თურქული სამზარეულოს სახელმძღვანელო: ყველაზე გემრიელი კერძები და სად უნდა დააგემოვნოთ

ქაბაბი და ფიდე, კოფტე და მანტი – ზოგიერთისთვის ეს გაუგებარი სიტყვების ნაკრებია, ზოგიერთს კი ამ დასახელებებისგან უკვე დაეწყო აქტიური ნერწყვდენა. დღეს ჩვენ ვისაუბრებთ თურქული სამზარეულოს მთავარ კერძებზე და იმ ადგილებზე, სადაც მათი დაგემოვნება შეგიძლიათ.

სტამბოლისა და ზოგადად, მთელი თურქეთის საზოგადოებრივი კვების ობიექტები იყოფა არა მხოლოდ ფასების კატეგორიით, არამედ შეთავაზებული კერძების ტიპითაც, რაც პირველ რიგში დაკავშირებულია მომზადების ტექნოლოგიასთან. ამასთან დაკავშირებით, ზოგიერთ კერძს მხოლოდ სპეციალურ ადგილებში იპოვით. ქვემოთ მოცემულია დაწესებულებების მოკლე კლასიფიკაცია რეკომენდაციებით.

1. Рideci („ფიდეჯი“ – დაწესებულება, სადაც ფიდე მზადდება)

ფიდე – პიტას, პიცის ან ხაჭაპურის თურქული ვარიანტია. კვერები ცეცხლგამძლე ხის ღუმელში მზადდება შიგთავისის ფართო ასორტიმენტით: ხორცი, ყველი, ბოსტნეული ან ყველაფერი ერთად. ფიდეს ცომი უფრო მკვრივი და სქელია, ვიდრე პიცის.

ამ დაწესებულებებში გირჩევთ დააგემოვნოთ lahmacun (ლაჰმაჯუნი). ეს არის უთხელესი ხრაშუნა კვერი ფარშისა და ბოსტნეულის შიგთავისით. მას მწვანილთან და წვნიან პომიდორთან ერთად ახვევენ და აირანთან ერთად მიირთმევენ. საუცხოო გემოს აქვს! მიირთვით და არ გაითხუპნოთ.

2. Kebapçi (ქებაპჩიდაწესებულება, სადაც ქაბაბი მზადდება)

ქაბაბი არაბულად ნიშნავს „ცეცხლზე გამომცხვარს“, ასე რომ აქ ნახავთ ყველაფერს, რაც გრილზე და მაყალზე მზადდება: ქაბაბი, კატლეტი, მწვადი – შეარჩიეთ თქვენი გემოვნებით, მაგრამ არ დაგავიწყდეთ მიუთითოთ სიცხარის დონე.

ამ დაწესებულებებში გირჩევთ ცალკე დააგემოვნოთ ისეთი საუზმეული, როგორიცაა:

  • içli̇ köfte (იჩლი კოფტე). ფარშის შიგთავსი ნიგვზითა და სანელებლებით ბულგურის თხელი ხრაშუნა ქერქის ქვეშ. ფორმით ლიმონს ჰგავს – და ეს მართლაც რომ „ბომბაა!“
  • patlican salatasi (პატლიჯან სალათასი) – ბადრიჯნის სალათი იოგურტით. ხელახლა აღმოაჩინეთ ბადრიჯანი!

3. Mantici (მანტიჯი – დაწესებულება, სადაც მანტი მზადდება)

აქ ჩვეულებრივ, პირდაპირ შუშის ვიტრინებში დაინახავთ ადგილობრივ ქალებს თავსაფრებსა და წინსაფრებში, რომლებიც ცომს აბრტყელებენ. ტრადიციული თურქული მანტი ეს არის ჯვრის ფორმით დაკეცილი ცომის მიკროსკოპული კვადრატი. შიგთავსის ძიებით შეგიძლიათ არ შეიწუხოთ თავი. ამ ზომის გამო იგი ნომინალურად არის წარმოდგენილი. მაგრამ, როგორც იტალიური პასტას ალტერნატივა – მშვენიერი კერძია, განსაკუთრებით კი სოუსებითა და სანელებლებით.

აქვე, როგორც წესი, ამზდებენ gözleme (გიოზლემე). გარეგნულად ძალიან ჰგავს ჩვენს ბლინებს, მაგრამ ტექნოლოგია განსხვავებულია, უფრო თათრული იანტიკია. მშრალ ტაფაზე გამომცხვარი თხელი ცომი ხაჭოს, კარტოფილის ან მწვანილის შიგთავსით. განსაკუთრებით გემრიელია გიოზლემე ისპანახითა და ბრინზა ყველით. დააგემოვნეთ, შესანიშნავი საუზმე ან წასახემსებელია!

4. Ev Yemekleri (ევ ემეკლერი – დაწესებულება, სადაც კერძები ოჯახურად მზადდება, თურქულად ოჯახურად)

ფაქტობრივად ეს არის ტრადიციული თურქული სამზარეულო, რასაც ისინი რეგულარულად, ყოველდღე, სახლში მიირთმევენ. აქ იპოვით სხვადახვა წვნიანს, შემწვარ ხორცს, გულიაშს, დოლმას (ფარშირებულ წიწაკას, ბადრიჯანს, ყაბაყს), სარმას (ტოლმას კომბოსტოს ან ყურძნის ფოთლებისგან), ბოსტნეულისგან დამზადებულ უამრავ კერძს, რომლებიც ქურაზე ან ღუმელში მზადდება.

გირჩევთ დააგემოვნოთ karniyarik (კარნიარიკი) – ბადრიჯანი ხორცის ფარშითა და ბოსტნეულით, ისევე როგორც kara lahana sarmasi – ტოლმა ფურცლოვანი კომბოსტოსგან. თუ ეგზოტიკა გსურთ – გასინჯეთ bamya çorbasi (ბამია ჩორბასი) – ბამიას მცენარის მჟავე და ბლანტი კვირტებისგან დამზადებული წვნიანი. ზოგადად, აქ ყველაფერი გემრიელია, ძალიან ხშირად ასეთ დაწესებულებებში სადილს შვედური მაგიდის პრინციპით სთავაზობენ, ანუ შეგიძლიათ ყველაფერი ცოტ-ცოტა დააგემოვნოთ.

გაითვალისწინეთ, რომ სიტყვა „ფლავში“ (pilav) თურქები გულისხმობენ უბრალოდ გარნირს თეთრი ბრინჯისგან.

5. Börekçi (ბიორეკჩი, დაწესებულება, სადაც ბიორეკს ამზადებენ)

ბიორეკი – ცომისგან დამზადებული არატკბილი ნაწარმის დიდი ჯგუფია (ღვეზელის ტიპის) შიგთავსით. სხვათა შორის, ჩვენთვის ნაცნობი ჩებურეკი სინამდვილეში არის – çi̇ğ börek – ბიორეკი უმი შიგთავსით (ფარშით). სხვადასხვა ბიორეკი ასევე ყოველთვის არის კაფეტერიებსა და საკონდიტრო მაღაზიებში.

გირჩევთ დააგემოვნოთ: si̇gara böreği̇ – ხაჭოთი, kol böreği̇ – ხორცის შიგთავსით, su böreği̇ – მოხარშული ცომის მრავალი ფენა, რომელიც ყველთან ერთად ცხვება (თურქებმა გირცის კეთება დაიზარეს და „სუ ბიორეკი“ მოიგონეს).

ასევე წაიკითხეთ: თურქული ყავა: სტამბოლის 8 საუკეთესო ყავახანა

6. ქუჩის საკვები

დილით, სტამბოლის ქუჩები სავსეა ბლითებისა და ღვეზელების გამყიდველების ურიკებით (ფოაჩა). მიირთვით ხრაშუნა ბლითი ფინჯან ჩაისთან ბოსფორის სანაპიროზე – ეს დღის შესანიშნავი დასაწყისია! მსოფლიოში ყველაზე გემრიელი ფოაჩა – სანაპიროზე კარაკოის ნავმისადგომთანაა. ამავე სანაპიროზე შეგიძლიათ მიირთვათ ახალდაჭერილი და აქვე, თქვენი თანდასწრებით შემწვარი თევზის სენდვიჩი (balik-ekmek).

გვიან საღამოს, ქალაქის ძველი უბნები ივსება кokoreç-ის კვამლითა და სურნელით. ეს ქუჩის კერძი ადგილობრივებისთვის, ნაწლავებისგან და შიგნეულისგან, ძალიან ცხარეა! ძალიან მადისაღმძვრელია, მაგრამ ყოველთვის იბადება კითხვები სუბპროდუქტების დამუშავების სტერილობის შესახებ. ამიტომ, სანამ მისი დაგემოვნების რისკზე წახვალთ, შეამოწმეთ გაქვთ თუ არა ჯანმრთელობის დაზღვევა.

კეთილი იყოს თქვენი მობრძანება თურქეთში და ღმერთმა შეგარგოთ! Türkiye’ye Hoş Geldiniz! Afiyet Olsun!

P.S. და არ დაგავიწყდეთ სპორტულ დარბაზში აბონემენტის განახლება, იგი აუცილებლად დაგჭირდებათ ამ უგემრიელესი გასტროტურიდან სახლში დაბრუნების შემდეგ კონტრასტებისა და კონტრასტული გემოვნების დაუვიწყარ ქალაქში – სტამბოლში!

ასევე წაიკითხეთ: 20 ადგილი, რომელთა მონახულებაც ღირს სტამბოლში

აქვე სტამბოლის ავიაბილეთების ფასებსაც ჩამოგიწერთ :=)

ყველაზე იაფი ავიაბილეთები Tbilisi-დან Istanbul-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

31.12.2019

04.01.2020

Direct

ფასი 376

27.01.2020

30.01.2020

Direct

ფასი 288

27.02.2020

01.03.2020

Direct

ფასი 300

24.03.2020

28.03.2020

Direct

ფასი 302

02.04.2020

06.04.2020

Direct

ფასი 392

07.05.2020

12.05.2020

Direct

ფასი 409

17.06.2020

24.06.2020

Direct

ფასი 409

10.07.2020

14.07.2020

Direct

ფასი 498

31.08.2020

07.09.2020

Direct

ფასი 453

25.09.2020

04.10.2020

Direct

ფასი 409

11.10.2020

18.10.2020

Direct

ფასი 409

15.11.2020

20.11.2020

Direct

ფასი 579

Posted in ბლოგი, კრებულები and tagged , , , .