – განთქმული ათენის ბორცვები. ნუ მოაკლებთ საკუთარ თავს ამ სიამოვნებას (შესაძლოა, ადვილი არ მოგეჩვენოთ) და ერთ-ერთ მათგანზე ადით, აქედან თქვენს წინაშე ისეთი სურათი გადაიშლება, რომელიც არასდროს  დაგავიწყდებათ. მაგალითად, ფილიპაპუს, ნიმფისა და მუზის ბორცვებიდან  შესანიშნავი ხედები იშლება სარონიკის ყურესა და ატიკაზე. ხოლო ლუკიანუს ქუჩიდან, ლიკავიტოსის ბორცვზე შეგიძლიათ ასვლა, რომლის მწვერვალზეც   წმინდა გიორგის სამლოცველო მდებარეობს.

კიდევ ერთი ადგილი, სადაც არა მხოლოდ ტურისტებს, არამედ ათენის მაცხოვრებლებსაც უყვართ სეირნობა – ქალაქის შუაგულში მდებარე ეროვნული ბაღია. აქ არა მხოლოდ მრავალწლიანი ხეების ჩრდილში შეგიძლიათ ისეირნოთ, არამედ საკმაოდ საინტერესო ნიმუშებზე დაკვირვებით დატკბეთ – დედოფალი ამალიასთვის გაშენებული პალმებისა და ფორთოხლის ბაღნარები. აქ მთელი დღის გატარება შეგიძლიათ: იხვები გამოკვებეთ, ერთ-ერთ კაფეში  ნაყინი  მიირთვით ან უბრალოდ მწვანე ბალახზე დაისვენეთ.

ათენი საკმაოდ მდიდარია ისტორიული ღირსშესანიშნაობებით, რომელთა მოსანახულებლად (აკროპოლისზე აქცენტირების გარეშე) ასტრონომიული თანხების გადახდა არ მოგიწევთ. მეტროპოლიტენის მშენებლობის დროს უამრავი საინტერესო ექსპონატი აღმოაჩინეს, დღეს ისინი მეტროს ექსპოზიციის ნაწილია. მაგალითად,  ისტორიული არტეფაკტების უფასოდ დათვალიერებით ტკბობას შეძლებთ სადგურებზე მონასტირაკი და სინტაგმა. პლაკას უბანში და ეროვნული ბაღის ტერიტორიაზე განსაკუთრებული მინიშნებებს მიაქციეთ ყურადღება და   უძველესი აბანოს ნანგრევების დანახვას შეძლებთ.

არისტოტელეს ლიცეუმმა მხოლოდ შარშან დაიწყო პირველი სტუმრების მიღება. ჩვენდა საბედნიეროდ, გულუხვი ბერძნები არ ითხოვენ საფასურს ასეთი გამოჩენილი თანამემამულის სავანის მოსანახულებლად. 2500 წლის წინ ეს დიდი ფილოსოფოსი აქ თავის მოსწავლეებს ასწავლიდა, დღეს კი  შეგიძლიათ უბრალოდ დაათვალიეროთ და ზოგიერთ ექსპონატს შეეხოთ კიდეც.

კიდევ ერთი სრულიად უფასო, მაგრამ საოცრად პოპულარული ღირსშესანიშნაობაა – სინტაგმას მოედანი პარლამენტის შენობასთან. ორიგინალურ კოსტიუმებში შემოსილი ადგილობრივი გუშაგები თავიანთი თავდაჭერილობით ბუკინგემის ცნობილ სამეფო გვარდიასაც კი არ ჩამოუვარდებიან. სხვათა შორის, ისინი ყოველ საათში იწყებენ მარშირებას, კვირაობით 11:00 საათზე კი ორკესტრის თანხლებით მარშირებენ.

ათენში ასევე უამრავი უფასო მუზეუმი და გალერეაა, ამიტომ გირჩევთ ამ ვრცელ სიაში თქვენთვის ყველაზე მეტად საინტერესო შეარჩიოთ. მაგალითად,  შეგიძლიათ ეწვიოთ ისტორიულ-კულტურულ მუზეუმს კანელოპულოსს, პოპულარული ბერძნული ინსტრუმენტების მუზეუმს,  ხალხური ხელოვნებისა და ტრადიციების ცენტრს პლაკაში ან ეპიგრაფიკულ მუზეუმს.

ზედმეტი დანახარჯის გარეშე თანამედროვე ხელოვნების სამყაროს რომ ეზიაროთ, რამდენიმე ყველაზე ცნობილ გალერეას შემოგთავაზებთ. მათ შორისაა: CAN Gallery კალამაკიში, საგამოფენო სივრცე ადგილობრივი ფოტომხატვრებისთვის A.antonopoulou.art, თანამედროვე კულტურისა და ხელოვნების ცენტრი Bios ან ფართომასშტაბიანი სივრცე Six DOGS.

გარდა ამისა, ყველაზე ცნობილ ღირსშესანიშნაობებშიც კი (მაგალითად, აკროპოლისი და ზევსის ტაძარი), სადაც სტანდარტული შესასვლელი ბილეთების ფასი 12 ევროდან იწყება, განსაკუთრებული დღეები არსებობს, როდესაც ვიზიტორებს სრულიად უფასოდ შეუძლიათ შესვლა. ძირითადად, ეს ყოველი თვის პირველი კვირა დღეა ნოემბრიდან მარტის ჩათვლით, მაგრამ ვიზიტამდე ამ ინფორმაციის დაზუსტებას გირჩევთ  თითოეული ადგილისთვის.

ასევე გირჩევთ თქვენი მოგზაურობის დაგეგმვის დროს რამდენიმე კულტურული ღონისძიება და ფესტივალი გაითვალისწინოთ, რომლებიც ათენში წელიწადის ნებისმიერ დროს უხვად იმართება. უფასო ღონისძიებების შესარჩევად ამ ვებ-გვერდს ეწვიეთ: აქ ხშირად ჩნდება ინფორმაცია იმ კონცერტების, საზეიმო ღონისძიებების და პრეზენტაციების შესახებ, სადაც შეზღუდული ადგილების რაოდენობაა, ასე რომ თვალყური ადევნეთ ინფორმაციის განახლებას.

გირჩევთ თანხა ავიაბილეთებშიც დაზოგოთ, და გთავაზობთ იმ თარიღებს, რომელზეც ყველაზე იაფი ავიაბილეთების შეძენაა შესაძლებელი. მაშ ასე:

ავიაბილეთები ამ თვეში Tbilisi-დან Athens-მდე

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

24.05.2019

28.05.2019

2 stops

ფასი 855

25.05.2019

30.05.2019

1 stop

ფასი 851

26.05.2019

24.08.2019

Direct

ფასი 869

28.05.2019

30.06.2019

1 stop

ფასი 731

29.05.2019

05.06.2019

1 stop

ფასი 760

30.05.2019

24.08.2019

1 stop

ფასი 745

31.05.2019

05.06.2019

1 stop

ფასი 829

პირდაპირი ფრენები Kutaisi-დან Athens-მდე

გაფრენის თარიღი დაბრუნების თარიღი ავიაკომპანია ბილეთების მოძებნა

26.05.2019

30.05.2019

ფასი 882

02.06.2019

09.06.2019

ფასი 555

04.07.2019

11.07.2019

ფასი 510

11.08.2019

18.08.2019

ფასი 759

პირდაპირი ფრენები Tbilisi-დან Athens-მდე

გაფრენის თარიღი დაბრუნების თარიღი ავიაკომპანია ბილეთების მოძებნა

25.05.2019

25.05.2019

ფასი 1 565

15.06.2019

21.06.2019

ფასი 674

22.07.2019

26.07.2019

ფასი 694

05.08.2019

18.08.2019

ფასი 689

ასევე წაიკითხეთ:

ათენის არდადეგები: რჩევები მოგზაურებს

რა შეიძლება მოვინახულოთ ათენში: TOP 20 საინტერესო ადგილი

საბერძნეთის TOP-8 თვალწარმტაცი კუნძული: ვირჩევთ დასვენების ადგილს

ათენის ავიაბილეთები

Posted in ბლოგი, ლაიფჰაკი and tagged , , .