ხანძარი ნოტრ-დამში: გადარჩენილ რელიქვიებს ლუვრში გადაიტანენ

პარიზის ღვთისმშობლის ტაძარში ხანძრის დროს არ დაზიანებულა ის ძვირფასი რელიქვიები, რომლებიც შენობაში იყო დაცული, მათ შორის ქრისტეს ეკლის გვირგვინის ფრაგმენტი და წმინდა ლუი IX-ის ტუნიკა . ამის შესახებ bfmtv.com იუწყება.

როგორც იუწყებიან, ნოტრ-დამიდან გადარჩენილი ხელოვნების ნიმუშები ჯერ პარიზის მერიაში იმყოფება.  წყაროების მიხედვით,  დღეს ან ხვალ რელიქვიებს ლუვრს გადაცემენ.

დაუზუსტებელი ინფორმაციის თანახმად, ვერ მოხერხდა XIII საუკუნის  ვარდების ვიტრაჟის გადარჩენა . ასევე თითქმის მთლიანად განადგურდა XV საუკუნის ორგანი.

15 აპრილს პარიზის ღვთისმშობლის ტაძარში ხანძარი გაჩნდა, რის შედეგადაც ტაძრის შპილი და სახურავი ჩამოინგრა.  მოხერხდა ტაძრის კონსტრუქციის სრული განადგურებისგან გადარჩენა . 16 აპრილის დილის მდგომარეობით, ტაძარში ხანძარი ჩამქრალია . როგორც ცნობილი გახდა, XII-XIII საუკუნის ვიტრაჟები გადარჩენილია . საკათედრო ტაძრის წარმომადგენელმა ანრე ფინომ ასევე განაცხადა, რომ პარიზის ღვთისმშობლის ტაძრის ორგანი სასწაულებრივად გადაურჩა ცეცხლს: „ცეცხლმა საერთოდ არ დააზიანა ორგანი, გარკვეული დაზიანებები წყლის ჭავლისგან მიიღო“.

რესტავრაციის დაწყებას უკვე დღეს გეგმავენ, მაგრამ ტაძრის აღდგენას წლები დასჭირდება.

ხანძრის მიზეზს უკავშირებენ დარღვევებს სარემონტო სამუშაოების დროს: ტაძარი, ნაწილობრივ, სარემონტო ხარაჩოებით იყო შემოსაზღვრული, ცეცხლი ისტორიული შენობის სხვენიდან გავრცელდა, შემდეგ კი სახურავს და XII საუკუნის ძველ ხის გადახურვას მოეკიდა .

რა უნდა იცოდეთ პარიზის ღვთისმშობლის ტაძრის შესახებ:

• პარიზის ღვთისმშობლის ტაძარი პარიზის შუაგულში მდებარეობს, კუნძულ სიტეზე.
• ნოტრ-დამ დე პარი ორი საუკუნის განმავლობაში შენდებოდა – 1163 წლიდან 1345 წლამდე.
• შემქმნელთა ჩანაფიქრით, ნოტრ-დამ დე პარი იმდენად დიდი უნდა იყო, რომ საფრანგეთის დედაქალაქის ყველა მკვიდრი განთავსებულიყო . როდესაც კონსტრუქციის პროექტი შეადგინეს, პარიზში დაახლოებით 10 ათასი ადამიანი ცხოვრობდა . ნოტრ-დამი ერთდროულად 9 ათას ადამიანზე მეტს იტევს.
• ნოტრ-დამში არცერთი კედელი არ არის . ტაძრის სივრცეს სვეტები ქმნიან, რომლებიც თაღებითაა ერთამენთთან დაკავშირებული.
• პარიზის  ღვთისმშობლის ტაძარში ქრისტიანული სამყაროს ერთ-ერთი მთავარი სალოცავია – იესო ქრისტეს ეკლის გვირგვინი (რომელიც ხანძარს გადაურჩა).
• ნოტრ-დამში საუკუნეების განმავლობაში იმპერატორებს აკურთხებდნენ და  წესს უგებდნენ.
• ნოტრ-დამ დე პარი ვიქტორ ჰიუგოს რომანში „პარიზის ღვთისმშობლის ტაძარ“-შია განდიდებული, ნაწარმოების მოტივებზე  აგრეთვე არსებობს მრავალი სპექტაკლი და ეკრანიზაცია.
• ყოველწლიურად ტაძარს 13 მილიონზე მეტი ტურისტი სტუმრობს .
  

  გადმოიწერე ჩვენი მობილური აპლიკაცია!

  მოიძიე ავიაბილეთები და სასტუმროები ყველაზე იაფად!

  APP გადმოწერა

  
  ეს არ არის მხოლოდ ისტორიული ღირსშესანიშნაობა, არამედ მოქმედი ეკლესია, სადაც ღვთისმსახურება აღესრულება.