3 დღე პარიზში: გზამკვლევი გიდისგან ყველაზე საინტერესო ადგილებში

სამი დღე, რა თქმა უნდა, ძალიან მცირეა იმისათვის, რომ მრავალფეროვანი, ისტორიული და გასტრონომიული პარიზი გავიცნოთ . ულამაზესი საფრანგეთის ორი ათასი წლის  დედაქალაქს ბევრი რამ შეუძლია გიამბოთ ! თუმცა, თუ შეუძლებლის გაკეთებას შევეცდებით და  პარიზს  მაქსიმალურად მოკლე ვადაში მოვინახულებთ, მაშინ ეს აუცილებლად ფრანგულ სტილში უნდა გავაკეთოთ: აუჩქარებელი პრომენადებით პარკების ხეივნებში, პარიზის კაფეების ტერასებზე ყავისა და ნამცხვრების დაგემოვნებით და უთუოდ – სიამოვნების მისაღებად.

პოლინა დორონინა – ერთერთი საუკეთესო გიდი პარიზში – სპეციალურად www.aviabiletebi.org -სთვის შეადგინა იდეალური მარშუტი ქალაქის ირგვლივ.

ასევე იხილეთ: იაფი ავიაბილეთები პარიზის მიმართულებით
დაჯავშნეთ -20% ფასდაკლებით: პარიზი: 1 საათიანი კრუიზი სენაში ეიფელის კოშკიდან

დღე 1 . ჟანრის კლასიკა

1 . ქალაქის რატუშა ან პარიზის მერია, Hotel de ville

ქალაქთან გაცნობა  მოსახერხებელია პარიზის მერიის წინ მდებარე მოედნიდან, აქედან ნოტრ-დამი და კუნძული სიტე ხელის გაწვდენის მანძილზეა . და თუ დიუმას, ბალზაკისა და სხვა ფრანგი კლასიკოსების რომანებს იცნობთ, მოედნის ძველი სახელი თქვენთვის მრავლისმთქმელი იქნება – კეთილი იყოს თქვენი მობრძანება, ეს  გრევის მოედანია!

შუა საუკუნეებში ადამიანები აქ სამუშაოს საძიებლად მოდიოდნენ: სენას დამრეცი ნაპირი სამდინარო ხომალდებიდან ტვირთის დაცლის საშუალებას იძლეოდა . ეს არის მოედანი,  სადაც პირველი მუნიციპალური ორგანი ჩამოყალიბდა და პირველი პარიზელი პრევო აირჩიეს სამდინარო გილდიის ვაჭრებისგან . მოედანი, სადაც წვრილფეხა ქურდებს, ჯადოქრებსა და გრძნეულებს სიკვდილით სჯიდნენ,  აზნაურებს თავს კვეთდნენ და სასტიკად უმკლავდებოდნენ მეფის მკვლელობის მცდელობაში ბრალდებულებს.

დღეს კი მოედანს ბნელი წარსულის კვალიც კი არ დარჩენია: პარიზის მერიის რენესანსის სტილში აგებული შენობა ათასობით აღტაცებულ თვალსა და ობიექტივს იზიდავს.

ვიზიტის რეკომენდებული ხანგრძლივობა: 5 წუთი

2 . კუნძული სიტე – პარიზის სულიერი და ისტორიული შუაგული

მერიის მოპირდაპირე მხარეს, სენას მარჯვენა სანაპიროზე, ხიდზე გადასვლის შემდეგ მდებარეობს… არა, ჯერ მარცხენა სანაპირო კი არა, არამედ კუნძული სიტე, რომელიც ქალაქის ისტორიის პირველ ათ საუკუნეში პრაქტიკულად მთელ პარიზს წარმოადგენდა!

საღამოს კრუიზი სენაზე მუსიკით: დაჯავშნა

კუნძულზე მდებარეობს პარიზის ღვთისმშობლის ტაძარი – ნოტრ-დამ-დე-პარი; ნამდვილი შუასაუკუნეების ციხესიმაგრე – კონსიერჟერი (სადაც სიკვდილით დასჯამდე მარი ანტუანეტი ჰყავდათ დაპატიმრებული), ლუი IX-ის სენტ-შაპელის სამლოცველო უჩვეულოდ ლამაზი ვიტრაჟებით, დოფინების მოედანი (პარიზის ერთ-ერთი პირველი მოედანი)…

კუნძულის დასავლეთ ნაწილში ყურადღება მიაქციეთ ახალ ხიდს . ეს პარიზის უძველესი ხიდია!

ვიზიტის რეკომენდებული ხანგრძლივობა: 1-1.5 საათი კონსიერჟერისა და სამლოცველოს მუზეუმების მონახულების გარეშე

3 .

გადმოიწერე ჩვენი მობილური აპლიკაცია!

მოიძიე ავიაბილეთები და სასტუმროები ყველაზე იაფად!

APP გადმოწერა

ნოტრ-დამ-დე-პარი

ტაძარი კუნძულის აღმოსავლეთ ნაწილში მდებარეობს და მერიასთან მდებარე ხიდის გადაკვეთისას უკვე მოჩანს მისი მაღალი გოტიკური კოშკები და ცაში აღმართული ლითონის შპილი.

ნოტრ-დამი – საფრანგეთის შუაგულია, მისი მთავარი კათოლიკური ტაძარი; ადგილი, სადაც უფლის ეკლის გვირგვინი ინახება, სადაც ნაპოლეონ ბონაპარტის იმპერატორად კურთხევის ცერემონია გაიმართა . საკათედრო ტაძარში შესვლა უფასოა, მაგრამ ტაძრის კოშკებში ასასვლელად, საიდანაც პარიზის ულამაზესი ხედები იშლება, თქვენ გადახდა და რიგში დგომა მოგიწევთ.

ვიზიტის რეკომენდებული ხანგრძლივობა: 1-1.5 საათი საკათედრო ტაძრის კოშკებზე ასვლის გარეშე

სამუშაო საათებია: ტაძრის კოშკებზე 10 საათიდან შეგიძლიათ ასვლა

4 . ლუვრი და ტიულრის სამეფო ბაღი

ახალი ხიდიდან ლუვრი ხელის  გაწვდენის მანძილზეა ! კუნძულიდან კვლავ მარჯვენა სანაპიროზე დაბრუნდით და პარიზის ბუკინისტების რიგების გავლით სანაპიროს გასწვრივ გაიარეთ . წიგნი ფრანგულ ენაზე ან პლაკატი გასული საუკუნის დასაწყისის ჟურნალიდან შესანიშნავი სუვენირებია!

ხოლო ამ მიმართულებით ლუვრთან გაცნობა თქვენთვის ადგილობრივი თხრილით დაიწყება, რომელიც თვითმხილველთა თქმით, ლუვრის მაცხოვრებლებს უამრავ საზრუნავს უქმნიდა და სასახლის ჰაერს აბინძურებდა.

თამამად გაიარეთ კვადრატული ეზოდან ლუვრის მთავარი ეზოს ცენტრალურ კარიბჭეში – და აი, თქვენ უკვე არქიტექტორი მინ პეის შუშის პირამიდებს შორის ხართ . შემდეგ თქვენ გზად შეხვდებით პირველ (ხელოვნებათმცოდნეების აზრით წარუმატებელ) ნაპოლეონის ტრიუმფალურ თაღს, „კარუსელ დუ ლუვრს“, ხოლო მის უკან თავად ტიულრის სამეფო ბაღი მდებარეობს.

პარიზი: ლუვრის მუზეუმის წინასწარი დროზე შეთანხმებული ბილეთი
თავიდან აირიდე დიდი რიგები შესასვლელში ან ბილეთის შეძენაში, დაჯავშნეთ ბილეთები წინასწარ

ვიზიტის რეკომენდებული ხანგრძლივობა: 25 წუთი (მუზეუმის მონახულების გარეშე).

5 . კონკორდის მოედანი

კონკორდის (თანხმობის) მოედანი სატრანზიტო წერტილს წარმოადგენს ტიულრის ბაღთან ერთად ლუვრსა და ელისეს მინდვრებს შორის, რომლებიც მოედანზე იწყება და ტრიუმფალურ თაღამდე გრძელდება.

კონკორდის მოედანი ადრე სამეფო მოედანი იყო, რომელსაც ლუი XV-ის პომპეზური ქანდაკება ამშვენებდა . შემდეგ მან რევოლუციის მოედნის ყველა სირთულე განიცადა: მასზე გილიოტინა აღმართეს და ურჩი ფრანგი ხალხის ბედის გადაწყვეტა დაიწყეს.

მაგრამ საშინელი დრო ზავმა, შემდეგ კი თანხმობამ შეცვალა, რომლის საპატივცემულოდ მოედანს სახელი გადაერქვა . ხოლო ეგვიპტურმა ობელისკმა (სამი ათასი წლის, მადლიერი ეგვიპტის საჩუქარი ფრანგი მეცნიერების მიერ იეროგლიფების გაშიფრვისთვის) მოედანი მოგვიანებით დაამშვენა, ნაპოლეონ III-ის მართვის დროს.

ვიზიტის რეკომენდებული ხანგრძლივობა: 5 წუთი

6 . ელისეს მინდვრები

ჯო დასენმა პარიზის ამ საზეიმო გამზირს  ხელთუქმნელი ძეგლი აუგო . მიუხედავად იმისა, რომ პარიზელები განსაკუთრებულ სიყვარულს არ განიცდიან ამ ადგილის მიმართ, დღეს ქალაქის მთავარი სადღესასწაულო მარში სწორედ აქ იმართება.

გამზირის პირველი ნახევარი „საველე“ ან ფეხით სეირნობის ფუნქციას ასრულებს . ეს ისტორიული ნაწილია: ჯერ კიდევ XVI  საუკუნის ბოლოს  მარია მედიჩიმ თელის ხეების პირველი ხეივანი გააშენა . აქვე ალექსანდრე I-ის რუსმა კაზაკებმა თავიანთი ბივუაკები გაშალეს.

მეორე ნაწილი  პროგრამა „ელიუზიუმზე“ აგებს პასუხს და გამზირს ტურისტებისთვის „სამოთხის ადგილად“ აქცევს .  კაფეების, რესტორნების, პატარა ბუტიკებისა და მაღაზიების მრავალფეროვნება უწყვეტ სადღესასწაულო გარემოს ქმნის.

გასეირნება შეგიძლიათ დაასრულოთ გამზირზე გავლით ტრიუმფალურ თაღამდე  ან პარიზის „რკინის ლედიმდე“ – ეიფელის კოშკამდე .  მეორე მარშრუტით გავლის შემთხვევაში, ელისეს მინდვრების დასაწყისში სასახლეებისა (Petit და Grand Palais) და შარლ დე გოლის ძეგლის დონეზე ხელმარცხნივ მოუხვიეთ, ალექსანდრე III ხიდისა და ინვალიდთა სახლისკენ,  რომლის მოოქროვილი გუმბათიც თქვენს თვალთახედვას ვერ გამორჩება.

ვიზიტის რეკომენდებული ხანგრძლივობა: 20 წუთი

7 . ალექსანდრე III-ს ხიდი

პარიზში ერთ-ერთი ყველაზე თვალწარმტაცი ადგილი და ქალაქების საქორწილო ფოტოგრაფების აუცილებელი სამარშრუტო პუნქტი . პარიზელები ხიდს „ყველაზე პარიზულს“ უწოდებენ, მაგრამ ჩვენ ვერ მოგვატყუებენ: ეს ხიდი თავად სანქტ-პეტერბურგის განსახიერებაა.

მართლაც, XIX საუკუნის ბოლოს რუსეთის იმპერია საფრანგეთთან ალიანსში შევიდა და იგი ხიდების აგებით განმტკიცდა: სანქტ-პეტერბურგში ფრანგებმა სამების ხიდი ააგეს, ხოლო რუსებმა პარიზში – ნიკოლოზ II-ის მამის, ალექსანდრე III-ს საპატივცემულოდ.

ხიდის მორთულობას ნაპირიდან დააკვირდით, ხიდის თაღების ცენტრში გამოსახულია ნევისა და სენის ნიმფები მოკავშირე ქვეყნების გერბებით . გადაწყვიტეს, რომ ეს ხიდი ყველაზე დაბალი აეგოთ, რომ სანაპიროდან გადაშილი ხედებით ტკბობის საშუალება ყოფილიყო: ელისეს მინდვრების ესპლანადით გაფართოება და ინვალიდთა სახლის დიდებულებით.

ვიზიტის რეკომენდებული ხანგრძლივობა: 5 წუთი

8 . ინვალიდთა სახლი

დროა ხიდის მეორე მხარეს, მარცხენა სანაპიროზე გავეშუროთ ! აქედან მოგეჩვენებათ, თითქოს ეიფელის კოშკი უკვე ძალიან ახლოსაა – მართლაც ასეა, ეს არ არის ოპტიკური ილუზია!

თქვენს წინაშეა – ინვალიდთა სახლი, ძალიან საინტერესო დაწესებულება . ჯერ კიდევ XVII საუკუნეში „მეფე-მზე“ ლუი XIV-ის მიერ აგებული სამხედრო თავშესაფრის ჰოსპიტალის სახით, ეს შენობა დღესაც ფუნქციონირებს . მართალია, აქ  სულ რამდენიმე ყოფილი სამხედრო პირი ცხოვრობს, დაახლოებით ასი, ცარიელი დარბაზები კი (რომელთა საკმაოდ დიდი რაოდენობაა, რადგან  პანსიონში მდებარე მხოლოდ დერეფნების სიგრძე 16 კილომეტრს აღწევს!)  არმიის მუზეუმს გადაეცა.

მაგრამ ინვალიდთა სახლმა განსაკუთრებული აღიარება იმით მოიპოვა, რომ მოოქროვილი გუმბათის ქვეშ ნაპოლეონ ბონაპარტის აკლდამა მდებარეობს . აკლდამაში შესვლა თავისუფალია.  ძეგლის სწრაფი დათვალიერება თუ გსურთ, მის ეზოში შეიხედეთ, XVII საუკუნის ქვაფენილზე გაიარეთ და სამკუთხა ქუდით შემოსილ იმპერატორის ქვის ქანდაკებას მიესალმეთ . და გახსოვდეთ, რომ  კვიპაროსის მარადმწვანე უცნაურ კონუსებში კურდღლები ბინადრობენ.

ვიზიტის რეკომენდებული ხანგრძლივობა: 10 წუთი

ღირებულება: ნაპოლეონის აკლდამაში ვიზიტის ღირებულებაა 8.50 ევრო.

9 . მარსის ველი და ეიფელის კოშკი

უკვე თითქმის მიზანთან ვართ ! კოშკი და მარსის ველი ინვალიდთა სახლთან ახლოს მდებარეობს . აჟურულ ლამაზმანთან მისვლას გრენელის ქუჩით (rue Grenelle)  გთავაზობთ . დროა  საღამოს გეგმების შესახებ დაფიქრდეთ!

თუ კარგი ამინდია, მარსის ველის მწვანე მდელობზე პიკნიკი შეგიძლიათ მოიწყოთ კოშკის ხედით . ყველაფერი საჭირო კლერის ქუჩაზე  შეიძინეთ (rue Сler): პლასტმასის ჭურჭელი – სუპერმარკეტში, ყველი – ყველის მაღაზიაში, ლორი და პაშტეტი – საყასბეში, ღვინო – ღვინის მაღაზიაში, ბაგეტი და ნამცხვრები – საფუნთუშესა და საკონდიტრო მაღაზიაში!

ცუდ ამინდში, კაფეში მიირთვით, რომელთა საკმაოდ დიდი რაოდენობაა ორივე ქუჩაზე, ან კოშკის დათვალიერების შემდეგ Trocadero-ს მოედანზე მდებარე  რესტორანში ვიზიტით ისიამოვნეთ.

საუკეთესო ფოტოები ეიფელის კოშკთან  მარსის ველის მხრიდან და საპირისპირო მხარეს მდებარე შაიოს სასახლის საფეხურებიდან გამოგივათ.

„რკინის ლედიზე“ ასვლას გირჩევთ როგორც ლიფტით, ისე ფეხით (ფეხით მხოლოდ მეორე დონის შუა ნაწილამდე) . უმჯობესია ბილეთები წინასწარ ინტერნეტით შეიძინოთ, ამგვარად სალაროებში რიგში დგომას თავიდან აიცილებთ.

ყურადღება მიაპყრეთ სამხედრო სკოლას, რომელიც კოშკის ჩრდილში მდებარეობს . ლუი XV-ის მიერ აშენებული სკოლა დღესაც ფუნქციონირებს და ოდესღაც  იგი თავად ნაპოლეონმა დაამთავრა . ხოლო მარსის ველი სკოლისთვის სამხედრო აღლუმების მოწყობის ადგილს წარმოადგენდა.

ეიფელის კოშკი მათ კომპანიას მოგვიანებით შეუერთდა, XIX საუკუნის ბოლოს, პარიზში მსოფლიო გამოფენის ჩატარების საპატივცემულოდ!

პირველ დღეს, ვფიქრობთ, საკმარისია, მოდით ძალა მომდევნო დღისთვის მოვიკრიბოთ!

ვიზიტის რეკომენდებული ხანგრძლივობა:  25 წუთი

ღირებულება: €3-11

სამუშაო საათები: ივნისის შუა რიცხვებიდან სექტემბრის დასაწყისის ჩათვლით 9 საათიდან

დღე 2

10 . ლუვრი

ლუვრის დათვალიერებას გირჩევთ მინიმუმ სამი საათი დაუთმოთ და ამ დროშიც, რა თქმა უნდა, ყველაზე ძირითადის მონახულებას მოასწრებთ . სავალდებულო პროგრამაში ლუვრის სამი ქალბატონი უნდა მოხვდეს – მონა ლიზა (და ვინჩის იდუმალ ქალბატონთან  მოხვედრის სქემა მუზეუმის თითქმის ყველა კუთხეშია განთავსებული), ვენერა მილოსელისა და ზღვის ქარზე მოფრიალე კაბით შემოსილი ნიკე სამოთრაკიელის ქანდაკებები.

ასევე ყურადღებას იმსახურებენ: ჟან ოგიუსტ დომინიკ ენგრის „დიდი ოდალისკი“,  ჟაკ-ლუი დავიდის „ნაპოლეონის იმპერატორად კურთხევა“, თეოდორ ჟერიკოს „მედუზას ტივი“, იან ვერმეერის „მემაქმანე ქალი“, მიქელანჯელოს მონების ქანდაკებები.

ლუვრის სხვადასხვა სტილისა და ეპოქის ხელოვნების ნიმუშების მდიდარ კოლექციაში ნებისმიერი შეძლებს მისთვის რაღაც საინტერესო იპოვოს . რენესანსის ეპოქის იტალიელ გენიოსთა ტილოები, ჰოლანდიის საუკეთესო მხატვრები (მხოლოდ რუბენსის „მარია მედიჩის ცხოვრების აღწერა“ რად ღირს!), ეგვიპტის განყოფილება, აღმოსავლეთის სიძველელნი . სტუმრად ეწვიეთ ნაპოლეონ ბონაპარტს და მის ძმისშვილს, ნაპოლეონ III-ს, სასახლის ბოლო გვირგვინოსან მაცხოვრებელს.

ამ ეპოქის ინტერიერის დიდებულებასა და ეკლექტიზმთან გაცნობა დაგეხმარებათ პარიზის არქიტექტურული გარდაქმნა გაიგოთ . ლუვრის მარგალიტია აპოლონის გალერეა, რომელიც ლუი XIV-ის ბრძანებითაა აგებული და რომლის  კამარის ქვეშ საფრანგეთის მონარქიის მთავარი საგანძურია დაცული – შემონახული სამეფო რეგალიები.

ვიზიტის რეკომენდებული ხანგრძლივობა:  3-5 საათი

ღირებულება: €22, ბილეთების შეძენა

სამუშაო საათები: სამშაბათის გარდა, დილის 9 საათიდან

11 . პალე-როიალი

კარდინალის დროს ეს სახლი ხმამაღალ სახელწოდებას ატარებდა Palais Cardinal  ანუ „კარდინალის სასახლე“, მაგრამ როდესაც მისი ანდერძის თანახმად სასახლე სამეფო ოჯახს გადაეცა საკუთრებაში, სასახლეს „სამეფო“ ეწოდა.

სასახლე დღემდე თავის საიდუმლოებას ინახავს: რივოლის ქუჩაზე მდებარე ცენტრალური ფასადიდან შენობაში ვერ შეხვალთ, ეს შესასვლელი სასახლის დაბრაზებში განთავსებული სახელმწიფო და საკონსტიტუციო საბჭოების ვიზიტორებისთვისაა განკუთვნილი.

სასახლის საიდუმლო ბაღში შესასვლელად, შენობას მეორე მხრიდან უნდა მოუაროთ, იმ ადგილთან, სადაც ფრანგული კომედიის თეატრის შენობას უკავშირდება  (Theatre de la Comedie Française), რომელიც, სხვათა შორის, თავად მოლიერიმ დაარსა.

რიშელიეს სასახლის ბაღის შიგნით უამრავ სიურპრიზს იხილავთ: ბიურენის კოლონები, ლითონის შადრევანი-ბურთები და პარიზელების საყვარელი სასახლის პატარა მყუდრო სკვერი . კომპლექსში განთავსებულია მოდური ბუტიკები, ყავავახანები, რესტორნები . კარგ ამინდში პარიზელები პალე-როალის ბაღში იკრიბებიან, გაზეთებს კითხულობენ და ღია ცის ქვეშ სენდვიჩს შეექცევიან.

ვიზიტის რეკომენდებული ხანგრძლივობა:  20 წუთი

12 . გალერეა ვივიენი

კარდინალ რიშელიეს ბაღის გასასვლელში არ დაგავიწყდეთ პარიზის ერთ-ერთ უძველეს და ულამაზეს პასაჟს ეწვიოთ.  აქ ყველაფერი ისეა შენარჩუნებული, როგორც მეცხრამეტე საუკუნის დასაწყისში იყო . იცვლებიან მხოლოდ (ისიც იშვიათად) სავაჭრო სივრცის მოიჯარეები, ხოლო აბრები ჩვეულებრივ უცვლელი რჩება.

პასაჟები შენდებოდა როგორც „გასასველი“ ორ სახლს შორის, რომელიც ლითონის საფუძვლის მქონე შუშის სახურავის ქვეშ იყო დაფარული . ამგვარად, ბურჟუები, მშრალ, სუფთა და სადღესასწაულო ადგილზე სეირნობისას მოდურ ნივთებს იძენდნენ და კაფეში ყავას მიირთმევდნენ . გაზის პირველი სანათები,  პირველი საზოგადო საპირფარეშოები სწორედ აქ გაკეთდა . პასაჟები პირველი მსხვილი მაღაზიების, უნივერმაღების პროტოტიპი იყო, რომლებმაც მალევე ჩაანაცვლეს ისინი.

პარიზის პასაჟებს დღემდე წარსულის აჩრდილი დასტრიალებს თავს, სადაც უამრავი ანტიკვარული მაღაზიაა დახვეწილი ერთეული ნივთებით . გალერეა ვივიენის გვერდით გალერეა კოლბერი მდებარეობს, რომელიც საზოგადოებისთვის სამწუხაროდ დაიხურა და პარიზის ბიბლიოთეკისა და სორბონის უნივერსიტეტებს განკარგულებაში გადაეცა.

ოდნავ მოშორებით კი ოპერა გარნიესკენ მიმავალ გზაზე,  Rue des Petits Champs ქუჩის შესასვლელთან, ქალაქის ყველაზე კოლორიტული პასაჟი – შუაზელი მდებარეობს (Passage Choiseul), რომელშიც ნამდვილად ღირს შესვლა.

ვიზიტის რეკომენდებული ხანგრძლივობა:  10 წუთი

13 . ოპერა გარნიე

პარიზის ოპერის შენობა ყველას პირზე აკერია: სწორედ აქედან იწყება ოპერის მოჩვენება ერიკთან დაკავშირებული იდუმალი ისტორია . ოპერის შენობა რამდენჯერმე დაიწვა, აქ მეფეებსა და იმპერატორებზე მკვლელობის რამდენიმე მცდელობაა განხორციელებული.

ამგვარად, ოპერის წინა შენობა განადგურდა და გადაკეთდა იმპერატორ ნაპოლეონ III-ის მკვლელობის მცდელობის გამო . ამჟამად პარიზს კიდევ ერთი საოპერო შენობა აქვს, რომელიც 80-იან წლებში ბასტილიის მოედანზე აშენდა.

ოპერა გარნიეს ინტერიერის დათვალიერება შესაძლებელია საბალეტო დადგმების დროს ან შესაბამის ექსკურსიებზე . ოპერის შენობას ყოველდღე  შეგიძლიათ ეწვიოთ 10:00-დან 16:30 საათამდე . ოპერის დათვალიერების შემდეგ გთავაზობთ Café de la Paix-ს მდიდრული ინტერიერის გარემოცვაში ყავა და ნამცხვრი მიირთვათ, რომელიც ოპერის მოპირდაპირე მხარეს, ვარსკვლავიანი სასტუმრო Grand Hotel-ის პირველ სართულზე მდებარეობს.

ვიზიტის რეკომენდებული ხანგრძლივობა:  10 წუთი (შიგნით შესვლის გარეშე)

დაჯავშნეთ კომბო ბილეთი და მიიღეთ ფასდაკლება ორი ერთში: ოპერა Garnier და Seine River საკრუიზო ბილეთები

14 . მონმარტი

ასეთ საუცხოო ადგილზე სადილობის შემდეგ პარიზის ჯადონსუნ გორაკზე – მონმარტზე ასვლა აღარ გაგიჭირდებათ . ოპერის შენობიდან ფეხით დაახლოებით 20 წუთი დაგჭირდებათ.

იდეალური ვარიანტი იქნება rue de Martyrs ქუჩით ასვლა, პირდაპირ „მულენ რუჟის“ შენობასთან  – ცნობილ „წითელ წისქვილთან“ . კაბარედან გზა  rue Lepic  ქუჩით გააგრძელეთ, არ აჩქარდეთ და ორი ნაბიჯზე, ხელმარცხნივ Café de deux Moulins შეხვდებით, სადაც გადაიღეს ფილმი „ამელი“ . ამის შესახებ დაწესებულების კედელზე  ოდრი ტოტუს პლაკატი შეგახსენებთ.

შემდეგ rue Tholozé ქუჩით გააგრძელეთ მოძრაობა . ქუჩის ბოლოს თქვენს ძალისხმევას ნამდვილი წისქვილი დააჯილდოვებს, რომელიც ჯერ კიდევ XVII საუკუნიდან გორაკის ლანდშაფტს ამშვენებს . მარჯვნივ მოუხვიეთ – რამდენიმე ათეულ  მეტრში მეორე წისქვილი დაგხვდებათ!  თქვენს წინაშეა ორი ათასზე მეტ ნახატზე გამოსახული ლეგენდარული Moulin de la Galette.

ზემოთ ასვლა Rue Girardon ქუჩით გააგრძელეთ და გზა დალიდას ბიუსტთან მიგიყვანთ, რომელიც მონმარტს აღმერთებდა და აქ სიცოცხლის ბოლომდე ცხოვრობდა . დროა მარჯვნივ გაიხედოთ: თქვენს წინაშეა მონმარტის ერთ-ერთი ულამაზესი გზა.

მარცხნივ კი თქვენს ყურადღებას მიიპყრობს მხატვარი მორის უტრილოს ვარდისფერი სახლი და საკრე კერის ბაზილიკის წვერო: ამ მიმართულებით იმოძრავეთ და თქვენ თითქმის ადგილზე ხართ!

გზად არ გამოგრჩეთ მონმარტის ვენახი, კაბარე „ცქვიტი კურდღელი“ და ტერტრის მოედანი, სადაც ათობით მხატვარი თქვენს პორტრეტს, შარჟს სიამოვნებით დახატავს ან უბრალოდ ნახატს მოგყიდით . აუცილებლად შეიხედეთ წმინდა გულის ბაზილიკის შიგნით – შესვლა უფასოა, მაგრამ ფოტოების გადაღება აკრძალულია.

ბაზილიკის დიდებული არქიტექტურული ანსამბლის საფეხურებზე ჩამოსვლის შემდეგ ხელმარცხნივ მოუხვიეთ, Abesses მეტროს სადგურისკენ, აქ კიდევ ერთი მონმარტის სიურპრიზი გელოდებათ: სიყვარულის კედელი  მსოფლიოს სხვადასხვა ენაზე დაწერილი წარწერით „მე შენ მიყვარხარ“ . რით არ არის დღის ზღაპრული დასასრული ? Abesses ქუჩაზე კარგ კაფე-რესტორანს იპოვით: მაგალითად, ზღვის პროდუქტების შესანიშნავი რესტორანია – რესტორანი Mascotte.

ვიზიტის რეკომენდებული ხანგრძლივობა: 2-3 საათი (წასახემსებლად შეჩერების გარეშე)

დღე 3

15 . ორსეის მუზეუმი

მსოფლიოს ყველაზე მთავარი იმპრესიონისტთა  მუზეუმი – ორსეის მუზეუმი (Musée d’Orsay) პარიზის სადგურის ყოფილ შენობაში მდებარეობს, რომლის გვერდის ავლა შეუძლებელია . აქ ყველა იპოვის მისთვის საყვარელ ექსპონატს: ზოგიერთს დეგას ბალერინები მოეწონება, ზოგიერთზე კი კაბარეს სცენები და მათი ხშირი სტუმრის ტულუზ-ლორტეკის ტილოების დუქნები მოახდენს შთაბეჭდილებას, ან კიდევ  რენუარის ტილოების პარიზის ბულვარების  ბრწყინვალება   და პარიზის ცხოვრების სადღესასწაულო განწყობა შთააგონებს,  ზოგიერთი კი მუზეუმს ვან გოგის ნახატის „ვარსკვლავიანი ღამე რონის თავზე“ გამო ეწვევა.

მუზეუმში შესანიშნავი რესტორანი და კაფე მუშაობს, სუვენირების შეძენა კი მუზეუმის ბუტიკში შეგიძლიათ . მუზეუმში შესასვლელი რიგები ლუვრის რიგებთან შედარებით უფრო  მცირეა, რადგან მუზეუმის საგამოფენო ფართობიც რამდენჯერმე ნაკლებია, ასე რომ ამ მშვენიერების სანახავად გირჩევთ დილიდან, გახსნისთანავე მოხვიდეთ.

ვიზიტის რეკომენდებული ხანგრძლივობა:  2-4 საათი

ღირებულება: €13, €9 – 18-25 წლის ასაკის სტუმრებისთვის და 16:30 საათიდან ყველასთვის (გარდა ხუთშაბათისა), 18 წლამდე – უფასოა, ბილეთების დაჯავშნა აქ

სამუშაო საათები: ყოველდღე, ორშაბათის გარდა, 9:30 საათიდან 18:00 საათამდე . დასვენების დღეებია –  1 მაისი და 25 დეკემბერი

16 . ლუქსემბურგის ბაღი

პარიზელებს იმდენად უყვართ ბაღი, რომ მას საალერსო-კნინობითი სახელი „ლუქო“ უწოდეს.

და მართლაც, მზიანი ზაფხულის დღეს, აქ ნემსიც კი ვერ ჩავარდება: უფროსი თაობა ჭადრაკს თამაშობს ბაღის ჩრდილოეთ ნაწილში; სამხრეთ ნაწილში, ხეხილის ბაღთან ახლოს კი თამაში პეტანკის შეჯიბრები იმართება; ლუქსემბურგის სასახლის წინ მდებარე აუზში ბავშვები გრძელი ხის ჯოხებით სათამაშო გემებს უშვებენ; მეზობლად მდებარე სორბონის  სწავლული საზოგადოება და სტუდენტები  ხეივნის ჩრდილში მასიურ მწვანე სკამებზე კითხულობენ; ხოლო სადილის დროს  ოფისში მომუშავენი ბაღის სკამებზე სალათებსა და სენდვიჩებს მიირთმევენ.

ბაღი და სასახლე დედოფალი მარია მედიჩის ბრძანებით აღმართეს და დღეს სასახლის შენობაში პარლამენტის ზედა პალატა და სენატი მდებარეობს . არ გამოგრჩეთ მხედველობიდან მარია მედიჩის შადრევანი, ე.წ . „გროტი“, რომელიც სასახლის აღმოსავლეთ მხარეს მდებარეობს .  ასევე თქვენს გაოცებას გამოიწვევს  საფრანგეთის ცნობილი მოღვაწეების მავზოლეუმის – პანთეონის მასიური გუმბათი, რომელიც ბაღიდან ქუჩის გადაღმა მდებარეობს.

ვიზიტის რეკომენდებული ხანგრძლივობა:  30 წუთი

17 . სენ-ჟერმენის უბანი, პარიზული ცხოვრების წესის კვინტესენცია

ლუქსემბურგის ბაღის საუცხოო ხედებით ტკბობის შემდეგ,  rue Bonaparte  ქუჩაზე გადადით და სენ-ჟერმენის უბნის შუაგულში მოხვდებით . ეს არის პარიზის ყველაზე ბურჟუაზიული, ყველაზე საზეიმო უბანი.

ზუსტად აქ ცხოვრობს პარიზის დახვეწილი საზოგადოება, ცნობილი მსახიობები, აღიარებული მწერლები და გამომცემლები . ეწვიეთ საღამოს წირვას  სენ-სულპისის ეკლესიაში . აქ ვიქტორ ჰიუგომ დაიწერა ჯვარი, ხოლო პირველი სამლოცველოს ფრესკები, შესასვლელის მარჯვენა მხარეს, თავად ეჟენ დელაკრუამ მოხატა . ჩრდილოეთიდან სამხრეთით, ეკლესიის გავლით „ვარდების ხაზი“ გადის, რომელიც პარიზის ნულოვანი მერიდიანის სიმბოლოს წარმოადგენს და რომელიც ნახსენებია დენ ბრაუნის რომანში „და ვინჩის კოდი“.

ეკლესიიდან რამდენიმე ნაბიჯზე,  Rue Lobineau ქუჩაზე დახურული სასურსათო ბაზარი (marché Saint-Germain) მდებარეობს, სადაც გემრიელი გასტრონომიული სუვენირები შეგიძლიათ შეიძინოთ: ყველი, ძეხვეული, ფუა-გრა, პაშტეტი, ღვინო და შამპანური . გამყიდველებს სთხოვეთ  შეძენილი დელიკატესები ვაკუუმ-შეფუთვაში მოგაწოდონ.

შოკოლადისთვის შოკოლატიეს Pierre Marcolini ეწვიეთ (საოცარი შოკოლადი სხვადასხვა შიგთავსით) ან Patrick Roger (ქალაქის საუკეთესო კანფეტები პრალინეთი); აქვეა შეუდარებელი ნუშის ნამცვარი – მაკარონსი Pierre Herme-სგან და შესანიშნავი საფუნთუშე-საკონდიტრო Gerard Mulot .

დროა პარიზის ხმაურიან ბულვარში ფინჯანი ყავა მიირთვათ, მაგალითად სენ-ჟერმენში ? თქვენს განკარგულებაშია ლეგენდარული ლიტერატურული კაფეები Café de Flore და Les deux magots,  არჩევანი თქვენზეა . კაფეები ერთმანეთის მეზობლად მდებარეობს, სადაც საუცხოო ცხელ შოკოლადს, კლაბ-სენდვიჩსა და ომლეტს შემოგთავაზებენ.  კაფეების ხშირი სტუმრები ოდესღაც იყვნენ ჟან პოლ სარტრი, სიმონ დე ბოვუარი, პაბლო პიკასო, გიიომ აპოლინერი და ჰენრი მილერი . ვარსკვლავური კომპანიაა, არა?

გასტრონომიული შესვენების დასასრულს პარიზის ერთ-ერთი უძველეს ეკლესიას ეწვიეთ, სენ-ჟერმენ-დე-პრეს, რომელიც რომანულ სტილშია აგებული . ქალაქის ცენტრისკენ მოძრაობა rue Bonaparte  ქუჩით გააგრძელეთ, გზადაგზა კი  ანტიკვარულ მაღაზიებსა და სამხატვრო გალერეებში შეიხედეთ.

ვიზიტის რეკომენდებული ხანგრძლივობა:  1 საათი (კაფეში ვიზიტის გარეშე)

18 . სენაზე გემით გასეარნება ან პრომენადი სენის სანაპიროებზე

პარიზში თქვენი მოგზაურობა შეგიძლიათ დაასრულოთ ხიდებიდან გადაშლილი პარიზის სანაპიროების ხედებით ტკბობით . ეს არის ქალაქის ერთ-ერთი ყველაზე რომანტიკული ადგილი . ახალ ხიდთან (Pont Neuf) კუნძული სიტეს ისართან, შეგიძლიათ მდინარეზე გემით გაისეირნოთ . ეიფელის კოშკთან  ნავსადგურში საკრუიზო და სანაოსნო კომპანიების ფართო არჩევანია: მსურველებს შეუძლიათ შეუკვეთონ კრუიზი ბორტზე რომანტიკული ვახშმით.

ხოლო ფეხით სიარულის მოყვარულებს შეუძლიათ მდინარე სენის სანაპიროებზე გაისეირნონ ქალაქის დასავლეთ ან აღმოსავლეთ ნაწილში: დასავლეთ ნაწილში, მარცხენა სანაპიროზე, მე-7 რაიონის ძვირადღირებული რესტორნები გელოდებათ, რომლებიც ფრანგ პოლიტიკოსებს შორის პოპულარობით სარგებლობენ.

მარცხენა სანაპიროს აღმოსავლეთ ნაწილში თქვენს წინაშე ლათინური კვარტალი გადაიშლება შუასაუკუნეების მიხვეულ-მოხვეული ქუჩებით და ტრადიციული ფრანგული სამზარეულოს მიმზიდველი კაფე-ტავერნებით.

ვიზიტის რეკომენდებული ხანგრძლივობა:  1.5 საათიდან

ასევე წაიკითხეთ: ყველაფერი დისნეილენდის შესახებ

დამატებითი დღე თუ გექნებათ გირჩევთ ეწვიოთ ვერსალის სასახლეს, ვერსალის ბილეთების ღირებულება 24 ევრო.