TOP-6 ადგილი, სადაც მაისში პლაჟის სეზონი შეგიძლიათ გახსნათ

თუ გსურთ მზითა და თბილი ზღვით რაც შეიძლება სწრაფად დატკბეთ, ჩვენ გიამბობთ, თუ სად შეიძლება გახსნათ პლაჟის სეზონი მაისში . გთავაზობთ ხმელთაშუა ზღვის სანაპიროსთან გაზაფხულზე დასვენების საუკეთესო ვარიანტებს.

კვიპროსი: პლაჟის სეზონი

გვიანი გაზაფხული კვიპროსზე დასვენების იდეალური დროა, როდესაც კუნძულზე მთელი ბუნება იღვიძებს, როდესაც ყვავის ორქიდეა, ირისი, შროშანი და ნუში, ხოლო ამინდი მზითა და სითბოთი გასიამოვნებთ . და ამავდროულად არ არის ტურისტების დიდი რაოდენობა, რაც იმას ნიშნავს, რომ დასვენებაც უფრო კომფორტულია და ფასებიც უფრო ხელმისაწვდომია.

ლამაზი პლაჟების, მდიდრული სასტუმროებისა და ძვირადღირებული რესტორნების მოყვარულები  ნამდვილად პაფოსში უნდა დარჩნენ . მაგრამ თუ ბავშვებთან ან მეგობრებთან ერთად მოგზაურობთ, მაშინ აია-ნაპას ეწვიეთ, რომელსაც უამრავი აკვაპარკი და გასართობი პარკი აქვს . ხოლო მათთვის, ვისაც სურს კუნძულზე რაც შეიძლება მეტი იხილოს, იდეალური ვარიანტია ლიმასოლი, რომელიც კუნძულის ყველა ძირითად ღირსშესანიშნაობებს   შორის მდებარეობს.

კვიპროსზე ჩამოსვლა უმჯობესია აპრილის ბოლოს – მაისის დასაწყისში, როდესაც ტემპერატურა + 25-28°C-ია . ამ დროს შეგიძლიათ არა მხოლოდ დატკბეთ ზღვით, არამედ იბანაოთ, დაივინგითა და წყლის სპორტის სახეობებით დაკავდეთ.

განთავსების ღირებულება: 3* – 53 ევროდან, 5* – 170 ევროდან.

ფრენის ღირებულება: ქუთაისი – ლარნაკა – 215 ლარიდან(ორი გზა).

პლაჟის სეზონი იტალიაში, სიცილია

„სიცილია – ნამდვილი სამოთხეა“, – იტყვის ყველას, ვინც ამ კუნძულზე ერთხელ მაინც ისვენებდა . და ისინი მართალი არიან: წარმოუდგენელი სილამაზის პეიზაჟები, უძველესი ქალაქები ულამაზესი ღირსშესანიშნაობებით, თვალწარმტაცი სანაპიროები და შესანიშნავი სანაპირო, რომელსაც ერთდროულად სამი ზღვა აკრავს გარს – ხმელთაშუა, იონიის და ტირენიის – ეს არის სადღეღამისო ბედნიერება და მხოლოდ დადებითი ემოციები . და როგორი სამზარეულო აქვთ ! თქვენ ნამდვილად დაივიწყებთ დიეტას, თუნდაც ზაფხულისთვის წონაში დაკლება გქონდეთ დაგეგმილი.

სიცილია საოცარი ადგილია, ხოლო გაზაფხულზე მისი თითოეული ქალაქი კიდევ უფრო ლამაზი ხდება . თბილი, მაგრამ არა ცხელი ამინდი საშუალებას გაძლევთ შეისწავლოთ ამ რეგიონის საუკეთესო ადგილები .

სეზონი სიცილიაზე იწყება მაისში, წყლის ტემპერატურა +20-23°C-ია, მაგრამ  ბანაობა და გარუჯვაც შეგიძლიათ.

სიცილიის ერთ-ერთ საუკეთესო პლაჟის კურორტად ითვლება ტაორმინა თავისი სუფთა პლაჟებით – იზოლა ბელა და სანტა-ტერეზა-დი-რივა .  

განთავსების ღირებულება: 3* – 59 ევროდან, 5* – 198 ევროდან.

ფრენის ღირებულება: თბილისი-პალერმო – 850 ლარიდან (ორი გზა).

ისრაელი: პლაჟის სეზონი, თელ-ავივი

მიუხედავად იმისა, რომ თელ-ავივი – უზარმაზარი კულტურული და ეკონომიკური ცენტრი და ნამდვილი მეგაპოლისია, უამრავი დამსვენებელი სწორედ მას ირჩევს პლაჟზე დასასვენებლად . და ეს ტყუილუბრალოდ როდია, რადგან პლაჟები აქ ძალიან სუფთაა უსაფრთხო სანაპირო ზოლითა და ძალიან რბილი ქვიშით, მუნიციპალურია (უფასო) და აღჭურვილია ყველა საჭირო ინფრასტრუქტურით . იცით თუ არა როდის  იწყება პლაჟის სეზონი თელ-ავივში ? უკვე აპრილის შუა რიცხვებში . ამ დროისთვის წყლის ტემპერატურა  + 20-22°C აღწევს, ხოლო ჰაერის ტემპერატურა – + 24-26°C.

თელ-ავივში ბევრი თემატური პლაჟია: ახალგაზრდების, სპორტის მოყვარულთათვის – სათამაშო მოედნებითა და მინდვრებით და ა.შ . სანაპიროების ზოგიერთი ნაწილის „ოკუპირებას“ სერფინგისტები ახდენენ, მაგრამ ყველაზე მეტი პოპულარობით ცენტრალურ სანაპიროსთან მდებარე პლაჟები სარგებლობენ, სადაც არა მხოლოდ გარუჯვა, არამედ გართობაც შეგიძლიათ.

იმის გამო, რომ ისრაელი პატარა ქვეყანაა და მისი სატრანსპორტო სისტემა ძალიან კარგად არის განვითარებული, არ დაიზაროთ და  ეილათში შეიარეთ, წითელ ზღვაზე . აქ პლაჟის სეზონი უკვე აპრილიდან იწყება, ხოლო წყლის ტემპერატურა +23-24°C-მდე ადის.

განთავსების ღირებულება: 3* – 98 ევროდან, 5* – 230 ევროდან.

ფრენის ღირებულება: თბილისი-თელ-ავივი – 750 ლარიდან (ორი გზა).

ესპანეთი: პლაჟის სეზონი, პალმა დე მალიორკა

ჩვენს მიერ შერჩეული კუროტების სიაში კიდევ ერთი შესანიშნავი ეგზოტიკური კუთხეა – ესპანური მალიორკაა, რომელიც არ შეიძლება არ შეგიყვარდეთ . დიდებული ბუნება და საოცარი პლაჟები სუფთა სანაპიროთი, მდიდრული სასტუმროები და ვილები, რესტორნებისა და კაფეების ფართო არჩევანი, კაზინო და ღამის კლუბები, აკვაპარკები და გასართობი პარკები… და გირჩევთ ეს ყველაფერი გაზაფხულზე იხილოთ, როდესაც პლაჟის სეზონი ახალგახსნილია, ათასობით ტურისტი არ გეფარებათ მზეზე და ფასებიც გონივრულ ფარგლებში რჩება.

მალიორკის ერთ-ერთი მთავარი ღირსშესანიშნაობა პლაჟებია: გრძელი და სუფთა სანაპირო ზოლები, გამჭვირვალე წყალი, ჩინებული ხედები . აქ თვალწარმტაცი ბუნებაა ! 40-ზე მეტი ნაკრძალი და ეროვნული პარკი, ყვავილების ხეობები და ყურეები, მთის ფერდობები და ტყეები, თვალწარმტაცი სრუტეები და კანიონები – ეს ყველაფერი მალიორკას ის მარგალიტებია, რომლებიც აუცილებლდა უნდა იხილოთ და რისთვისაც უამრავი ადამიანი ისევ და ისევ უბრუნდებას მას.

მალიორკაზე დასვენების საუკეთესო დროა მაისი, ამ დროს თბილი და მზიანი ამინდია (+22-24°C) და წყალიც შესანიშნავია (+ 19-21°C).

განთავსების ღირებულება: 3* – 79 ევროდან, 5* – 220 ევროდან.

ფრენის ღირებულება: თბილისი-პალმა დე მალიორკა – 900 ლარიდან (ორი გზა).

საბერძნეთი: პლაჟის სეზონი, კრეტა

კრეტა – არა მხოლოდ საბერძნეთის, არამედ მთელი ხმელთაშუაზღვისპირეთის ნამდვილი მარგალიტია . დიდი და თვალწარმტაცი კუნძული, რომელიც ყოველწლიურად თავისი ბუნებით ათასობით მოგზაურს იპყრობს.

კრეტა ცნობილია თავისი სუფთა პლაჟებით . „ლურჯი დროშების“ რაოდენობით მას პირველი ადგილი უკავია საბერძნეთის მთელს ტერიოტორიაზე (აქ დაახლოებით ორმოცდაათი პლაჟია) . კრეტის საცურაო სეზონი უკვე აპრილში იწყება, მიუხედავად იმისა, რომ წყალი საბანაოდ კომფორტული მხოლოდ  მაისის შუა რიცხვებში ხდება – +21°C-დან . მაისში თითქმის ყოველთვის მშრალი და თბილი ამინდია, რაც კარგი რუჯის მიღებას უწყობს ხელს.

• მოგზაურობა კრეტაზე: 10 ადგილი, რომელიც აუცილებლად უნდა იხილოთ

კრეტაზე ერთ-ერთი ყველაზე პოპულარული პლაჟია ელაფონისი (მისი ვარდისფერი ქვიშისა და სუფთა ზღვის წყალობით), ბალოსი (ნამდვილი მეკობრეთა სრუტით, ჩაძირული გემების ნანგრევებითა და უძველესი ციხე-სიმაგრით) და აგრეთვე ვაი (რომელთანაც ძალიან ახლოს მდებარეობს ფინიკის პალმების ტყე) . ამასთან, კრეტის რომელ კუთხესაც არ უნდა ეწვიოთ, თქვენ ყოველთვის შეძლებთ დატკბეთ ულამაზესი ხედებითა და შესანიშნავი ბერძნული სამზარეულოთი.

• გზამკვლევი კრეტას კუნძულზე: 4 საკურორტო ზონა და 14 დასვენების ადგილი

განთავსების ღირებულება: 3* – 37 ევროდან, 5* – 129 ევროდან.

ფრენის ღირებულება: თბილისი-ჰერაკლიონი- 700 ლარიდან (ორი გზა).

პლაჟის სეზონი მალტაზე

თუ თქვენ დიდი ხანია გეგმავთ მალტაზე ჩასვლას, გაითვალისწინეთ, რომ ამ ქვეყნის გაცნობა სწორედ გაზაფხულზე უნდა დაიწყოთ . მარტის ბოლოს ბაღები იწყებს ყვავილობას, ნაკრძალებში საოცარი მცენარეები იშლება და, რა თქმა უნდა, ზღვაზე გასეირნების ტურები იწყება . ტურისტებს აცნობენ ზღაპრულ სრუტეებს, ყურეებს, კლდოვან პლაჟებს, ისევე როგორც კუნძულებს, მათ შორის პოპულარულ კუნძულ გოცოს . ასე რომ, თუ საექსკურსიო ტურიზმი გიყვართ, ჩაალაგეთ ბარგი და მალტას ეწვიეთ.

რაც შეეხება პლაჟზე დასვენებას, აქ სეზონი მაისის მეორე ნახევარში იწყება, როდესაც ხმელთაშუა ზღვის ტემპერატურა + 19-20°C- მდე თბება, ხოლო ჰაერის ტემპერატურია  – +22-24°C-ია . ეს არის იდეალური დრო კარგი რუჯის მისაღებად და სანაპირო ზონებში ველოსიპედით სასეირნოდ.

გაზაფხულზე კუნძულზე ყველა სახის ყვავილი  ყვავის, მწიფდება ხილი, ამიტომ ქალაქებში, მათ შორის დედაქალაქში  – ვალეტაში გაზაფხულისადმი მიძღვნილი უამრავი ფესტივალი და ეროვნული დღესასწაული ეწყობა.

განთავსების ღირებულება: 3* – 50 ევროდან, 5* – 220 ევროდან.