ბერგამოს აეროპორტი – ორიო ალ სერიო – როგორ მივიდეთ მილანის ცენტრამდე

ბერგამოს აეროპორტს (BGY) ოფიციალურად ორიო ალ სერიოს აეროპორტს უწოდებენ, რადგან იგი ორიო ალ სერიოს მუნიციპალურ ტერიტორიაზე მდებარეობს . იგი მილანის რეგიონისთვის დაბალბიუჯეტიანი ავიაკომპანიების მთავარ აეროპორტს წარმოადგენს.

აეროპორტი ქალაქის ცენტრიდან 30 მილში (45 კმ) მდებარეობს, რაც პრაქტიკულად იგივე მანძილია, როგორიც მილანის მთავარ საერთაშორისო აეროპორტამდე – მალპენსას აეროპორტამდეა.

ორიო ალ სერიოს აეროპორტი ვითარდება ისეთი დაბალბიუჯეტიანი ავიაკომპანიების წყალობით, როგორიცაა Ryanair და EasyJet . 2015 წელს მისი ტერმინალებით 10 მილიონზე მეტმა მგზავრმა ისარგებლა .

როგორ ჩავიდეთ მილანში ბერგამოს აეროპორტიდან

ბერგამოს აეროპორტიდან მილანში ჩასასვლელად რამდენიმე გზა არსებობს:

Autostradale – Terravision Bus

Terravision-ის ავტობუსები ბერგამოს აეროპორტიდან მილანში მგზავრობის ყველაზე იაფი გზაა (მილანის ცენტრალური სადგური – ლუიჯი სავოიას მოედანი) . ერთი გზის ბილეთის საფასურია 5 ევრო ან 9 ევრო, თუ ორივე გზის ბილეთს შეიძენთ.

Terravision-ის ავტობუსები 4 საათიდან 1 საათამდე კურსირებს და ყოველ 20-30 წუთში გადის . მილანიდან ავტობუსები მოძრაობს 2:15 საათიდან 22:10 საათამდე . მგზავრობის ხანგრძლივობა დაახლოებით 1 საათია.

გირჩევთ წინასწარ დაჯავშნოთ ბილეთები მათ ვებ-გვერდზე, რათა ონლაინ ფასდაკლებით სარგებლობა შეძლოთ:

• Autostradale – Terravision ავტობუსი

ორიოს შატლი

„Orio Shuttle“ ასევე აკავშირებს ბერგამოს აეროპორტსა და მილანის ცენტრალურ სადგურს (Milano Centrale) . იგი ყოველ 30 წუთში გადის დილის 3 საათიდან ღამის 12 საათამდე . ერთი გზის ბილეთის საფასური 4 ევროდან იწყება, რაც ბილეთის მიღების დღეზეა დამოკიდებული . გირჩევთ წინასწარ დაჯავშნოთ ბილეთები მათ ოფიციალურ ვებ-გვერდზე.

მატარებელი

ბერგამოს აეროპორტს არ აქვს რკინიგზის სადგური .

თუმცა, ვიზიტორებს შეუძლიათ ავტობუსით ჩავიდნენ ბერგამოს რკინიგზის სადგურში, იქიდან კი მილანში მატარებლით გაემგზავრონ . მიუხედავად იმისა, რომ ეს ყველაზე რთული გზაა ქალაქის ცენტრში ჩასასვლელად, თუ ამგვარად უკან დაბრუნებისას იმგზავრებთ, შეგიძლიათ ბერგამოში გაჩერდეთ კიდეც და სახლში გაფრენამდე ქალაქი დაათვალიეროთ (ეს ყველაფერი დამოკიდებულია იმაზე, თუ რამდენად დიდია თქვენი ჩემოდანი და რამდენად გსურთ მისი მთელი დღის განმავლობაში ტარება).

ტრანსფერით მომსახურება

მილანში თქვენს სასტუმროში მოსახვედრად ყველაზე მოსახერხებელი და მარტივი გზაა ბერგამოს აეროპორტიდან მილანის ცენტრში პირადი ტრანსფერის დაჯავშნა . მძღოლი ტერმინალში დაგელოდებათ, რომელიც პირდაპირ თქვენს სასტუმროში მიგიყვანთ . თუ არ გსურთ, არასწორად გაგებული და მოტყუებული დარჩეთ, შეგიძლიათ ტრანსფერი ონლაინ შეუკვეთოთ ვებ-გვერდზე „მილანთან გაცნობა“ . აეროპორტიდან პირადი ტრანსფერით მომსახურების ღირებულება 100 ევროა.

ტაქსი

ტაქსი ბერგამოს აეროპორტიდან მილანის ცენტრამდე 100 ევროზე მეტი ღირს . მილანში ჩასასვლელად 50 წუთი დაგჭირდებათ.

შეგახსენებთ თბილისიდან ბერგამოს მიმართულებით დაბალბიუჯეტიანი ავიაკომპანია RyanAir–მა დაიწყო ოპერირება.