დაბალბიუჯეტიანი ავიაკომპანია Wizz Air-ი ქუთაისიდან იტალიის მიმართულებით სიხშირეებს, დროებით, ამცირებს. Wizz Air-ი ქუთაისიდან მილანის მიმართულებით ამდრომდე კვირაში 4-ჯერ დაფრინავდა, თუმცა ახალი კორონა ვირუსის გამო, ავიაკომპანია ქუთაისი-მილანი-ქუთაისის მარშუტზე ოპერირებას კვირაში 1 სიხშირით მხოლოდ პარასკევს მოახდენს. სიხშირეების შემცირება ეხება 12 მარტიდან 2 აპრილის ჩათვლით პერიოდს.

ქუთაისი-ბარი-ქუთაისის საჰაერო ხაზზე კი 12 მარტიდან 2 აპრილამდე პერიოდში 3 ფრენა გაუქმდა.

ქუთაისი-რომის მიმართულებაზე სიხშირეები შემცირდება 18 მარტიდან 25 მარტამდე პერიოდში. ქუთაისი-რომი-ქუთაისის მიმარულებაზე Wizz Air-ი კვირაში 2 სიხშირით (ოთხშაბათი-შაბათი) ოპერირებდა და 25 მარტამდე კომპანია რეისებს მხოლოდ შაბათობით განახორციელებს.

ხოლო ბოლონიის მიმართულებას, 17 მარტიდან 24 მარტამდე Wizz Air-ი ფრენებს კვირაში 2-ჯერ ფრენის ნაცვლად, მხოლოდ ერთხელ განახორციელებს.

Wizz Air-ის გადაწყვეტილება უკავშირდება იტალიაში დაფიქსირებული კორონოვირუსის შემთხვევებს, რომლის გამოც ფრენებზე მოთხოვნა შემცირდა.