ბალი

ზღაპრული კუნძული ბალი: წარმატებული დასვენების 10 საიდუმლო

ბრინჯის პლანტაციები და ვულკანები, ეგზოტიკური სამზარეულო და დამამშვიდებელი მასაჟი, დაივინგი, სერფინგი და წვეულებები ოკეანის სანაპიროებზე, წარმოუდგენე ლი სილამაზის ტაძრები და მუზეუმები – ჩვენ 10 რჩევა მოვუმზადეთ მათ, ვინც ბალიზე დასვენებას გეგმავს.

1. შესანიშნავი უბუდი

უბუდი – ისეთი ადგილია, რომელიც თქვენს მიერ ნანახ არც ერთ ადგილს არ ჰგავს. მდებარეობს მთიან ადგილზე, მწვანე  გორაკებით, ბრინჯის მინდვრებით, ჯუნგლებით, მდინარეებით გარშემორტყმული – ნამდვილი სამოთხე თვალებისა და სულისთვის. თუ ბალიზე პლაჟზე დასასვენებლად მიემგზავრებით, გირჩევთ უფრო მეტი გაიგოთ უბუდის შესახებ – სავსებით შესაძლებელია, რომ აქ რამდენიმე დღის გასატარებლად დარჩენაც კი მოინდომოთ.

უბუდი
სასტუმრო უბუდიში

ძველი უბუდი  ხელოვნების ყველა მოყვარულისთვის იქნება საინტერესო: ფერწერის სასახლე და საიუველირო ნაკეთობების გალერეა, ქალთა ხელოვნების გალერეა და ბალის ერთ-ერთი ყველაზე ცნობილი მხატვრის -ლემპადის სახლი, რომ აღარაფერი ვთქვათ ქალაქის საოცარი ტაძრებისა  და მხატვრების შესახებ, რომლებმაც თავიანთი მოლბერტებით მთელი ქალაქი შეავსეს.

2. სერფინგი ბალიზე

არ აქვს მნიშვნელობა, თქვენ გამოცდილი სერფერი ხართ თუ მხოლოდ ტელევიზიით გინახავთ „დაფაზე“ მოსრიალე ხალხი, ბალიზე ჩამოხვიდეთ და სერფინგით არ დაკავდეთ –  მიუტევებელი შეცდომაა.

სერფინგი ბალი
სერფინგის სკოლკა კუტაში

სასრიალოდ საუკეთესო ადგილია ქალაქი კუტა და ულუვატუ. კურორტი კუტა უფრო ახალბედებისთვისაა შესაფერისი: უფრო მშვიდი სანაპირო და მრავალი სერფინგის შემსწავლელი სკოლა, მათ შორის რუსულენოვანი მწვრთნელებით. ულუვატუ მხოლოდ პროფესიონალებისთვისაა, აქ საკმაოდ დიდი და მაღალი ტალღებია. სერფინგის გაკვეთილის საფასური 40 დოლარიდან იწყება.

3. პურა ბესაკიჰის ტაძარი

თუ საკმარისი დრო გაქვთ, აუცილებლად უნდა მოინახულოთ ბალის ღირსშესანიშნაობები. პურა ბესაკიჰის ტაძარი ბალის მთავარი სალოცავი და ინდონეზიის ერთ-ერთი უმსხვილესი ტაძრის კომპლექსია.

pura besakhis tadzari
პურა ბესაკიჰის ტაძარი

ტაძარი 1000 წლის წინ ვულკან აგუნგის ფერდობზე აშენდა და უფრო ბაღს მოგაგონებთ: უამრავი მცენარე, ეგზოტიკური ყვავილი, კიბე, პატარა და დიდი ქანდაკება და მრავალრიცხოვანი მერუ (მრავალიარუსიანი სახურავიანი კოშკი). ტერიტორიაზე 22 ტაძარია განთავსებული და თითოეული მათგანისგან საოცარი ხედი იშლება, რადგან კომპლექსი  1000 მეტრის სიმაღლეზე მდებარეობს.

4. ბალის სამზარეულო

ბალის, ისევე როგორც აზიის სხვა ქვეყნების  სამზარეულო, ჩვენთვის, რასაკვრიველია, ეგზოტიკურია იმ სანელებლებისა და პროდუქტების სიუხვის წყალობით, რომლებსაც ჩვენთან ვერ იპოვით, ამიტომ არ გეპატიებათ თუ ამ კერძებს არ დააგემოვნებთ.

balis samzareuli
Sate lilit-ბალის სამზარეული

Sate lilit – სხვადასხვა სახის სანელებლებით შეკაზმული  ზღვის პროდუქტების ფარში (ჯანჯაფილი, ხმელი ქინძი, კურკუმა და ა.შ.), ლიმონგრასის ღეროებზე ასხმული და ღია ცეცხლზე შემწვარი.

ბალის კიდევ ერთი პოპულარული კერძია – Babi guling, შემწვარი გოჭი, რომელსაც წინასწარ ბალახებისა და სანელებლების მარინადში დებენ რამდენიმე საათით, შემდეგ კი შამფურზე წვავენ. ამ კერძით როგორც  დახვეწილ რესტორნებში, ისე ქუჩის კაფეებში გაგიმასპინძლდებიან.

პოპულარული დესერტი Pisang goreng – შემწვარი პატარა „თაფლიანიბანანი ხრაშუნა ცომში ქოქოსის რძესთან ერთად, რომელსაც სხვადასხვა სოუსით მოგართმევენ.

„მათრობელი“ სასმელის მოყვარულებმა Bintang უნდა დააგემოვნოთ – ბალის ყველაზე პოპულარული ლუდი, რომელსაც საღამოობით მეგობრებთან ერთად პლაჟზე მიირთმევენ და მზის ჩასვლით ტკბებიან.

5. თვალწარმტაცი ბრინჯის მინდვრები

ბალის ბრინჯის მინდვრები უბრალოდ ლამაზი კი არა, სულისშემკვრელი სანახაობაა. გორაკებზე გადაჭიმული მწვანე ზოლები მთების, ტერასების პალმებისა და პლანტაციების გარშემო ირხევა.

ბრინჯის მინდვრები – ბალი

Jatiluwih Green Land – არა მხოლოდ თვალწარმტაცი ბრინჯის ტერასები, არამედ იუნესკოს მსოფლიო მემკვიდრეობის ნაწილია როგორც მსოფლიოს ერთ-ერთი უძველესი და ყველაზე ღირსეული ტრადიცია.

6. SPA და ბალის მასაჟი

მოგზაურობა – ეს არის დასვენება არა მხოლოდ სულისთვის, არამედ სხეულისთვისაც. ბალის SPA-ცენტრები განთქმულია თავისი სპეციალური პროგრამებით, რომლებიც მოიცაცენ სტრესისგან განთავისუფლებას, სისხლის მიმოქცევის გაუმჯობესებას და ორგანიზმის ტონიზირებას.

სპა ბალიზე

ეს არის ყველა სახის აბაზანა, სხეულის გადახვევის პროცედურები, სამკურნალო მასაჟი, წყალქვეშა თერაპია ზღვის ტალახის, სხვადასხვა ზეთისა და სამკურნალო ნაყენის გამოყენებით. პროცედურის ღირებულება 25-30 ევროდან იწყება.

7. საფარი და ნაკრძალები

კუნძულის ბუნებას ვერ გაეცნობით თუ მის მკვიდრებს არ ნახავთ. ამრიგად, ბალიზე სპილოების საფარი-პარკი მდებარეობს (ტაროში) – დიდი ნაკრძალი, სადაც შეგიძლიათ სპილოები არა მარტო  იხილოთ, არამედ გამოკვებოთ კიდეც და მათ მიერ შესრულებულ ნამდვილ წარმოდგენებსაც დაესწროთ.

სპილოების პარკი

ასევე გირჩევთ მაიმუნების ტყეში (უბუდში) შეიაროთ, სადაც პრიმატები აბსოლუტურად თავისუფლად ბინადრობენ. შეგიძლიათ  მათთან ერთად ითამაშოთ, ფოტოები გადაუღოთ, მაგრამ ყურადღებით იყავით, რადგან მათ შეუძლიათ თქვენი სამკაულები, კამერები თუ  ჩანთები დაიტაცონ.

8. დაივინგი ბალიზე

ბალიზე დაივინგი არანაკლებ პოპულარულია, ვიდრე სერფინგი. კუნძულის თითქმის ყველა კურორტზე დაივინგის სკოლები და ცენტრები არსებობს, რაც სავსებით გასაგებია, რადგან კუნძულის ნაპირებთან შთამბეჭდავი წყალქვეშა სამყაროა: მარჯნის ბაღები, კუები, ვარსკვლავები, ზღვის ღრუბლები, თევზები-ბაყაყები და თევზის სხვა იშვიათი სახეობები.

დაივინგის გაკვეთილის ღირებულება 45 დოლარიდან იწყება. რამდენიმე დღით დაივ-საფარიზე გამზავრების საშუალებაც არსებობს.

9. ვულკანი Batur Mount

Batur Mount – 1717 მეტრის სიმაღლეზე მდებარე ბალის ერთ-ერთი მოქმედი ვულკანია.

ვულკანის მწვერვალზე ასვლის შემდეგ შეგიძლიათ თავად ვულკანის ხედითა და მიმდებარე ტერიტორიის სილამაზით დატკბეთ, იხილოთ კალდერაში წარმოქნილი ტბა და კრატერებში ლავის დუღილს მოუსმინოთ, რომლისგან ჟრუანტელიც კი დაგივლით. ვულკანი ბოლოს 2000 წელს ამოიფრქვა.

10. ქალაქი კუტას ღამის ცხოვრება

ქალაქი კუტა ბალის ერთ-ერთი ყველაზე პოპულარული კურორტია, ამიტომ გასაკვირი არ არის, რომ საღამოობით კუნძულის ყველაზე ხმაურიანი წვეულებები სწორედ აქ იმართება.

კუტა ღამის ცხოვრება

ათეულობით კლუბი, ბარი, რესტორანი, საუკეთესო დიჯეები და პოპულარული საცეკვაო მუსიკა… რატომ არ უნდა გაერთოთ ერთი ღამე მაინც? დილით კი დაღლილმა, მაგრამ ბედნიერმა – ოკეანესთან მზის  ამოსვლას შეხვდით.

ყველაზე იაფი ავიაბილეთები Tbilisi-დან Denpasar Bali-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

12.05.2019

24.05.2019

2 stops

ფასი 2 070

02.06.2019

08.06.2019

1 stop

ფასი 2 611

01.07.2019

12.07.2019

2 stops

ფასი 2 356

17.08.2019

23.08.2019

2 stops

ფასი 2 688

20.10.2019

30.10.2019

1 stop

ფასი 2 294

01.11.2019

14.11.2019

1 stop

ფასი 2 324

01.03.2020

08.03.2020

2 stops

ფასი 2 642

Posted in ბლოგი, კრებულები and tagged , .