კოცნა ბორტზე

5 უჩვეულო ამბავი, რომელიც თვითმფრინავის ბორტზე მოხდა

ცხოვრება არა მარტო მიწაზე, არამედ ცაშიც დუღს. ზოგჯერ საბედისწერო და საოცარი მოვლენები თვითმფრინავის ბორტზეც ხდება. გთავაზობთ გავიხსენოთ უჩვეულო,   შთამაგონებელი, მხიარული და გულის ამაჩუყებელი ამბები, რომელთა სიუჟეტი ბორტზე განვითარდა.

სიურპრიზი მასწავლებლისთვის

მასწავლებელთა დღეს Turkish Airlines-ის  პილოტმა სიურპრიზი მოუწყო თავის ხანდაზმულ მამას, რომელიც მისი მასწავლებელი და ერთ დროს პილოტი იყო. „მან ფრენა მასწავლა“, – საჰაერო ხომალდის ახლანდელმა კაპიტანმა მადლობა გადაუხადა მამას და მთავარ მოძღვარს. მასწავლებელს გული აუჩუყა სიტყვების გულწრფელობამ, მგზავრებმაც კი ვერ შეიკავეს თავი ცრემლებისგან.

Turkish Airlines მოგვიწოდა, რომ არ დავივიწყოთ მასწავლებლები და სოციალურ ქსელებში ვიდეო მილოცვა გამოაქვეყნა კომენტარით: „ჩვენი ცხოვრების გზის პილოტები“.

დამატებითი მგზავრი

Turkish Airlines ავიახაზების კონაკრი-უაგადუგუ-სტამბოლის რეისის დროს მგზავრს ნაფი დიაბის შვილი შეეძინა. ტკვივილები ქალბატონს, რომელიც ფეხმძიმობის 28-ე კვირაზე იმყოფებოდა, თვითმფრინავის აფრენისთანავე დაეწყო. ეკიპაჟი არ დაიბნა და ბავშვს  ამ ქვეყნად მოვლენაში დაეხმარა თითქმის 13 ათასი მეტრის სიმაღლეზე.

გოგონას, რომელიც ცაში დაიბადა, სახელად კადიჟუ დაარქვეს. დედასთან ერთად იგი უაგადუგუში ჩამოფრენისთანავე საავადმყოფოში გადაიყვანეს. როგორც გვაცნობეს, პატარაც და ნაფიც თავს კარგად გრძნობდნენ.

ბორტგამცილებელები გოგონასთან ერთად ფოტოებს იღებდნენ თვითმფრინავში, ხოლო ავიაკომპანია თბილად მიესალმა ახალშობილს Twitter-ში: „კეთილი იყოს შენი მობრძანება ბორტზე, პრინცესა“.

ჯვრისწერა

2018 წლის იანვარში რომის პაპმა ფრანცისკემ თავის პირად თვითმფრინავში ბორტგამცილებლების წყვილს დაწერა ჯვარი. პაულა პოდესტი და კარლოს ჩიფარდი 2010 წლიდან ერთად ცხოვრობდნენ. რამდენიმე წლის განმავლობაში  სამხრეთ ამერიკის ავიაკომპანია Latam-ში მუშაობდნენ. წყვილი ორი შვილს ზრდიდა და დაქორწინებას ადრეც აპირებდა. მაგრამ ეკლესია, რომელშიც ცერემონია უნდა გამართულიყო, მიწისძვრამ დაანგრია.

სანტიაგოდან იკიკეში (ჩილე) ფრენის დროს, კარლოსმა და პაულამ პონტიფიკს სთხოვეს მათთვის ჯვარი დაეწერა. ვატიკანის სახელმწიფოს ხელმძღვანელმა  შეყვარებულთა ისტორია მოისმინა და დათანხმდა. ამგვარი წესი რომის პაპ ფრანცისკეს ფრენის დროს არასდროს აღუსრულებია.

პონტიფიკმა პირადად შეადგინა ქორწინების ნამდვილობის დამადასტურებელი დოკუმენტი და ახალშეუღლებულებს დიდი სიმაღლეების ერთად დაპყრობა უსურვა.

ხელის თხოვნა და სამსახურიდან განთავისუფლება

China Eastern Airlines  ავიახაზების ერთ-ერთი რეისი ყველა მგზავრს დიდხანს დაამახსოვრდება. თვითმფრინავის აფრენის შემდეგ, ერთ-ერთმა მგზავრმა თავისი ადგილი დატოვა, დაიჩოქა და ხელი სთხოვა თავის შეყვარებულს, რომელიც ამ ბორტზე ბორტგამცილებლად მუშაობდა.

გაკვირვებულმა, აღელვებულმა, ბედნიერმა გოგონამ უპასუხა: „დიახ“. მოწმეებს სიყვარულის ისტორიამ გული აუჩუყა, ისინი გულწრფელად ულოცავდნენ წყვილს, ტაშს უკრავდნენ, როგორც ფილმში ხდება ხოლმე და რომანტიკულ სცენას ტელეფონებით იღებდნენ. თითქოს „ჰეფი ენდია“, მაგრამ აქ არ სრულდება ისტორია.

ხელის თხოვნა თვითმფრინავის ბორტზე

როგორც კი ვიდეო ქსელში გამოჩნდა, ბორტგამცილებელმა სამსახური დაკარგა. ავიაკომპანიამ გოგონა სამსახურიდან გაათავისუფლა, რადგან მან მგზავრები  საფრთხის ქვეშ დააყენა და ბორტზე აურზაური გამოიწვია.

საბედისწერო მეზობლობა

ფრენის დროს გვერდიგვერდ რომ მჯდარიყვნენ, როზი ბლერმა და მისმა მეგობარმა ჰიუსტონმა  ჰუსტონის მეზობელ გოგონას როზის ადგილის დაკავება სთხოვეს. უცნობი გოგონა დათანხმდა და ერთი რიგით წინ „გადაინაცვლა“. შემდეგ კი ყველაზე საინტერესო დაიწყო.

გოგონამ და ახალმა მეზობელმა ფლირტი  დაიწყეს. ბლერს გაუხარდა, რომ ახალგაზრდებმა საერთო იპოვეს და  ყველაფერი, რაც ხდებოდა Twitter-სა და Instagram-ში აღწერა.

სთორიში როზიმ თითქმის სერიალი აჩვენა, რამაც დაუყოვნებლივ მიიპყრო სოციალური ქსელების მომხმარებელთა  ყურადღება. მოვლენების განვითარებას ბიჭებიც და გოგონებიც ცნობისმოყვარეობით ადევნებდნენ თვალყურს.

რატომაც არა! როზი ყველაზე პიკანტურ დეტალებს აცნობებდა. კერძოდ, რომ ახალგაზრდები ერთად წავიდნენ საპირფარეშოში და გარკვეული დროის შემდეგ დაბრუნდნენ.

მომხმარებლები ძალიან დაინტერესდნენ, თუ როგორ დასრულდებოდა ყველაფერი. და დასასრული ბედნიერი აღმოჩნდა. ბარგის მიღების შემდეგ წყვილი ერთად წავიდა ქალაქში.

სხვათა შორის, ბრიტანეთის ბანკის HSBC-ის მიერ ჩატარებული კვლევის თანახმად, თვითმფრინავის 50 მგზავრიდან 1 თავის სიყვარულს ბორტზე პოულობს. გსურთ იპოვოთ ის ერთადერთი ადამიანი და ერთად შეიცნოთ სამყარო?  უფრო ხშირად იმოგზაურეთ.

 

Posted in ბლოგი, კრებულები and tagged , .