grand palace town hall brussels

20 ღირშესანიშნავი ადგილი, რომლებიც აუცილებლად უნდა ნახოთ ბრიუსელში

ბრიუსელი  პირველ რიგში, „ევროკავშირის დედაქალაქთან“ არის ასოცირებული: ქალაქი ყოველგვარი ადმინისტრაციული დაწესებულებების შტაბ-ბინებითაა გადაჭედილი. მაგრამ ეს არ ნიშნავს, რომ ტურისტს აქ არაფერი ესაქმება, ვინაიდან სხვა ბრიუსელიც არსებობს: ზღაპრული, ნატიფი და განუმეორებელი. ზუსტად მსგავსს წარმოადგენს ჩვენი დღევანდელი must see ( აუცილებლად სანახავი) ოცეული. 

1.მოედანი გრანპლასი

გოთიკური სტილის დიდებული მოედანი – ბრიუსელთან გაცნობის საუკეთესო საშუალებაა. გრან-პლასს გარშემო შემორტყმული აქვს საოცარი სილამაზის ნაგებობები, რომლებიც აჭრელებულია ჩუქურთმებით, სვეტებით, სტატუებით და ორნამენტებით. აღსანიშნავია, რომ ყოველ ძველ სახლს გააჩნია საკუთარი სახელი, რაც ადამიანებს საშუალებას აძლევს გამოხატონ  გამომძიებლის ნიჭი და ეს სახლები მონახონ სახელების მიხედვით, მაგალითად: „ძუ მგელი“, „მელაკუდა“, „ურიკა“ ან „ვარსკვლავი“.

გრან პლასი კარგად რომ დავინახოთ, უკეთესი იქნება რატუშის აივანზე ასვლა, რომელიც სპეციალურად ამ მიზნისთვისაა გაღებული ყველა მსურველისთვის.

2. სამეფო სასახლე

ყოფილი მონარქთა რეზიდენცია, დღეს სასახლე, მხოლოდ ოფიციალური მიღებების გასამართად გამოიყენება, დანარჩენ დროს კი ღიაა ტურისტებისთვის და ქალაქის სტუმრებისთვის და რაც მთავარია, … სრულიად უფასოდ!
ისარგებლეთ ამ საშუალებით და საკუთარი თვალით იხილეთ ამ მშვენიერი სასახლის საძინებლები და დარბაზები: სარკის ოთახი, რომლის ჭერიც მორთულია ფუნაგორიების ფრთებით; საიმპერატორო ოთახი, სადაც თერთმეტ ოქროს ქოთანში ჩარგულია თერთმეტი ყვავილი – ბელგიის პროვინციების რაოდენობა და რა თქმა უნდა, დიდებული ტახტის ოთახი.

სასახლე ღია დამთვალიერებლებისთვის ივლისიდან სექტემბრის ჩათვლით, კვირაობით (10.00-17.00).

3.რატუშა

რატუშა, ბრიუსელის არქიტექტურის  ისტორიის კიდევ ერთი ნიმუში და ცოცხალი ნაწილი, წარმოადგენს ბელგიის დედაქალაქის ერთ-ერთ სიმბოლოს.

რატუშის ცნობილი 96 მეტრიანი კოშკი, ქალაქის მფარველის,  წმინდა მიხეილის გამოსახულებით, ბრიუსელის ქუჩების გადასარევ ორიენტირს წარმოადგენს. თვით შენობა კი, რომელიც ბრაბანტული გოთიკის სტილშია შექმნილი, გვანცვიფრებს დეკორის სიმრავლით.

რატუშის ფასადს ამშვენებს თაღოვანი ფანჯრები, ჩუქურთმებიანი სვეტები, აგრეთვე ბრაბანტის ყველა ჰერცოგის (ქართულად დუკა) სკულპტურა 580 წლიდან 1564 წლამდე. 

რატუშით დატკბობა შესაძლებელია არა მარტო გარედან, არამედ შიგნიდანაც: ის ღიაა ნებისმიერ დროს, გარდა საქალაქო საბჭოს სხდომის ჩატარების დროისა. თუ გნებავთ გრან-პლასის მთლიანად დანახვა, აბრძანდით აივანზე, რომელიც გამოიყენება გადასახედ ბაქნად.

რატუშაში შესვლა ფასიანია, ბილეთი 3 ევრო ღირს ( ექსკურსია არ შედის ამ ფასში). ჯგუფური ექსკურსიების (მინიმუმ 12 ადამიანი) შეკვეთა ხდება წინასწარ. ინდივიდუალური ინგლისურენოვანი ექსკურსიები ტარდება ზამთარში ( 1 ოქტომბრიდან 31 მარტამდე) და ზაფხულში ( 1 აპრილიდან 30 სექტემბრამდე) სამშაბათობით და ხუთშაბათობით , 15:15.

4. წმინდა მიხეილის და წმინდა გუდულას ტაძარი

ბრიუსელი განთქმულია არა მარტო ბელგიური შოკოლადით და უმდიდრესი კულტურული მემკვიდრეობით, ასევე განთქმულია თავისი არქიტექტურით. განსაკუთრებით აღნიშვნის ღირსია ბელგიის დედაქალაქის ტაძრები.

ერთ-ერთი მათგანია – ტრორენბერგის ქედზე მდგარი წმინდა მიხეილის და წმინდა გუდულას ტაძარი ( მისამართი: Parvis sainte-Gudule-1000 Bruxelles).

ტაძარი რომანულ-გოთიკურ სტილშია აგებული, ფასადზე ჩეული უამრავი მორთულობებით და სახასიათო ისრისებრი, „ჩუქურთმიანი“ არქიტექტურით. მაგრამ ყველაზე სრულ და დიდ შთაბეჭდილებას მიიღებთ თუ შიგნით შებრძანდებით. ტაძარი შიგნიდან საოცრად ლამაზია: მთავარ გასასვლელს მიყვება კოლონადა, რომელიც მორთულია სრული სიმაღლის მოციქულთა სკულპტურებით ბაროკოს სტილში, ფანჯრებს ვიტრაჟები ამშვენებს, რომელთა უმრავლესობაც ჯერ კიდევ აღორძინების ხანაშია შექმნილი. აქაური ატმოსფერო და სული გაჟღენთილია სიძველით და სიმშვიდით.

ტაძარი ღიაა დამთვალიერებლებისთვის ორშაბათიდან პარასკევამდე 07:30 დან 18:00 მდე, შაბათს – 07:30 დან 15:30 მდე, კვირას 14:00 დან 18:00 მდე. შესვლა თავისუფალია.

5. წმინდა გულის ბაზილიკა

ეს ალბათ ბრიუსელის ყველაზე არატრადიციული რელიგიური ნაგებობაა. ბევრი იცით ისეთი ტაძარი, სადაც ძირითადი ფუნქციების გარდა, არსებობს კათოლიკური რადიოსადგური, რესტორანი, თეატრი, მუზეუმი და ალპინისტების და სპალეოლოგების საწვრთნელო მოედანიც კი? დაუჯერებელია. ასე, რომ აუცილებლად უნდა შეიხედოთ.

ამასთან ერთად, ბაზილიკა შთამბეჭდავია არა მარტო გარეგნულად, არამედ შიგნითა მორთულობით, რომელიც კუბიზმის და მინიმალიზმის სტილშია შესრულებული. ამიტომაც არის ეს ტაძარი არ-დეკოს არქიტექტურის სიმბოლოდ მიჩნეული.

თუ ტაძრის მხოლოდ შიგნიდან  დათვალიერება მოგინდებათ, შესვლა უფასოა და თუ დასანახ ბაქანზე ასვლას მოისურვებთ, მოგიწერთ 5ევროს გადახდა. ბაქანი ღიაა ზაფხულში 09:00 დან 17:00 მდე, ზამთარში კი 10:00 დან 16:00 მდე.

ბაზილიკის მისამართიაParvis de la Basilique,1. მეტროს უახლოესი სადგური –  Simonis (Leopold II). ასევე შეიძლება გაჩერება Rogier-ზე N6 ტრამვაიში ჩაჯდომა, გრან-პლასთან და გაჩერება Elisabeth-ზე ჩამოსვლა, შემდეგ N87 ავტობუსში გადაჯდომა(Beekkant -ის მიმართულებით),გაჩერება Simonis-ზე და გაჩერება Riethuisen-ზე ჩამოსვლა.

ავიაბილეთები ამ თვეში Tbilisi-დან Brussels-მდე

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

23.04.2019

02.05.2019

1 stop

ფასი 948

25.04.2019

02.05.2019

1 stop

ფასი 773

26.04.2019

03.05.2019

1 stop

ფასი 855

27.04.2019

04.05.2019

1 stop

ფასი 853

29.04.2019

30.04.2019

1 stop

ფასი 975

6.გამარჯვებების ღვთისმშობლის ეკლესია საბლონაში

ბრაბანტული გოთიკის საუკეთესო ნიმუშია ღვთისმშობლის ეკლესია, რომელიც საინტერესო იქნება ბრიუსელის სტუმრებისთვის თითქმის დეტექტიური ისტორიით, რომელიც მის სახელთან არის დაკავშირებული. საქმე ის არის, რომ მრევლში პოპულარობა( ისევე, როგორც საკუთარი სახელი) ეკლესიამ მოიხვეჭა მასში ღვთისმშობლის სტატუის შეტანის შემდეგ. ეს სტატუა კი მოიპარა ვიღაც ღვთისნიერმა ქალბატონმა ანტვერპენში და ბრიუსელში ჩამოიტანა. 

ასე იყო თუ არა, მაგრამ ზუსტად ეს მოვლენა გახდა უბრალო სამრეკლოს გოთიკურ ტაძრად გადაკეთების მიზეზი. აუცილებლად უნდა მიაქციოთ ყურადღება ტაძრის შიდა მორთულობას, განსაკუთრებით განათებულ ფერად ვიტრაჟებს, რომლებიც საიდუმლო და ზღაპრულ ატმოსფეროს ქმნის.  

მისამართი: Rue Bodenbroek 6, პატარა საბლონის პარკთან. მეტროს უახლოესი სადგურია – Porte de Namu. ეკლესიაში შესვლა თავისუფალია. მუშაობს ორშ.-პარ. 09:00  დან 17:00 მდე. გამოსასვლელ დღეებში- 10:00 დან 18:30 მდე.

7. 50-  წლისთავისპარკი

ბრიუსელის ცენტრში სეირნობისას თუ დაიღლებით, შეგიძლიათ მოინახულოთ 50-ე წლისთავის პარკი, რომელიც გრან-პლასთან ახლოსაა და დასვენების საუკეთესო ადგილს წარმოადგენს. მითუმეტეს, რომ ადვილად მონახავთ: პარკის შესასვლელს გვირგვინად ადევს ტრიუმფალური თაღი, რომელსაც აუცილებლად დაინახავთ. პარკთან უახლოესი მეტროს სადგურია – Merode და Shuman.

50-ე წლისთავის პარკი თითქოს პარიზის მცირე ნაწილს წარმოადგენს, რომელიც სასწაულებრივ აღმოჩნდა ბელგიის დედაქალაქში. აკურატულად მოვლილი გაზონებით და სიმეტრიული ბილიკებით ოდნავ ვერსალის ბაღებს გაგონებთ და უკვე მოხსენიებული ტრიუმფალური თაღი კი უფრო მეტად უსვამს ხაზს მსგავსებას. 

მათთვის, ვისაც პარკში მხოლოდ გასეირნება არ ეყოფა, მის ტერიტორიაზე მუშაობს არმიის ისტორიის  და „ავტო სამყაროს“ მუზეუმები. არმიის მუზეუმი ღიაა სამშაბათიდან კვირის ჩათვლით 09:00 დან 16:30 მდე ( 12:00 დან 13:00 მდე შესვენება), შესვლა  უფასოა. „ავტო სამყაროს“ მუზეუმი მუშაობს ყოველდღე 10:00 დან 18:00 მდე(ზამთარში 17:00 მდე); შესასვლელი ბილეთი 8 ევრო ღირს.

8. ქალაქის მუზეუმი მეფის სახლში

ეს ნატიფი, თითქოს მაქმანებიანი შენობა გრან-პლასზე – ნამდვილი ქამელეონია. მე-13 საუკუნიდან დაწყებული მან მოასწრო რამდენიმე „პროფესიის“ გამოცვლა: იყო საცხობის საწყობი, ციხე, საგადასახადო სამსახური და ჰერცოგ(დუკა) ბრაბანტების რეზიდენციაც კი. ფრანგების მიერ ბრიუსელის დაპყრობის შემდეგ დაერქვა მეფის სახლი, ვინაიდან აქ ცხოვრობდნენ გუბერნატორები, რომლებიც ფრანგი მონარქის დაცვის ქვეშ იმყოფებოდნენ.

დღეს აქ ქალაქის მუზეუმია, სადაც დამთვალიერებლებს შეუძლიათ გაეცნონ სხვადასხვა საუკუნის ბელგიური ხელოვნების ნიმუშებს და ასევე ნახონ ცნობილი მშარდავი ბიჭუნას კოსტუმების კოლექცია ( 650- ია, დიახ!), რომლებსაც სტატუას  სხვადასხვა წლებში დედაქალაქის მაღალი რანგის სტუმრები ჩუქნიდნენ.

მუზეუმი ღიაა სამშაბათიდან კვირის ჩათვლით 10:00 დან 17:00 მდე, ხუთშაბათს -20:00 მდე. დაკეტილია ორშაბათობით, ასევე 1 იანვარს, 1 მაისს, 1 ნოემბერს, 11 ნოემბერს და 25 დეკემბერს.

მუზეუმში შესვლა ღირს 8 ევრო(სრული), 6 ევრო(პენსიონერები), 4 ევრო(სტუდენტები), ბავშვები 6-18 წლის- უფასო. ასევე უფასოა შესვლა ყოველი თვის პირველ კვირა დღეს. 

9. ატომიუმი

იცით როგორ გამოიყურება რკინის ატომი? არა? მაშინ აუცილებლად უნდა მოინახულოთ ატომიუმი! ეს არის 102 მეტრიანი ფუტურისტული ნაგებობა – რკინის ატომის მოდელი 165 მილიარდჯერ გადიდებული, რომელიც ატომის საუკუნის მშვიდობიანი საშუალებების სიმბოლოს წარმოადგენს. 

ატომიუმი მხოლოდ ამით არ არის ღირშესანიშნავი. მისი ცხრა სფეროდან ექვსია ღია დასათვალიერებლად, მილებში კი რომლებიც მათ აერთიანებს, აღმოაჩენთ ესკალატორებს და დერეფნებს ლითონის გიგანტში გადასაადგილებლად. სფეროებში განთავსებულია სასტუმრო, კაფე, აგრეთვე სხვადასხვა ექსპოზიციები.

აქ შეგიძლიათ გაიგოთ 1958 წლის მსოფლიო გამოფენის შესახებ, 50-იანი წლების ევროპის ცხოვრების წესზე და კიდევ – უკანასკნელ სამეცნიერო მიღწევებზე. აუცილებლად ადით დასანახ ბაქანზე, საიდანაც ბრიუსელის სასწაული პანორამა იხსნება, ქალაქი ხელისგულივით მოჩანს.

აქამდე მეტროთი შეგიძლიათ მობრძანდეთ ( გადმოდით სადგურ Heysel-ზე) ან ქალაქის ცენტრში ჩასხდეთ N 81 ტრამვაიში და იმავე დასახელების გაჩერებაზე ჩამობრძანდეთ( ვერ გამოტოვებთ, რადგან ის ბოლო გაჩერებაა).

ატომიუმი ღიაა 10:00 დან 18:00 მდე. 24 და 31 დეკემბერს – 10:00 დან 16:00 მდე, 25 დეკემბერს და 1 იანვარს კი – 12:00 დან 16:00 მდე. ბილეთის ფასია 11 ევრო( სრული), 8 ევრო (ბავშვები 12-18 წლის), 6 ევრო ( ბავშვები 6-11 წლის) და უფასოა 6 წლამდე უმცროსი ბავშვებისთვის. 

10.პარკიმინიევროპა

თუ ბრიუსელი პირველი ევროპული ქალაქია, რომელიც თქვენ მოინახულეთ და აგრეთვე სხვების მონახულებაც გსურთ, ძალიან მარტივია ამ სურვილის შესრულება!

საკმარისია პარკ „მინი-ევროპაში“ აღმოჩნდეთ, რომ თავი გულივერად წარმოიდგინოთ, რომელიც პიზის კოშკის, ათენის აკროპოლისის და სხვა ისტორიული ნაგებობების  შემცირებულ ასლებთან სიახლოვეში სეირნეობს. პარკში „ცხოვრობენ“  ადგილობრივების უპატარავესი ფიგურები, მინი-ტრანსპორტიც კი გააჩნიათ( სხვათაშორის, მუშა მდგომარეობაში).

მისამართი: პარკი ატომიუმის გვერდით იმყოფება, მეტროს სადგურ Heysel-ის უკანასკნელ გაჩერებასთან ( მე-6 ლურჯი ხაზი). სამუშაო საათები: 9:30-18:00. ივლისსა და აგვისტოში – 20:: მდე. დახურულია 5 იანვრიდან 13 მარტამდე.

ბილეთი ღირს 14.30 ევრო. მაგრამ ატომიუმის ნახვასაც თუ გეგმავთ, მაშინ აზრი აქვს კომბინირებული ბილეთის „ატომიუმ+პარკი „მინი-ევროპას“ ყიდვას 23.50 ევროდ. ეკონომია უმნიშვნელოა, მაგრამ მაინც ხეირია.

11. ხელოვნების მთა

სინამდვილეში ეს ხელოვნური ქედია, რომელიც 1910 წლის საერთაშორისო გამოფენისთვის შეიქმნა სპეციალურად. ხელოვნება კი იმ შუაშია, რომ აქ თავმოყრილია ქალაქის რამდენიმე ყველაზე პოპულარული მუზეუმი, მაგალითად, ნატიფი ხელოვნების სამეფო მუზეუმი და მუსიკალური საკრავების მუზეუმი. სასარგებლო მონახულებაა სასიამოვნოსთან ერთად – აბრძანდით მთის წვერზე: ნათელ ამინდში იქიდან მოჩანს ატომიუმი და საკრე-კერის ბაზილიკა. ასვლის მერე შეგიძლიათ პარკშიც სასიამოვნოდ დაისვენოთ.

ხელოვნების მთა მდებარეობს სამეფო სასახლის, პარლამენტის და სამართლის სასახლის შუა. ღიაა დასათვალიერებლად ორშაბათ-პარასკევს 09:00 დან 18:00 მდე, გამოსასვლელ დღეებში –  10:00 დან 18:00 მდე. დაკეტილია 25 დეკემბერს და 1 იანვარს.

მისამართი: Rue du Musee, 6,

 12. წმინდა იუბერის სამეფო გალერეები.

იცოდით, რომ ბრიუსელში არის შოპინგ-გალერეები, რომლებიც უფრო ასაკოვანია ვიდრე მილანის Vittorio Emanuele? თუ არ იცოდით, მაშინ აუცილებლად უნდა მოინახულოთ წმინდა იუბერის სამეფო გალერეები.

აქ, ერთ , ( უფრო ზუსტად, შუშის გუმბათის ქვეშ),მეფის, დედოფლის და პრინცების ჭერქვეშ, შეგროვებულია ყოველგვარი მაღაზიები და ბუტიკები, კიდევ კაფეები, საკონდიტროები,კინთეატრები და საიველირო ფარდულები. ფასები, რასაკვირველია, საბიუჯეტო არ უნდა გეგონოთ, მაგრამ გალერეების ნახვა ღირს მათი არქიტექტურის და ნატიფი გაფორმების გამო. 

მისამართი: გალერეები იმყოფება გრან-პლასის გვერდით შემდეგ მისამართზე- Galerie de la Reine-ის  ქუჩა, 5.

13. რენე მაგრიტის მუზეუმი

იმისდა მიუხედავად, თვლით თავს თუ არა ფერწერის მოყვარულად ან მცოდნედ, გირჩევთ ეწვიოთ ბელგიელი სურრეალისტი მხატვრის, რენე მაგრიტის, მუზეუმს. რად ღირს თუნდაც ამ მუზეუმის ფასადი, რომელიც გაფორმებულია ფერმწერის ერთ-ერთი სურათის ( „სინათლის იმპერიის“ ტილო“) ჩანახატის სახით?

მუზეუმის კოლექციაში 200 ზე მეტი სურათი, სკუპტურა, ესკიზი და ფოტოგრაფიაა, აგრეთვე მხატვრის რამდენიმე პირადი ნივთი, რომლებიც ოსტატის შემოქმედებით გზაზე გვიყვება. აქვე მუშაობს კინოთეატრი, სადაც შეგიძლიათ ცნობილ ბელგიელზე გადაღებული ფილმი ნახოთ.

შესასვლელი ბილეთი 8 ევრო ღირს, 60 წელზე ხნიერებისთვის – 6 ევრო, 26 წლამდე ახალგაზრდებისთვის 2 ევრო. მუზეუმი სამეფო მოედანზე იმყოფება და ღიაა 10:00 დან 18:00 მდე ოთხშაბათიდან კვირის ჩათვლით(გარდა 25 დეკემბრის  და 1იანვრისა).

14. საბუნებისმეტყველო მეცნიერებათა მუზეუმი

მათთვის, ვის ცნობისმოყვარეობასაც საზღვარი არ გააჩნია, ბრიუსელის საბუნებისმეტყველო მუზეუმის კარი ყოველთვის ღიაა. განსაკუთრებით ის ბავშვებს დააინტერესებს, მაგრამ უფროსებიც მონახავენ უამრავ საინტერესო რამეს. აქ შეგიძლიათ გაიგოთ ყველაფერი( თითქმის ყველაფერი) ჩვენი პლანეტის მცხოვრებლების შესახებ, რომლებიც ათასი წლების წინ ცხოვრობდნენ, შეისწავლოთ მინერალების, მთვარის ქვების და მეტეორიტების(სულ 2000 ექზემპლარი) უზარმაზარი კოლექცია, ასევე გამოარკვიოთ თუ როგორ და საიდან გაჩნდა დამწერლობა და ანგარიში.

და კიდევ, არ დაივიწყოთ ყველაზე დიდი მეტეორიტი მათ შორის, რომლებიც ევროპაში ჩამოვარდნილა! მათთვის კი, ვისაც სურს საკუთარი დედუქტიური ჩვევები შეამოწმოს, ყოველდღე ტარდება ატრაქციონი – „ მუზეუმის დირექტორის მკვლელობა“: ყველაფერი ისეა, როგორც საჭიროა, თავისი სამხილებით, ეჭვმიტანილებით და ინტრიგით.

მუზეუმის მუშაობის გრაფიკია: სამშაბათი-პარასკევი – 09:30 დან 17:00 მდე და კვირას – 10:00 დან 18:00 მდე. ბილეთი ღირს 7 ევრო(უფროსები) და 4.50 ევრო( ბავშვები 6-17 წელი) მუდმივმოქმედ ექსპოზიციაზე და 9.50 ევრო და 7 ევრო შესაბამისად მუდმივმოქმედ-დროებითი გამოფენების დასათვალიერებლად.

მუზეუმის მისამართი: მუზეუმი მდებარეობს ევროპარლამენტის შენობის გვერდით. მისვლა შესაძლებელია N 38 ავტობუსით( გაჩერება Idalie) ან  N95(Luxembourg), ასევე ავტობუსით N34 და N80 (გაჩერება „მუზეუმი“ ზუსტად პირაპირ). მეტრო – ხაზი 1 ან 5 სადგურამდე Mealbeek/Maalbeek ან ხაზები 2 და 6 სადგურ Troon-mde.

15. საშოკოლადე Leonidas

ყველას კარგად მოეხსენება, რომ ბრიუსელი შოკოლადის დედაქალაქია. და თუ არა აქაურ საშოკოლადეებში, აბა სად უნდა მოხდეს ამ სასწაული ნუგბარის დაგემოვნება? ერთ-ერთი ასეთი მაღაზიაა Leonidas მისამართზე-Boulevard Adolphe Max, 49. ამ მარკის შოკოლადი უკვე ას წელზე მეტია რაც ფავორიტებს შორისაა არა მარტო ადგილობრივებში, არამედ ქალაქის სტუმრებს შორისაც. ამ ყველაფრის მიზეზი სათუთად შენახული რეცეპტები და ოსტატობაა.

ტკბილეულის მოყვარულები აქ კონფეტების ასზე მეტ ნაირსახეობას იპოვნიან სხვადასხვა შიგთავსით, აგრეთვე მარციპანებს, ხილს შოკოლადში, ტრიუფელებს და უამრავ სხვა რამეს. დემოკრატიული ფასები კი მეტად გაგახარებთ.

მაღაზია მუშაობს ორშაბათიდან შაბათამდე 10:00 დან 18:30 მდე.

16.გასტრონომიული სამოთხე Rue des Bouchers ქუჩაზე 

რათა მრავალმხრივი გახდეს თქვენი შთაბეჭდილება ბელგიის დედაქალაქზე, გირჩევთ მოიწყოთ მინი-გასტრონომიული ტური და შეიხედოთ ერთ ადგილას, რომელიც ცნობილია როგორც „ ბრიუსელის მუცელი“. ამ, არც თუ ისე სასიამოვნო დასახელების მიღმა იმალება რესტორნების ქუჩა, რომელიც გადატენილია ყველა ჯურის და კუთხის დაწესებულებებით.

მრავალფეროვნებით გადარეული ტურისტი შეკვეთის მიცემისას ყურადღებით უნდა იყოს: დიდია რისკი ცდუნების აყოლისა და შეიძლება ზედმეტი რამეც კი შეუკვეთოთ. არც იმას გირჩევთ, პირველივე (ძალიან რომ მოგეწონებათ) რესტორანში შევარდეთ. გაიარეთ მთლიანი ქუჩა, ყურადღებით შეისწავლეთ მენიუები – აუცილებლად მონახავთ მისაღებ ვარიანტს, ისეთს, რომელიც დიდად არ დააზარალებს თქვენს ბიუჯეტს.

ეს გასტრონომიული მექა ზუსტად გრან-პლასის მოედნის პირაპირ არის და ქვია Rue des Bouchers.

17. კაკაოს და შოკოლადის მუზეუმი

და რომ სრულად შეიგრძნოთ ბრიუსელის გემო, შეიხედეთ კაკაოს და შოკოლადის მუზეუმში. აქ საკუთარი თვალით იხილავთ განთქმული ბელგიური ნუგბარის დამზადების პროცესს და ამასთან ერთად გაიცნობთ მის ისტორიას , აგრეთვე მოგეცემათ საშუალება თავი გამოსცადოთ ხელოვანი კონდიტერის როლში.

მუზეუმი იმყოფება გრან-პლასზე და მუშაობს სამსაბათიდან შაბათის ჩათვლით 10:00 დან 16:30 მდე. ბილეთის ფასია 5.50 ევრო(უფროსი), 4.50 ევრო (სტუდენტები და პენსიონერები) და უფასოა 12 წლამდე ბავშვებისთვის.

ყველაზე იაფი ავიაბილეთები Tbilisi-დან Brussels-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

25.04.2019

02.05.2019

1 stop

ფასი 773

24.05.2019

31.05.2019

1 stop

ფასი 697

09.06.2019

18.06.2019

1 stop

ფასი 613

11.07.2019

18.07.2019

1 stop

ფასი 762

07.08.2019

11.08.2019

1 stop

ფასი 841

01.09.2019

30.09.2019

1 stop

ფასი 755

01.10.2019

20.10.2019

1 stop

ფასი 709

01.01.2020

31.01.2020

1 stop

ფასი 700

18. მშარდავი ბიჭის სტატუა

წარმოუდგენელია ბრიუსელში ჩახვიდე და არ ნახო მისი ყველაზე ცნობილი პერსონაჟი. საუბარი რა თქმა უნდა მშარდავი ბიჭის სტატუას შეეხება.

ხშირად ტურისტებს შეცდომით გონიათ რომ ბიჭუნა საკმაოდ დიდი ზომის უნდა იყოს( ალბათ იმიტომ, რომ ყველას მისი გამოსახულება მსხვილი პლანით აქვს ნანახი). სინამდვილეში კი სტატუა ჩვილი ბავშვის ხელაა. ეს კარგად გახსოვდეთ რათა გაუგებრობაში არ მოყვეთ.

თვითონ ბიჭის ფიგურა არაფრითაა დამამახსოვრებელი,სხვა საქმეა მისი შემოსვის ტრადიციული რიტუალი, როდესაც სტატუას სხვადსხვა კოსტუმებს აცმევენ. ეს რიტუალი ლამაზადაა მოწყობილი და ხშირად მუსიკაც ახლავს თან. დღეისთვის, ბიჭუნას „გარდერობი“ 650 სხვადასხვა ქვეყნიდან ჩამოტანილ კოსტუმს შეადგენს.მისი გადაცმის გრაფიკი გამოკრულია შადრევნის ღობეზე.

მისამართი: სტატუა დგას ქუჩების- Rue de l’Étuve/Stoofstraat и Rue du Chêne/Eikstraat გზაჯვარედინზე ( ცენტრალური სადგურის სიახლოვეს).

19. ვიქტორ ორტას მუზეუმი

განთქმული არქიტექტორის მუზეუმი მდებარეობს მის ყოფილ სახლში, სადაც ასევე იმყოფებოდა მისი სტუდიაც. რითია ვიქტორ ორტა განთქმული? თუნდაც იმით, რომ სწორედ მისი შენობა, მოდერნის სტილში შექმნილი, განსაზღვრავს დღევანდელი ბრიუსელის სახეს. მან პოპულარული გახადა არქიტექტურაში მცენარეთა და ორნამენტების მოტივები, შექმნა მოქნილი და ნარნარი ხაზები, რომლების მეშვეობითაც გახდა მისი ნაგებობები ასეთი ცნობადი.

არ გაუშვათ ხელიდან შანსი გაისეირნოთ ბელგიის ერთ-ერთი ყველაზე ცნობილი არქიტექტორის სახლის ოთახებში, მითუმეტეს, რომ იქ ინტერიერები მართლაც რომ ჯადოსნურია: კედლების მოხატვისას გამოყენებულია ნატიფი ხაზები, კიბეები მოჭედილია სხვადასხვა მორთულობით, უამრავი ვიტრაჟი, ფერადი ორნამენტები,ბევრი შუშა და შუქი – ისეთი შთაბეჭდილება რჩება, რომ თითქოს სახლს მახვილი კუთხე საერთოდ არ გააჩნია.

მუზეუმში მოხვედრა შეიძლება სამშაბათიდან კვირის ჩათვლით, 14:00 დან 17:30 მდე. ბილეთი ღირს 8 ევრო(უფროსი), 4 ევრო(სტუდენტები და პენსინერები) და 2.50 ევრო (ბავშვები 6-18 წლის). შეზღუდული შესაძლებლობის მქონე დამთვალიერებლებისთვუს შესვლა თავისუფალია.

მისამართი:  25, 25, rue Américaine.

შესაძლებელია მისვლა N 54 ავტობუსით ან N81,91, 92 და 97 ტრამვაით(Place Janson).

20. მუსიკალური საკრავების მუზეუმი

აქ მოგეცემათ საშუალება ერთდროულად იპოვოთ მუსიკალური საკრავების ყველა, შესაძლებელი მრავალფეროვნება, რომლებიც შეაგროვეს მსოფლიოს სხვადასხვა კუთხეში. ეს არის მუსიკალური საკრავების მუზეუმი ბრიუსელში Montagne de la Cour, 2 ქუჩაზე.

მუზეუმში 4 სართულია, თითოეულ მათგანზე წარმოდგენილია საკუთარი ექსპოზიცია: აქ არის ექსპონატები შუა საკუნეების და აღორძინების, მე-19 საუკუნის ინსტრუმენტები. არის დარბაზიც, რომელიც მიძღვნილია მსოფლიოს სხვადასხვა ხალხის თანამედროვე მუსიკალური საკრავებისადმი. რა თქმა უნდა, ნახავთ 200 წლიან ორკესტრიონს, მექანიკურ ინსტრუმენტს, რომელსაც შეუძლია სხვადასხვა მუსიკის აჟღერება.

მუზეუმის თავისებურებას ისიც წარმოადგენს, რომ აქ არა მარტო საკრავების ნახვა შეგიძლიათ, არამედ მათი მომსენაც: ექსპოზიცია აღჭურვილია უსადენო საყურისებით,სადაც ჩაწერილია ექსპონატების „ხმები“. ყველაზე ცნობისმოყვარეებისთვის არის საშუალება შეიხედონ მუსიკალურ საამქროში და საკუთარი თვალით ნახონ თუ როგორ ამზადებენ ჭეშმარიტი ოსტატები სიმებიან საკრავებს.

მუზეუმი მუშაობს სამშაბათიდან პარასკევის ჩათვლით 09:30 დან 17:00 მდე. გამოსასვლელ და საზეიმო დღეებში – 10:00 დან 17:00 მდე. ბილეთი ღირს 8 ევრო

( სრული), 6 ევრო (პენსიონერები 65 წელს ზევით და ახალგაზრდები 25 წლამდე), 2 ევრო(4-18 წლის ბავშვები,შეზღუდული შესაძლებლობების მქონე პირები, უმუშევრები).

მისამართი: მეტრო ( 1 და 5 ხაზი, სადგური Gare Centrale ან  Parc, შესაბამისად), ტრამვაი N92 და 94( გაჩერება Royale) ან ავტობუსი N27,38,71 და 95( გაჩერება Royale).

ასევე წაიკითხეთ:

Posted in ბლოგი, კრებულები and tagged , .