ათენი

ათენის არდადეგები: რჩევები მოგზაურებს

ოდესმე შეგინიშნავთ, რომ ზოგჯერ ტურისტების გამოხმაურება ერთსა და იმავე ადგილზე როგორც ცა და დედამიწა ისე განსხვავდება ერთმანეთისგან? რატომ ხდება, რომ ზოგიერთისთვის ყველაფერი შესანიშნავი და მშვენიერია, ხოლო სხვების  შთაბეჭდილება „ცხელი წერტილიდან“ გაკეთებულ რეპორტაჟს ჰგავს? რასაკვირველია, სუბიექტური აზრი დიდ როლს თამაშობს, მაგრამ ასევე მნიშვნელოვანია თუ რამდენად კარგად მოემზადეთ მოგზაურობისთვის: როგორც ამბობენ, წინასწარ გაფრთხილებული, ანუ შეიარაღებული ხართ. AVIABILETEBI.ORG რამდენიმე საიდუმლოს გაგიზიარებთ, რომლებიც ათენში სრულყოფილად დასვენებაში დაგეხმარებათ!

საბერძნეთში ორი სახის ტრანსპორტია: საქალაქო და საგარეუბნო. პირველი მოიცავს ავტობუსებს, ტროლეიბუსებს, ტრამვაის, მეტროსა და ელექტრომატარებლებს. მეორე კი – საგარეუბნო ავტობუსებსა და მატარებლებს.

ქალაქის ავტობუსები და ტროლეიბუსები 05:00 საათიდან 00:00 საათამდე მოძრაობენ. ტრამვაი – 05:30 საათიდან 01:00 საათამდე (პარასკევს და შაბათს – 02:30 საათამდე). მეტრო – 05:30 საათიდან 00:30 საათამდე, პარასკევისა და შაბათის გარდა, როდესაც სამი ხაზიდან ორი (მე-2 და მე-3) 02:30 საათამდე მუშაობს.

ყველა ავტობუსის/ტროლეიბუსის მარშრუტების ნახვა აქ შეგიძლიათ.

მეტროსა და ტრამვაის  ხაზების რუკას აქ იხილავთ.

ფასები

ათენში ერთჯერადი ბილეთი ერთი მოგზაურობისთვის €1.40 ღირს და კომპოსტირების შემდეგ 90 წუთის განმავლობაში მოქმედებს  გადაჯდომის შეზღუდვის გარეშე. იგი მოქმედებს ავტობუსით (გარდა X80 მარშრუტისა და ExpressBus), ტროლეიბუსით, ტრამვაით, მეტროთი (გარდა სადგურისა „აეროპორტი“) და ელექტრომატარებლით (Piraeus — SKA, Magoula — Koropi მარშრუტზე) მგზავრობისას.

დღიური ბილეთის ღირებულებაა €4, კვირაში €14. მაგრამ, როგორც ჩვეულებრივი ბილეთით, ასეთი საგმზავრო ბილეთით ვერ მოხვდებით აეროპორტში. ამისათვის გირჩევთ ტურისტული სამგზავრო ბილეთი შეიძინოთ (€20 – 72 საათი, €50 – 168 საათი). ამ ბილეთით ნებისმიერი საზოგადოებრივი ტრანსპორტით შეუზღუდავი სარგებლობის გარდა, კიდევ 2 მგზავრობა შეგიძლიათ: აეროპორტიდან ქალაქში და უკან  მეტროთი, ექსპრეს-ავტობუსით ან X80 მარშრუტით. სამგზავრო ბილეთი აეროპორტში მდებარე სადგურში იყიდება.

ExpressBus-ით ათენის აეროპორტში მგზავრობის ღირებულება 6 ევროა, მეტროთი – €8 ერთი ადამიანისთვის, €14 ევრო ორი ადამიანისთვის, €20 – სამი ადამიანისთვის.

სად შევიძინოთ

საქალაქო ტრანსპორტზე ბილეთების შეძენას გაზეთების კიოსკში, OASA-ს კიოსკებში (ათენის სატრანსპორტო ორგანიზაციის) ან მეტროში და ტრამვაის გაჩერებებზე ბილეთების ავტომატებში შეძლებთ. ავტობუსებში/ტროლეიბუსში ბილეთის კომპოსტირება ასვლისთანავე ხდება, ტრამვაიში/მიწისზედა მეტროში – პლატფორმაზე, მიწისქვეშა მეტროში – ექსკალატორის წინ.

ექსპრეს-ავტობუსის (X93, X95, X96, X97) ბილეთის შეძენას მძღოლთან, სალაროში ან ავტომატში შეძლებთ.

ფასდაკლება მგზავრობის დროს

ათენში მგზავრობის დროს ბავშვებისა (7-12 წლის) და მოზარდებისთვის (13-18 წლის), ასევე 65 წელზე მეტი ასაკის ადამიანებისთვის ფასდაკლება მოქმედებს. პირადობის მოწმობის წარდგენით, თქვენ ბილეთის ღირებულების ზუსტად ნახევარს  გადაიხდით საქალაქო ტრანსპორტის ნებისმიერი სახეობით მგზავრობისას.

შენიშვნა: ქალაქის ბილეთები არ მოქმედებს აეროპორტში მიმავალ მარშრუტებზე, ექსპრეს-ავტობუსზე და საგარეუბნო მატარებლებზე ქალაქის ფარგლებს გარეთ.

როგორ ვიმგზავროთ აეროპორტიდან/აეროპორტში

ათენის აეროპორტში ექსპრეს-ავტობუსები X93, X95, X96, X97 მოძრაობს, მგზავრობის ხანგრძლივობა – 63, 70, 90 და 100 წუთია. ერთი გზის ბილეთის საფასურია €6.

შეგიძლიათ მეტროთი იმგზავროთ (მე-3 ხაზი). მეტროს მატარებელი ყოველ ნახევარ საათში გადის 06:30-დან 23:30 საათამდე. აეროპორტში მგზავრობას ასევე შეძლებთ ელექტრომატარებლით ცენტრალური სადგურიდან ან  სადგურიდან Acharnai. აეროპორტიდან ელექტრომატარებელი ყოველ 15-25 წუთში გადის  Plakentias გაჩერებამდე, სადაც იმავე ბილეთის გამოყენებით შეგიძლიათ მეტროზე გადაჯდეთ.

ზოგადად ათენი საკმაოდ უსაფრთხო ქალაქად მიიჩნევა, თუმცა აქ არსებობს ადგილები, სადაც   ფხიზლად უნდა იყოთ (მაგალითად, უბანი Omonia ქალაქის ცენტრში – ჰარლემის ბერძნული ვარიანტი). არსებობს რამდენიმე წესი, რომელიც  არასასიამოვნო შემთხვევების თავიდან აცილებაში დაგეხმარებათ :

  1. არ არის რეკომენდებული ძვირფასი ნივთების უყურადღებოდ დატოვება, აგრეთვე მათი თან ტარება. უმჯობესია ისინი სასტუმროს სეიფში დატოვოთ ან, უკიდურეს შემთხვევაში, რთულად მისადგომ ადგილზე შეინახოთ.
  2. ასევე ყურადღებით უნდა იყოთ ბაზრობებსა და ხალხმრავალ ადგილებში (მაგალითად, მეტროში), რათა წვრილი ქურდობა აიცილოთ თავიდან.
  3. ტაქსით სარგებლობისას, დარწმუნდით, რომ მძღოლმა მრიცხველი ჩართო და მგზავრობის ღირებულება წინასწარ შეათანხმეთ. არ იქნება ურიგო, თუ მარშრუტს წინასწარ GPS-ით ან ინტერაქტიულ რუკაზე შეამოწმებთ. ასევე გირჩევთ არ გამოიყენოთ კერძო მძღოლების მომსახურება.
  4. რაც შეეხება მარტო მოგზაურ ქალბატონებს, საბერძნეთი საკმაოდ უსაფრთხოა. თუმცა ზოგიერთ შორეულ სოფელში, თუ ქალი მამაკაცის თანხლების გარეშე მოგზაურობს, შესაძლებელია საკმაოდ გულგრილად მოექცნენ.
  5. ფხიზლად იყავით ბარებსა და კაფეები, განსაკუთრებით კი ადგილობრივი მაცხოვრებლების გაცნობის დროს. შესაძლებელია მოხდეს ისე, რომ ახალი ნაცნობი გამასპინძლებით „გაგაცურებთ“, შემდეგ კი გაქრება და გადახდა თქვენ მოგიწევთ.

ათენში მოქმედებს მთელი რიგი ფასდაკლება, რომელიც ყველა მოგზაურისთვის იქნება სასარგებლო. ამგვარად, საერთაშორისო სტუდენტური ბარათის ISIC მფლობელებს შეუძლიათ მიიღონ 30-50% ფასდაკლება მუზეუმების ან სხვა კულტურული ობიექტების მონახულებაზე.

თუ თქვენ არ ხართ სტუდენტი და ჯერ 26 წლისაც არ ხართ, შეგიძლიათ ISIC-სთვის განკუთვნილი ფასდაკლების მსგავსი მიიღოთ Youth Travel Card-ის შეძენით. ასევე ფასდაკლებით სარგებლობენ 65 წელზე მეტი ასაკის ადამიანები საზოგადოებრივი ტრანსპორტით მგზავრობისას (ასაკის დამადასტურებელი დოკუმენტის წარდგენისას).

ხოლო არქიტექტორებისთვის, არქეოლოგებისთვის და უნივერსიტეტების კლასიკური განყოფილებების სტუდენტებისთვის/პედაგოგებისთვის, გათხრების ადგილზე და მუზეუმებში შესვლა უფასო შეიძლება იყოს!

ასევე კვირაობით ზოგჯერ უფასოა შესვლა აკროპოლისში და ათენის სხვა ისტორიულ ადგილებში. ამის შესახებ უფრო დეტალური ინფორამაციის მიღება აქ შეგიძლიათ.

სამუშაო საათებთან დაკავშირებით, ბერძნები (კერძოდ კი ათენელები) ესპანელებსა და იტალიელებსაც კი სჯობნიან თავიანთი ცნობილი სიესტით. ტრადიციული ბერძნული სამუშაო გრაფიკი ისეთია, რომ იგი ხშირად თავად ადგილობრივმა მოსახლეობამაც კი არ იცის.

თუმცა ევროკავშირში გაწევრიანების შემდეგ ვითარება შეიცვალა და დღესდღეობით  დაწესებულებების უმრავლესობა ტურისტულ უბნებში ზუსტად მითითებულ საათებში მუშაობს. თუმცა თუ თქვენ პროვინციაში ან სოფელში მოხვდებით, დიდი ალბათობით თქვენ საკუთარ თავზე გამოცდით ბერძნული მუშაობის რეჟიმის მშვენიერებას.

ათენში მსხვილი მაღაზიების უმრავლესობა, როგორც წესი, 08:30/9:00 საათიდან 19:00/20:00 საათამდე მუშაობს  სიესტაზე შესვენებით (14:00 საათიდან 15:00-17:00 საათამდე ზაფხულში, ზამთარში ერთი საათით ნაკლები). სუპერმარკეტები ღიაა ორშაბათიდან შაბათის ჩათვლით 08:00 საათიდან 20:00 საათამდე.

აფთიაქები ღიაა ორშაბათიდან პარასკევის ჩათვლით 09:00/10:00 საათიდან 17:00/18:00 საათამდე, მაგრამ კერძო აფთიაქები და ფარმაცევტები შაბათსაც მუშაობენ. რაც შეეხება მუზეუმებს, ისინი ჩვეულებრივ ყოველდღე ღიაა (ორშაბათის გარდა)  08:00 საათიდან 15:00 საათამდე, ხოლო ზაფხულში – 19:00 საათამდე. თუმცა არსებობს გამონაკლისები, მაგალითად, აკროპოლისი  ზაფხულში ღიაა სავსე მთვარის დროს. მაგრამ ვიზიტის წინ უმჯობესია სამუშაო საათები მუზეუმის ოფიციალურ ვებ-გვერდზე გადაამოწმოთ.

ათენში (და მთელ საბერძნეთში) ზოგიერთ ობიექტზე ფოტო და ვიდეო გადაღების  მკაცრი წესები მოქმედებს (ძირითადად სტრატეგიული და ეროვნული მნიშვნელობის ობიექტებზე). როგორც წესი, ასეთ ადგილებში გამაფრთხილებელი ნიშნები ან საგუშაგოა განთავსებული, ამიტომ არ შეგეშლებათ.

მუზეუმებში გადაღება, როგორც წესი, არ არის აკრძალული, თუ დამატებითი აღჭურვილობა არ გამოიყენება (შტატივი, განათება და ა.შ.). წინააღმდეგ შემთხვევაში,  შეგიძლიათ  ადმინისტრაციის წერილობითი ნებართვა მოითხოვოთ და ცალკე საფასური გადაიხადოთ.  თავისუფლად შეგიძლიათ გადაიღოთ არქეოლოგიური გათხრების ადგილებში, თუ არ არის დაწესებული რაიმე განსაკუთრებული შეზღუდვა.

ათენი იმით არის კარგი, რომ აქ ყველაზე ბიუჯეტური ტურისტიც კი არ იგრძნობს თავს დაჩაგრულად: ბევრი ისტორიული ძეგლი ღია ცის ქვეშ მდებარეობს და ყველასათვის ხელმისაწვდომია. მაგალითად, გირჩევთ ანტიკურ ატმოსფეროში ჩაიძიროთ და ქალაქის ისტორიულ უბანში – პლაკაზე გაისეირნოთ. ვიწრო ქუჩები ძველი სახლებითა და მყუდრო ტავერნებით აკროპოლისის ძირშია განშტოებული, აქ მოგეჩვენებათ, თითქოს დრო გაჩერდა და წარსულში გადაგიყვანათ.

თუ ათენის სიმაღლიდან ნახვა გსურთ – არეოპაგოსის ბორცვზე ადით, ათენის საზოგადოებრივი ცხოვრების ყოფილ ცენტრში, საიდანაც ქალაქის გასაოცარი ხედი იშლება.

კიდევ ერთი უფასო გასართობია – საპატიო ყარაულის შეცვლის ცერემონია პარლამენტის შენობასთან სინტაგმას მოედანზე. საინტერესო ქუდებითა და კოსტიუმებით შემოსილი ბერძნული „რაინდების“ ცქერით ტკბობის შემდეგ  შეგიძლიათ აუჩქარებლად გაისეირნოთ ათენის ეროვნულ პარკში, რომელიც აქვე ახლოს მდებარეობს.

პირეის ნავსადგური კიდევ ერთი ადგილია, რომელიც აუცილებლად უნდა იხილოთ ათენში. თოვლივით თეთრი მიმოფანტული სახლები  საოცარი ცისფერი ცისა და ლურჯი ზღვის ფონზე – ეს პეიზაჟი დიდხანს გემახსოვრებათ!

თუ არა მხოლოდ ვიზუალური სიამოვნების, არამედ ცოდნის მიღებაც გსურთ,  მუსიკალური ინსტრუმენტების მუზეუმს ეწვიეთ. მუზეუმში შესვლა უფასოა, აქ უამრავ რამეს ნახავთ და გაიგებთ: მუზეუმის კოლექცია მოიცავს ყველა სახის და ასაკის 1200 ინსტრუმენტს. აქ მათი ჟღერადობის მოსმენასაც კი შეძლებთ.

სამუშაო განრიგი: სამშაბათი, ხუთშაბათი, პარასკევი, შაბათი, კვირა – 10:00 საათიდან 14:00 საათამდე.

ოთხშაბათი – 12:00 საათიდან 18:00 საათამდე.

მისამართი: პლაკა, დიოგენუს 1/3.

The Cheapest Flights for this Month from თბილისი to ათენი

გამგზავრებადაბრუნებაგაჩერებაავიაკომპანიაბილეთების პოვნა
13 მაი 202121 მაი 20211 გადაჯდომაბილეთები 760 - დან
14 მაი 202129 მაი 20211 გადაჯდომაბილეთები 752 - დან
15 მაი 202128 მაი 20211 გადაჯდომაბილეთები 774 - დან
16 მაი 20211 ივნ 20211 გადაჯდომაბილეთები 1 026 - დან
17 მაი 202125 მაი 20211 გადაჯდომაბილეთები 760 - დან
18 მაი 202121 მაი 20211 გადაჯდომაბილეთები 758 - დან
19 მაი 202127 მაი 20211 გადაჯდომაბილეთები 682 - დან
20 მაი 202125 მაი 20211 გადაჯდომაბილეთები 892 - დან
21 მაი 202129 მაი 20211 გადაჯდომაბილეთები 646 - დან
22 მაი 20216 ივნ 20211 გადაჯდომაბილეთები 765 - დან
23 მაი 202129 მაი 20211 გადაჯდომაბილეთები 646 - დან
24 მაი 202129 მაი 20211 გადაჯდომაბილეთები 773 - დან
25 მაი 202130 მაი 20211 გადაჯდომაბილეთები 761 - დან
26 მაი 202122 აგვ 20211 გადაჯდომაბილეთები 795 - დან
27 მაი 202123 აგვ 20211 გადაჯდომაბილეთები 758 - დან
28 მაი 202130 მაი 20211 გადაჯდომაბილეთები 777 - დან
29 მაი 202123 ივლ 20211 გადაჯდომაბილეთები 773 - დან
30 მაი 20217 ივნ 20211 გადაჯდომაბილეთები 764 - დან
31 მაი 20211 სექ 20211 გადაჯდომაბილეთები 694 - დან
1 ივნ 20211 ივლ 20211 გადაჯდომაბილეთები 758 - დან
12 ივნ 20211 აგვ 20211 გადაჯდომაბილეთები 778 - დან
13 ივნ 202120 ივნ 20211 გადაჯდომაბილეთები 773 - დან
14 ივნ 202118 ივნ 20211 გადაჯდომაბილეთები 773 - დან
17 ივნ 202120 ივნ 20211 გადაჯდომაბილეთები 774 - დან
18 ივნ 202115 სექ 20211 გადაჯდომაბილეთები 748 - დან
19 ივნ 202120 სექ 20211 გადაჯდომაბილეთები 779 - დან
21 ივნ 202112 ივლ 20211 გადაჯდომაბილეთები 776 - დან
25 ივნ 202124 ივლ 20211 გადაჯდომაბილეთები 778 - დან
29 ივნ 202130 ივნ 20211 გადაჯდომაბილეთები 759 - დან
1 ივლ 202116 ივლ 20211 გადაჯდომაბილეთები 773 - დან
3 ივლ 20219 ივლ 20211 გადაჯდომაბილეთები 759 - დან
6 ივლ 202111 ივლ 20211 გადაჯდომაბილეთები 777 - დან
10 ივლ 202111 ივლ 20211 გადაჯდომაბილეთები 773 - დან
19 ივლ 20214 აგვ 20211 გადაჯდომაბილეთები 759 - დან
10 აგვ 202123 აგვ 20211 გადაჯდომაბილეთები 775 - დან
11 აგვ 202122 აგვ 20211 გადაჯდომაბილეთები 766 - დან
13 აგვ 202130 აგვ 20211 გადაჯდომაბილეთები 774 - დან
14 აგვ 202130 აგვ 20211 გადაჯდომაბილეთები 774 - დან
15 აგვ 20211 ოქტ 20211 გადაჯდომაბილეთები 779 - დან
20 აგვ 202130 აგვ 20211 გადაჯდომაბილეთები 781 - დან
22 აგვ 202127 აგვ 20211 გადაჯდომაბილეთები 777 - დან
23 აგვ 20211 ოქტ 20211 გადაჯდომაბილეთები 767 - დან
27 აგვ 202113 სექ 20211 გადაჯდომაბილეთები 758 - დან
28 აგვ 20211 სექ 20211 გადაჯდომაბილეთები 748 - დან
31 აგვ 202116 სექ 20211 გადაჯდომაბილეთები 778 - დან
1 სექ 202130 სექ 20211 გადაჯდომაბილეთები 689 - დან
2 სექ 20211 ოქტ 20211 გადაჯდომაბილეთები 767 - დან
12 სექ 202120 სექ 20211 გადაჯდომაბილეთები 782 - დან
16 სექ 202122 სექ 20211 გადაჯდომაბილეთები 777 - დან

პირდაპირი ფრენა ქუთაისი-დან ათენი-ში

გამგზავრებადაბრუნებაავიაკომპანიაბილეთების პოვნა
3 ივლ 20216 ივლ 2021ფასი 319
Posted in ბლოგი, ლაიფჰაკი and tagged , , .