მოგზაურობა ციურიხში: რჩევები ტურისტებს

შვეიცარიის უდიდესი ქალაქი, მსოფლიო ფინანსური ცენტრი და ქვეყნის კულტურული ცხოვრების შუაგული – ეს ყველაფერი ციურიხს ეხება. ხოლო თქვენი შვეიცარიული დასვენება რომ იდეალური იყოს, ჩვენ სასარგებლო სამოგზაურო რჩევების სია შევადგინეთ.

ამრიგად, თქვენ ციურიხში დაფრინდით და პირველი კითხვა: როგორ ჩავიდეთ ქალაქში. ყველაფერი მარტივია! ყველაზე სწრაფი და იაფი გზა მატარებლით ან ტრამვაით მგზავრობაა.

მატარებელი: სადგური პირდაპირ აეროპორტის ქვეშ მდებარეობს, მისი პოვნა არ გაგიჭირდებათ, უბრალოდ მიჰყევით SBB ასოებით აღნიშულ მინიშნებს. ერთი სართულით ზემოთ ვალუტის გადამცვლელი პუნქტი და ბილეთების გაყიდვის ავტომატები/სალაროები მდებარეობს.

ყველაზე იაფი ორმხრივი ავიაბილეთი Tbilisi -დან Zurich -მდე

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

30.01.2020

05.02.2020

1 stop

ფასი 648

30.01.2020

05.02.2020

2 stops

ფასი 705

ქალაქის ცენტრში ჩასასვლელად დაგჭირდებათ ბილეთი Zürich HB (Hauptbahnhof)-მდე, ღირებულება 6.60 ფრანკია (3.30 – 16 წლამდე ასაკის ბავშვებისთვის) ერთი გზა, მგზავრობის ხანგრძლივობა – 10-15 წუთია. ციურიხამდე მოძრაობს ან ჩქაროსნული მატარებელი (გაჩერებების გარეშე), ან საგარეუბნო მატარებელი (ნომრის წინ S სიმბოლოთი). მატარებლებში ვაგონები 1-ელ და მე-2 კლასებად იყოფა, მაგრამ გირჩევთ თითქმის ორჯერ მეტი არ გადაიხადოთ და მე-2 კლასის ბილეთი შეიძინოთ.

ტრამვაი: ყოველ 7-10 წუთში აეროპორტიდან ციურიხის ცენტრალურ სადგურამდე Hauptbahnhof (და პირიქით) #10 და 12 ტრამვაი კურსირებს. ბილეთების შეძენა შესაძლებელია ტერმინალში და გაჩერებაზე, მაგრამ გაითვალისწინეთ, რომ ავტომატი მონეტებს (ფრანკებს) ან საკრედიტო ბარათებს იღებს.

ციურიხის საქალაქო ტრანსპორტის ფასები დამოკიდებულია იმ ზონაზე, სადაც თქვენ გამგზავრება გსურთ. მაგალითად, ციურიხი არის ზონა 10 (ან ახალი ვერსიით 110), ხოლო თუ სხვა ზონების გადაკვეთა გჭირდებათ, ისინი ცალკე უნდა გადაიხადოთ.

ციურიხში ტრანსპორტის რამდენიმე სახის ბილეთი არსებობს:

Single pass — ერთი გზის ბილეთი. სრული ღირებულება 4.20 ფრანკია, 16 წლამდე ასაკის ბავშვებისთვის – 2.90 ფრანკი, მოქმედების ხანგრძლივობა 1 საათია. იგი საქალაქო ტრანსპორტის ნებისმიერი სახეობით მგზავრობის უფლებას გაძლევთ გადაჯდომის რაოდენობათა შეზღუდვის გარეშე.

Tageskarte — ორი გზის ბილეთი. სრული ღირებულება 8.40 ფრანკია, 16 წლამდე ასაკის ბავშვებისთვის – 5.80 ფრანკი, მოქმედების ხანგრძლივობა 24 საათია. იგი საქალაქო ტრანსპორტის ნებისმიერი სახეობით მგზავრობის უფლებას გაძლევთ გადაჯდომის რაოდენობათა შეზღუდვის გარეშე.

Tageswahlkarte — 6-დღიანი ბილეთი. დღეების ზედიზედ გამოყენება არ არის აუცილებელი. მგზავრობამდე ასეთი ტალონი ავტომატში უნდა გაატაროთ, რის შემდეგაც იგი 24 საათის განმავლობაში მოქმედებს. ღირებულება – 45.20 ფრანკია (სრული) და 33.20 ფრანკი – მათთვის, ვინც 25 წლის არ არის. მისი შეძენა ყველა მსხვილ სადგურზე მდებარე ჯიხურებში შეგიძლიათ. მგზავრობა მე-2 კლასით ხორციელდება. პირველი კლასისთვის ღირებულება იქნება 74.40 და 54.80 ფრანკი.

Mehrfahrtenkarten — სამგზავრო ბილეთი 6 მგზავრობისთვის (1 გზავრობა – წინასწარ დაკომპოსტირებული ბილეთის 1 საათიანი მოქმედებაა). ღირებულება – 22.60 და 16.60 ფრანკი მეორე კლასით მოზრდილთათვის და ბავშვებისთვის.

ბილეთი ზონებს შორის: თუ ციურიხში სამგზავრო ბილეთი უკვე გაქვთ, მაგრამ მეზობელ ზონაში გამგზავრება მოისურვეთ, დამატებითი ბილეთი უნდა შეიძინოთ. მისი ღირებულება – უახლოეს ზონებს შორის 4.20 ფრანკია (6-დან 16 წლამდე ასაკის ბავშვებისთვის – 2.90 ფრანკი). თუ მეტი ზონის გავლა გჭირდებათ – ფასი იზრდება.

ასევე შეგიძლიათ შეიძინოთ 24-საათიანი ბილეთი ზონებს შორის, რომელიც შეძენიდან 24 საათის განმავლობაში მოქმედებს (ეს მოსახერხებელია, თუ ზონის ფარგლებს გარეთ მგზავრობას რამდენჯერმე გეგმავთ). ასეთი ბილეთი ორჯერ მეტი ღირს, ვიდრე ერთჯერადი.

ეს ბილეთი მაშინაც შეიძლება დაგჭირდეთ, როდესაც აეროპორტში გამგზავრება გჭირდებათ, მაგრამ ციურიხის ბილეთი ჯერ კიდევ მოქმედებს. ამ შემთხვევაში, საკმარისია 4 ფრანკის გადახდა და ზონებს შორის მოქმედი დამატებითი ბილეთის შეძენა. თუ პირდაპირ ბილეთს ყიდულობთ (თქვენი გაჩერებიდან აეროპორტამდე იმ შემთხვევაში თუ არ გაქვთ ციურიხში მოქმედი ბილეთი), მაშინ მისი ფასი მინიმუმ 6 ფრანკი იქნება.

Kurzstrecke — ბილეთი უახლოესი გაჩერებებისთვის (ისინი მითითებულია შესაბამის გაჩერებაზე განთავსებულ ბილეთების გასაყიდ ავტომატზე). მისი ფასი უფრო დაბალია, ვიდრე სტანდარტული ერთი გზის ბილეთისა – მხოლოდ 2.60 ფრანკი მოზრდილთათვის, მეორე კლასი. თუ ასეთ სამგზავრო ბილეთს 24-საათიანი მოქმედებით შეიძენთ, ფასი 5.20 ფრანკი იქნება.

ასეთი ბილეთი გამოგადგებათ მაშინ, როდესაც თქვენი სასტუმრო საკმარისად ახლოს მდებარეობს იმ ადგილებთან, რომელთა მონახულებასაც გეგმავთ (ხუთი-ექვსი ტრამვაის გაჩერების ფარგლებში) და თქვენ არ აპირებთ შორეულ მგზავრობას ქალაქის გარეუბანში.

9 O´CLOCK DAY PASS — ციურიხის მთელ კანტონში მოქმედი სამგზავრო ბილეთი (ბილეთების გასაყიდ ავტომატებზე აღნიშნულ ყველა ზონაში, რაპერსვილისა და რაინის ჩანჩქერის ჩათვლით ციურიხის კანტონის მხრიდან). ძალაშია სამუშაო დღეებში 09:00 საათიდან მომდევნო დღის 05:00 საათამდე, დღესასწაულებსა და შაბათ-კვირას – მთელი დღე.

ღირებულება – 25 ფრანკი და 12.50 ფრანკი მეორე კლასით მოზრდილთათვის და 6-16 წლის ასაკის ბავშვებისთვის.

ციურიხში იაფი და გემრიელი კერძები შემდეგ დაწესებულებებში შეგიძლიათ მიირთვათ:

Mohrenkopf

ამ კაფეში საუზმეს, ლანჩსა და სადილს საკმაოდ მისაღებ ფასად შემოგთავაზებენ. მენიუში შედის პირველი და მეორე კერძები, სალათები და საუზმეული.

მისამართი: Niederdorfstrasse, 31.

სამუშაო საათები: ორშაბათი – პარასკევი – 07:00 საათიდან 11:00 საათამდე, შაბათი – 08:00 საათიდან 11:00 საათამდე და კვირა – 09:00 საათიდან 18:00 საათამდე.

საუნივერსიტეტო კაფეტერია

თუ ბიუჯეტი შეზღუდული გაქვთ, წახემსება კი აუცილებელია, ეს კაფეტერია სწორედ ის არის, რაც გჭირდებათ.

მისამართი: Plattenstrasse, 11

Migros

ეს სუპერმარკეტების ქსელი ტურისტებისთვის ნამდვილი მონაპოვარია. აქ შეგიძლიათ იაფად და გემრიელად წაიხემსოთ, ამასთან მენიუში ძლიან მრავალფეროვანი საკვებია – ტრადიციული შვეიცარიული კერძებიდან დაწყებული, ჩინური ატრიით, პიცითა და სენდვიჩებით დამთავრებული.

მისამართი: Hardturmstrasse, 11

ქალაქის დათვალიერება

ექსკურსია ციურიხში შესანიშნავი შესაძლებლობაა გაეცნოთ ქალაქს, რადგან ექსკურსიებს ადგილობრივი გიდები აწყობენ, რომლებმაც ციურიხი ხუთი თითივით იციან. გარდა ამისა, ასეთი გასეირნება არ შეეხება თქვენს ბიუჯეტს და ასევე უამრავ სასიამოვნო შთაბეჭდილებას დაგიტოვებთ. მეტი ინფორმაცია უფასო ექსკურსიების შეგიძლიათ აქ მიიღოთ.

ქალაქის დათვალიერების კიდევ ერთი საშუალება ველოსიპედის ქირაობაა. ციურიხში ამის გაკეთება უფასოდაც შეგიძლიათ, ამისათვის თქვენი პირადობის დამადასტურებელი დოკუმენტი უნდა წარმოადგინოთ და 20 ფრანკი გირაოს სახით დატოვოთ, რომელიც შემდეგ დაგიბრუნდებათ.

სად შეიძლება იქირავოთ ველოსიპედი ციურიხში:

მთელი წლის განმავლობაში

  • Bike Station North, შვეიცარიის ეროვნული მუზეუმი (08:00 საათიდან 21:30 საათამდე)
  • Bike Station South, Postbrücke (ორშაბათი-პარასკევი – 08:00 საათიდან 21:30 საათამდე, შაბათ-კვირა 09:00 საათიდან 21:30 საათამდე)

მაისიდან ოქტომბრამდე

  • Pestalozziwiese (Bahnhofstrasse / Globus City) и Bürkliplatz (Stadthausquai) ყოველდღე – 09:00 საათიდან 21:30 საათამდე
  • Enge station (Tessinerplatz ორშაბათი-პარასკევი – 10:00 საათიდან 21:30 საათამდე, შაბათი – 09:00 საათიდან 21:30 საათამდე
  • Viaduct (Josefstrasse) ყოველდღე – 11:00 საათიდან 21:30 საათამდე

ძველი ტურისტული ბარათი, რომელიც ციურიხში თქვენს წინაშე უამრავ ახალ შესაძლებლობას გახსნის.

ბარათი მოგცემთ საშუალებას:

  • საზოგადოებრივ ტრანსპორტში შეუზღუდავად იმგზავროთ (მეორე კლასი ციურიხსა და რეგიონში)
  • ქალაქის მუზეუმების უმეტესობაში უფასოდ ან ფასდაკლებული ბილეთით შეხვიდეთ
  • 10-20% ფასდაკლება ბევრ მაღაზიაში
  • 50% ფასდაკლება Zurich Tourism-ის მიერ ორგანიზებულ ციურიხის ტურებზე

არსებობს 24 და 72-საათიანი ბარათები, ღირებულება 24 ფრანკი და 48 ფრანკი, 6-16 წლის ასაკის ბავშვებისთვის – 16 ფრანკი და 32 ფრანკი.

Zurich Card-ის ონლაინ შეძენა აქ შეგიძლიათ. ასევე ბარათი იყიდება ქალაქის სავაჭრო ობიექტებში:

  • აეროპორტი: SBB Travel Center ჩამოფრენის ტერმინალებში 1 და 2. Service Center-ში (Car Park 2) და SBB და ZVV ბილეთების გასაყიდ ავტომატებში.
  • რკინიგზის ცენტრალური სადგური: ტურისტული ოფისი, SBB სალაროები და SBB და ZVV ბილეთების გასაყიდი ავტომატები.
  • ქალაქში, ნებისმიერ SBB და ZVV ბილეთების გასაყიდ ავტომატებში, SBB რკინიგზის სადგურებზე, სასტუმროში.
Posted in ბლოგი, პირადი გამოცდილება and tagged , , .