მთავარი » ბლოგი » კრებულები » ამსტერდამის სამი მუზეუმი, რომლებიც გაგაოცებთ

ამსტერდამის სამი მუზეუმი, რომლებიც გაგაოცებთ

არსებობს მუზეუმები, რომელთა მონახულება სავალდებულოა თითოეული ტურისტისთვის. ალბათ ყველას სმენია რეიკსმუზეუმის, რემბრანდტის, ვან გოგისა და მადამ ტიუსოს მუზეუმების შესახებ, მაგრამ ამსტერდამში ყურადღების ღირსი რამდენიმე პატარა მუზეუმიც არის. მათ ბევრი რამ შეუძლიათ გიამბონ ქვეყნის შესახებ, მითები დაამხსვრიონ და საიდუმლოებებს ფარდა ახადონ.

ტიტების მუზეუმი

ეროვნული ვალუტა

ტიტა ნიდერლანდის სიმბოლოა. ამსტერდამის ცენტრში მდებარე პატარა ტიტების მუზეუმი სწორედ გაზაფხულის ყვავილნარის მეფეს ეძღვნება.  ეს ის ადგილია, სადაც სტერეოტიპები იმსხვრევა. მაგალითად, მიჩნეულია, რომ ნიდერლანდები – ტიტების სამშობლოა. მაგრამ სინამდვილეში, მთელი ევროპის ამაყად გავლის შემდეგ ტიტა ქარის წისქვილების ქვეყანაში თურქეთიდან მოხვდა. მას შემდეგ კი ნამდვილი „ტიტების ციებ-ცხელება“ გაჩაღდა.

ერთი ბოლქვი მზითევად  საკმარისი იყო იმისათვის, რომ მდიდარ პატარძლად გაეთქვათ სახელი. ოჯახი შეძლებულად ითვლებოდა, თუ მათ სამი ბოლქვი ჰქონდა – მათ სანაცვლოდ კარგი სახლის შეძენაც კი შეიძლებოდა.

XVII საუკუნეში ტიტა ფაქტობრივად ეროვნული ვალუტა გახდა. მაგრამ მალე „ფინანსური პირამიდა“ დაიმსხვრა, მთავრობამ  ბოლქვებით გარიგებები მავნედ მიიჩნია და ტიტა მხოლოდ ლამაზ  ყვავილად იქცა.

მაგრამ ახლაც კი ტიტა წამყვან ადგილს იკავებს, მათ შორის ნიდერლანდების გერბზე. ქვეყნის ტერიტორიის მეხუთედი ტიტების მინდვრებისთვის გამოიყენება.

ნიდერლანდების სიმბოლოს მუზეუმი 2004 წელს უბან იორდანში ამერიკელმა კრის შიპერმა გახსნა. მისი ოჯახი რამდენიმე საუკუნის მანძილზე ტიტების მოყვანით იყო დაკავებული. ფოტოების, დოკუმენტური ფილმების ნახვას, ყვავილების გამოსახულებიანი ხელოვნების ნივთების შეძენას მხოლოდ აქ, ტიტების მუზეუმში შეძლებთ, რომელიც რამდენიმე გალერეას, ყვავილების მოყვარულთა კლუბს და მაღაზიას მოიცავს.

მუზეუმის სამუშაო საათებია: ორშაბათიდან კვირის ჩათვლით 10:00 საათიდან 18:00 საათამდე.

ბილეთის ფასი:

  • მოზრდილთათვის – €6;
  • ოჯახისთვის – €15;
  • სტუდენტებისთვის – €4.

ამსტერდამის ტროპიკების მუზეუმი

სამყაროს ირგვლივ

ტროპიკების მუზეუმი საგანგებოდ შეიქმნა მოგზაურობის მოყვარულებისა და თავგადასავლების მაძიებლებისთვის. მსოფლიოს ანთროპოლოგიურ მუზეუმებს შორის სავარაუდოდ იგი ყველაზე გამორჩეული და საინტერესოა.

აღმოსავლეთ ამსტერდამის ისტორიულ შენობაში მდებარე Tropenmuseum უკვე თავისი არქიტექტურით ახდენს შთაბეჭდილებას. მუზეუმში  გადაადგილების დროს თქვენ ჯერ ერთი კონტინენტიდან მეორეზე,   შემდეგ კი მთელ მსოფლიოში მოხვდებით. არაბული ბაზარი, ინდური კვარტალი, ზეიმი ერთ-ერთ აფრიკულ ტომში – თანდათანობით მთელ დედამიწას მოივლით.

საკუთარი თეატრი, უჩვეულო ბიბლიოთეკა და რესტორანი ტროპიკული მენიუთი – მუზეუმი ნამდვილად გაგაოცებთ. Tropenmuseum მარჯვედ ახდენს გავლენას გრძნობის ყველა ორგანოზე, რაც შეგრძნებებს დამაჯერებლობას მატებს. ბავშვები კი აღფრთოვანებული დარჩებიან „იუნიორ“ ინტერაქტიული დარბაზების მონახულებით.

მუზეუმის სამუშაო საათებია: 10:00 საათიდან 15:00 საათამდე.

ბილეთის ფასი:

  • მოზრდილთათვის – €10;
  • 13 წლამდე ასაკის ბავშვებისთვის – €6;
  • 65+ და სტუდენტებისთვის – €6.

ამსტერდამის ფლუორესცენტული სამხატვრო მუზეუმი

პარალელური სამყაროები

ძველ უბან იორდანში მსოფლიოში ერთადერთი ფლუორესცენტული სამხატვრო მუზეუმი მდებარეობს, რომელსაც ჯიმი ჰენდრიქსის საპატივცემულოდ Electric Ladyland ეწოდა.

მუზეუმში რამდენიმე დარბაზი ან, შეიძლება ითქვას, დონეა. „სარკის მიღმა“ მოგზაურობა  ნახატების გალერეით იწყება, რომლის ექსპონატები სიბნელეში ანათებენ.

შემდეგ ნიკ პადალინო – მუზეუმის დამფუძნებელი, კურატორი და გიდი –  სამხატვრო მღვიმეში ჩასვლას შემოგთავაზებთ, სადაც თითოეული სტუმარი ფანტასტიკური მოქმედების არა მხოლოდ მაყურებელი, არამედ მონაწილე  ხდება.

ხელოვნური და ორგანული ფლუორესცენტული მასალების პირადი კოლექცია ამერიკელი ენთუზიასტის განსაკუთრებული სიამაყეა. მყინვარი, დედამიწა, შივას ქანდაკება, ზეცა – ქანდაკებები დამზადებულია ხელოვნური  ფლუორესცენტული მინერალებისგან.

აქ ნათლად ნაჩვენებია, თუ როგორ გამოიყენება ფლუორესცენტული მინერალები არა მხოლოდ ხელოვნებაში, არამედ მედიცინაში, კრიმინოლოგიასა და ინდუსტრიაში. ასეთი უჩვეულო მუზეუმის მონახულების შემდეგ, ალბათ, ათასობით ქვის შუქი გამოძახილს იპოვის თქვენს გულში.

მუზეუმის სამუშაო საათებია: სამშაბათიდან შაბათის ჩათვლით 13:00 საათიდან 18:00 საათამდე.

ბილეთის ფასი:

  • მოზრდილთათვის – €5;
  • 12 წლამდე ასაკის ბავშვებისთვის – შესვლა უფასოა.

ასევე იხილეთ:

Posted in ბლოგი, კრებულები and tagged , , .

მობილური აპლიკაცია

მოიძიეთ და დაჯავშნეთ იაფი ავიაბილეთები პირდაპირ თქვენი სმარტფონებიდან, მიიღეთ უფრო მეტი სიამოვნება თქვენი მომავალი დასვენებისთვის.

გადმოწერა