თურქული ყავა: სტამბოლის 8 საუკეთესო ყავახანა

თურქული ანდაზის თანახმად: ნამდვილი თურქული ყავა უნდა იყოს „ჯოჯოხეთივით შავი, სიკვდილივით მაგარი და სიყვარულივით ტკბილი!“ ამ სტატიაში გავეცნობით თუ სად უნდა დალიოთ სტამბოლში თურქულად მომზადებული ყავა.

თურქული ყავის შესახებ სავარაუდოდ მხოლოდ ტომებისა და შორეული სოფლების მაცხოვრებლებს არ სმენიათ . ეს არის ნამდვილი ყავის კლასიკა, ამიტომ თურქეთში ჩამოსული ყველა ყავის მოყვარული უბრალოდ ვალდებულია ადგილობრივი ყავა დააგემოვნოს . აქ ამ სასმელის მომზადებისა და მოხმარების მთელი კულტურა არსებობს, ასევე მას ბევრი ადათ-წესი და ტრადიცია უკავშირდება (ჩვენთვის ყველაზე ცნობილი – ყავის ნალექზე მკითხაობაა).

თურქული ყავა (ან აღმოსავლური ყავა) – ეს არის რჩეული არაბიკისგან დამზადებული ყავის სასმელი, რომლის მარცვლები წარმოშობით თურქეთიდან კი არა, ცენტრალური ამერიკიდან, ბრაზილიიდან და ეთიოპიიდანაა . მარცვლებს გულდასმით ახარისხებენ, ხალავენ, წვავენ და ფქვავენ უწვრილეს ფხვნილად – საშუალო სიმკვრივის ყავად, მსუბუქი სიმჟავითა და ოდნავ შესამჩნევი სიტკბოთი . ყავას შოკოლადისა და აღმოსავლური სანელებლების გემო დასდევს.

ცნობილი სასმელის დაგემოვნება ნებისმიერ დაწესებულებაში შეგიძლიათ, რადგან მომზადების პრინციპი დაცულია ყველა ყავახანაში, ხოლო ყველაზე გემრიელი მწარმოებელი არცთუ ისე ბევრია . ყველაზე ცნობილი მწარმოებელია – Mehmet Efendi, რომლის პროდუქციას ნებისმიერ ადგილობრივ სუპერმარკეტში ან ემინონუს რაიონში მდებარე საფლაგმანო მაღაზიაში იპოვით, სადაც ყავას ყოველ დღე ფქვავენ . Nuri Toplar-ის ყავა (ასევე ემინონუში მდებარეობს და 1890 წელს გაიხსნა) – კიდევ ერთი შესანიშნავი არჩევანია, ამ მაღაზიას რეკომენდაციას ადგილობრივი მოსახლეობა უწევს.

თუ გსურთ, რომ არა მხოლოდ ტრადიციულად მომზადებული ყავა, არამედ რაღაც უჩვეულო დააგემოვნოთ (ან პირიქით – თქვენთვის ჩვეული), ამ დაწესებულებებს მიაქციეთ ყურადღება.

Brew Lab

Brew Lab-ში საოცარ ყავის კოქტეილებსა და საავტორო დესერტებს მოგართმევენ, რომელსაც ჩემპიონი ბარისტა Özkan Yetiktir ამზადებს . ეს ქალაქის ერთ-ერთი იმ ადგილთაგანია, რომელშიც აზიაში პოპულარულ მატჩა ყავას შემოგთავაზებენ.

მისამართი: Kuloğlu, Yeni Çarşı Cd . 5/B, 34425 Beyoğlu/İstanbul

Müz Botanic

Müz Botanic – შესანიშნავი ადგილია „ყავისა და ჟანგბადის არომატით“ . ეს ადგილი ერთდროულად ყავახანა და ბოტანიკური ბაღია .

აქ არა მხოლოდ გემრიელი ყავა, არამედ ეგზოტიკური მცენარეებითა და კაქტუსის ან ირმის ფორმის საიუველირო ნაკეთობებით მორთული ექსკლუზიური ინტერიერია . P.S . ნაკეთობები იყიდება.

მისამართი: Firuzağa, Hayriye Cd . 18/A, 34425 Beyoğlu/İstanbul

Funk cafe Karakoy

Funk cafe Karakoy – ადგილი, სადაც სასიამოვნოდ დაისვენებთ და ერთ ჭიქა კოფეინს მიირთმევთ ცნობილი ფერადი ქოლგების რაიონში ფეხით სეირნობის შემდეგ.

მისამართი: Kemankeş Karamustafa Paşa, Yuva Sk . no:4, 34425 Beyoğlu/İstanbul

Velvet Cafe Balat

Velvet Cafe Balat – სტამბოლის ძალიან მყუდრო და „საინსტაგრამო“ კუთხეა . ვინტაჟური სკამები, ფერადი სასმელები და დესერტები, რომლებსაც ხელნაკეთი ჭურჭლით მოგართმევენ . კაფეები მდებარეობს როგორც ტურისტებით სავსე გალატას რაიონში, ისე ბალატის რაიონში – ახალი ახალგაზრდული რაიონი, რომელიც ჯერ არ არის ტურისტების ნაკადებით სავსე . გემოვნებიანი კაფეებისა და სტამბოლის ერთ-ერთ ბორცვზე მდებარე სათვალთვალო მოედნების გამო ადგილობრივი მოსახლეობა მას „სტამბოლის მონმარტრს“ უწოდებს.

მისამართი: Balat, Çimen Sk . No:8, 34087 Fatih/İstanbul

Galata Konak Cafe

Galata Konak Cafe – აქ არა მხოლოდ ულამაზესი ხედი იშლება გალატას კოშკზე, არამედ სტამბოლში ყველაზე გემრიელ ტრილეჩეს დესერტს ამზადებენ ოქროს რქის პანორამული ხედით;

მისამართი: Bereketzade, Hacı Ali Sk . No:2, 34425 Beyoğlu/İstanbul

Walter’s coffee roastery

Walter’s coffee roastery – ქიმიური ლაბორატორიის სტილში მოწყობილი კაფე – ატმოსფერული, დახვეწილი, უჩვეულო . თქვენთვის საინტერესო იქნება ყავის მომზადებისა და მოხალვის პროცესზე დაკვირვება, ხოლო პერსონალი სასმელებზე „ექსპერიმენტების ჩატარებასაც“ კი შემოგთავაზებთ… ეს ყავახანა – ნამდვილი მექაა სერიალი „მძიმე დანაშაულის“ თაყვანისმცემლებისთვის: დაწესებულების პერსონალი საშუალებას მოგცემთ ყვითელი კომბინეზონი ჩაიცვათ და ნიღაბი გაიკეთოთ, რათა განსხვავებული ფოტოები გადაიღოთ;

მისამართი: Caferağa, Bademaltı Sk . No:21, 34710 Kadıköy/İstanbul

Hotel Arcadia Blue

Hotel Arcadia Blue – საუკეთესო ყავა სასტუმროს ტერასაზე ქალაქის 2 მთავარი ღირსშესანიშნაობის პანორამული ხედით – ცისფერი მეჩეთისა და წმინდა სოფიას ტაძრის.

მისამართი: No:, İmran Öktem Cd., 34440 Fatih/İstanbul

Simit Cafe

Simit Cafe – კაფეთა ქსელი მთელ სტამბოლში . ცნობილი თურქული ყავის გარდა, აქ ყველა სახის ყავაა წარმოდგენილი ევროპელი ტურისტებისთვის, ასევე საოცარი ნამცხვრები და ახალგამოწურული წვენები (ფავორიტები -ფორთოხლისა და ბროწეულის, ასევე შეგიძლიათ ამ ხილის მიქსი მოითხოვოთ) . ამ ქსელის საუკეთესო კაფე ცისფერი მეჩეთისა და იპოდრომის მოედნის მახლობლად მდებარეობს . კაფის სავიზიტო ბარათია – show kitchen-ის ელემენტები – თურქი ქალბატონი სტუმრების წინაშე ცომს აბრტყელებს პუპულარული კვერების – გიუზლემეს მოსამზადებლად . თუ მოგშივდათ, აქვე შეგიძლიათ აირჩიოთ ტრადიციული თურქული კერძები და მეორე სართულზე მიირთვათ, საიდანაც საქმიანის ქალაქის ცხოვრებას დააკვირდებით .

და რა თქმა უნდა, მკითხაობის შესახებ ! ჰიპსტერულ რაიონში Moda (სტამბოლის აზიური მხარე) სეირნობისას შეუძლებელია ვერ შენიშნოთ მრავალი კაფე წარწერით „Kahve ve Tarot“ – ეს იმას ნიშნავს, რომ აქ გარდა ყავისა შემოგთავაზებენ ტაროს კარტით ან ყავის ნალექზე მკითხაობას . გაითვალისწინეთ, რომ ასეთი კაფეების თანამშრომლები მხოლოდ თურქულად საუბრობენ, ამიტომ შეკვეთამდე ამ მომენტის დაზუსტებას გირჩევთ.

შენიშვნა: თურქული ყავა უფასოდაც შეგიძლიათ დააგემოვნოთ . თუ ტკბილეულობის ნებისმიერ მაღაზიას ან ხალიჩების მაღაზიას, ტყავის ნაწარმის ცენტრს და ა.შ . ეწვევით, სტუმართმოყვარე მასპინძლები (რომლებიც საქონლის მომავალი შეძენის ინტერესსა და პოტენციალს ხედავენ) სიამოვნებით მოგართმევენ ამ ყველაზე პოპულარულ სასმელს .

თურქული ყავის რეცეპტი

თუ გსურთ ყავა სახლში ჩამოიტანოთ და სახლში მოამზადოთ – ამ სასმელის მომზადებისა და პროპორციების რეცეპტს გიზიარებთ.

თურქული ყავა მზადდება ჯეზვეში, რომელიც პატარა ტარიან ჭურჭელს წადმოადგენს და ტრადიციულ ვარიანტში სპილენძისგან მზადდება . ჯეზვეს სქელი ფსკერი და ვიწრო ყელი უნდა ჰქონდეს . თურქული ყავის ერთი პორციის მოსამზადებლად ერთი ჭიქა წყალი (წყლის მოცულობა = ყავის ჭიქის მოცულობა) და ორი სავსე ჩაის კოვზი ყავა უნდა აურიოთ . რადგან ყავის მომზადების შემდეგ შაქრის დამატება არ შეიძლება, იგი ჯეზვეში ჩაამატეთ (ორი ჩაის კოვზი შაქარი – ტკბილი ყავის მოსამზადებლად, ერთი ჩაის კოვზი – საშუალო ყავისა და უშაქრო – მათთვის, ვისაც მწარე ყავა უყვარს) . როდესაც ყავა დუღილს იწყებს, დაელოდეთ სანამ ქაფი წარმოიქმნება და ცეცხლიდან მანამ გადმოიღეთ, სანამ ყავა ამოსვლას დაიწყებს . ეს გარანტიას მოგცემთ, რომ ყავა ქაფიანი გამოვა, რადგან სწორედ ეს არის ტრადიციული თურქული ყავის უმნიშვნელოვანესი კომპონენტი . მომზადების შემდეგ, ყავა ცოტა ხნით გააჩერეთ, რათა ყავის ნალექმა დალექვა მოასწროს.

თურქეთის ყველა რეგიონში ყავას ჭიქა წყალთან ერთად მოგართმევენ (და ტკბილეულთან, მაგალითად ლუქუმთან ან შოკოლადთან), რაც ასევე თურქული სასმელის მიწოდების ცერემონიის ნაწილს წარმოადგენს.

თურქული ყავის მომზადების განსაკუთრებული წესის, მოდუღების ტექნიკისა და მდიდარი კულტურის წყალობით 2013 წელს თურქული ყავა იუნესკოს არამატერიალური კულტურული მემკვიდრეობის ძეგლთა სიაში შევიდა . გარდა ამისა, ეს ტრადიცია აღიარებულ იქნა სტუმართმოყვარეობისა და მეგობრობის სიმბოლოდ, რომელიც გულისხმობს ყავის დასალევად შეხვედრებს ყავახანებში ან სტუმრების მიღებისას ყავის დალევის შეთავაზებას . ყავის ამ სიაში შეტანისთვის ერთ-ერთი მთავარი ფაქტორი იყო სასმელის სოციალური მნიშვნელობა, რადგან მას დღესასწაულებისა და ოფიციალური ცერემონიების დროს სთავაზობენ და იგი ნაკლებ კოფეინს შეიცავს, ვიდრე სხვა სახეობის ყავა.