იუნგფრაუიოხ

10 მიზეზი იმისათვის, რომ ყველაფერი მიატოვოთ და შვეიცარიაში ახლავე გაემგზავროთ

სპონტანურობა ჯერ არავის გაუუქმებია. მით უმეტეს, რომ შვეიცარიაში ძალიან ბევრი მიმზიდველი კუთხეა, რაც უნებლიეთ გაფიქრებინებთ: იქნებ დაუფიქრებლად გავემგზავრო და რაც იქნება, იქნება?!

შილიონის ციხე-სიმაგრე

ბაირონის პოემიდან ცნობილი ციხე-სიმაგრე პოეტის წარმოსახვის ნაყოფი როდია. ამაში თავად დარწმუნდებით, როდესაც ჟენევის ტბის სანაპიროზე მდებარე მსოფლიოში ცნობილ ციხეს მოინახულებთ.

აქ ის დროა, რომ თავი კეთილშობილ რაინდად ან მშვენიერ ქალბატონად იგრძნოთ! ჰერცოგთა მდიდრული ოთახები, დიდებული დარბაზები და ინტერიერები XV საუკუნის ატმოსფეროში დაგაბრუნებთ, ხოლო პირქუში კაზემატები (სადაც, როგორც ამბობენ, ნამდვილ ჯადოქრებსაც კი ამწყვდევდნენ) შეგრძნებებს მხოლოდ სიმძაფრეს შემატებს! დამატებითი ბონუსი იქნება ტბისა და ალპების გასაოცარი სილამაზის ხედი ციხე-სიმაგრის კოშკიდან.

სამლოცველოს ხიდი კაპელბრიუკე

სავარაუდოდ ლუცერნის ერთ-ერთი ყველაზე ლამაზი და რომანტიკული ადგილი. 204 მეტრი სიგრძის ხიდი ქალაქის ძველ და ახალ კვარტლებს აკავშირებს, რომელიც მდინარე როისის მთელ სიგრძეზეა გადაჭიმული.

ხის ბოძები, ბუსნოთი დაფარული სახურავი, მოაჯირის გასწვრივ ყვავილების გირლანდები და წყლის მშვიდი ხმა – აქ სეირნობა არასდროს მოგბეზრდებათ! სეირნობისას კი დააკვირდით ხიდზე დაკიდულ ნახატებს, რომლებიც შვეიცარიის ისტორიის ყველაზე მნიშვნელოვან მოვლენებს ასახავს – უამრავ საინტერესო რამეს გაიგებს.

რაინის ჩანჩქერი

იცოდით რომ შვეიცარიაში არის ჩანჩქერი, რომელიც ცნობილ ნიაგარის გიგანტსაც კი სჯობნის? დიახ, რაინის ჩანჩქერი (სხვათა შორის, ყველაზე დიდი ევროპაში!) არანაკლებ ძლიერ შთაბეჭდილებას ტოვებს: 23 მეტრის სიმაღლისა და 150 მეტრის სიგანის, იგი ქაფიან ტალღებს წარმოქმნის, რომლებსაც ულამაზესი ცისარტყელა ამშვენებს.

ამ გიგანტის სილამაზით ტკბობა სათვალთვალო ტერასებიდან შეგიძლიათ, ხოლო ყველაზე გაბედულებს შეუძლიათ წყლის მძვინვარე მასის შუაგულში მდებარე სათვალთვალო მოედანზე ჩავიდნენ და თავად შეიგრძნონ სტიქიის ძალა!

ციურიხის ტბა

შვეიცარიის კიდევ ერთი ბუნებრივი მარგალიტი, რომელსაც გვერდს უბრალოდ ვერ აუვლით. კუნძულებით დამშვენებული ტბის კრისტალურად სუფთა წყალი, ზურმუხტისფერი მწვანე ნაპირები, რომლებზეც ულამაზესი სოფლები, ციხე-სიმაგრეები და ტაძრები მდებარეობს – ეს ადგილი მართლაც ჯადოსნურია!

სხვათა შორის, ციურიხის ტბის სილამაზით ტკბობა უმჯობესია ძველი ბორბლიანი გემის ან წყლის ტრამვაის გემბანიდან, რომელიც მის სარკისებურ ზედაპირზე აუჩქარებლად გაგასეირნებთ.

ყველაზე იაფი ორმხრივი ავიაბილეთი Tbilisi -დან Zurich -მდე

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

14.02.2020

31.03.2020

1 stop

ფასი 649

28.01.2020

03.02.2020

2 stops

ფასი 706

მთა პილატუსი

ერთ ადგილზე შეკრებილი შვეიცარიული ბუნების მთელი სიდიადე – ეს სწორედ ის არის, რაც მთა პილატუსის შესახებ შეიძლება ითქვას. მასიური კლდოვანი მწვერვალები, თოვლით დაფარული კენწეროები და ტყიანი ფერდობები, აგრეთვე განსაცვიფრებელი სილამაზის მზის ამოსვლა და ჩასვლა ერთი შეხედვით და სამუდამოდ მოგაჯადოებთ.

შვეიცარიის ალპების ხედებით ტკბობისთვის, მთაზე ასვლა მოგიწევთ. ამის გაკეთება შეგიძლიათ ან საბაგირო გზით, ან მსოფლიოში ყველაზე ციცაბო რკინიგზის მეშვეობით, ან… ფეხით (მთელ გზას დაახლოებით 4-5 საათი სჭირდება).

ჩანჩქერების ხეობა

ეს ჯადოსნური (სხვაგვარად ვერ ვიტყვით) ადგილი განმარტოებულ ხეობაში იმალება, მთებს შორის, ქალაქ ინტერლაკენში, რომელიც მთის ორ ტბას შორის მდებარეობს.

ამ ადგილის უნიკალურობა იმაში მდგომარეობს, რომ ხეობის გარშემო მდებარე ფერდობებიდან თავბრუდამხვევი სიმაღლიდან ერთდროულად რამდენიმე ჩანჩქერი ეშვება – ერთი მეორეზე ლამაზი. ულამაზესი შტაუბახი, რომლის 300 მეტრიანი ქაფიანი კასკადი ერთ დროს თავად გოეთეს შთააგონებდა, ტრუმელბახის ჩანჩქერები, რომლებიც უნიკალურია იმით, რომ მთების შიგნით მდებარეობს, და ხმაურიანი გიგანტი-მყინვარები – ეს ადგილი ნამდვილად შეგიყვარდებათ!

იუნგფრაუს რკინიგზა

თუ თავს არ მიიჩნევთ ერთ-ერთ დაუღალავ მთამსვლელად, რომლებიც მზად არიან მწვერვალები დღე და ღამე დაიპყრონ, მაგრამ ალპების სილამაზით ტკბობა მაინც გსურთ, გამოსავალი არსებობს!

საკმარისია იუნგფრაუს რკინიგზის (ყველაზე მაღალი ევროპაში!) ყვითელი მატარებელით იმგზავროთ – და ბერნის ალპები თქვენს ფეხთაა. თქვენ გელით ალპური მყინვარებისა და ზურმუხტისფერი მთის ფერდობების დაუვიწყარი ხედები, კლდოვანი მწვერვალები თოვლის თეთრი ქუდებით და თვალწარმტაცი ალპური სოფლები.

ნიდერდორფის რაიონი, ციურიხი

ძველი ციურიხის ატმოსფეროს შეგრძნობაში დაგეხმარებათ არა გზამკვლევი და საუკეთესო გიდი, არამედ ნიდერდორფის რაიონში გასეირნება. იგი გადაჭიმულია ცენტრალური მოედნიდან გროსმუნსტერის ტაძრამდე და მხოლოდ აქ ნახავთ, თუ როგორ თანაარსებობს შუა საუკუნეების შენობები ნაირფერ თანამედროვეობასთან.

მთელი ნიდერდორფი – საფეხმავლო ზონაა, ამიტომ კომფორტული ფეხსაცმელი ჩაიცვით და წინ, თავგადასავლებისკენ! შეისწავლეთ მყუდრო ქუჩები და ჩიხები, ეწვიეთ რამდენიმე მაღაზიასა და ბარს, რომლებმაც ნათელი სახლების ჩრდილში შეაფარეს თავი, იპოვეთ ცნობილი კაფე „კაბარე ვოლტერი“, სადაც ხელოვნების ისეთი მიმდინარეობა წარმოიშვა, როგორიცაა დადაიზმი, გასეირნება კი ერთ-ერთი ადგილობრივი კინოთეატრის კომფორტულ სავარძელში დაასრულეთ.

შტაინ-ამ-რაინი – ათასი ფერის ქალაქი

ქალაქი-ცისარტყელა – ეს არის ის, რაც პირველად მოგივათ აზრად, როდესაც ამ ფერად, თითქოს საბავშვო ზღაპრის ილუსტრაციიდან გადმოსულ, მოხატულ სახლებს დაინახავთ. შაფჰაუზენის კანტონში მდებარე შტაინ-ამ-რაინი სამართლიანად ითვლება შვეიცარიის ერთ-ერთ ულამაზეს ქალაქად, თუმცა ის საკმაოდ პატარაა: ძველი ქალაქის სიგრძე სულ რაღაც 500 მეტრია!

თუ ამ ქალაქში აღმოჩნდებით, აუცილებლად გაისეირნეთ (ოღონდ აუჩქარებლად!) ვიწრო ქუჩებში და სახლებზე განთავსებული ფრესკები და მოხატულობა დაათვალიერეთ. და თუ თქვენ მეგობრებთან ერთად მოგზაურობთ, შეგიძლიათ შეჯიბრების მოწყობით გაერთოთ და გაიგოთ, თუ ვინ იპოვის ყველაზე პოპულარულ ადგილობრივ სახლებს: „წინა გვირგვინი“, „წითელ ხართან“, „ქვის ყურძენთან“, „მზესთან“, „შავ რქასთან“, „ყორანთან“ და „თეთრ არწივთან“.

ქალაქი განსაკუთრებით ლამაზია შობის დღესასწაულზე, როდესაც სადღესასწაულო განათება ისედაც ნაირფერ ქუჩებს მართლაც ზღაპრულ სანახაობად აქცევს!

სარკისებრი ლაბირინთი „ალჰამბრა“

იგრძნოთ თავი როგორც ალისა ლუის ქეროლის ზღაპრებიდან, ასევე შესაძლებელია შვეიცარიაში! კერძოდ, ლუცერნში, „ალჰამბრას“ სარკისებრ ლაბირინთში. 90 სარკისგან შექმნილი ეს თავსამტრევი ატრაქციონი ამავე სახელწოდების ცნობილი სასახლის სტილშია შესრულებული. აქ მოხვედრისას მოუმზადებელი ტურისტი შეიძლება ჭკუიდან შეიშალოს!

გაუთავებელი გადახლართული გასასვლელები და დერეფნები, ანარეკლის ტეხილები, რომლებიც არსად მიდის და გარშემო ათეულობით თქვენი ანარეკლი – ფანტასტიკური სანახაობაა, შეგრძნებები კი უბრალოდ მომაჯადოებელია. სასიამოვნო და დაუვიწყარ დასვენებას გისურვებთ!

Unfortunately we don't have actual data for flights from Kutaisi to Mulhouse. Find tickets from Kutaisi to Mulhouse

ასევე წაიკითხეთ:

Posted in ბლოგი, იდეები მოგზაურობისთვის and tagged , , .