საუკეთესო გზამკვლევი მალტაზე: ყველაზე მნიშვნელოვანი ერთ სტატიაში

მრავალი ათასწლეულის მანძილზე მალტა  ხელიდან ხელში გადადიოდა. აქ იყვნენ ბრიტანელები, ესპანელები, ნორმანები, არაბები, ბიზანტიელები, რომაელები, კართაგენელები, ფინიკიელებიამ პატარა ქვეყნის მღელვარე წარსული, რომელიც ჩვენი თანამემამულეების მიერ არ არის სათანადოდ შეფასებული, იმის გარანტიას მოგცემთ, რომ კულტურული პროგრამის კუთხით პრობლემები არ შეგექმნებათ. განსაკუთრებით თუ ჩვენი Aviabiletebi.org-ის რეკომენდაციებს გაითვალისწინებთ!

სასარგებლო ინფორმაცია

პლაჟის სეზონი მაისიდან ოქტომბრის ჩათვლით გრძელდება, ყველაზე მაღალი წყლის ტემპერატურა (+30°C-მდე) ივლისსა და აგვისტოშია.

ავტობუსი ძირითადი ტრანსპორტია. ისინი კომფორტული, კონდიციონერით აღჭურვილი და ხელმისაწვდომია, მაგრამ ერთი მინუსი აქვთყოველთვის არ იცავენ გრაფიკს. ივნისის შუა რიცხვებიდან ოქტომბრის შუა რიცხვებამდე ერთჯერადი ბილეთის საფასურია 2 ევრო, სხვა დროს – 1.5 ევრო. ღამით ერთი მგზავრობის საფასური 3 ევროა. შეუზღუდავი სამგზავრო ბილეთის ღირებულება (Tallinja card) ერთი კვირის განმავლობაში მოზრდილთათვის – 21 ევრო, ბავშვებისთვის – 15 ევრო.

თუ არა მხოლოდ გარუჯვას და ბანაობას, არამედ ღირსშესანიშნაობების მონახულებას აპირებთ, ავტომობილის დაქირავებას გირჩევთ (გაითვალისწინეთ, რომ მოძრაობა გზის მარცხენა მხარესაა)! ამის გაკეთება როგორც ადგილობრივ, ისე საერთაშორისო კომპანიებთან შეგიძლიათ. ამ უკანასკნელს ფასები თავდაპირველად უფრო მაღალი აქვს, მაგრამ მოიცავს  დაზღვევას გატაცების და ავტოსაგზაო შემთხვევის შემთხვევაში. ყურადღებით წაიკითხეთ ხელშეკრულება ხელმოწერამდეარის შემთხვევები, როდესაც ადგილობრივ კომპანიებთან ქირაობა ყველა მოსაკრებლის გათვალისწინებით უფრო ძვირია, ვიდრე ცნობილ სააგენტოებთან. Toyota Aygo ან მისი ანალოგის ქირაობა დღეში დაახლოებით 70 ევრო დაგიჯდებათ, Chevrolet Aveo – 100 EUR.

ერთადერთი საერთაშორისო აეროპორტი ქვეყნის დედაქალაქ ვალეტადან 5 კილომეტრში მდებარეობს. თბილისიდან ტრანზიტული რეისის ორივე გზის ბილეთის ფასი 240 ევროდან იწყება, სხვა შემთხვევაში უფრო ბიუჯეტურად ქუთაისიდან ვიზეარით ათენში ჩაფრენა და შემდეგ იქიდან დაბალ ბიუჯეტიანი რიანაირი მიფრინავს მალტაში.

ვახშამი რესტორანში საშუალოდ 12-15 ევრო ღირს. გირჩევთ დააგემოვნოთ  ფარშით დატენილი ბადრიჯანი (brungiel mimli), შემწვარი ხორცი კარტოფილით (pal fil-Forn), პურის საუზმეული პომიდვრით (hobz biz-zejt), საქონლის ხორცის რულეტი (bragioli), თხის ყველი (gbejniet), ტრადიციული დესერტი იმკარეტი (imqaret). მენიუში ასევე შეგიძლიათ იხილოთ თევზისა და ზღვის პროდუქტების კერძები, მაგრამ ტურისტების მოლოდინის მიუხედავად, საკმაოდ ძვირია.

3* სასტუმროში ორადგილიანი სტანდარტული ნომრის შეძენა დღეში 40 ევროდ შეგიძლიათ, ხოლო 5* სასტუმროში – 150 ევროდ.

დასვენება პლაჟზე

მალტაზე უამრავი პლაჟია: ქვიშიანი (თეთრი, წითელი ან ვარდისფერი ქვიშით), კენჭიანი, ხრეშიანი, „ველურიდა აღჭურვილიარჩევანი თქვენზეა, ჩვენ უბრალოდ გაწვდით ინფორმაციას ყველაზე მოთხოვნადი პლაჟების შესახებ.

სლიემასა და სენტ ჯულიანსის ქალაქების საკურორტო ზონა

აქ ყველაფერია, რაც ყველაზე მომთხოვნ სტუმარს შეიძლება დასჭირდეს: სასტუმროები, რესტორნები, მაღაზიები და, რა თქმა უნდა, უამრავი პლაჟი. მათ შორის საუკეთესოა: Qui-Si-Sana, Ghar id-Dud, Fond Ghadir, The Exiles სლიემასა და სენტ ჯულიანსში. ამ უკანასკნელს, სხვათა შორის, შეიძლება ღამის ცხოვრების ცენტრი ეწოდოსმზის ჩასვლის შემდეგ, ხმაურიანი დისკო კლუბები და ბარები იხსნება.

ვალეტადან აქ ჩამოსვლა #12 და 13 ავტობუსით შეგიძლიათ.

ბუჯიბასა და აურას საკურორტო ზონა

აქ კლდოვანი მოედნები ჭარბობს, რომლებზეც სანაპიროდან შეგიძლიათ ჩახვიდეთ. ყველაზე პოპულარული პლაჟიაქვიშიანი  Perched Beach, რომელიც აურას ცენტრალურ მოედნისა და «Dolmen» სასტუმროს მახლობლად მდებარეობს. სხვებთან შედარებით ის განვითარებული ინფრასტრუქტურით გამოირჩევა.

ვალეტადან აქ ჩამოსვლა #12, 31 და 45 ავტობუსით შეგიძლიათ.

ქალაქი მელიხა

ძირითადი კურორტებიდან მოშორებით მდებარეობს, მაგრამ მის მიდამოებში უამრავი პლაჟია ნებისმიერი გემოვნებისთვის. მათი უმრავლესობა ქვიშიანია, რის გამოც ეს რეგიონი მალტაში საუკეთესო ადგილია ოჯახური დასვენებისთვის.

სტუმრებს შორის პოპულარულია Mellieha Bay  კუნძულის უმსხვილესი ქვიშიანი პლაჟი, ხრეშიანი Mgiebah, კენჭიანი Mistra Bay და ასევე Paradise Bay, რომელიც ჩირკევასთან ახლოს მდებარეობს.

ვალეტადან აქ ჩამოსვლა #41, 42, 49, 250 ავტობუსით, ხოლო აეროპორტიდან  – X1 ავტობუსით შეგიძლიათ.

ქალაქი მარსასკალა

მალტის მაცხოვრებელთა ერთერთი საყვარელი ადგილი. მზის აბაზანების მიღება და გარშემო ხედით ტკბობა Marsaskala Bay პლაჟზე შეგიძლიათ, ხოლო ბანაობას კი St. Thomas Bay პლაჟზე გირჩევთ

ვალეტადან აქ ჩამოსვლა #91, 92, 93 ავტობუსით, ხოლო აეროპორტიდან  – 119 ავტობუსით შეგიძლიათ.

ქალაქი ბირზებუჯა

ძირითადად მალტის მაცხოვრებლებს შორისაა პოპულარული. აქ დიდი ქვიშიანი პლაჟი მდებარეობსPretty Bay, ასევე აქვე მდებარეობს განმარტოებული კლდოვანი Peter’s Pool და  Delimara Bay.

ვალეტადან აქ ჩამოსვლა #82 ავტობუსით შეგიძლიათ.

მალტას დასავლეთ სანაპირო

აქ მთავარი კურორტებიდან მოშორებით სამი პოპულარული პლაჟი მდებარეობს. Golden Bayმალტას ყველაზე ცნობილი ქვიშიანი პლაჟი მალტის განვითარებული ინფრასტრუქტურითა და  წყლის სპორტის სხვადასხვა სახეობებით დაკავების საშუალებით, Ghajn Tuffieha Bayკუნძულის ერთერთი ყველაზე ლამაზი პლაჟი. Gnejna Bay  ველური პლაჟი, სადაც ავტომობილით ან მჯარადან ფეხით შეგიძლიათ  მოხვიდეთ.

გოზოს კუნძული

გოზოზე უამრავი პლაჟია, მაგრამ ტრანსპორტი კი იშვიათად მოძრაობს მის ტერიტორიაზე, ამიტომ ყველაზე კომფორტული ავტომობილის ქირაობაა. კუნძულზე მხოლოდ ორი კურორტია: მარსალფორნი (ყველაზე პოპულარული პლაჟებია: ქვიშიანი Marsalforn bay და ხრეშიანი Qbajjar bay) და შლენდი, სადაც არის როგორც ქვიშიანი პლაჟი, ისე ბეტონის ფილების საფარი. ასევე პოპულარულია Dahlet Qorrot ნადურასთან ახლოს, Dwejra სან ლაურენცის მახლობლად, Hondoq ir-Rummien ალის მიდამოებში, Mgarr ix-Xini შევკიის შორიახლოს.

გოზოს ერთერთ ულამაზეს პლაჟად წითელი ქვიშის მყუდრო პლაჟი San Blas ითვლება, რომელზეც მოხვედრა საკმაოდ რთულია იმათთვისაც კი, ვინც ავტომობილი იქირავა. გოზოს კუნძულზე ბორანი მიგიყვანთ, რომელიც  ქალაქ ჩირკევას ნავმისადგომიდან გადის.

საექსკურსიო დასვენება

ვალეტა

ქალაქი ციხესიმაგრე, რომელიც მე-16 საუკუნეში წმინდა იოანეს ორდენის რაინდთა მიერაა დაფუძნებული, დღეს მალტის დედაქალაქია.

მთავარი ღირსშესანიშნაობებია:

  • სამხედრო მუზეუმი სენტ ელმოს ფორტში, სადაც ყოველთვიურად ტარდება ლეგენდარული ბრძოლების რეკონსტრუქცია.
  • წმინდა იოანეს ტაძარი.
  • წმინდა პავლეს ტაძარი.
  • დიდი მაგისტრის სასახლე, სადაც ახლა პრეზიდენტის ადმინისტრაციაა განთავსებული.
  • ობერჟდეკასტილიეს შენობა, სადაც მინისტრთა კაბინეტია განთავსებული.
  • თავისუფლების მოედანი, სადაც  ფერერიას სასახლე და სამეფო ოპერის თეატრი მდებარეობს.
  • სახვითი ხელოვნების ეროვნული მუზეუმი, რომელშიც  მიქელანჯელო მერიზი და კარავაჯოსიოანე ნათლისმცემლის თავისკვეთაინახება.
  • „Malta 5D“ შოუ, რომელიც 45 წუთის განმავლობაში  სტუმრებს ქვეყნის ისტორიის შესახებ უამბობს.

მალტის საერთაშორისო აეროპორტიდან აქ ჩამოსვლა X1, X2, X3 და X4 ავტობუსებით შეგიძლიათ, ასევე შეგიძლიათ ტაქსი იქირავოთ ან ფეხით ჩახვიდეთ.

მდინა

თუ გვერდით გაჩერებულ მანქანებს ყურადღებას არ მიაქცევთ, ადვილად წარმოიდგენთ, რომ შუა საუკუნეებში იმყოფებით. მალტის უძველეს დედაქალაქში, სადაც დღეს მხოლოდ რამდენიმე ასეული ადამიანი ცხოვრობს, დრო თითქოს გაჩერდა.

მთავარი ღირსშესანიშნაობებია:

  • წმინდა პავლეს საკათედრო ტაძარიქვეყნის უმთავრესი ტაძარი.
  • საკათედრო მუზეუმი, სადაც დიურერის გრავიურის ნამუშევრები,  სამღვდელოების ნივთების კოლექცია და მალტის ინკვიზიციის არქივი ინახება.
  • კატაკომბებისასაფლაო კომპლექსი, რომლის ტერიტორიაზე უძველესი სამარხებია შემონახული.
  • კარმელიტების ეკლესია.
  • წამების მუზეუმი.

მდინას ქუჩებში სეირნობის დროს ყურადღება მიაქციეთ კარის სახელურებს. ცოდნისმოყვარე ტურისტები აცხადებენ, რომ მათი ამგვარი მრავალფეროვნება იშვიათია.

ვალეტადან აქ ჩამოსვლა #51, 52 და 53 ავტობუსით, ხოლო სლიემიდან და სენტ ჯულიანსიდან – #202 და 203 ავტობუსით შეგიძლიათ.

გოზოსა და კომინოს კუნძულები

ერთ დღიანი კრუიზი კვებით, რომელიც  ორივე კუნძულის მონახულებას მოიცავს,  დაახლოებით 50 ევრო ღირს. ასევე შეგიძლიათ ბორანით იმგზავროთ, რომელიც ჩირკევადან გადის.

გოზოარქიპელაგის სიდიდით მეორე კუნძულია. მთავარი ღირსშესანიშნაობებია:

  • კლდოვანი თაღიცისფერი ფანჯარა“.
  • ციტადელი, რომლის ტერიტორიაზე  არქეოლოგიური მუზეუმი მდებარეობს.
  • მეგალითური ტაძარი Ggantija – მსოფლიოში ერთერთი უძველესი ნაგებობა.
  • ხეობა Wied il-Għasri, რომელიც ცნობილია თავისი ლამაზი ხედებით.

წყლის სპორტის სახეობების მოყვარულებს შეუძლიათ დაივინგით დაკავდნენ  Xlendi პლაჟზე ანშიდა ზღვაშიInland Sea.

კომინოს კუნძულზე წმინდა მარიამის კოშკი მდებარეობს, საიდანაც გოზოს კუნძული და ლაგუნა მოჩანს. თუ კოშკზე დროშა ფრიალებს, მოედანი ღიაა ვიზიტორებისთვის.

დინგლის ფრიალო კლდეები

მალტის ერთერთი თვალწარმტაცი სილამაზის კუთხე. 253 მეტრი სიმაღლის კლდეებიდან  ფორთოხლისა და ზეთისხილის კორომებზე იშლება ხედი.

სლიემიდან და რაბატიდან აქ ჩამოსვლა #202 ავტობუსით შეგიძლიათ. თუ თქვენ სხვა საკურორტო ქალაქებში ისვენებთ, ჯერ რაბატში უნდა ჩამოხვიდეთ.

Popeya Village

ეს სოფელი ანკორის უბეში აშენდა, როგორც დეკორაცია მეზღვაური პოპაის შესახებ მიუზიკლის გადაღებებისთვის. ახლა აქ ატრაქციონების პარკი, კინოთეატრი, სუვენირების მაღაზიები, სათამაშო მოედნები და კოსტუმირებული შოუ მუშაობს. თუ ამინდი საშუალებას იძლევა, ყოველ 20 წუთში იღბლიანი ტურისტების კიდევ ერთი ნაკადი საზღვაო კრუიზში მიემგზავრება.

სლიემიდან აქ ჩამოსვლა #222 ავტობუსით, ხოლო ვალეტადან – #41 ავტობუსით შეგიძლიათ.

მეთევზეების სოფელი მარსაშლოკი

მალტის ერთერთი უძველესი ნავსადგური, რომელიც რესტორნებს ახალი ზღვის პროდუქტებითა და თევზით ამარაგებს (კვირაობით აქ თევზის ბაზარი მუშაობს). თანამედროვე მეთევზეები, როგორც მათი უამრავი წინამორბედი თაობა, ზღვაში ნათელი ფერებისლუცუნავებით გადიან, რომლებსაც თვალები აქვთ მიხატული გემისა და მისი ეკიპაჟის საფრთხისგან დაცვის მიზნით.

ვალეტადან აქ ჩამოსვლა #81 და 85 ავტობუსით შეგიძლიათ.

ხელოსნების სოფელი Ta Qali Crafts Village

სახელოსნო და სუვენირების მაღაზიათა კომპლექსი, რომლებიც ძველი აეროდრომის ანგარებში მდებარეობს, მდინასა და რაბატის მახლობლად. შეგიძლიათ თვალყური ადევნოთ თუ როგორ იქმნება შედევრები მალტის შუშისგან, ვერცხლისგან, თიხისგან, კერამიკისგან და სხვა მასალებისგან.

აქ  #106, 107, 51, 52, 53, 202, 109 და X3 ავტობუსებით შეგიძლიათ ჩამოხვიდეთ.

საინტერესო მოვლენები მალტაზე

ყოველი წლის აპრილში მალტაზე პიროტექნიკის ფესტივალი იმართება «Malta International Firework Festival». ივნისის ბოლოსივლისის დასაწყისში კუნძულზე MTV-ის ვარსკვლავების კონცერტი «Isle of MTV» ტარდება, ხოლო სექტემბერში მალტის საერთაშორისო აეროპორტი «Malta Airshow»- მასპინძლობს.

ყველაზე იაფი ავიაბილეთები Tbilisi-დან Luqa-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

20.03.2019

04.04.2019

1 stop

ფასი 944

18.04.2019

23.04.2019

1 stop

ფასი 622

05.06.2019

12.06.2019

2 stops

ფასი 774

05.09.2019

11.09.2019

1 stop

ფასი 846

Posted in ბლოგი, იდეები მოგზაურობისთვის and tagged , , .