რომი, იტალია

მარადიული ქალაქი, საითკენაც ყველა გზას მივყავართ, სადაც ერთდღიან არდადეგებზე მთელი ცხოვრების გატარებას ან რამდენიმე კვირით დაკარგვას შეძლებთ. რომის ღირსშესანიშნაობათა სიუხვე იმდენად დიდია, რომ სულ რამდენიმე საათში საბრალო ტურისტის გონება უარს ამბობს ახალი ინფორმაციის მიღებაზე. ამიტომ რომში ერთი-ორი დღის გატარება – უბრალოდ დანაშაულია. აქ რაც შეიძლება ხშირად უნდა ჩამოხვიდეთ, მაგრამ მთავარია გააცნობიეროთ, რომ რომი იტალია არ არის. ჩათვალეთ, რომ ის სხვა სახელმწიფოა, ან თუ გნებავთ სხვა სამყარო. მარადიული ქალაქი ძალიან ძველი და ამავე დროს მუდამ ახალგზარდაა, ის მომსწრეა ჩვენი პლანეტის ერთ-ერთი უძველესი ცივილიზაციის აყვავებისა და დაცემისა. ამიტომ რა გასაკვირია, რომ მთელი მისი ისტორიული ცენტრი კაცობრიობის მსოფლიო მემკვიდრეობის ობიექტად არის აღიარებული.

სტატიის შემადგენლობა

როგორ ჩავიდეთ რომში

თბილისიდან რომში მოსახვედრად 1 გადაჯდომა აუცილებლად დაგჭირდებათ.

ავიაბილეთები ამ თვეში Tbilisi-დან Rome-მდე

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

23.08.2019

24.08.2019

1 stop

ფასი 1 939

24.08.2019

26.08.2019

1 stop

ფასი 1 211

25.08.2019

29.08.2019

2 stops

ფასი 1 576

26.08.2019

01.09.2019

1 stop

ფასი 1 431

27.08.2019

31.08.2019

1 stop

ფასი 1 494

28.08.2019

16.09.2019

1 stop

ფასი 1 362

29.08.2019

30.08.2019

1 stop

ფასი 1 211

30.08.2019

14.09.2019

1 stop

ფასი 1 399

31.08.2019

09.09.2019

1 stop

ფასი 1 453

პირდაპირი რეისები ქუთაისიდან სრულდება მხოლოდ ავიაკომპანია ვიზეარით

პირდაპირი ფრენები Kutaisi-დან Rome-მდე

გაფრენის თარიღი დაბრუნების თარიღი ავიაკომპანია ბილეთების მოძებნა

25.08.2019

29.08.2019

ფასი 1 507

12.09.2019

26.09.2019

ფასი 974

24.10.2019

27.10.2019

ფასი 403

10.11.2019

17.11.2019

ფასი 413

ავიაბილეთები ამ თვეში Kutaisi-დან Rome-მდე

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

24.08.2019

28.08.2019

1 stop

ფასი 2 271

25.08.2019

28.08.2019

1 stop

ფასი 1 322

26.08.2019

27.08.2019

1 stop

ფასი 2 206

27.08.2019

04.09.2019

1 stop

ფასი 1 024

28.08.2019

04.09.2019

1 stop

ფასი 1 253

29.08.2019

04.09.2019

1 stop

ფასი 926

30.08.2019

04.09.2019

1 stop

ფასი 1 453

31.08.2019

14.09.2019

1 stop

ფასი 1 188

რომის რაიონები

რომი დაყოფილია უამრავ ზონად, რაიონად, ოლქად-მუნიციპალიტეტად (municipi), გარეუბნად, რაიონად, კვარტლად და სხვა საცხოვრებელ მასივად. ეჭვგარეშეა, რომ თითოეულ მათგანში საკუთარი მარგალიტია, მაგრამ ქალაქის დაგეგმარების ყველა დეტალში გარკვევა მეშვიდე თაობის რომაელებისთვისაც კი რთულია, ამიტომ პირველი გაცნობისთვის უმჯობესია ერთ-ერთი ისტორიული უბანი აირჩიოთ, ხოლო სამუშაო გარეუბნები მოგვიანებით მოინახულოთ.

ქალაქი თავის სტუმრებს ტერმინის რაიონით მიესალმება – ამავე სახელწოდების რომის მთავარი სადგურით. ბევრი ტურისტული სააგენტო ამ ადგილს ურჩევს საცხოვრებლის სიიაფისა და ლოგისტიკის გამო, მაგრამ სინამდვილეში ეს უპირატესობები საკმაოდ საეჭვოა და სხვა უარყოფითი მხარეებიც საკმარისადაა: ზოგადად სადგურთან ახლომდებარე რაიონები ხასიათდება ხმაურით, სიბინძურით, აურზაურით, გარკვეული კრიმინალური პატინით, ტერმინის რაიონიც არ არის გამონაკლისი. ხოლო ტრანსპორტის წარმოსახვითი ხელმისაწვდომობა – რომში ფაქტობრივად ისედაც ყველგანაა.

ტერმინის დასავლეთითა და ოსტიენსეს ჩრდილოეთით თავმოყრილია ძველი რაიონების მთელი პლეადა, სადაც ვერ გაივლით ისე რომ, რომელიმე ღირსშესანიშნაობას არ წააწყდეთ: მონტი, კამპიტელი, ჩელიო და რიპა. დიახ, ეს ხალხმრავალი და ძალიან პოპულარული რაიონებია, ტურისტების ნაკადი კოლოსეუმის გარშემო ღამითაც კი არ წყდება. მაგრამ თუ შეეცდებით, შეძლებთ იპოვოთ არცთუ ისე ძვირი საცხოვრებელი მშვიდ ქუჩაზე ფორუმიდან რამდენიმე ნაბიჯის სავალზე და ამ დიდებული ნანგრევების ხედით დატკბეთ დილით ადრე, სანამ ყველას სძინავს. აქ უამრავი ეკლესიაა, რომლებიც არცთუ ისე ცნობილი, მაგრამ წარმოუდგენლად ლამაზია.

რომის ცენტრალურ ნაწილში შიშის გარეშე შეგიძლიათ ისეირნოთ, მაგრამ „ემიგრანტულ“ კვარტლებს უმჯობესია თავი აარიდოთ. ტურისტების მთავარი საფრთხე ჯიბის ქურდებია, განსაკუთრებით ბოშები ხალხმრავალ ქუჩებში და საზოგადოებრივ ტრანსპორტში. ბევრ გაჩერებაზე სპეციალური წარწერებიც კია, რომლებიც ჯიბის ქურდების შესახებ აფრთხილებს.

რაიონების კიდევ ერთი შთამბეჭდავი ჯგუფი კოლოსეუმის ოდნავ ზემოთ მდებარეობს: ტრევი, პარიონე, პინია და რეგოლა. უსასრულო პალაცოების, ტაძრებისა და მოედნების გარდა ეს ადგილები მაღაზიებით გამოირჩევა – პატარა კერძო მაღაზიები, მოდური ბუტიკები, ბაზრობები, ასევე აქ მრავალი მყუდრო კაფე, ბარი და ჟელატერია მდებარეობს. ძირითადი ორიენტირებია – ნავონას მოედანი, პანთეონი, ტრევის შადრევანი და მეტრო „ბარბერინი“.

ტურისტული რომის მარჯვენა სანაპიროს ცენტრალური ნაწილის ჩრდილოეთს იკავებს რაიონები პონტე, კოლონა და კამპო-მარციო. პირველი რეკომენდებულია სანაპიროებსა და ხიდებზე სეირნობის მოყვარულთათვის – მისი გერბზე წმინდა ანგელოზის ხიდიც კი არის გამოსახული და ვატიკანიც ხელის გაწვდენის მანძილზე მდებარეობს. კოლონა და მარსის ველი შესანიშნავია როგორც დამოუკიდებელი ექსკურსიებისთვის, ისე შოპინგისთვის.

რომი
რომის ფორუმი

ტიბრის მარცხენა სანაპიროზე დიდ ფართობს ტრასტევერე იკავებს. ამ რაონის იგნორირება – ნამდვილი მკრეხელობაა. ჯერ ერთი, როგორც კი ხიდს გადახვალთ – ცენტრში აღმოჩნდებით. მეორეც, აქ ღირსშესანიშნაობებიც საკმარისადაა. მესამეც, ეს აქტიური რაიონია, სადაც უბრალო რომაელები ცხოვრობენ, ისინი არატურისტულ მაღაზიებსა და ადგილობრივი მოსახლეობისთვის განკუთვნილ იაფ ტრატორიებში დადიან, ისინი ნამდვილ, და არა სუვენირების ბაზრობებზე ვაჭრობენ და არ არიან გამოწყობილი ლეგიონერებისა და გლადიატორების კოსტიუმებში. ტრასტევერეში თანამედროვე საზოგადოების რიტმს შეიგრძნობთ, რომელიც მარადიული ძეგლის შუასაუკუნეების ქუჩების კედლებში ჰარმონიულად არსებობს. უარყოფითი მხარეა – ადგილობრივი ახალგაზრდობა მხოლოდ დილით თუ ჩუმდება.

ჩრდილოეთით – ბორგო და ვატიკანია. ტრასტევერესგან მთავარი განსხვავება: ტურისტებისა და მომლოცველების რაოდენობა, ისევე როგორც თაღლითებისა უფრო მეტია, ვიდრე თავად მკვიდრების, მაგრამ თუ კვარტლების სიღრმეში შეხვალთ, უთუოდ იპოვით მშვიდ და იაფ ადგილს.

ცენტრისგან დაშორებული რაიონებიდან ხელმისაწვდომი საცხოვრებლითა და კარგი პირობებით გირჩევთ ეურს ყრილობების სასახლითა და კვადრატული კოლოსეუმით, ისევე როგორც კოხტა და მწვანე მონტევერდეს. ტესტაჩოს ეწვიეთ ღამის ცხოვრებისა და ტურებისთვის პატარა საოჯახო პიცერიებში.

რომის ტრანსპორტი

რომის საქალაქო ტრანსპორტის მუშაობა კარგად არის ორგნიზებული ATAC კომპანიის მიერ. ერთჯერადი ბილეთის ღირებულება 1,50 ევროა, მას BIT ეწოდება და კომპოსტირების მომენტიდან 100 წუთი მოქმედებს (მეტროს ტურნიკეტით ერთი გასვლა). თუ რომში რამდენიმე დღის გატარებას და აქტიურ გადაადგილებას გეგმავთ – სამგზავრო ბარათი შეიძინეთ. ხელმისაწვდომია 24, 48 და 72 საათიანი ბილეთები, ასევე 7 დღიანი, შესაბამი ფასებით – 7 ევრო, 12,50 ევრო, 18 ევრო და 24 ევრო. მოქმედებენ მეტროში, ტრამვაისა და ქალაქის ავტობუსებში, BIT იყიდება სადგურებში მდებარე ავტომატებში, ბარებში, თამბაქოსა და გაზეთების ჯიხურებში. ფასები ვებ-გვერდზე მითითებულია 2018 წლის ნოემბრის მდგომარეობით.

ყველა ბილეთი აუცილებლად უნდა გაატაროთ პატარა ყვითელ ყუთში, წინააღმდეგ შემთხვევაში კონტროლიორი გვარიან ჯარიმას გამოგიწერთ და ენის არცოდნის გამო თავის მართლება არ გიშველით.

სახმელეთო ტრანსპორტი

ავტობუსების ფართო ქსელი მთელ რომს მოიცავს, მათ შორის გარეუბნებს, ხოლო ტრამვაის ხაზები შესანიშნავად ავსებს ამ სისტემას, რაც საშუალებას მოგცემთ პიკის საათებში შეუფერხებლად იმგზავროთ. გაითვალისწინეთ, რომ მოძრაობის განრიგი შეიძლება განსხვავდებოდეს სამუშაო დღეებში და შაბათ-კვირას. ღამით ავტობუსების რაოდენობა რამდენჯერმე მცირდება, მაგრამ დანიშნულების ადგილზე მაინც მოხვდებით. ავტობუსები პატარა გაჩერებებზე ხშირად არ აჩერებენ, ამიტომ ნუ მოგერიდებათ მძღოლს ხელი დაუქნიოთ.

თუ ავტობუსი დიდხანს არ მოვიდა, ავტობუსის გაჩერებაზე მოძებნეთ წარწერა „Sciopero“, რაც მძღოლების გაფიცვას ნიშნავს და თქვენ ავტომატურად ფეხით გასეირნება ან ტაქსით მგზავრობა მოგიწევთ.

საღამოს სასიამოვნოა რომის პატარა ქუჩებში რარიტეტული ტრამვაით TRAMbelcanto და TRAMjazz სეირნობა, ეს არ არის იაფი სიამოვნება, მაგრამ ნამდვილად გულითადი ატმოსფეროა.

მეტრო

მეტრო არ არის განსაკუთრებულად დიდი, სულ 3 ხაზია, ახალი სადგურები აუჩქარებლად შენდება – ამის მიზეზი მრავალრიცხოვანი ისტორიული ძეგლი და არქეოლოგიური აღმოჩენაა. მეტრო შესანიშნავია ქალაქში სწრაფად გადასაადგილებლად, სქემაში ადვილად გაერკვევით – ბევრი სადგური მიბმულია მსოფლიოში ცნობილ ღირსშესანიშნაობასთან. მეტრო 5:30 საათიდან 23:30 საათამდე მუშაობს, შაბათობით – 1:30 საათამდე, მატარებლების მოძრაობის ინტერვალი 5 წუთიდან 15 წუთამდეა.

ტურისტები ფრთხილად უნდა იყვნენ ვატიკანის მიმართულებით მოძრავ ყველა სატრანსპორტო საშუალებაში, განსაკუთრებით კი №64, 640 მარშრუტების ავტობუსებში და A ხაზის მეტროს მატარებლებში „ტერმინის“ სადგურიდან ვატიკანამდე მონაკვეთში. გირჩევთ დიდი თანხა ჯიბით არ ატაროთ. პასპორტი და ავიაბილეთი სასტუმროს სეიფში შეინახეთ და თან იქონიეთ მათი დამოწმებული ასლები.

ტაქსი

როგორც წესი, ტაქსი რომში თეთრი ფერისაა, ნიშნით „servizio pubblico“. გადახდა მრიცხველის მიხედვით წარმოებს, მაგრამ „ჩაისთვის“ თანხის დატოვება მისასალმებელია. სამუშაო დღეებში ჩასხდომა 3 ევრო ღირს, მგზავრობის 1 კილომეტრი – დაახლოებით ერთნახევარი ევრო, შაბათ-კვირას, დღესასწაულებზე და ღამით ფასი ემატება. საცობში დგომა საათში დაახლოებით 30 ევრო დაგიჯდებათ. ქალაქგარეთ მოგზაურობისთვის (მაგალითად, აეროპორტში) სპეციალური ფიქსირებული გადასახადი არსებობს.

რომში კერძო გადამზიდველებიც არსებობს – ტაქსი, რომელსაც არ აქვს სახელმწიფო ლიცენზია. ისინი ჩვეულებრივ უფრო იაფია, მაგრამ არ ითვლება უსაფრთხოდ. როგორც წესი, რომაელები, ისევე როგორც ფრთხილი ტურისტები, მათ თავს არიდებენ.

საექსკურსიო ავტობუსები

რომში რამდენიმე კომპანიის ტურისტული ავტობუსი მოძრაობს. საერთაშორისო City Sightseeing და რომაულ ATAC ერთობლივი პროექტი აქვთ – 24 და 48 საათის განმავლობაში მოქმედი საერთო ულიმიტო სამგზავრო ბილეთები საქალაქო ტრანსპორტისა და საექსკურსიო ავტობუსებისთვის. ფასი – 30 ევრო და 40 ევრო. ყვითელი ავტობუსები Roma Cristiana ყურადღებას ამახვილებს ქრისტიანული რელიგიის ნიშანდობლივ ადგილებზე, ხოლო მწვანე Archeobus მნიშვნელოვან არქეოლოგიურ ზონებს წარმოგიდგენთ. ასევე არსებობს CiaoRoma, Green Line Tours, Trambus open, Roma open tour – ამ კომპანიებს ქსელში ადვილად იპოვით და გაეცანობით მათ მარშრუტებსა და ფასებს.

მდინარის ტრამვაი

მდინარის ტრამვაით ტიბრზე გასეირნებას მარტიდან ნოემბრის ჩათვლით შეძლებთ, ზამთრობით ნავიგაცია დახურულია. გაითვალისწინეთ, რომ ქალაქში მაღალი სანაპიროებია, თბომავლის გემბანიდან ბევრს ვერ დაინახავთ, მაგრამ არ იჩქაროთ ამ რომანტიკული სატრანსპორტო საშუალების იგნორირება – სასიამოვნო სანახავია ხიდები, მზის ჩასვლა და ტაძრების გუმბათებზე არეკლილი სხივები. ბილეთის ფასი დამოკიდებულია მომსახურებასა და ექსკურსიის ხანგრძლივობაზე. ყველაზე მარტივი კუნძულ ტიბერინიდან ჰერცოგ აოსტის ხიდამდე რამდენიმე ევრო დაგიჯდებათ, ექსკურსიები ვახშმით კი – 60 ევროდან.

მგზავრობა აეროპორტიდან და უკან

ფიუმიჩინოს აეროპორტსა და ტერმინის სადგურს შორის „ლეონარდო ექსპრეს“ მატარებელი საათში ორჯერ მოძრაობს, მგზავრობის ხანგრძლივობა 30 წუთია, ბილეთის ღირებულება 14 ევროს შეადგენს. ჩვეულებრივი ელექტრომატარებელი ოსტიენსესა და ტიბურტინის სადგურებამდე კურსირებს, ბილეთის ღირებულება 8 ევროა. ასევე შეგიძლიათ FM1 სპეციალური მეტროს ხაზით იმგზავროთ, რომელიც ქალაქში მსხვილ სადგურებამდე მიგიყვანთ. მგზავრობის ღირებულება – 5 ევრო. მატარებლები დაახლოებით 6:00 საათიდან 23:30 საათამდე კურსირებს. ასევე აეროპორტიდან ქალაქის მიმართულებით მუდმივად მოძრაობს Cotral, T.A.M., Terravision და სხვა კომპანიების ავტობუსები. ერთსაათიანი მგზავრობა დაახლოებით 7 ევრო ღირს. ბილეთები ვებ-გვერდებზე ან მძღოლებთან იყიდება. სამწუხაროდ, ისინიც მხოლოდ შუღამამდე მოძრაობენ. შემდეგ მხოლოდ ტაქსით შეძლებთ მგზავრობას. საშუალო ტარიფი – 55 ევროა, მაგრამ შესაძლებელია მეტიც კი მოითხოვონ, ამიტომ გირჩევთ ტაქსი წინასწარ შეუკვეთოთ ერთ-ერთი საერთაშორისო სადისპეტჩერო მომსახურებით.

ველოსიპედისა და მოპედის ქირაობა

რომის ქუჩები სავსეა მოპედებითა და ველოსიპედებით. ასეთ გარემოში, დიდი ცდუნებაა, რომ ორბორბლიან პროვოკაციაზე წამოეგოთ და გადაადგილების პირობითი თავისუფლების თქვენი წილი მიიღოთ. მაგრამ გაითვალისწინეთ, რომ ავტომობილის მფლობელები ველოსიპედისტებს არ განიხილავენ როგორც თანასწორს, ხოლო ტროტუარებსა და საქვეითო ქუჩებში მოძრაობა ძალიან რთულია – რომში ძალიან ბევრი ხალხია. პედლებიანი ტრანსპორტის ქირაობა დღეში 10-20 ევრო დაგიჯდებათ, ველოსიპედი ელექტროძრავით – 20-30 ევრო, მოპედი – 35-70 ევრო. 125 კუბამდე ძრავიანი მოტოროლერისთვის მართვის მოწმობა არ დაგჭირდებათ, მაგრამ გატაცების საწინააღმდეგო საშუალებები და ჩაფხუტები უთუოდ გამოგადგებათ.

კავშირი და Wi-Fi

რომში რეალიზებულია შესანიშნავი პროექტი Metropolitana Wi-Fi, რომელიც მთელ ქალაქს და მის შემოგარენს ინტერნეტ წვდომის პუნქტების ქსელით მოიცავს. ქსელთან დაკავშირება შეგიძლიათ ბევრ კაფეში, მუზეუმში, გაჩერებაზე, სადგურსა და სხვა საჯარო ადგილებში. კიდევ ერთი პროექტი – RomaWireless Wi-Fi, ღია პუნქტების რაოდენობა ნაკლებია, მაგრამ ისინიც ხელმისაწვდომია და მათ იგნორირებას აზრი არ აქვს.

გარდა ამისა, შესაძლებლობა გაქვთ დაჯავშნოთ სასტუმრო Wi-Fi კავშირით. თუმცა ეს მომენტი წინასწარ უნდა დააზუსტოთ – ხშირად ინტერნეტის ხელმისაწვდომობა შესაძლებელია მხოლოდ სასტუმროს მისაღებში, ხოლო ნომერში ინტერნეტ წვდომისთვის დამატებითი თანხის გადახდას ითხოვენ.

ზარების განხორციელება ინტერნეტით უფრო მარტივია, მაგრამ სურვილისამებრ შეგიძლიათ ადგილობრივი სიმ-ბარათი შეიძინოთ. მისი შეძენა უმჯობესია იტალიის მობილური კავშირის ერთ-ერთ ოპერატორთან – მათი კონსულტანტების უმრავლესობა ინგლისურად კარგად საუბრობს და დაგეხმარებათ სასურველი ტარიფი ან მომსახურების პაკეტი აირჩიოთ.

Roma Pass

ტურისტული ბარათები ბევრ ქალაქს აქვს, მაგრამ ყველა მათგანი თანაბრად სასარგებლო როდია. თავად გადაწყვიტეთ, გჭირდებათ თუ არა რომაული ბარათი. არსებობს ორი ტიპის ბარათი: Roma Pass და Roma Pass 48 hours. პირველი 3 დღის განმავლობაში მოქმედებს და იძლევა საშუალებას უფასოდ ეწვიოთ პროგრამის სიიდან 2 მუზეუმს ან არქეოლოგიურ ზონას, ფასდაკლებას მესამე და მომდევნო მუზეუმში, ასევე 3 დღის განმავლობაში ანაცვლებს სამგზავრო ბილეთს ქალაქის საზოგადოებრივ ტრანსპორტში. მეორე ბარათი 48 საათის განმავლობაში მოქმედებს და მხოლოდ ერთი მუზეუმის უფასო მონახულებას მოიცავს. ფასი: 38,50 ევრო და 28 ევრო შესაბამისად. ბონუსის სახით რომის რუკასა და Roma Pass-ის გზამკვლევს მიიღებთ. ბარათების შეძენა შეგიძლიათ პროგრამის ნებისმიერ მუზეუმში, PIT ტურისტულ საინფორმაციო ცენტრებში ან Tabaccheria-ს ერთ-ერთ კიოსკში.

უპირატესობები: პოპულარულ ადგილებში რიგის გარეშე მოხვედრა, მაგალითად, კოლოსეუმში ან წმიდა ანგელოზის ციხესიმაგრეში. მინუსები: მკაცრად განსაზღვრული დრო – მუზეუმებში სეირნობა შეუჩერებლად მოგიწევთ, ფიუმიჩინოსა და ჩამპინომდე ამ ბარათებით ვერ იმგზავრებთ, ვატიკანის მუზეუმებში ისინი არ მოქმედებენ, სხვა მუზეუმებში ძალიან დიდი ფასდაკლება ბილეთებზე არ არის – საშუალოდ 1-1,5 ევრო, შედეგად მიიღებთ საეჭვო ეკონომიას, რომელიც მხოლოდ ბილეთების ფასების ზედმიწევნითი ანალიზისა და შედარების და რომის სირბილით დათვალიერების საკუთარი სამდღიანი პროგრამის შედგენის შემდეგ ვლინდება.

რომის სასტუმროები

რომში სასტუმროების კონცენტრაციის მთავარი ადგილია – მთავარი რკინიგზის სადგური, სადაც კლიენტების განთავსება ქართულ ტურისტულ კომპანიებს უყვართ. აქ შეგხვდებათ როგორც საკმაოდ კარგი დაწესებულებები, ისე თავისი ზომით შოკისმომგვრელი სასტუმროები, სადაც 3 კვადრატულ მეტრზე სასტუმრო ცხოვრების ყველა აუცილებელი ატრიბუტის განთავსებას ახერხებენ: საწოლს, კარადას, ტუმბოსა და სხვ. დღე-ღამეში ორი ადამიანის განთავსების ღირებულება 100 ევროს შეადგენს.

სასტუმროების არანაკლები რაოდენობაა კამპო-დე-ფიორის მოედნისა და პანთეონის რაიონში. 120-150 ევროს გადახდის შემთხვევაში ტურისტი ყოველდღე შეძლებს დატკბეს ბაროკოს სტილის რომის გუმბათებითა და ტაძრებით. გარდა ამისა, სასტუმროები ესპანეთის მოედნის მახლობლად შეგიძლიათ მოძებნოთ.

არ დაგავიწყდეთ ეგრეთ წოდებული აპარტამენტები. მათი ფასი თითქმის იგივეა, დაახლოებით 100 ევრო (მაგრამ არა ორ, არამედ 3-4-5 და ა.შ. ადამიანზე), მაგრამ ერთი ოთახის მაგივრად ტურისტი იცხოვრებს ფართო ორ ან სამოთახიან ბინაში სამზარეულოთი, მისაღებითა და სრულფასოვანი აბაზანით. აპარტამენტებს ბონუსის სახით მოჰყვება შეგრძნება, რომ თითქოს რომის სრულფასოვანი მკვიდრი ბრძანდებით: მეზობლებთან მისალმება, უახლოეს სუპერმარკეტში საუზმისთვის რძის შეძენა და ნაგვის გატანა, რომელიც ეკოლოგიური მიზნებისთვის შუშის ან ქაღალდის მიხედვით მოსაწყენად უნდა დაახარისხოთ.

რომში დაბალი სეზონის ცნება არ არსებობს, ასე რომ, ნებისმიერ შემთხვევაში სასტუმრო წინასწარ უნდა დაჯავშნოთ.

უპრეტენზიო მოგზაურებს, რომლებიც მზად არიან ეს დიდებული ქალაქი განთიადიდან დაბინდებამდე შეისწავლონ, ვურჩევთ ადგილობრივ ჰოსტელებში, მინი-სასტუმროებსა და საოჯახო სასტუმროებში განთავსების ვარიანტი განიხილონ. ეს საკმაოდ ეკონომიურია, უმეტესწილად – მეგობრული და მყუდრო, ზოგჯერ კი უჩვეულო გარემოა. მაგალითად, შეგიძლიათ უარი თქვათ ჩვეულ ახალგაზრდულ „ბექპეკერების“ ადგილებზე და ოთახი დაჯავშნოთ მონასტერთან მდებარე სასტუმროში. დიახ, აქ გვიან ღამით და ნასვამი ვერ მოხვალთ, მაგრამ ასეთი საცხოვრებელი აუცილებლად მშვიდი, მყუდრო და სუფთა იქნება. ინტერნეტი შესაძლებელია არც იყოს, მაგრამ შეიდრება კი ეს ამქვეყნიური ამაოება ვატიკანის კედლებთან მდებარე მონასტერში გატარებულ ერთ კვირასთან? ფასი: 12-40 ევრო.

რა დავაგემოვნოთ

ყველანაირი სახის პიცა, უგემრიელესი ნაყინი ძველი საოჯახო ჟელატერიებიდან, ყავა, ყავა და კიდევ ერთხელ ყავა.

უალკოჰოლო გაზიანი სასმელების მოყვარულებს ვურჩევთ დააგემოვნონ ღმერთების ადგილობრივი სასმელი – „ჩინოტო“, მწარე პომერანული ფორთოხლის ნაყოფის ექსტრაქტისგან დამზადებული უჩვეულო და არომატული გაზიანი სასმელი. სხვადასხვა სახეობა დააგემოვნეთ და საუკეთესო იპოვეთ. „ჩინოტოს“ უჩვეულო და გამაგრილებელი გემო კიდევ დიდხანს გაიძულებთ ეს სასმელი ქართულ სასურსათო მაღაზიებში ეძებოთ (და, სავარაუდოდ, წარუმატებლად): ეს სასმელი, სამწუხაროდ, ძალიან იშვიათად, თუ არა შემთხვევით, ჩამოაქვთ.

მთელ რომში მიმოფანტულია პატარა სასმელი შადრევნები: საიდანაც წყლის დალევა შესაძლებელი და აუცილებელიცაა! იგი ბევრ მინერალურ წყალზე გემრიელი და აბსოლუტურად უვნებელია, რადგან ჯერ კიდევ ანტიკური აკვედუკების მეშვეობით მიეწოდება. გარდა ამისა, ეს თანხის დაზოგვის საშუალებას მოგცემთ: 0,5 ლ წყლის ბოთლი 2 ევროდ შეგიძლიათ შეიძინოთ, შემდეგ კი სწორედ ამ შადრევნებში მაცოცხლებელი სითხით სრულიად უფასოდ შეავსოთ.

რომის გასართობი საშუალებები და ღირსშესანიშნაობები

ამაო ცდა – მოიცვათ თვალუწვდენელი სწორედ რომს და მისი ღირშესანიშნაობებს ეხება. ყოველ ჯერზე, როდესაც სასტუმროდან რუკაზე წინასწარ განსაზღვრულ პუნქტამდე მიდიხართ, თქვენ ისევ და ისევ გადაუხვევთ, შეჩერდებით და მოულოდნელი მონაპოვრით გაოცებული დარჩებით. რთულია იმ უნივერსალური რეცეპტის შეთავაზება, რომელიც საშუალებას მოგცემთ მაქსიმალურად მეტი მოინახულოთ და დაუგეგმავ ადგილებზე დრო არ ხარჯოთ. სცადეთ ინდივიდუალური ექსკურსია შეუკვეთოთ და ეს მომენტი ორგანიზატორთან განიხილოთ. კიდევ ერთი ვარიანტია – სასეირნოდ წიგნებისა და ფილმების მოტივების მიხედვით გაემართოთ. შეგიძლიათ მოაწყოთ რომაული შადრევნების დღე ან რომაული არქეოლოგიის დღე. არჩევანი თქვენზეა.

ძველი რომი

ანტიკური შენობების შესწავლის მშვენიერება იმაში მდგომარეობს, რომ მათი უმრავლესობა მეტ-ნაკლებად ერთ ადგილზეა თავმოყრილი. გთავაზობთ ერთდღიან გეგმას: ფორუმიდან კოლოსეუმამდე გაისეირნეთ, ტიტუსისა და კონსტანტინეს თაღებთან სურათები გადაიღეთ, კაპიტოლიუმის ბორცვზე ან პალატინზე ადით, თან წარმოსახვაში ტოგათი შეიმოსეთ, კეისრის ფორუმის ათასი წლის ქვებზე ჩამოჯექით, თან აბეზარ გლადიატორებს დააღწიეთ თავი, ტრაიანეს ფორუმში გადადით და ამავე ტრაიანეს სვეტს შეეხეთ. შემდეგ მოტრიალდით და დიდი ცირკის შენობამდე გაისეირნეთ, აქედან კარაკალას აბანოებს ეწვიეთ, შემდეგ საკუთარი თავი „ჭეშმარიტების ბაგეში“ შეამოწმეთ და ბინდში მარცელას თეატრს უცქირეთ. მეორე დღეს არ დაგავიწყდეთ პანთეონი, პიაცა-დელ-პოპოლოზე მდებარე ობელისკი, ავგუსტუსის მავზოლეუმი და მარსის ველი.

მოედნები და შადრევნები

რომის ყველაზე „ცოცხალი“ ღირსშესანიშნაობები, განსაკუთრებით ანტიკური ნანგრევების შემდეგ. მდიდრულად მორთულ მოედნებზე ყოველთვის უამრავი ტურისტი, არტისტი, მხატვარი და მუსიკოსია. აუცილებლად სანახავი ადგილებია: პიაცა-დელ-პოპოლო თავისი შესანიშნავი ეკლესიებით, წელიწადის დროების ბალუსტრადათი და ფლამენიას ობელისკით, ვატიკანში მდებარე დიდებული წმ. პეტრეს მოედანი ბერნინის კოლონადით (და ისევ!) ეგვიპტური ობელისკით, ესპანეთის მოედანი ესპანური კიბეებითა და ბარკაჩოს შადრევნით, ვენეციის მოედანი გრანდიოზული ვიტორიოანოთი, ბრწყინვალე ნავონა და მისი პალაცო-სასახლეები, ეკლესიები და შადრევნების კომპლექსი – მავრი, ნეპტუნი და ოთხი მდინარის შადრევანი. ობელისკიც თანდართულია. არანაკლებ საინტერესოა ბარბერინის მოედანი ბერნინის ორი შადრევნით – ფუტკრების შადრევნითა და ტრიტონით, კამპო დეი ფიორი ჯორდანო ბრუნოს ძეგლით, კოლონას მოედანი მარკუს ავრელიუსის სვეტით, ოთხი შადრევნის გზაჯვარედინი და რესპუბლიკის მოედანი ნაიადების (წყალთა ნიმფების) შადრევნით. და არ გადავიწყდეთ რომის მთავარი შადრევანი – ტრევის შადრევანი!

ეკლესიები და ტაძრები

პროგრამის ყველაზე რთული პუნქტი არის ის, რომ რომის ძველ ნაწილში ძალიან ბევრი ეკლესიაა, თითოეულ მათგანს თავისი საინტერესო ისტორია აქვს და ყველაზე უსახური შენობაც კი შიგნიდან შეიძლება ნამდვილი შედევრი აღმოჩნდეს ან აქ უდიდესი მხატვრებისა და მოქანდაკეების ნამუშევრები იყოს დაცული. რასაკვირველია, გვერდს ავერ აუვლით წმინდა პეტრეს ტაძარს, ილ ჯეზუს ეკლესიას, სანტა-მარია-მაჯორეს ბაზილიკას, ლატერანულ ბაზილიკას ან სანტა-მარია-დელ-პოპოლოს, მაგრამ გვერწმუნეთ, თქვენი სასტუმროს მახლობლადაც აღმოჩნდება ნაკლებად მასშტაბური, მაგრამ თავისებურად უნიკალური ეკლესია. და პატარა გასეირნებაც კი მიქელანჯელოს თუ ბერნინის ნაკლებად ცნობილი ნამუშევრებების, თავისუფალი კალატოზების ტრადიციების, იეზუიტებისა და კაპუცინების, რელიგიური წეს-ჩვეულებების საიდუმლოების ან მომაჯადოებელი მსახურების გაცნობით დასრულდება. ეკლესიებში შესვლა ჩვეულებრივ უფასოა, მაგრამ შემოწირულობები მისასალმებელია, მაგალითად, სამახსოვროდ საფოსტო ბარათი შეიძინეთ. შიგნით თითქმის ყველაფერი შეგიძლიათ დაათვალიეროთ, დაიცავით სიჩუმე, ნუ დაარღვევთ თუ გადაღება აკრძალულია და შემოღობილ ტერიტორიაზე არ შეხვიდეთ. მთავარია – ნუ მოგერიდებათ და არ დაეჭვდეთ, გზად მდებარე ყველა ეკლესიის კარი შეაღეთ და ამგვარად მსოფლიო კულტურის საგანძურს ეზიარეთ.

რომის საუკეთესო პანორამა ვატიკანში მდებარე წმინდა პეტრეს გუმბათიდან იშლება. აქ ამოსვლას 10 ევროდ (ლიფტი + 300-ზე მეტი საფეხური) ან 8 ევროდ (ლიფტის გარეშე, 500-ზე მეტი საფეხური) შეძლებთ. გარდა ამისა, ასვლის დროს მთელ ტაძარს შიგნიდან და ზემოდან დაათვალიერებთ, რადგან გზა სწორედ გუმბათის შიგნით მდებარე გალერეაში გადის.

მუზეუმები

რომში უამრავი მუზეუმიც მდებარეობს, მაგრამ აქ ყველაფერი უფრო მარტივადაა – ზოგს ნახატები ან ეთნოგრაფია აინტერესებს, ზოგს კი – მექანიკა ან ისტორია. უნივერსალური გადაწყვეტილებაა – კაპიტოლიუმის მუზეუმები, ვატიკანის სამუზეუმო კომპლექსი და ვილა ბორგეზეს მუზეუმები. ძველი და თანამედროვე რომის შედარების საკითხში დაგეხმარებათ რომაული ცივილიზაციის მუზეუმი, გვერდით კი – პლანეტარიუმი და ასტრონომიის მუზეუმი მდებარეობს. რომის ეროვნული მუზეუმი ანტიკური ქანდაკებების უმდიდრესი კოლექციით ამაყობს, ხოლო თანამედროვე ხელოვნებისთვის MAXXI და MACRO-ში გაემართეთ. უჩვეულო მუზეუმებიდან ყურადსაღებია ლეონარდო და ვინჩის მუზეუმი, დაკარგული სულებისა და განსაწმენდელის მუზეუმი (არ არის რეკომენდებული სუსტი ნერვების მქონე და მგრძნობიარე ადამიანებისთვის), იტალიის პოლიციის მუზეუმი და ყოფილი ციხის შენობაში მდებარე კრიმინოლოგიის მუზეუმი, სპაგეტის მუზეუმი (აბა, როგორ!), ასევე არსებობს ავიააციისა და ავტომობილების მუზეუმები, სამხედრო და იარაღის მუზეუმები, ნაპოლეონის მუზეუმი. მიმართულება თქვენი ინტერესებიდან გამომდინარე აირჩიეთ.

თვის ყოველ პირველ კვირა დღეს რომის მრავალი სახელმწიფო მუზეუმი, არქეოლოგიური ზონა, გალერეა, პარკი და ბაღი უფასოდ შეგიძლიათ მოინახულოთ.

სხვა უჩვეულო

გსურთ მეგობრები მოულოდნელი ისტორიებითა და ფოტოებით გააოცოთ? ეწვიეთ კვადრატულ კოლოსეუმს – იტალიის ცივილიზაციის სასახლეს, ან უბრალოდ ფეხით გაისეირნეთ რომის არასტანდარტულ და საინტერესო EUR რაიონში. მზის ჩასვლისას აუცილებლად გასეირნეთ ქალაქის ცენტრში მდებარე საქვეითო ხიდებზე – ცოცხალი მუსიკა, მოულოდნელი წარმოდგენები და შესანიშნავი კადრები გარანტირებულია. წმინდა ანგელოზის ციხესიმაგრე თავისთავად შესანიშნავია, მაგრამ ღირს დრო გამონახოთ და მის გარშემო გაისეირნოთ, ბონუსად კი იხილეთ – ბუკინისტური ბაზრობები, მწვანე მდელოები და შესანიშნავი ხედები. იტალიის კინემატოგრაფიის მოყვარულებს ვურჩევთ ეწვიონ ქალაქის სამხრეთ-აღმოსავლეთით მდებარე ცნობილ სტუდიას Cinecitta. იდუმალი გარემოს შექმნაში კი რომის მიწისქვეშა ექსკურსიები დაგეხმარებათ.

ქალაქის მთავარი ღირსშესანიშნაობების შესწავლისა და ამავდროულად თანხის დაზოგვის ერთ-ერთი საუკეთესო საშუალებაა – ტურისტული ბარათის Roma Pass შეძენა. თითოეული ბარათი აღჭურვილია მიკროჩიპით, რომელიც სტუმრებს საზოგადოებრივი ტრანსპორტით სარგებლობასა და მუზეუმების დათვალიერებას გაუადვილებს. გარდა ამისა, მის მფლობელებს შეუძლიათ მოკლე ტექსტური შეტყობინება ან ელ. ფოსტაზე წერილი მიიღონ, რომელიც შეიცავს ინფორმაციას ქალაქში მიმდინარე კულტურული ღონისძიებების შესახებ.

რომი წიგნებსა და ფილმებში

დენ ბრაუნი შეიძლება გიყვარდეთ ან „პოპსა“ უწოდოთ, მაგრამ „ანგელოზებისა და დემონების“ გმირების კვალდაკვალ გასეირნება – საინტერესო საქმიანობაა. რომანტიკული ადამიანებისათვის შესაფერისია ფილმები „რომაული არდადეგები“ და „უზომოდ შეყვარებული“, წყვილებისთვის – „რომაული თავგადასავალი“. ყველამ, გამონაკლისის გარეშე, უნდა ნახოს „ფელინის რომი“, წაიკითხოს ჰენრიკ სენკევიჩის „კამო გრიადეში“, ჰენრი ვ. მორტონის „რომი. გასეირნება მარადიულ ქალაქში“, ანთოლოგია „რუსული წერილები რომის შესახებ“, ვიქტორ სონკინის „აქ იყო რომი. თანამედროვე გასეირნება ძველ ქალაქში“ და კიდევ რაიმე ძველი დროის შესახებ – ალბერტო ანჯელას „ერთი დღე ძველ რომში“ ან კლოდ მოატის „ანტიკური რომის“ მსგავსი.

რომი ბავშვებისთვის

ალბათ, რომი არ არის ყველაზე „საბავშვო“ ქალაქი, რადგან მასთან გაცნობამდე წაკითხული წიგნების ემოციებით უნდა იყოთ დატვირთული, წიგნებიდან და ფილმებიდან ნაცნობი ქუჩები და ეკლესიები უნდა იცნოთ, დიდი იმპერიისა და მისი შთამომავლების ისტორია უნდა გაიხსენოთ, რომ აღარაფერი ვთქვათ იმის თაობაზე, რომ ფიზიკურად მზად უნდა იყოთ მრავალსაათანი სეირნობისთვის ქვაფენილით მოკირწყლულ ქუჩებსა და მუზეუმების მშვიდ დერეფნებში. მაგრამ თუ ბავშვთან ერთად ისვენებთ, მაშინ უმჯობესია ზაფხულში ჩამოხვიდეთ, როდესაც ადგილობრივი გასართობი პარკები შეგიძლიათ მოინახულოთ.

რომის (თუ არა იტალიის) ყველაზე მნიშვნელოვანი გასართობი პარკია Rainbow Magicland, რომელიც 2011 წელს ვალმონტონეს კომუნის გარეუბანში გაიხსნა. Rainbow Magicland საინტერესო იქნება როგორც ყველა ნორჩი მოგზაურის, ისე მოზარდი ბავშვისთვის, ხოლო ზოგიერთი ატრაქციონი ზრდასრულ სტუმრებსაც კი ბავშვობაში დააბრუნებს.

ზუსტად Magicland-ის მოპირდაპირე მხარეს გამაჯანსაღებელი აუთლეტი მდებარეობს. შესანიშნავი მიზეზია, რომ სასიამოვნო სასარგებლოსთან შეათავსოთ.

ცხელ დღეებში რომთან ახლომდებარე ერთ-ერთ აკვაპარკს ეწვიეთ. ყველაზე მარტივად Hydromania Park-ში ჩახვალთ, რომელიც ქალაქის დასავლეთ საზღვარზე მდებარეობს, გზის ხანგძლივობა მეტროში 1-2 გადაჯდომითა და ავტობუსით დაახლოებით 1,5 საათია. აღმოსავლეთით 35 კმ-ში, გუიდონია-მონტეჩელიოს ქალაქის სამხედრო აეროპორტთან წლის თბილ პერიოდში ევროპის ერთ-ერთი ყველაზე დიდი აკვაპარკი Aquapiper ფუნქციონირებს, ხოლო ჩრდილოეთით, ჩივიტავეკიას პორტთან ცენტრალური იტალიის მოსახლეობის საყვარელი პარკი Aquafelix. ზღვისპირა დასახლება ტორვაიანიკში მდებარე გასართობი პარკი Zoomarine მოიცავს წყლის სასრიალოებს, საცურაო აუზს, ოკეანარიუმს, ზღვის ლომებისა და დელფინების შოუს, სამეცნიერო-საგამოფენო შემეცნებით ცენტრს, ასევე რამდენიმე მშვიდ სახმელეთო ატრაქციონსა და კაფეს.

ვილა ბორგეზეს ტერიტორიაზე სტუმრებს რომაული ბიოპარკის ბინადრები ელით – ამ პატარა ზოოპარკში შეგიძლიათ იხილოთ ლემურები და ჟირაფები, აგრეთვე მხიარულად გაატაროთ დრო „კიდობანის“ ატრაქციონების ზონაში.

ავიაბილეთის ფასები 1 თვის განმავლობაში Kutaisi-დან Rome-მდე, 1 გზა

გაფრენის თარიღი გაჩერება ფასი ბილეთების მოძებნა

23.08.2019

1 stop

1 399

შეძენა

23.08.2019

2 stops

1 491

შეძენა

24.08.2019

1 stop

966

შეძენა

24.08.2019

2 stops

1 122

შეძენა

25.08.2019

1 stop

1 010

შეძენა

25.08.2019

2 stops

1 626

შეძენა

26.08.2019

1 stop

1 296

შეძენა

26.08.2019

2 stops

1 221

შეძენა

27.08.2019

1 stop

752

შეძენა

27.08.2019

2 stops

946

შეძენა

28.08.2019

1 stop

913

შეძენა

28.08.2019

2 stops

936

შეძენა

29.08.2019

Direct

555

შეძენა

29.08.2019

1 stop

666

შეძენა

29.08.2019

2 stops

924

შეძენა

30.08.2019

1 stop

1 043

შეძენა

30.08.2019

2 stops

1 040

შეძენა

31.08.2019

1 stop

795

შეძენა

31.08.2019

2 stops

922

შეძენა

02.09.2019

2 stops

872

შეძენა

06.09.2019

2 stops

940

შეძენა

19.09.2019

1 stop

385

შეძენა

08.09.2019

1 stop

865

შეძენა

23.09.2019

1 stop

288

შეძენა

14.09.2019

2 stops

479

შეძენა

16.09.2019

1 stop

508

შეძენა

28.09.2019

2 stops

357

შეძენა

12.09.2019

Direct

513

შეძენა

17.09.2019

2 stops

395

შეძენა

30.09.2019

1 stop

327

შეძენა

24.09.2019

2 stops

348

შეძენა

28.09.2019

1 stop

330

შეძენა

08.09.2019

2 stops

785

შეძენა

26.09.2019

1 stop

309

შეძენა

09.09.2019

2 stops

782

შეძენა

06.09.2019

1 stop

794

შეძენა

29.09.2019

2 stops

335

შეძენა

04.09.2019

1 stop

672

შეძენა

22.09.2019

Direct

463

შეძენა

26.09.2019

2 stops

404

შეძენა

15.09.2019

1 stop

395

შეძენა

08.09.2019

Direct

588

შეძენა

27.09.2019

1 stop

528

შეძენა

20.09.2019

1 stop

601

შეძენა

13.09.2019

2 stops

464

შეძენა

03.09.2019

2 stops

793

შეძენა

07.09.2019

1 stop

585

შეძენა

15.09.2019

2 stops

461

შეძენა

15.09.2019

Direct

380

შეძენა

14.09.2019

1 stop

401

შეძენა

29.09.2019

1 stop

282

შეძენა

12.09.2019

2 stops

933

შეძენა

18.09.2019

1 stop

521

შეძენა

10.09.2019

1 stop

467

შეძენა

22.09.2019

1 stop

354

შეძენა

25.09.2019

1 stop

320

შეძენა

12.09.2019

1 stop

446

შეძენა

09.09.2019

1 stop

759

შეძენა

04.09.2019

2 stops

602

შეძენა

18.09.2019

2 stops

816

შეძენა

11.09.2019

2 stops

592

შეძენა

05.09.2019

Direct

698

შეძენა

25.09.2019

2 stops

411

შეძენა

23.09.2019

2 stops

500

შეძენა

30.09.2019

2 stops

238

შეძენა

26.09.2019

Direct

380

შეძენა

01.09.2019

2 stops

782

შეძენა

01.09.2019

Direct

739

შეძენა

07.09.2019

2 stops

721

შეძენა

29.09.2019

Direct

351

შეძენა

27.09.2019

2 stops

334

შეძენა

16.09.2019

2 stops

1 001

შეძენა

10.09.2019

2 stops

577

შეძენა

02.09.2019

1 stop

972

შეძენა

05.09.2019

1 stop

592

შეძენა

01.09.2019

1 stop

832

შეძენა

19.09.2019

2 stops

498

შეძენა

19.09.2019

Direct

388

შეძენა

05.09.2019

2 stops

826

შეძენა

03.09.2019

1 stop

576

შეძენა

20.09.2019

2 stops

588

შეძენა

13.09.2019

1 stop

538

შეძენა

17.09.2019

1 stop

357

შეძენა

11.09.2019

1 stop

621

შეძენა

22.09.2019

2 stops

419

შეძენა

24.09.2019

1 stop

330

შეძენა

Posted in ავიაბილეთები, იტალია and tagged .

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა