ავიაბილეთები ბალის მიმართულებით დენპასარი

ბალი ინდონეზიის ყველაზე პოპულარული და, შესაბამისად, ტურისტული თვალსაზრისით ყველაზე განვითარებული კურორტია. იგი ტურისტებს იზიდავს თავისი ველური ლანდშაფტებით, ტროპიკული ტყეებით, კინტამინის, გუნუნგ-ბატურისა და გუნუნგ-აგუნგის შთამბეჭდავი ვულკანებით, უძველესი ტაძრებითა და, რა თქმა უნდა, უსასრულო პლაჟებით. არცთუ ისე დიდი ხნის წინ ეს ქართველმა ტურისტებმაც გააცნობიერეს და, შესაბამისად, ბალის ტერიტორიის კვადრატულ კილომეტრზე საქართველოს მოქალაქეების რაოდენობა მნიშვნელოვნად გაიზარდა.

ყველაზე იაფი ავიაბილეთები Tbilisi-დან Denpasar Bali-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

24.11.2019

01.12.2019

1 stop

ფასი 3 195

16.01.2020

28.01.2020

1 stop

ფასი 2 851

29.02.2020

31.03.2020

3

ფასი 2 312

09.03.2020

23.03.2020

2 stops

ფასი 2 494

25.04.2020

02.05.2020

1 stop

ფასი 2 594

09.05.2020

14.05.2020

2 stops

ფასი 2 832

04.07.2020

13.07.2020

3

ფასი 2 861

კუნძული ბალი – უცხოური კულტურის საცავია. ამასთან ზოგჯერ მოგეჩვენებათ, რომ თავად ინდონეზიელებიც კი გაკვირვებული რჩებიან ადგილობრივი მოსახლეობის კულტურული მანერულობით. თუ თქვენი არჩევანი ამ კუნძულს ხვდა, არავითარ შემთხვევაში არ შემოიფარგლოთ „ბაუნტის“ სტილში პლაჟზე დასვენებით. როგორც ჩანს, ბალი ამისათვის სულაც არ არის შექმნილი. და ზღვის აბეზარი მიქცევა-მოქცევა ტურისტების საყვარელი პლაჟების გასწვრივ – თითქოს ამის უსიტყვო დასტურია. ამრიგად, რა არის ბალი?

ყველაზე იაფი ორმხრივი ავიაბილეთი Tbilisi -დან Denpasar Bali -მდე

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

25.04.2020

02.05.2020

1 stop

ფასი 2 594

09.03.2020

23.03.2020

2 stops

ფასი 2 494

ბალის პლაჟები

ტურისტების დიდი უმრავლესობა ბალიზე პლაჟზე დაუვიწყარი დასვენებისთვის ჩამოდის. აქ ნებისმიერს შეუძლია იპოვოს თავისი სამოთხის კუთხე. მაგრამ ძლიერი მიქცევა-მოქცევის, დიდი ტალღებისა და დინებების გამო, ყველა მათგანი არ არის შესაფერისი კომფორტული ბანაობისთვის. განსაკუთრებით კი, კუნძულის სამხრეთ ნაწილი, რომელსაც ინდოეთის ოკეანე აკრავს გარს.

ბავშვებსაც კი შეუძლიათ მშვიდად იბანაონ სანურზე. ეს არის პლაჟი მსხვილი, ბურღულეულის მსგავსი ყვითელი ქვიშით – აქ ტალღები პრაქტიკულად არ არის, მაგრამ ხშირია მოქცევები. მსგავსი პირობების მქონე კიდევ ერთი პოპულარული ტურისტული ადგილია ნუსა-დუა. სემინიაკში ბანაობა მხოლოდ მოქცევის დროს შეგიძლიათ, ახალგაზრდები კი ქალაქ ქუთას ანიჭებენ უპირატესობას. ეს ხმაურიანი წვეულებების გასამართი პლაჟი არ არის ცურვისთვის შესაფერისი დიდი ტალღების გამო. ჯიმბარანის დასახლების გრძელი სანაპირო ზოლი განსაკუთრებით კარგია სასეირნოდ, ხოლო პადანგ-პადანგი პატარა, მაგრამ მომხიბვლელია. გასაკვირი არ არის, რომ სწორედ აქ გადაიღეს კადრები ფილმიდან „ჭამე, ილოცე, შეიყვარე“.

ბალი ტურისტებს იზიდავს მთელი წლის განმავლობაში პლაჟზე დასვენების შესაძლებლობით. ყურადღებით შეარჩიეთ პლაჟები – ყველა მათგანი არ არის შესაფერისი კომფორტული ბანაობისთვის.

ჩრდილოეთ სანაპიროზე არ არის თეთრი ტროპიკული პლაჟები – აქ არის ვულკანური შავი ქვიშა, მაგრამ რბილი და სუფთა. წყალი მშვიდია და უფრო ტბას მოგაგონებთ, ვიდრე ზღვას. რეგიონის სავიზიტო ბარათი – ჯადოსნური მზის ჩასვლის ხედები და ტალღებში მოთამაშე დელფინებია. ლოვინის ადგილობრივი კურორტი ბუნებრივი ნაკრძალისა და ცხელი წყაროების მახლობლად მდებარეობს. იგი არ არის ისეთი განვითარებული, როგორც მისი სამხრეთ მეზობლები, სამაგიეროდ აქ სეზონზე არ არის ტურისტების დიდი ნაკადი.

შენიშვნა ნუდისტებისთვის: ბალიზე შიშველი გარუჯვა აკრძალულია.

აღმოსავლეთ სანაპიროზე მდებარე პლაჟები ვერ დაიკვეხნის დიდი ზომებითა და მზის ჩასვლის შთამბეჭდავი ხედებით, მაგრამ აქ შესანიშნავი პირობებია სნორკელინგისა და დაივინიგსთვის. კურორტი ამედი განთქმულია არა მარტო პროფესიონალური დაივინგ-ცენტრებით, არამედ საბანაოდ კარგი ადგილებით – მშვიდი წყალი, ქვიშისა და კენჭების ფსკერი. დასავლეთ სანაპირომ პირვანდელი სილამაზე შეინარჩუნა – აქ პლაჟის ორგანიზებული დასვენება არ არის კარგად განვითარებული. ამ ადგილებში კლდოვანი ნაპირები დომინირებს, საიდანაც ინდოეთის ოკეანის წარმოუდგენელი ხედები იშლება.

სერფინგი

ბალიზე დასვენების დროს უბრალოდ სისულელე იქნებოდა არ გეცადათ აქაური მთავარი სპორტის სახეობა – სერფინგი. სერფინგის შესასწავლად მთავარი ადგილებია ქუთა (ახალბედებისთვის) და ულუვატუ (პროფესიონალებისთვის). ქუთას პლაჟზე უამრავი სერფინგის სკოლაა, მათგან ყველაზე დიდი და ცნობილი ცენტრში მდებარე Rip Curl და Pro Surf-ია. გაკვეთილის დაწყებამდე ორივე სკოლა მკვეთრი ფერის ფორმას გასცემს – შორტებსა და მაისურს, რათა მზეზე არ დაიწვათ და ინსტრუქტორს წყალში თავისი მოსწავლეების დანახვა გაუადვილდეს. Rip Curl-ში ახალბედებს ჩაფხუტს აძლევენ, Pro Surf-ში – რბილ დაფას (ორივე შემთხვევაში – რომ არ დაშავდეთ). Pro Surf-ში ასევე არის საცურაო აუზი, სადაც ტალღების დაღლილ დამპყრობლებს დასვენება შეუძლიათ სტიქიასთან დაძაბული ბრძოლის შემდეგ.

ულუვატუში შესანიშნავი ტალღებია – გრძელი, მაგრამ არცთუ ისე დიდი და, რაც მთავარია, მუდმივი. თუმცა აქ სერფინგი საკმაოდ საშიშია და მხოლოდ გამოცდილი სპორტსმენებისთვის გამოდგება.

ბალიზე ახალბედა სერფინგისტებს უნდა ახსოვდეთ ულტრაიისფერი გამოსხივების ადგილობრივი დონე. კუნძულზე დამწვრობის მიღება მარტივზე მარტივია, ხოლო დამწვრობისაგან მიღებულმა ტანჯვამ შესაძლოა ადვილად დაგაკარგინოთ შვებულების რამდენიმე ძვირფასი დღე. ამიტომ, პირველ რიგში, აუცილებლად ჩაიცვით ჰიდრომაისური, მეორეც, სპეციალური მზისგან დამცავი საშუალებები გამოიყენეთ (ცნობილი ბრენდების ჩვეულებრივი ლოსიონები, სავარაუდოდ, არ გამოდგება: ტალღები მათ რამდენიმე წუთში მოგაშორებთ). უმჯობესია სახე თუთიის მალამოთი დაიფაროთ, რომელიც, მიუხედავად იმისა, რომ ძნელად ჩამოსაბანია, წყალში კანს საიმედოდ იცავს 3 საათის განმავლობაში მცხუნვარე მზის ქვეშ. სხეულის დანარჩენი ნაწილები შეგიძლიათ 40 ან მეტი SPF-ის მქონე კრემებით დაიცვათ. თუ ვინიცობაა კრემი ვერ დაგეხმარათ, გამოიყენეთ ალოეს საფუძველზე დამზადებული სპეციალური საშუალებები (მწვანე გელი), განსაკუთრებით მძიმე შემთხვევებში – ლიდოკაინი (ცისფერი), რომლის ბალიზე საუკეთესო ბრენდია – Banana Boat.

სერფინგის დაუფლებამდე პირველ რიგში შეიძინეთ ზღვის მოქცევის ცხრილი, შემდეგ რამდენიმე დღით გრძელი სასწავლო ლონგბორდი იქირავეთ და მხოლოდ ამის შემდეგ გადადით უშუალოდ სერფზე. სავსებით შესაძლებელია, რომ ერთ კვირაში ისწავლოთ დგომა, ტალღების დაჭერა და გამოცურვა. ადგილობრივმა ინსტრუქტორებმა რამდენიმე სიტყვაც კი ისწავლეს რუსულად, მაგალითად: „ნიჩაბი მოუსვი“.

ასევე წაიკითხეთ:

Posted in ავიაბილეთები, ინდონეზია and tagged , , , .