ზაფხულის 9 სპორტული ღონისძიება 2019

პირდაპირ ან ჩანაწერის მეშვეობით ეთერში გადაცემული სპორტული შეჯიბრებების ნახვა, რა თქმა უნდა, შესანიშნავია, მაგრამ მოვლენების ეპიცენტრში მიღებულ ემოციებს არაფერი შეედრება.

ფეხბურთის, ჩოგბურთის ან ფორმულა-1-ის გულშემატკივარი ბრძანდებით ? გაემგზავრეთ სპორტულ შეჯიბრებებში მონაწილეთა საგულშემატკივროდ და ეს საქმიანობა ქალაქში ექსკურსიასთან შეათავსეთ, სადაც (ან რომლის გვერდით) ორთაბრძოლა იმართება . ზაფხული დატვირთული იქნება!

ივნისი

1 ივნისი: უეფა-ს ჩემპიონთა ლიგის ფინალი . მადრიდი, ესპანეთი

წარმოიდგინეთ, რომ სტადიონზე იმყოფებით და სხეულის ყველა უჯრედით გრძნობთ მატჩის ატმოსფეროს . ზოგადად, უნდა გაემგზავროთ და საკუთარი თვალით იხილოთ თუ რომელი ინგლისური კლუბი გაიმარჯვებს – „ტოტენჰემი“ (რომლისთვისაც ეს ჩემპიონთა ლიგის პირველი ფინალი იქნება) თუ „ლივერპული“ (რომლისთვისაც ეს უკვე მეცხრე ფინალია) ? ვიმედოვნებთ, რომ თამაში შთამბეჭდავი იქნება . იგი „მეტროპოლიტანოს“ სტადიონზე გაიმართება . ფინალის წინ აუდიტორიის წინაშე სიმღერას ჯგუფი Imagine Dragons შეასრულებს.

ჩემპიონთა ლიგის ფინალის ბილეთები.

ყველაფერი ისე დაგეგმეთ, რომ საოცარ მადრიდში გასეირნება მოასწროთ, ეს ქალაქი გაგაოცებთ.

5-9 ივნისი: უეფა–ს ერთა ოთხი ლიგის ფინალი. პორტუგალია, პორტო

დიდი ხანია პორტოში გამგზავრებაზე ოცნებობთ ? შესანიშნავ მიზეზს გთავაზობთ ! 2019 წლის ივნისში ერთა ლიგის ფინალურ ეტაპზე პორტუგალია, ინგლისი, შვეიცარია და ნიდერლანდები ითამაშებენ .

ფინალი გაიმართება 9 ივნისს პორტოს „დრაგაუს“ სტადიონზე.

ერთა ოთხი ლიგის ფინალის ბილეთები..

[tp_cheapest_ticket_each_day_month_shortcodes]
Currency is invalid.

21-23 ივნისი: ფორმულა 1 . საფრანგეთის გრან პრი . ლე-კასტელე

თუ თქვენ სიჩქარე გიტაცებთ, საფრანგეთის გრან-პრის სანახავად გაეშურეთ . შეჯიბრებები პოლ რიკარის ტრასაზე გაიმართება, რომელიც პროვანსში ულამაზესი შუასაუკუნეების სოფელ ლე კასტელეს მახლობლად მდებარეობს . იგი საფრანგეთის უდიდესი ქალაქ მარსელიდან 34 კილომეტრში მდებარეობს .

21 ივნისს განრიგით თავისუფალი პრაქტიკაა, ხოლო 22 – საკვალიფიკაციო გარბენი . მთავარი რბოლა 23 ივნისს გაიმართება.

საფრანგეთის გრან-პრის ბილეთები. 

21-30 ივნისი: II ევროპული თამაშები . ბელარუსი, მინსკი

თუ ჯერ კიდევ არ გადაგიწყვეტიათ სად გაატაროთ ზაფხული და სპორტიც ძალიან გიყვართ, მინსკში II ევროპულ თამაშებზე გაემგზავრეთ . ამ ღონისძიების მასშტაბი გაგაოცებთ ! 4000 სპორტსმენი ევროპის ორმოცდაათი ქვეყნიდან სპორტის 15 სახეობაში მონაწილეობს: ბადმინტონი, 3×3 კალათბურთი, კრივი, ჭიდაობა (ბერძნულ-რომაული, თავისუფალი, ქალთა), ველოსპორტი (ტრეკი და გზატკეცილი), ტანვარჯიში (სპორტული, მხატვრული, აკრობატიკა, აერობიკა და ბატუტზე ხტომა), ნიჩბოსნობა (ბაიდარი და კანოე), ძიუდო, კარატე, მძლეოსნობა, სამბო, მშვილდოსნობა, სროლა (ტყვიისა და სასტენდო), მაგიდის ჩოგბურთი და პლაჟის ფეხბურთი.

II ევროპული თამაშების ბილეთები. 

28-30 ივნისი: ფორმულა-1 . ავსტრიის გრან-პრი, შპილბერგი

ეს უნდა ნახოთ ! ავსტრიის გრან-პრი გაიმართება სოფელ შპილბერგის მახლობლად მდებარე ტრასაზე Red Bull Ring . იგი ავსტრიის სიდიდით მეორე ქალაქ გრაციდან ერთი საათის სავალ მანძილზე მდებარეობს.

სამი დღის განმავლობაში თავისუფალი გარბენი, კვალიფიკაცია და რბოლა გაიმართება . არ შემოიფარგლოთ მხოლოდ ტრასაზე გამართული ღონისძიებებით, დაგეგმეთ ფეხით სეირნობა გრაცში ან ვენაში . შპილბერგიდან დედაქალაქში ავტომობილით დაახლოებით ორ საათში მოხვდებით.

ავსტრიის გრან-პრის ბილეთები.

ივლისი

1-14 ივლისი: უიმბლდონის დიდი სლემის საჩოგბურთო ტურნირი . დიდი ბრიტანეთი, ლონდონი

ეს ხომ უიმბლდონია ! 2019 წელს უიმბლდონის მთავარი საჩოგბურთო ტურნირი სრულიად ინგლისის ლაუნ-ტენისისა და კრიკეტ-კლუბის 19 კორტზე გაიმართება . ლონდონში იმყოფებოდეთ და მისი ყველა კუთხე არ მოიაროთ – ნამდვილი დანაშაულია, ამიტომ აუცილებლად დაგეგმეთ ექსკურსიები.

2019 წლის უიმბილდონის ბილეთები. 

12-14 ივლისი: ფორმულა-1 . დიდი ბრიტანეთის გრან-პრი, სილვერსტოუნი

სილვერსტოუნის ტრასა, რომელზეც რბოლა გაიმართება, სოფელ სილვერსტოუნის მახლობლად მდებარეობს, ლონდონიდან ორი საათის სავალ მანძილზე . ამიტომ გირჩევთ დედაქალაქში ჩაფრინდეთ, გაისეირნოთ, შემდეგ კი ფორმულისკენ გაეშუროთ . მაგრამ მხოლოდ ლონდონით არ შემოიფარგლოთ . სილვერსტოუნიდან 20 წუთის სავალ მანძილზე საინტერესო ღირშესანიშნაობების მქონე ატმოსფერული ქალაქები მილტონ კეინსი და ნორთჰემპტონი მდებარეობს . მოკლედ, თუ დრო გექნებათ, აუცილებლად ეწვიეთ.

დიდი ბრიტანეთის გრან-პრის ბილეთები.

აგვისტო

2-4 აგვისტო: ფორმულა-1 . უნგრეთის გრან-პრი, ბუდაპეშტი

ბუდაპეშტში გამართულ განთქმულ ღონისძიებებს შორისაა ფორმულა-1-ის გრან-პრის ეტაპი . შეჯიბრებები დედაქალაქის შემოგარენში განთავსებულ ჰუნგარორინგის ტრასაზე გაიმართება.

2 აგვისტოს დაგეგმილია საცდელი გარბენი, 3 აგვისტოს რბოლის კვალიფიკაცია გაიმართება, ხოლო 4 აგვისტოს – 2019 წლის უნგრეთის გრან- პრის რბოლა . ბუდაპეშტი მოუთმენლად გელით, მაშინაც კი, თუ თქვენ უკვე ბევრჯერ შეხვედრილხართ.

უნგრეთის გრან-პრის ბილეთები. 

30 აგვისტო – 1 ​​სექტემბერი: ფორმულა-1 . ბელგიის გრან-პრი, სპა

აქ ფორმულის ყველა გულშემატკივარი უნდა მოხვდეს . ბელგიის გრან-პრი სპა-ფრანკორშამის ტრასაზე იმართება, რომელსაც გულშემატკივრები და მრბოლელები მსოფლიოს ერთ-ერთი საუკეთესო ტრასად მიიჩნევენ . ეს არის ფორმულა-1-ის ყველაზე გრძელი ტრასა, მისი სიგრძე 7 ​​კმ-ზე მეტია.

სპა-ფრანკორშამი ისტორიულ ქალაქ სპას მახლობლად მდებარეობს – სამკურნალო მინერალური წყლების გამო ქალაქმა პოპულარული გამაჯანსაღებელი კურორტის სტატუსი მიიღო . სამკურნალო წყაროები აქ ჯერ კიდევ რომის იმპერიის მმართველობის დროს აღმოაჩინეს . ბრიუსელიდან სპა 1 საათისა და 40 წუთის სავალ მანძილზე მდებარეობს .

ბელგიის გრან-პრის ბილეთები.

ასევე წაიკითხეთ:

• ბარსელონა: 8 ადგილი, რომელიც მხოლოდ ადგილობრივმა მოსახლეობამ იცის
• ესპანეთის 10 საუკეთესო კურორტი: კოსტა ბრავადან კოსტა დელ სოლიმდე
• ამსტერდამის სამი მუზეუმი, რომლებიც გაგაოცებთ