ავიაბილეთები თელავივი

თელ-ავივი (ივრითზე – „გაზაფხულის ბორცვი“) დაარსდა როგორც ებრაული კვარტალი უძველესი საპორტო ქალაქი იაფას ტერიტორიაზე, შემდეგ კი შეერწყა მას. ეს არის ათზე მეტი დასახლებული პუნქტისგან შემდგარი კოლოსალური აგლომერაციის ცენტრი, რომელიც, თავის მხრივ, ქალაქების წრიულით არის გარშემორტყმული. ფაქტობრივად, ეს არის ნამდვილი მეგაპოლისი ზღვის სანაპიროზე მეტნაკლებად პირობითი საზღვრებით.

ისრაელის სიდიდით მეორე ქალაქი ტურისტებისთვის ძალიან მიმზიდველია. იგი საერთაშორისო აეროპორტთან ახლოს, ხოლო იერუსალიმიდან 60 კმ-ის დაშორებით მდებარეობს. თელ-ავივიდან მოსახერხებელია ზოგადად ქვეყნის დასათვალიერებლად გამგზავრება. ამავდროულად, ქალაქში იმდენი სანახავი ადგილია, რომ ღირს თუ არა სადმე გამგზავრება – რთული კითხვაა.

მსოფლიოს ერთ-ერთი საუკეთესო სანაპირო ზღვის გასწვრივ უწყვეტად არის გადაჭიმული, ხოლო პლაჟები ერთმანეთისგან განსხვავდება. ძველი ქალაქი ხალხით სასვეა წელიწადის ნებისმიერ დროს. არანაკლები ხალხმრავლობაა რესტორნებში, რომლებიც ყველგანაა მიმოფანტული. თელ-ავივი „საწვეულებო“ ქალაქების რიცხვსაც მიეკუთვნება. იმ რამდენიმე თვის განმავლობაში, როდესაც საკურორტო სეზონი დასრულებულია, იგი კვლავაც დილამდე აქტიურ ცხოვრებას განაგრძობს, თითქოს არაფერი მომხდარა.

როგორ ჩავიდეთ თელ-ავივში

თბილისიდან პირდაპირი რეისით ისრაელის ქალაქ თელავივამდე დაფრინავს 5 ავიაკომპანია.

• საქართველოს ავიახაზები
• მაივეის ავიახაზები
• არკიას ავიახაზები
• ელ ალის ავიახაზები
• ისრ აირი

თბილისის აეროპორტიდან თელავივის მიმართულებით აგრეთვე სრულდება ტრანზიტული რესები 1 გადაჯდომით. ძირითადი სატრაზიტო აეროპორტებია:

• სტამბული – თურქეთის ავიახაზები და პეგასუსის ავიახაზებით
• კიევი – უკრაინის საერთაშორისო ავიახაზები UIA

ქალაქ თელავივს ემსახურება მხოლოდ 1 აეროპორტი ბენ გურიონის სახელობის. აეროპორტის ვებ გვერდი

აეროპორტიდან ქალაქში

თელ-ავივიდან აეროპორტი 10 კმ-ში მდებარეობს. ჩარტერულ და შიდა რეისებს ტერმინალ 1 იღებს. საერთაშორისო რეისების უმრავლესობას – ტერმინალ 3. აეროპორტის ტერიტორიაზე უფასო შატლი კურსირებს.

ოფიციალური ტაქსია HadarLod (შეკვეთა სადისპეტჩერო პუნქტებში – G, Gate 03). ავტომობილის ღირებულებაა – 160 ისრაელის შეკელიდან სამუშაო დღეებში და 180 შეკელიდან პარასკევ საღამოდან შაბათის საღამომდე. ინდივიდუალური ტრანსფერი 6 ადამიანიდან – 230 შეკელიდან.

მატარებელი – ყველაზე იაფი ვარიანტია. სამუშაო დღეებში იგი 24 საათის განმავლობაში მოძრაობს (განრიგი ხელმისაწვდომია ისრაელის რკინიგზის ვებ-გვერდზე). შესვენება პარასკევს 15:00 საათიდან შაბათის 20:00 საათამდე. ბილეთი მოზრდილთათვის – 13,5 ILS-დან. მატარებელი HaHagana სადგურამდე ჩაგიყვანთ (აქედან ავტობუსები №4, 104, 204 – ბილეთის ღირებულება 7 ILS) ან ცენტრალური სადგურის შენობამდე. მგზავრობის ხანგრძლივობა 10-20 წუთია. მატარებლიდან ჩასვლის შემდეგ ბევრი ტაქსის უკვეთავს – 40 შეკელიდან.

თუ ავტობუსი აირჩიეთ, შატლით ავტოსადგურამდე იმგზავრეთ (აეროპორტიდან 5 კმ-ში). ეს არის მე-5 ხაზის შატლი (სამუშაო განრიგი – 5:00 საათიდან 22:00 საათამდე), გაჩერება ტერმინალის 3 გასასვლელთან მდებარეობს. თელ-ავივში #475 (ავტოსადგურამდე) და 222 (რკინიგზის სადგურამდე) მარშრუტები მიდის. ღირებულება – 12,50 შეკელიდან.

თელ-ავივის რაიონები

ადმინისტრაციულად თელ-ავივი 9 რაიონად იყოფა, მაგრამ მოსახლეობა და ტურისტები ისტორიულად მიღებულ აღნიშვნას იყენებენ. ამიტომ რაიონებს შორის მკაფიო საზღვრებს არავინ იცავს.

ძველ იაფას (ქალაქის სამხრეთი) არც ერთი ტურისტი არ უვლის გვერდს. ეს არის ერთ-ერთი უძველესი დასახლება მსოფლიოში; ხალხი აქ მუდმივად ცხოვრობდა და ერთი კულტურა მეორეს ცვლიდა.

კარგი გზამკვლევის ან გიდის გარეშე პატარა ვიწრო ქუჩებში რთული იქნება ეპოქების ამ ნარევში გარკვევა. აქ მოსახერხებელია სანაპიროდან შემოსვლა, არის სათვალთვალო მოედნები, რამდენიმე იაფი ბაზარი (მათ შორის ძველმანებისა და სასურსათო), ბევრი კაფე და რესტორანი, სამხატვრო გალერეა.

პროგრამის აუცილებელი პუნქტია ასევე თევზის სუნით გაჟღენთილი ძველი პორტი „ანტიკვარული“ ნავებითა და სასეირნო ტურებით. მაგრამ ძველ იაფაში განთავსება გაგიჭირდებათ – სულ რამდენიმე შეთავაზებაა (ძირითადად ბინები), სასტუმროები ზღვის სანაპიროს გასწვრივ მდებარეობს ან ახალ იაფაშია თავმოყრილი.

ნევე-ცედეკი. ისტორიულად პირველი ქალაქთან მიერთებული ებრაული კვარტალი (მე-19 საუკუნის მეორე ნახევარი), საიდანაც თელ-ავივი აღმოცენდა. ახლა ეს პატარა რესპექტაბელური ტერიტორიაა დაბალსართულიანი ნაგებობებით, დიზაინერული მაღაზიებითა და კაფეებით. აქ საინტერესოა რესტავრირებული რკინიგზის სადგური და საცეკვაო ცენტრი „სიუზან დელალი“.

„თეთრი ქალაქი“ – ორიგინალური კვარტალი, რომელიც ბაუჰაუსის სტილის 2-3 სართულიანი სვეტებისა და სახურავზე ბაღების მქონე სახლებიდან შედგება (შეტანილია იუნესკოს მსოფლიო მემკვიდრეობის სიაში). ასეთივე სახლები ფლორენტინის რაიონში მდებარეობს, რომელსაც ხშირად ნიუ-იორკის სოჰოს ადარებენ. ეს არის ბიუჯეტური რაიონი, რომელსაც სტუდენტები ანიჭებენ უპირატესობას – კვების ობიექტები ყველაზე იაფია ქალაქში. მას საქმიანი სითი აკრავს.

ქალაქის ცენტრალურ და ჩრდილოეთ ნაწილებში (ჩრდილოეთ ნავსადგურის რაიონი, საუნივერსიტეტო რამათ-ავივი, ატმოსფერული კერემ ჰათემანიმი ბაზრებითა და გრაფიტით) ისტორიული ადგილების ნაკლები რაოდენობაა, მაგრამ ისინი არანაკლებ აქტიური და ტურისტებით სავსეა. მაღაზიები, სასტუმროები, სპორტული და ღამის კლუბები, თანამედროვე შენობები.

ტრანსპორტი

ქალაქში ქვეყნის ყველა სარკინიგზო ხაზი იყრის თავს. თელ-ავივის 4 სადგურიდან გადის მატარებლები აშდოდის, აშკელონის, ბეერ-შევას, ხაიფას, ნაჰარიას, იერუსალიმისა და აეროპორტის მიმართულებით. ამავე მიმართულებით და საგარეუბნო მარშრუტებზე ასევე მოძრაობს ავტობუსები Egged (ოფ. ვებ-გვერდი).

Dan ავტობუსი ქალაქს ემსახურება 5:00 საათიდან 0:00 საათამდე (ოფ. ვებ-გვერდი). ბილეთები – 5,90 შეკელიდან, ერთდღიანი სამგზავრო ბილეთის ღირებულება – 13,5 შეკელიდან. მთელი ქალაქი ზონებადაა დაყოფილი, რაც მეტი ზონაა სამგზავრო ბილეთში, მით უფრო ძვირია.

ერთადერთი სატრანსპორტო საშუალება, რომელიც ყოველდღე მუშაობს, ტაქსია. მანქანები აღჭურვილია მრიცხველებით, გაანგარიშების შემდეგ ქვითარი გაიცემა. ცენტრში მგზავრობის ღირებულება – 20-40 ILS, გარეუბნებში – 50-70 ILS-დან. მესამე მგზავრისა და ბარგის შემთხვევაში 5 ILS ემატება. ღამის ტარიფი მოქმედებს შაბათსა და დღესასწაულებზე – 25%-ით უფრო ძვირი, ვიდრე ჩვეულებრივი.

ტურისტებს შორის ყველაზე პოპულარული ავტობუსის მარშრუტებია ##5 და 18, ქალაქის ცენტრის გავლით. ##4, 5, 16, 51 და 66 მარშრუტებზე სამარშრუტო ტაქსი მოძრაობს; მგზავრობის საფასური იგივეა რაც ავტობუსში, გაჩერება – მგზავრის მოთხოვნით. სამარშრუტო ტაქსი მუშაობს როგორც შაბათს, ისე დღესასწაულებზე.

ხელიმისაწვდომია ქალაქის ველოგაქირავება: მწვანე (საკმაოდ მძიმე) ველოსიპედები Tel-o-Fun (ოფ. ვებ-გვერდი) და 100-ზე მეტი ავტომატიზირებული სადგომი. მუშაობის პრინციპი: იხდით სააბონენტო გადასახადს (ერთი დღე – 17 ILS, 3 დღე – 48 ILS), საბანკო ბარათზე დეპოზიტის ოდენობა იბლოკება (დაახლოებით 100 ILS), პირველი ნახევარი საათი უფასოა, შემდეგ ყოველი 30 წუთი – 6 ILS. თუ ველოსიპედს პირველი 24 საათის განმავლობაში არ დააბრუნებთ, ველოსიპედი დაკარგულად ითვლება და ჯარიმები იწყება – 1200-დან 4500 შეკელამდე. ველოსიპედის სადგომზე არასწორად პარკირების შემთხვევაში სისტემა მას „ვერ ხედავს“ და დროის ფიქსირებას აგრძელებს. ქალაქში ბევრი არაოფიციალური გაქირავების პუნტია, რომლებიც არ ითხოვენ დეპოზიტს, ასევე შეგიძლიათ ველოსიპედი სასტუმროში ან სპორტულ მაღაზიებში იქირაოთ.

თანხის დაზოგვას შეძლებთ თუ მგზავრობებს შორის 10 წუთიან შესვენებას გააკეთებთ (25 წუთი სეირნობთ, კიდევ 10 წუთი ელოდებით, რასაც სისტემა ველოსიპედის დაბრუნებად ჩათვლის). მაგრამ სადებეტო ბარათებთან მიმართებით ხშირია ხარვეზები, როდესაც დეპოზიტს ერთი ან მეტი თვის შემდეგ აბრუნებენ.

კავშირი და Wi–Fi

ადგილობრივი სიმ-ბარათის შეძენა იმ შემთხვევაში ღირს, თუ მობილური ინტერნეტი გესაჭიროებათ. ჩვენი ოპერატორების როუმინგში მოქმედი ტარიფები თითქმის იგივეა, რაც ისრაელში საერთაშორისო ზარებზე, რაც საკმაოდ ძვირია.

ისრაელის ბაზარზე 4 მობილური ოპერატორია: ბიუჯეტური Hotmobile და Pelephone, Partner (ყოფილი Orange), Cellphone. თითოეული მათგანი ტარიფებს სააბონენტო გადასახადის გარეშე სთავაზობს, საუბარია წინასწარ გადახდილ ლიმიტირებულ ტარიფებზე. მინიმალური ღირებულებაა 50-60 ILS, რომელშიც შედის 4-5 გბ ტრაფიკი.

სიმ-ბარათს ადვილად შეიძენთ აეროპორტში, ქალაქის კიოსკებში, ბენზინგასამართ სადგურებზე ან საფოსტო განყოფილებებში.

უფასო Wi-Fi ხელმისაწვდომია აეროპორტში, პრაქტიკულად ყველა სავაჭრო ცენტრში, კაფესა და რესტორანში. ასევე მოიცავს ზონას მთავარ ღირსშესანიშნაობებთან, თელ-ავივის ყველაზე მონახულებად პლაჟებსა და პარკებს. სიჩქარე ჩვეულებრივ აღემატება 2-3 მბ/წმ.

თელ-ავივის პლაჟები

დასავლეთიდან თელ-ავივს ხმელთაშუა ზღვა აკრავს: 14 კმ სიგრძის 12 ქვიშიანი პლაჟი ერთიმეორის მიყოლებით მდებარეობს. ზამთრობით მხოლოდ 7 მათგანი მუშაობს, 4 მათგანზე ძაღლები შეგიძლიათ აუშვათ, კიდევ 4-ზე კი უფასო ბიბლიოთეკებია.

ყველა პლაჟი, გარდა „ჰა-ცუკისა“, უფასოა. მათ უმრავლესობას ფასიანი სადგომი აქვს. თითქმის ყველა მათგანზე მაშველები მორიგეობენ, არის საბავშვო ზონები, შეზლონგები, ქოლგები, ტენტები (დამატებით ფასად), კაფეები, ბარები. ბევრ მათგანზეა სპორტული ტრენაჟორები, მოწყობილია პლაჟის სპორტული თამაშების მოედნები.

ფასიანი „ჰა-ცუკი“ მოშორებით ჩრდილოეთ მხარეს მდებარეობს. აქ ძირითადად ადგილობრივი მოსახლეობა ისვენებს. შემდეგი პლაჟი მდელოებით „თელ ბარუჰი“ ასევე ისრაელის მაცხოვრებელთა პლაჟად მიიჩნევა. ლურჯი დროშის მფლობელი პლაჟი „მეციციმი“ – ადგილობრივების კიდევ ერთი საყვარელი პლაჟია. ორთოდოქსალური „ნორდაუ“ ცნობილია იმით, რომ შაბათის გარდა, აქ ყოველი დღე „განცალკევებულია“: შესვლა მხოლოდ მამაკაცებისათვის ან მხოლოდ ქალებისთვის.

„ნორდაუს“ უკან პატარა „აცმოუთი“ მდებარეობს, სადაც ჰომოსექსუალები იკრიბებიან. პოპულარული, თუმცა ვიწრო, „ჰილტონი“ ცნობილია ყველაზე მშვიდი წყლით. არის უფასო ავტოსადგომი, სერფინგის ცენტრი. ტურისტული პლაჟი „გორდონი“ ცნობილია ზღვის წყლის მქონე საცურაო აუზით და საბავშვო სასრიალოთი. პლაჟები „ფრიშმანი“ და „ბუგრაშოვი“ ერთმანეთის მსგავსია და სტუმრებს პრაქტიკულად ქალაქის ცენტრში მშვიდ დასვენებას სთავაზობენ.

ყველაზე ხალხმრავალ და დიდ, ლურჯი დროშით დაჯილდოებულ პლაჟს „იერუსალიმს“ ტურისტები და ბავშვებთან ერთად მოგზაური ოჯახები ირჩევენ. მას მოსდევს ახლახანს განახლებული „ავივი”, სადაც არ არიან მაშველები და ბანაობა აკრძალულია. სამხრეთ პლაჟები – „ჩარლზ კლორი“ პარკთან, „ბარაბაშჩიკოვი“ დელფინარიუმთან და „გივატ-ალია“, რომელიც ძველი იაფაში გადადის – შედარებით ნაკლებად ხალხმრავალია.

თელ-ავივის სასტუმროები

თელ-ავივში ყველა სახის განთავსების ვარიანტია: დაბალფასიანი კემპინგებიდან და ჰოსტელებიდან დაწყებული, დასრულებული მდიდრული ხუთვარსკვლავიანი სასტუმროებით. მათი უმრავლესობა ქალაქის ცენტრშია განთავსებული, ტურისტულ მოედანზე Dizengoff, ასევე სანაპირო ზოლის გასწვრივ (Yarkon Street და ცოტა უფრო მოშორებით – Ben-Yehuda Street). ცხოვრების საშუალო ღირებულება მაღალია, 3* სასტუმროში ორადგილიანი ნომერი – 458 ისრაელის შეკელიდან.

განთავსების ობიექტების უმრავლესობას სულაც არ აქვს „ვარსკვლავი“, რადგან აქ აპარტ-სასტუმროები ჭარბობს და ცალკე ბინები ქირავდება. საუზმე ცალკე შეგიძლიათ შეუკვეთოთ (170 ILS ერთ ადამიანზე), ნომერში მინი-სამზარეულო გექნებათ. ბინები ცენტრში ან ზღვასთან ახლოს 450-500 ILS- ს ეღირება.

დაბალფასიანი სასტუმროები ქალაქის სამხრეთ ნაწილში მოძებნეთ, ზღვისგან მოშორებით (ნომერი 200 შეკელიდან), ხოლო ფულის ფასის მცოდნე ისრაელის მცხოვრებლები აქ შაბათ-კვირაობით ჩამოდიან და განთავსებას ახლომდებარე შემოგარენში ამჯობინებენ: რამათ-განში, ბათ-იამში, ხოლონსა და გივათაიმში, სადაც განთავსების ფასები რამდენჯერმე დაბალია (საშუალოდ, 445 ILS ორ ადამიანზე).

აქ არცთუ ისე ბევრი საერთაშორისო დონის ქსელური სასტუმროა (ნომერი 1000 შეკელიდან), ბავშვებთან ერთად მოგზაურ ოჯახებს შეუძლიათ აირჩიონ სასტუმრო კომპლექსები საცურაო აუზებით (800 შეკელიდან). ჰოსტელების რაოდენობა კიდევ უფრო მცირეა, ვიდრე მდიდრული სასტუმროებისა. საწოლი საერთო ნომერში – 100 შეკელიდან.

სასტუმროები თელავივში