დასვენება ზღაპრულ ბალიზე: 10 რამ, რაც მოგეწონებათ

ადამიანების უმეტესობის წარმოდგენით ბალი უბრალოდ სამოთხეა დედამიწაზე და მისი ეს სახე აქტიურადაა მხარდაჭერილი თვალსაჩინო ფოტოებით. რა უნდა ქნათ მაშინ, როცა კუნძულზე ჩამოსვლის შემდეგ დგახართ პლიაჟზე და შეგექმნათ წარმოდგენა, რომ ეს ყოველივე სხვაგვარად ჩანს, პალმებიც ბაუნტი არ არის… 

პასუხი მარტივია: იქ არ დგახართ!

სად მდებარეობს ის გადამალული სამოთხის პლიაჟები და რით გაირთოთ თავი დასვენებაზე სწორედ იმ უნიკალური კუნძულის კოლორიტის შესაგრძნობად წაიკითხეთ ქვემოთ.

წინდაწინ დავთქვათ, რომ ბალი ხალხმრავალი ტრაფიკის მქონე ინდონეზიის დიდი კუნძულია. მისი ერთი კუთხიდან მეორეში სწრაფი გადანაცვლება არ მოხერხდება, ამიტომ დღეს ვისაუბროთ მხოლოდ კუნძულის ცენტრალურ და სამხრეთ ნაწილებზე.

მაშ ასე, თქვენი „to do list“ ფურცელი შეიძლება შემდეგნაირად გამოიყურებოდეს:

1. სიმბოლურ ფასად ეგზოტიკური ზღვის პროდუქტებით სიამოვნების მიღება

პლიაჟი ჯიმბარანი  განთქმულია თავისი თევზის რესტორნებით ზღვის სანაპიროზე. ხის მაგიდები ქვიშაში, თეთრი სუფრები, შესაფერისი (სულაც არა იაფი) საფასურით – ეს ყოველივე მშვენივრად გამოდგება კომფორტს მიჩვეული ტურისტებისათვის. მაგრამ, თუკი სული თავგადასავლებისკენ მიილტვის, ღირს ეწვიოთ აქვე სიახლოვეს განლაგებულ თევზის ბაზრობას. ახლო–მახლო რესტორნები ზღვის პროდუქტებს სწორედ აქ ყიდულობენ. როცა ეგზოტიკური ბინადრების ასეთ ნაირსახეობას ხედავთ, ხელი უმალ გაგირბით ფოტოაპარატისაკენ, მაგრამ პირველ რიგში ეს დღესასწაულია გურმანებისათვის – შეგიძლიათ შეარჩიოთ ის, რაც მოგეწონებათ და აქვე ახლომახლო მოამზადოთ თქვენი „ნადავლი“.

პროცესი მეტად მარტივია: ამოირჩევთ კრევეტს, თევზს, ლობსტერს, ნიჟარას, ზღვის ცხენს, ევაჭრებით გამყიდველს, შემდეგ კი აწვდით აქვე ახლომახლო მდგომ გრილის ოსტატებს, რომლებიც სიმბოლურ ფასად მოამზადებენ თქვენთვის საუცხოო გრილს. მომზადების საფასური დამოკიდებული არ არის თევზის სახეობაზე და მხოლოდ მისი წონით განისაზღვრება. მოლოდინში შეგიძლიათ შეიქციოთ თავი ახალი ქოქოსით, ადგილობრივი მცხოვრებლების დაკვირვებითა და ზღვის ცქერით.

ნახევარი კილოგრამი დიდი კრევეტები და ორი საშუალო ზომის თევზი დაგიჯდებათ დაახლოებით $ 5, მომზადება და ქოქოსი – $ 3. ჯამში: $ 8 შესანიშნავი ვახშმისათვის ორ კაცზე.

2. ვისწავლო მარჯვე სერფერობა

ბალის პლიაჟები რეგულარულად შედის სერფინგისათვის მსოფლიოს საუკეთესო ადგილების TOP-ში. თუ ტალღის დამორჩილებაზე დიდი ხანია ოცნებობთ, შეგიძლიათ ამ კუნძულზე აიხდინოთ ოცნება. დამწყებთ შორის ყველაზე პოპულარულია აეროპორტის სიახლოვეს დენპასარეში მდებარე პლიაჟი კუტი . უნდა იცოდეთ, რომ ის პლიაჟები, რომლებზეც ტალღები იდეალურია დამწყები სერფერისათვის, ხალხით გადავსებულია და ძნელია მათ სამოთხის კუთხე ეწოდოს. ამიტომაც, თუ წარმოგიდგენიათ საკუთარი თავი როგორ აპობთ ტალღებს პროფესიონალებით სავსე უმშვენიერეს პლიაჟებზე, სერიოზული ჯაფის გაწევა გმართებთ უმოკლეს ვადებში სერფინგის დაფის დასაუფლებლად.

იმ მოგზაურთათვის, ვისაც ესმის, რომ მოკლე შვებულება არასაკმარისი იქნება ახალი ჰობის – სერფინგის სრულფასოვნად დასაუფლებლად, ხოლო ატკივებული კუნთებით გარუჯვის სურვილი შეიძლება საერთოდაც გაქრეს, არსებობს ალტერნატივა. მიემგზავრებით Pantai Suluban Uluwatu beach (Blue Point), ადიხართ სათვალიერებელ მოედნებზე და ტკბებით მთელი მსოფლიოდან შეკრებილი პროფესიონალი სერფერების მიერ დადგმული უფასო შოუს ყურებით თქვენი საყვარელი კოქტეილის წრუპვით. ულამაზესი ხედი, შესანიშნავი გემი ნაპირთან და მშვენიერი ტალღები – აქაურობის არა ერთადერთი ღირშესანიშნავი ადგილია. ოკეანეში შესასვლელი – ეს დაახლოებით წელამდე წყლით დაფარული ხმელეთის მცირე ნაწილია ოკეანის უბეში. სწორედ ამ კლდეებიდან იწყებენ სერფერები ღია ოკეანეში გასვლას.

3. ციცაბო კლდის მწვერვალიდან ხედით დავტკბე

კუნძულის სამხრეთ ნაწილში განთავსებულია ტაძარი Pura Luhur Uluwatu, რომელიც გადმოცემის თანახმად ავი სულებისაგან იცავს კუნძულს. ტაძარი თავისებური და საინტერესოა, ხოლო ის კი, რაც ნამდვილად მოახდენს შთაბეჭდილებას – ეს ოკეანეზე მწვერვალიდან გადაშლილი წარმოუდგენელი ხედია!

ვერტიკალური, 100 მეტრიანი სიმაღლის კლდეებზე მინარცხებული ძლიერი ტალღების სილამაზის გადმოცემა, ალბათ, წარმოუდგენელია. გთავაზობთ ეს სანახაობა საკუთარი თვალებით იხილოთ და შეეცადოთ დეტალურად დაიმახსოვროთ. ზამთრის ცივ დღეებში სასიამოვნო იქნება გასახსენებლად.

4. გავსინჯო მსოფლიოში ყველაზე ძვირადღირებული ყავა

ყავის ბევრმა მოყვარულმა იცის, რომ მსოფლიოში ყველაზე ძვირადღირებული ყავა მუსანგების განსაკუთრებული კუჭის მონელების პროცესის წყალობით წარმოებული კოპი–ლუვაკია. პროცესი დაახლოებით შემდეგნაირად მიმდინარეობს: ისადილა ცხოველმა ყავის მარცვლებით, გადაამუშავა ისინი, მოცვივდნენ კოფემანები, უმალ გაწმინდეს, შებრაწეს და შეუდგნენ დეგუსტაციას.

ბალიზე განთავსებულია უამრავი ფერმა, რომლებზეც ხდება ამ საყვარელი ცხოველების მოშენება და მცირე ანაზღაურების საფასურად ($ 5–10) მზად არიან შემოგთავაზონ სხვადასხვა სასმელი სადეგუსტაციოდ, მათ შორის განთქმული კოპი–ლუვაკი. ზოგიერთი მცოდნე ამბობს, რომ ფერმაში გემო შეიძლება განსხვავებული იყოს, მუსანგები ხომ მოკლებულია ყველაზე გემრიელი ყავის ნაყოფის არჩევანის გაკეთების შესაძლებლობას და იკვებებიან იმით, რასაც აძლევენ.

5. უბუდას ჯუნგლებში ვიცხოვრო

უბუდი ტყუილად არ მოიაზრება კუნძულის სულად და გულად. ჯუნგლების გარემოცვაში სრული სიმშვიდისა და რელაქსის შეგრძნება, თვალწარმტაცი სათვალიერებელი მოედნები, უძველესი ტაძრები, მთის მდინარეები და რაღა თქმქა უნდა, ბუნების ნაჯერი მწვანე ფერი. სასტუმროები და გესთჰაუსები უდუბეში მრავლადაა. მაგალითისათვის შეიძლება დაბინავება ფართოდ ცნობილ სასტუმრო „ჩამოკიდებული ბაღები“ $ 1600 დღეღამეში.

ასევე, შეგიძლიათ გაეცნოთ შეფასებებს და გესთჰაუსის შერჩევა ჯუნგლებზე ხედით მხოლოდ $ 15 საფასურად ღამეში – Pondok Bali Ubud Guest House, Timo House Ubud ან Lotus Villa Ubud.

უბუდის ჯუნგლები

ბუნების ცქერის გარდა უბუდეში შეიძლება ცენტრალურ ქუჩებში სეირნობა, საინტერესო სამკაულების, ტანისამოსისა და ხელნაკეთი სუვენირების პოვნა ადგილობრივ ფარდულებში, ასევე გასინჯოთ შავი ნაყინი ნახშირით.

 

რჩევა: ტრაფიკი უბუდეში მეტისმეტად ხალხმრავალია, ამიტომ აჯობებს დილიდან ადრევე გასვლა და თანაც მოპედით. ავტომანქანები ვიწრო ქუჩებში პრაქტიკულად უმოძრაოდ დგას, მაშინ როცა მოპედით გვერდს აუვლით ნებისმიერ წინაღობას და გაცილებით სწრაფად იმგზავრებთ.

6. სტუმრად ვეწვიო მაიმუნებს

მაიმუნები აზიაში – სულაც არ არის იშვიათობა: მათი შემჩნევა შეიძლება ადამიანთა თავყრილობის ბევრ ადგილას ან პარკებში. მაგრამ ბალიზე არის ერთი ადგილი, სადაც 12,5 ჰა ტყის ტერიტორიაზე ცხოვრობს მათი 700 წარმომადგენელი. ეს ადგილი ასევე იწოდება – მაიმუნების ტყე (Monkey Forest). ტროპიკული ტყეების ჩრდილში სასეირნოდ, ბალინეზიური სტილის ნაგებობებისა და რა თქმა უნდა, ტერიტორიაზე თავისფლად მოსეირნე და ტურისტებს მიჩვეული უამრავი მაიმუნის დასათვალიერებლად მშვენიერი ადგილია.

გახსოვდეთ, რომ მაიმუნი მაინც გარეული ცხოველია და ადამიანის პირდაპირი მზერა მათ მიერ აღქმული იქნება მუქარად, რის შესახებაც გამაფრთხილებელი პლაკატები უხვადაა ტყეში. ყველა ბრჭყვიალა და ცუდად დამაგრებული მოსართობი, სათვალე და სხვა ნივთი კარგად უნდა დამალოთ და ჩანთებიც როგორც საჭიროა დახუროთ, მაიმუნები ხომ განთქმული არიან ზედმეტი ნივთისაგან ტურისტების განთავისუფლების უნარით☺

7. გასეირნება ბრინჯის ველებზე

ბრინჯი ბალიზე, ისევე როგორც აზიის დიდ ნაწილში, ნებისმიერი ოჯახის ძირითად პროდუქტს წარმოადგენს. შესაბამისად მიწათმოქმედებისათვის გამოყენებულია ყველა მისაწვდომი ფერდობი. ბორცვების სრულად მორწყვის შესაძლებლობის მომცემი განსაკუთრებული სისტემა იწოდება სუბაკად და შეტანილ იქნა იუნესკოს მემკვიდრეობათა სიაში. ბრინჯის ყველაზე საინტერესო და ფართო ველებს ჯატილუვიხი (Jatiluwih) წარმოადგენს.

უბუდიდან აქ ჩამოსასვლელად რამოდენიე საათი დაგჭირდებათ, ამიტომ ალტერნატიულ ვარიანტად შეიძლება გამოდგეს ქალაქთან ახლომდებარე ტეგალალანგის (Tegalalang) ბრინჯის ტერასები.

8. სპილოს მოხვევა

მოგზაურები, რომლებიც ტაილანდში ან შრი–ლანკაზე სპილოზე სეირნობდნენ, იტყვიან, რომ სპილო მათ უკვე ვეღარ გააოცებს. თუმცა შეუძლებელია არაფერი ვთქვათ ბალის ნაკრძალის შესახებ, სადაც ცხოვრობენ გადარჩენილი სპილოები. თქვენ გელოდებათ: მოვლილი მწვანე ტერიტორია, საინტერესო შოუ, რომლისთვის თვალის დევნება შეიძლება ახლოდან, სპილოების ძალისა და უნარების დემონსტრირება, მათზე გასეირნება და რა თქმა უნდა, მოხვევაც.

მოზარდებისთვის შესვლა: ~ $30

მოზარდისთვის შესვლა სპილოზე გასეირნებით: ~ $100

9. ნატურალური ბალის კოსმეტიკის გასინჯვა

ბალიზე გამგზავრების წინ, ყურადღება მივაქციეთ აღტაცებულ შეფასებებს ადგილობრივ ფორუმებზე ნატურალური ბალის კოსმეტიკის შესახებ. დაინტრიგებულებმა აღვნიშნეთ რუქაზე რამოდენიმე წერტილი, სადაც ღირს მოხვედრა. ერთერთი მათგანი „By-cosmetics–ის“ მწარმოებელი პლანტაცია აღმოჩნდა. ფირმა ამაყობს მხოლოდ ნატურალური ინგრედიენტების გამოყენებით: ყველა პროდუქტის შემადგენლობაში მხოლოდ უშუალოდ ამ პლანტაციაზე მოწეული მცენარეებია.ზოგადად, გამოვიდა სარგებლობა სარგებლობაზე. ამოვირჩიე 100 მლ–მდე მოცულობის ქილები, რომელთა გატანა შეიძლება ხელჩანთით.

ნახევარწლიანი მოხმარების შემდეგ შემიძლია შევმატო ჩემი პირადი გასაოცარი მოსაზრება სხვა შემფასებლების მიერ ხარისხიანი პროდუქტების შესახებ გაკეთებულ შეფასებებს. სიტყვამ მოიტანა, მათ დაიწყეს თავიანთი პროდუქციის დსთ–ს ქვეყნებშიც მიწოდება. ბალიზე წარმოდგენილი სხვა კოსმეტიკური ფირმები ასევე იმსახურებს ყურადღებას: Blue Stone Botanicals (პროდუქტების ფართო მწკრივი), Utama Spice (შესანიშნავი კრემებით ტანისათვის), Inspired by Bali (სერფერებისათვის ცნობილი მზის დამცავი საშუალებით).

10. მოდუნება და კუნძულის ატმოსფეროს შეგრძნობა

ბალი მეტად არაერთგვაროვანი კუნძულია: ერთნი ჭკუას კარგავენ მასზე, მეორენი კი ვეღარ მიმხვდარან, რა აცვიფრებს ამ პირველებს. რა თქმა უნდა, აქ არის ისიც, რასაც არ წერენ მეგზურებში: ჯიბის ქურდები პლიაჟებზე, ვალუტის თაღლითი გადამცვლელები, ყოველთვის სისუფთავეში როდი მყოფი საზოგადოებრივი პლიაჟები, ძლიერი ტალღები, წყალქვეშა დინებები და ასე შემდეგ. თუმცა, ყოველივე ამის მიუხედავად, ბალი ყოველწლიურად იზიდავს ადგილობრივი ატმოსფეროს შეთვისებულ უამრავ ტურისტს, რომლებიც არ ცდილობენ კუნძულის რეალობასთან ბრძოლას და უბრალოდ ტკბებიან კუნძულით, ყურადღებას აქცევენ და იმახსოვრებენ რა მხოლოდ ყველაზე საინტერესოს, კოლორიტულსა და საოცარს!

ბაიკის წყალობით შევძელი კუნძულის სამხრეთი ნაწილის პლიაჟის შემოვლა. აი ჩვენი შეხედულებით 5 იდეალური პლიაჟი. იდეალურის ქვეშ ვგულისხმობ: სუფთა, ლამაზი, ეგზოტიკური, აუცილებლად ცურვისთვის ვარგისი და ლაჟვარდოვანი წყლით☺

1. Thomas beach

მშვენიერი ნაკლებად ცნობილი პლიაჟი ცურვისათვის ფირუზისფერი წყლითა და სუფთა ქვიშით. რა თქმა უნდა, ყველაფერი ასე მარტივად არ არის – მასზე მოხვედრა შესაძლებელია მხოლოდ მაღალი მთის საფეხურიანი დაღმართის გადალახვის შემდეგ.

ეს კი იმად ღირს, აქ ხომ შესაძლებელია გაძღომამდე ბანაობა, ნახევრად ცარიელ პლიაჟზე გარუჯვა, ამის შემდეგ კი წაიხემსოთ ერთერთ კაფეში.

2. Padang Padang

ეს პლიაჟი ცნობილი გახდა მასზე მხატვრული ფილმის „ჭამე, ილოცე, შეიყვარეს“ გადაღების წყალობით. გახსოვთ, ექსპატებისათვის განკუთვნილ ბარში საღამოს წვეულების შემდეგ ფილმის მთავარი გმირი ქალი თაყვანისმცემელთან ერთად განცალკევდება პლიაჟზე, რომელიც სთავაზობდა მას შიშვლად ბანაობას.

პლიაჟი სინამდვილეში მშვენიერია: ქვიშიანი, კლდეებით გარშემორტყმული, მხოლოდ ერთი შესწორებით – ფართობით მცირეა, ამიტომ იქ მოსახვედრად შეარჩიეთ ან ადრიანი დილა ან წვიმიანი ამინდი, როცა იქ სულ ცოტა ტურისტიღაა. მეორე ვარიანტის გასინჯვა შემთხვევით მოგვიხდა. როცა მოვხვდით ამ პლიაჟზე, პატარა წვიმა დაიწყო და ყველა ტურისტი, რომლებიც იქ უხვად არიან, გაეცალა იქაურობას და დარჩნენ მხოლოდ მეთევზეები, კლდეების ქვეშ მჯდომი და გიტარაზე დამკვრელი ადგილობრივი ბიჭები და რამოდენიმე მამაცი ტურისტი. ამიტომ, თუ დილაადრიანად გიყვართ გაღვიძება ან ამინდის პროგნოზის მიხედვით დღეს თბილი, ზაფხულის წვიმაა მოსალოდნელი, შეგიძლიათ თამამად გაემართოთ! წვიმის ქვეშ ცურვა დაუვიწყარია!

პლიაჟზე შესვლა ფასიანია (~ 1$) და მასზე მოხვედრა შეგიძლიათ ორ კლდეს შორის ვიწრო გასასვლელის გავლით.

3. Green bowl beach

კიდევ ერთი ხატოვანი პლიაჟი ლაჟვარდოვანი წყლით და როგორც ყოველთვის უცხო თვალისგან გადამალული. არ დავიზარე და დავითვალე: მაღალი მთიდან დაღმართსა და აღმართზე გასავლელი გაქვთ 326 მაღალი საფეხური ამ პლიაჟით ტკბობისათვის.

პლიაჟის თავისებურებები: დინება სხვადასხვა ადგილებში იცვლის მიმართულებას. ნაპირთან წყალში თუ წევხართ შეიგრძნობთ, თუ როგორ შეიცვალა დინება და იწყებს თქვენს ჩათრევას. პლიაჟის მეორე თავისებურება: პერიოდულად ნაპირიდან 20 მეტრში წყალი მიდის და ჩნდება ფსკერი. მესამე თავისებურება: ნაპირისკენ მოემართება დიდი და ძლიერი ტალღები, თუმცა ენარცხებიან მეჩეჩს და მიზანს ვეღარ აღწევენ. შესანიშნავი ადგილია ოკეანის სტიქიის მთელი ძლიერების შესაფასებლად.

4. Pantai Pandawa beach

მორიგი ხატოვანი პლიაჟი, რომელთანაც მიმავალი გზა წარმოადგენს თვალწარმტაც კლდეებს შორის გასასვლელს. ამ ჯერზე არ მოგიწევთ ცოცვით ასვლა–დასვლა: მშვენიერი მოასფალტებული გზა პირდაპირ წყლამდე მიდის. გაძლევთ რეკომენდაციას, ნუ დაიზარებთ და გაემართეთ მარჯვენა მხარეს ძირითადი შესასვლელისგან, იქ ნაკლები ხალხმრავლობაა, ხოლო წყალი კი ისეთივე ლაჟვარდოვანი ფერის.

წყალში შესვლისთანავე მცირე ზომის ნიჟარებია და შეგიძლიათ კომფორტისათვის რეზინის ჩუსტები ჩაიცვათ. პლიაჟე არის საწოლაკები და ახლომახლო მდებარე კაფეებიც. ტურისტებით განებივრებული ადგილობრივი გამყიდველები უხალისოდ შემოდიან ვაჭრობაში, სხვა ადგილებისაგან განსხვავებით. ასევე იყავით ყურადღებით: სიფხიზლის მიუხედავად სწორედ ამ პლიაჟზე გაურკვეველი მიმართულებით გაუჩინარდა ჩვენი მობილური ტელეფონი.

5. Nikko beach – ერთადერთი და განუმეორებელი პლიაჟი, რომელიც ყველაზე მეტად შეიჭრა მეხსიერებაში და უკვე ასოცირდება ბალისთან!

ვაქირავებთ ობიექტს: გაივლით სასტუმრო ჰილტონს და შეუხვევთ ვიწრო სოფლის შარაგზაზე, ტყის გზას დაადგებით. სულ რაღაც 20 მეტრის შემდეგ დატოვეთ ბაიკი და შემდეგ ქვემოთ ზღვისკენ, ფეხით ქვიშის კარიერის გავლით. შარშან იქ აქტიურად მუშაობდა ექსკავატორი და შეიძლება უკვე გზაც არის გაყვანილი. პლიაჟზე მიამვალი დაღმართის დასრულების შემდეგ აუცილებლად მოუხვიეთ მარცხნივ და მიდიხართ პლიაჟის ბოლომდე. იქ თვალწინ გადაგეშლებათ კლდეებით გარშემორტყმული პატარა განცალკევებული ზღვის უბე.

საოცარი ადგილია სამოთხის სურათების გადასაღებად. უკაცრიელი ადგილია, ზღვა ყველაზე ლამაზი ფერისაა ოდესმე ჩემს მიერ ნანახი და მაღალი ტალღები. დარწმუნებული ვარ, რომ ეს ადგილი დიდი ხნით დარჩება ტურისტების უმრავლესობისათვის დამალული, ამიტომ იჩქარეთ მისი ნახვა!

ყველაზე იაფი ავიაბილეთები Tbilisi-დან Denpasar Bali-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

24.12.2018

10.01.2019

2 stops

ფასი 2 506

29.01.2019

20.03.2019

2 stops

ფასი 1 935

01.02.2019

15.02.2019

2 stops

ფასი 2 010

04.08.2019

09.08.2019

1 stop

ფასი 2 927

sastumroebi
Posted in ბლოგი and tagged , .

მალხაზ კევლიშვილი