ღამის ცხოვრება ბუდაპეშტში

ბუდაპეშტის ღამის ცხოვრება: TOP-9 ყველაზე საინტერესო ადგილი

უნგრეთის დედაქალაქი უდავოდ საინტერესოა თავისი კულტურული და ისტორიული ღირებულებების გამო. მაგრამ ცხოვრება აქ არა მხოლოდ დღის განმავლობაში დუღს! მათთვის, ვინც 24/7 რეჟიმით ცხოვრობს, ბუდაპეშტის ყველაზე უჩვეულო ღამის დაწესებულებების სია შევადგინეთ. ისიამოვნეთ!

1. საიდუმლო კლუბი Keret

Keret (თარგმანი – „გასაღები“) არის არასტანდარტული და ძალიან ატმოსფერული კლუბი-კაფე, რომელიც  არანაკლებ არასტანდარტული იდეით დაიწყო: ერთხელ ჰიპის ოჯახურმა წყვილმა საკუთარი ბინის გასაღების 200 ასლი გააკეთა და ნაცნობებს დაურიგა. მას შემდეგ, ყველას, ვისაც გასაღები აქვს, შეუძლია აქ მოსვლა ნებისმიერ დღეს 19-დან 23 საათამდე, ხოლო მათ, ვისაც არ აქვს გასაღები, მაგრამ იცის ამ ადგილის შესახებ, უბრალოდ სტუმრად შეუძლიათ მოსვლა. Keret-ის ატმოსფერო ძალიან არაფორმალური და მიმზიდველია: აქ თქვენ უნგრული სახლის ღვინოთი და უბრალო საუზმეულით გაგიმასპინძლდებიან, სასიამოვნო მუსიკა და სტუმრებთან ურთიერთობა კი მოდუნებისა და დასვენების კიდევ უფრო მეტ შესაძლელობას მოგცემთ.  

შენიშვნა: ივნისიდან ოქტომბრის ჩათვლით კლუბ-ბინის მესაკუთრეები მოგზაურობენ და კლუბი დახურულია.

მისამართი: Somogyi Béla, 16

სამუშაო საათებია: ორშაბათი-შაბათი 18:00 -დან 2:00-3:00-მდე.

2. აბანოების წვეულებები

ბუდაპეშტი ოდითგანვე ცნობილია, როგორც კურორტი, ხოლო ადგილობრივ საბანაოებსა და აბანოებში ნებისმიერ მსურველს შეუძლია ჯანმრთელობის გაუმჯობესება. სწორედ იმ მიზნით, რომ დედაქალაქის თერმული აბანოების ყოფილი დიდება აღორძინდეს, ქალაქის ხელისუფლებამ უჩვეულო რამ მოიფიქრა: ძველ საბანაოებში წვეულებების გამართვა დაიწყეს.

მაგალითად, ივნისიდან სექტემბრის ჩათვლით ყოველ შაბათ-კვირას სეჩენის აბანოები ერთგვარ ღამის სპა-კლუბად იქცევა: ლაზერული სხივებით განათებული წყალი, თანამედროვე ელექტრონული მუსიკა, კოქტეილები – ყველაფერი ისეა, როგორც უნდა იყოს. იცეკვეთ დაცემამდე,   გაიცანით ახალი ადამიანები, ისაუბრეთ, კვლავ იბანავეთ – სანამ არ მოგწყინდებათ.

ხოლო გაზაფხულზე, მარტიდან მაისის ჩათვლით მსგავსი წვეულებები საბანაო „ლუკაჩში“ იმართება. განსხვავება იმაშია, რომ აქ ძირითადად ჰიპ-ჰოპს თამაშობენ და ჯაკუზიც არის. მაგრამ მათ ერთი რამ აერთიანებთ – გიჟური მხიარულება!

მისამართები: Széchenyi – XIV. kerület Állatkerti körút, 9-11; Lukács – Frankel Leó, 25-29

სამუშაო საათებია: 22:30-3:00.

3. ფოგასი

ბუდაპეშტის ერთ-ერთი ცნობილი ნანგრევების ბარი, Fogas ერთმანეთის საწინააღმდეგო შთაბეჭდილებას ტოვებს: ზოგს არაფორმალური  მოდური გარემო აღტაცებაში მოჰყავს, ზოგი კი მიიჩნევს, რომ ეს დროის ფუჭი ხარჯვაა. ეწვიეთ ბარს და თავად გადაწყვიტეთ, თუ ვინ არის მართალი და ვინ არა. ბარში სამი საცეკვაო მოედანია, ღია მოედანი სახურავზეა მოწყობილი, კარგი მუსიკა და სასიამოვნო ატმოსფერო კი ნამდვილად გარანტირებულია.

მისამართი: VII. Akácfa u. 49-51.

სამუშაო საათებია: ორშაბათი-შაბათი – 18:00-4:00; კვირა -16:00-4:00.

5. Szimpla Kert

დედაქალაქის კიდევ ერთი „ნანგრევების“ დაწესებულება. მისი თავისებურება იმაში მდგომარეობს, რომ ბარი ნახევარად ქუჩაში მდებარეობს, მაგრამ დახურული ნაწილებიც არის (მაგალითად, წვიმის შემთხვევაში). ატმოსფეროც ისეთია, როგორიც საჭიროა: შეგიძლიათ დაისვენოთ, სასმელი მიირთვათ (ბარში კოქტეილების კარგი არჩევანია), იცეკვოთ, ყალიონი მოწიოთ და ფილმიც კი ნახოთ!

მისამართი: Kazinczy utca 14

სამუშაო საათებია:  კვირა – 09:00-05:00; ორშაბათი-ხუთშაბათი – 12:00-04:00; პარასკევი – 10:00-04:00; შაბათი – 12:00-04:00.

6. ANKER’T

გამოცდილ კლაბერებს, რომლებიც  რაღაც სრულიად არასტანდარტულს ეძებენ, აუცილებლად მოეწონებათ ANKER’T ბარი, რადგან ეს ადგილი მდებარეობს… მიტოვებულ მოჩვენება-სახლში (დამაინტრიგებელია, არა?). მაგრამ ANKER’T მხოლოდ ამით როდია განსხვავებული. სხვა „ნანგრევების“ ბარებისგან განსხვავებით, აქ მინიმალისტური ინტერიერია: იშვიათი ფლუორესცენტური ნათურები, აქა-იქ ქოთანში ჩარგული ხეები, ზოგი კედელი შეთეთრებულია, ზოგიც კი ხელუხლებელია ჩამოტეხილი ბათქაშითა და წყობით. და ფინალური „აკორდი“ – ქვიშის გროვა, რომელზეც დიდი შავი წარწერაა გაკეთებული „პლაჟი“.

მისამართი: Paulay Ede utca 33.

განრიგი: პარასკევი – 04:00-23:45; შაბათი-ხუთშაბათი – 14:00-23:45.

7. A38

თუ თქვენ ბუდაპეშტის ყველა „სახმელეთო“ დაწესებულებას უკვე ეწვიეთ, დროა წყალზე გადაინაცვლოთ. მაგრამ ნუ შეგეშინდებათ, დუნაიში  ყვინთვა არ მოგიწევთ! ეს არის მცურავი კლუბი A38, რომელიც Petőfi ხიდზეა მიბმული – არა მხოლოდ ბუდაპეშტის, არამედ მთელი ევროპის ერთ-ერთი ყველაზე პოპულარული და მოდური ადგილია. 

აქ ცხოვრება ყოველ ღამით დუღს: ადგილობრივ და ჩამოსულ შემსრულებელთა კონცერტები, ცეკვები და სასიამოვნო ატმოსფერო – და ყველაფერი ეს ღამის ბუდაპეშტის  საოცარი ხედის ფონზე.

8. Corvinteto

ეს „ნანგრევების“ ბარი თამამად შეგვიძლია მივაკუთვნოთ ბუდაპეშტის must-see კატეგორიის ადგილებს. იგი Corvin-ის უნივერმაღის სახურავზე მდებარეობს და მხოლოდ ზაფხულში მუშაობს, მაგრამ სწორეს ეს არის მისი ხიბლი: ღამის ბუდაპეშტის  სულისშემკვრელი ხედები, სასიამოვნო ატმოსფერო და კარგი მუსიკა, სასმელები და კინოჩვენებები, ხშირად უფასო შესვლა – კიდევ რა არის საჭირო შესანიშნავი ღამის გასატარებლად?

მისამართი: Blaha Lujza tér 1-2.

9. Instant

ბუდაპეშტის ყველაზე დიდი „ნანგრევების“ პაბი მათაც კი ანცვიფრებს, ვისი გაოცებაც რთულია. იგი  სამსართულიან შენობაში მდებარეობს, რომელიც ადრე საცხოვრებელი სახლი იყო, ახლა კი მთლიანად კლუბის მფლობელობაშია. ფაქტობრივად, Instant – სამსართულიანი შენობაა ორი ეზოთი, ექვსი ბარითა და ორი ათეული ოთახით, რომელთაგან თითოეულს  მინი საცეკვაო მოედანი შეგვიძლია ვუწოდოთ.

Instant-ის განსაკუთრებულობა მისი უჩვეულო ინტერიერია, რომლის ყოველ მოსახვევში რაღაც ორიგინალურს აღმოაჩენთ. ეს ადგილი ყოველთვის სავსეა ახალგაზრდებით, და თუ გსურთ ისეთ ადგილს ეწვიოთ,  სადაც ყოველთვის ხმაური და მხიარულებაა, უკეთეს ვარიანტს ვერ იპოვით.

მისამართი: Budapest, Akácfa u. 49-51

განრიგი: 16:00 – 6:00.

The Cheapest Flights for this Month from თბილისი to ბუდაპეშტი

გამგზავრებადაბრუნებაგაჩერებაავიაკომპანიაბილეთების პოვნა
15 მაი 202123 მაი 20212 გადაჯდომაბილეთები 1 074 - დან
16 მაი 202123 ივლ 20211 გადაჯდომაბილეთები 1 017 - დან
25 მაი 202131 მაი 20211 გადაჯდომაბილეთები 928 - დან
17 ივნ 202117 ივლ 20212 გადაჯდომაბილეთები 672 - დან
27 აგვ 20218 სექ 20212 გადაჯდომაბილეთები 899 - დან

პირდაპირი ფრენა ქუთაისი-დან ბუდაპეშტი-ში

გამგზავრებადაბრუნებაავიაკომპანიაბილეთების პოვნა
15 ივნ 202122 ივნ 2021ფასი 238

Hotels ბუდაპეშტი: 3 stars

სასტუმროვარსკვლავებიფასდაკლებაფასი ფასდაკლებამდეშეარჩიეთ თარიღები
Casati Budapest Hotel Superior★★★-27%2 781 2 032 სასტუმროს ნახვა
Hotel Chesscom★★★-14%997 859 სასტუმროს ნახვა
Bo18 Hotel Superior★★★-9%1 801 1 639 სასტუმროს ნახვა
The Three Corners Hotel Art Superior★★★-38%2 271 1 411 სასტუმროს ნახვა
12 Revay Hotel★★★-13%328 286 სასტუმროს ნახვა
SasOne Rooms★★★-10%317 286 სასტუმროს ნახვა
Corvin Hotel Budapest Sissi Wing★★★-36%1 273 818 სასტუმროს ნახვა

ასევე იხილეთ:

Posted in ბლოგი, კრებულები and tagged , .