სრული ჩაყვინთვა: საუკეთესო ადგილები დაივინგისთვის - Aviabiletebi.org
მთავარი » ბლოგი » კრებულები » სრული ჩაყვინთვა: საუკეთესო ადგილები დაივინგისთვის

სრული ჩაყვინთვა: საუკეთესო ადგილები დაივინგისთვის

დაივინგი – აქტიური დასვენების ერთ-ერთი ყველაზე მიმზიდველი სახეობაა, რომელიც შეჩვევას იწვევს. აი მაგალითად, პლაჟზე დასვენების დროს თქვენ რამდენჯერმე უკვე ჩაყვინთეთ ცნობისმოყვარეობის გამო, შემდეგ კი უკან მოხედვაც ვერ მოასწარით, რომ უკვე საკუთარი აღჭურვილობა შეიძინეთ, სერტიფიკატი მიიღეთ და წყალქვეშა მოგზაურობის დაგეგმვა დაიწყეთ. და ეს შესანიშნავია! ამ სტატიაში იმ ადგილების შესახებ გიამბობთ, რომლებშიც საუკეთესო წყალქვეშა შთაბეჭდილებების მიღებას შეძლებთ.

ბუნაკენი (ინდონეზია, წყნარი ოკეანე)

ეს ნამდვილი მექაა მყვინთავებისთვის! ინდონეზიის პატარა კუნძული გარშემორტყმულია წარმოუდგენელი ფერებისა და ფორმების მარჯნებით. აქვეა საოცარი გამოქვაბულები და ხეობები, რომლებიც სავსეა ნაირფერი ყვავილებით, თევზებით, ზღვის კუებით, ვარსკვლავებით, დელფინებითა და ზვიგენებით.

უბრალოდ წარმოიდგინეთ – აქაურ წყლებში წყნარი ოკეანის წყლების ამ ნაწილის თევზთა 70%-ზე მეტი შეგიძლიათ იხილოთ.

როდის უნდა გავემგზავროთ: აპრილი-ნოემბერი

აქ ჩამოსასველად მანადოში ჩაფრინდით, შემდეგ კი გემით ბუნაკენში გაემგზავრეთ.

სიმილანის კუნძულები (ტაილანდი, ანდამანის ზღვა)

ტაილანდის ერთ-ერთ ულამაზეს კუთხეში მოხვედრა, რომელიც ფუკეტიდან 100 კილომეტრში მდებარეობს, არ არის ადვილი ამოცანა. ავტობუსით საკმაოდ დიდხანს მოგიწევთ წვალება. მაგრამ დაივერთა დიდი ნაკადი, რომელიც ყოველწლიურად ამ მიმართულებით მიემგზავრება, საუკეთესო მტკიცებულებაა იმისა, რომ მსხვერპლი გამართლებულია. არქიპელაგის 9 კუნძული დაფარულია ულამაზესი თეთრი ქვიშიანი პლაჟით, რომელსაც ხშირი ჯუნგლებში აკრავს გარს.

თავგამოდებული მყვინთავებისთვის არსებობს შესაძლებლობა შეიძინონ ტური წყალქვეშა საფარის სტილში გემზე განთავსებით და დაივინგისთვის თითქმის შეუზღუდავი შესაძლებლობებით. გაითვალისწინეთ, რომ კუნძულები ღიაა ვიზიტისთვის მხოლოდ ნოემბრიდან აპრილის ჩათვლით (წლიდან წლამდე თარიღები იცვლება).

როდის უნდა გავემგზავროთ: ნოემბერი-აპრილი.

კატალინა (დომინიკელთა რესპუბლიკა, კარიბის ზღვა)

კატალინას პატარა სამკუთხა კუნძული ასევე ნამდვილი სამოთხის კუთხეა. აქ ყველაფერია, რაც წყალქვეშა ცხოვრებისთვის თვალყურის დევნების მოყვარულებს სჭირდებათ: ადგილობრივი სანაპირო ზოლის გასწვრივ სხვადასხვა სირთულის ორმოცდაათამდე დაივინგ-ადგილია.

ახალბედა დაივერებს ვურჩევთ აუცილებლად ეწვიონ ავალონის წყალქვეშა პარკს და გაიცნონ მურენები, კალიფორნიური პატარა ზვიგენები, ტუჩოსანნი და კუები. თუ აქ ჩამოფრენას აპირებთ, ბილეთები ლა-რომანამდე აიღეთ. აქედან კატალინას კუნძულზე უამრავი გემი და ნავი მიემგზავრება.

როდის უნდა გავემგზავროთ: მაისი-ოქტომბერი.

ტერქსისა და კაიკოსის კუნძულები (დიდი ბრიტანეთის ზღვისიქითა ტერიტორია, ატლანტის ოკეანე)

ეს შუა ოკეანეში მდებარე თვალწარმტაცი კუნძულები უბრალოდ იდეალურია დაივინგისთვის. ახალბედა დაივერები ჩვეულებრივ ქვიშიან კუნძულ კაიკოსზე მიემგზავრებიან, სადაც დამრეცი პლაჟის ფერდობებია და წყალქვეშა მარშრუტები არ არის ღრმა. ხოლო დეკორაციების შეცვლის მსურველი პროფესიონალები ტერქსის ციცაბო კლდის გასწვრივ ცურავენ. აქ ყვინთვნა მთელი წლის განმავლობაში შეგიძლიათ. მაგრამ თუ დეკემბრიდან მარტის ჩათვლით პერიოდში ჩამოხვალთ, კლასიკური დელფინებისა და ზვიგენების გარდა, ასევე შეგიძლიათ იხილოთ კუზა ვეშაპები.

როდის უნდა გავემგზავროთ: დეკემბერი-მარტი.

ტერქსისა და კაიკოსის კუნძულებზე პირდაპირი ფრენები არ არის, მაგრამ შეგიძლიათ გადაჯდომით იმგზავროთ. ტრადიციულია British Airways ავიაკომპანიის რეისი ლონდონის გავლით, ბაჰამის კუნძულებზე ტექნიკური დაშვებით.

ცისფერი ხვრელი (ეგვიპტე, წითელი ზღვა)

დაჰაბის ცისფერი ხვრელი იზიდავს როგორც ჩვეულებრივ ტურისტებს, ისე მძაფრი შეგრძნებების მოყვარულებს. ბევრი აქ ჩამოდის იმისათვის, რომ კატარღის გემბანიდან უფსკრულში ჩაიხედოს, ყველაზე გაბედულნი კი იდუმალ წყალქვეშა სამყაროს სწავლობენ. ახალბედა დაივერებისთვის აქ მხოლოდ ზედაპირული ჩაყვინთვაა გათვალისწინებული, რადგან ადგილი რეგულარულად ჩნდება დაივინგისთვის ყველაზე საშიში ადგილების სიებში.

როდის უნდა გავემგზავროთ: მთელი წლის განმავლობაში

შარმ ელ-შეიხიდან დაჰაბამდე მანძილი 90 კილომეტრამდეა. მგზავრობა ავტობუსით ან ტაქსით შეგიძლიათ.

იუკატანი (მექსიკა, კარიბის ზღვა)

ეს თვალწარმტაცი ნახევარკუნძული, რომელიც გამყოფის როლს ასრულებს მექსიკის ყურესა და კარიბის ზღვას შორის, იზიდავს დაივერებს მთელი მსოფლიოს მასშტაბით, პირველ რიგში, წყალქვეშა გამოქვაბულების გამოსაკვლევის შესაძლებლობით. ოდესღაც სწორედ აქ აგდებდნენ ღმერთებისთვის შესაწირავს – ყველანაირ საგანძურსა და ძვირფასეულობას. და მიუხედავად იმისა, რომ ყველაფერი მეტ-ნაკლებად ღირებული აქედან უკვე გაიტანეს, თქვენ მაინც შეგიძლიათ გააკეთოთ გასაოცარი აღმოჩენა: აღმოაჩინოთ გამოქვაბულების ახალი სისტემა, რაც საკმაოდ ხშირად ხდება დაივერთა ექსპედიციების მონაწილეებში.

როდის უნდა გავემგზავროთ: მაისი-ივლისი

სიპადანი (მალაიზია, სულავესის ზღვა)

სიპადანი კიდევ ერთი მშვენიერი ადგილია დაივინგისთვის. თავის დროზე მას თავად ჟაკ-ივ კუსტო ასხამდა ხოტბას. იგი აქ მხოლოდ ერთხელ, 80-იანი წლების ბოლოს მოხვდა და გადაჭრით განაცხადა, რომ ეს კუნძული მთელს მსოფლიოში ერთ-ერთი საუკეთესო ადგილია დაივინგისთვის. 500 მეტრის დიამეტრის მქონე ეს პაწაწინა კუნძული, რეალურად წყლიდან ამოშვერილი მიძინებული ვულკანის მწვერვალს წარმოადგენს.

ადგილობრივ წყალქვეშა სამეფოში თევზის რამდენიმე ასეული სახეობა ბინადრობს, ისევე როგორც მრავალი პოლიპი და მარჯანი. არცთუ ისე ღრმა სიღრმეზეც კი საოცრად ლამაზი ბინადრები შეგიძლიათ იხილოთ. ასევე ამ მხარეში სულის შემკვრელი წყალქვეშა გამოქვაბულებია. გაითვალისწინეთ, რომ აქ დღეში მხოლოდ 120 ადამიანის უშვებენ, ამიტომ გაცურვა უმჯობესია წინასწარ დაჯავშნოთ.

როდის უნდა გავემგზავროთ: ნოემბერი-აპრილი

Posted in ბლოგი, კრებულები and tagged , , , , , , , , , , , , , .

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა