შვეიცარიას, თავისი დიდებული, ცაში ატყორცნილი მთებით, შოკოლადის სურნელი ასდის და ძველი ქალაქის ზღაპრული ამბებით გაჯადოებს . აქ თავმოყრილია მრავალი უმსხვილესი მსოფლიო ბანკი, წარმოდგენილია ლუქს-ტიპის საუცხოო სამთო-სათხილამურო კურორტები, ხოლო “შვეიცარული ხარისხი” უკვე დიდიხანია საიმედოობის გარანტად მოიაზრება, ქვეყნის ფარგლებს გარეთაც – ყველგან . აქვე გვინდა 20 უნიკალური ადგილი შემოგთავაზოთ შვეიცარიაში, რომლებიც მიგვაჩნია, რომ საუკეთესოდ გაგაცნობენ ამ ულამაზესი მაღალმთიანი ქვეყნის ისტორიასა და კულტურას.

სტატიის სარჩევი

კურორტი ცერმატი მატერჰორნის მწვერვალთან

აი, თურმე რომელი მწვერვალია Toblerone ცნობილი შოკოლადის შეფუთვაზე გამოსახული . მთა პატარა ქალაქ ცერმატთან მდებარეობს და ალპების ერთ-ერთი ყველაზე სახელგანთქმული მწვერვალია . მისი სიმაღლე 4478 მეტრს აღწევს.

ისევე, როგორც მრავალი სხვა შვეიცარული კურორტი, მატერჰორნის ძირში კოხტად თავმომწონე ცერმატი პირველ რიგში ალპინიზმის მოყვარულებს იზიდავს . გარდა ამისა, ის შვეიცარიის ყველაზე რომანტიულ კურორტად ითვლება . ადგილობრივი პანორამა ხომ ვერც ერთ სტუმარს, გამონაკლისის გარეშე, ვერ დატოვებს გულგრილს: თვალწარმტაცი ხედები იტალიურ, ფრანგულ და შვეიცარულ ალპებზე, რომლებიც 3883 მ სიმაღლიდან იშლება.

ამას გარდა, აქ, ღრუბლებში, თქვენ აღმოაჩენთ რესტორანს, რომელიც ითვლება ევროპაში ყველაზე მაღალ ადგილას მდებარედ და სადაც დახვეწილ მომსახურებასთან ერთად, თქვენ შემოგთავაზებენ ცალკეულ დარბაზს ჯგუფების განსათავსებლად.

შიოლნის ციხესიმაგრე

ზღაპრულ ადგილას, ჟენევის ტბის აღმოსავლეთ მხარეს მდებარე, კლდოვანი მთებით შემოჯარული შიოლნის ციხესიმაგრე შვეიცარიის ერთ-ერთი მთავარი ღირსშესანიშნაობაა.

ეს შუასაუკუნეების ციხესიმაგრე და ცნობილი საპყრობილე თითქოსდა წყლიდან აღმოცენდება — შიოლნის ციხესიმაგრე ევროპაში შუასაუკუნეების არქიტექტურის ერთ-ერთ კარგად შენახულ ნიმუშს წარმოადგენს . ნება მიეცით საკუთარ თავს და დატკბით – აუჩქარებლად გაისეირნეთ დიდ დარბაზში, იუსტიციის დარბაზში, მოიარეთ არსენალი, მოინახულეთ წმინდა გიორგის სამლოცველო და ციხესიმაგრის სხვა დარბაზები, რომლებიც იდუმალებით მოცული ამ ფორტის ისტორიას გაზიარებთ.

თქვენ მოგეცემათ საშუალება შეიგრძნოთ ბონივარის ციხის ავთენტური ატმოსფერო და დატკბეთ ჟენევის ტბის სანაპიროების საუცხოო ხედებით, გაისეირნოთ ფეხით ან ერთ-ერთი პატარა საკრუიზო გემით.

კურორტი სან-მორიცი

კიდევ რა უნდა ნახოთ შვეიცარიაში ? გირჩევდით მოინახულოთ მსოფლიოში ერთ-ერთი უძველესი კურორტი . ის ენგადინის ველზეა გადაშლილი და თამამად შეუძლია დაიკვეხნოს, რომ აქ წელიწადში 322 დღე მზიანია.

ყოველწლიურად აქ სამეფო დინასტიების წარმომადგენლები, პოლიტიკოსები, მილიარდერები ჩამოდიან, გამონაკლისს არც შოუბიზნესის ვარსკვლავები წარმოადგენენ .

გადმოიწერე ჩვენი მობილური აპლიკაცია!

მოიძიე ავიაბილეთები და სასტუმროები ყველაზე იაფად!

APP გადმოწერა

კურორტის შესახებ შეფასებების მიხედვით, შეიძლება ითქვას, რომ სამზარეულო და რესტორნები აქ სამთო-სათხილამურო ელიტის კაპრიზებით იმართება . საზოგადოებრივი კვების ობიექტების უმრავლესობა უშუალოდ მთის კალთებზეა განლაგებული.

დაჯავშნეთ სასტუმროები შვეიცარიაში ფასდაკლებებით აქ

ციურიხის ძველი ქალაქი

არ გაუშვათ ხელიდან ეს შესაძლებლობა – მოინახულეთ ქვეყნის უმთავრესი ქალაქის ერთ-ერთი ყველაზე მყუდრო და კოლორიტული ადგილი . აქ ნახავთ XI საუკუნის სახლებს, გამორჩეულად მოხატული კედლებითა და ზღვა ყვავილებით ფანჯრებში.

ციურიხში ძველი ქალაქის დათვალიერებისას, ყურადღება მიაქციეთ წმინდა პეტრეს ტაძარს, მასზე ევროპის ყველაზე დიდი ციფერბლატია განთავსებული.

გარდა ამისა, ციურიხის ამ უძველეს ნაწილში თქვენ აღმოაჩენთ მრავალ ანტიკვარულ მაღაზიას, სუვენირების მაღაზიებსა თუ რესტორნებს . ტბის ნაპირას, რომლის გასწვრივაც მდებარეობს ძველი ქალაქი, არის პარკი პიკნიკისთვის განკუთვნილი ზონებით, პლიაჟი და მრავალრიცხოვანი კაფეები.

იუნგფრაუ-ალეჩის რეგიონი

იუნგფრაუ-ალეჩის ტერიტორია თითქმის ხელშეუხებელია, თუ არ ჩავთვლით საფეხმავლო ბილიკებსა და ქოხებს . შვეიცარულ ალპებში მდებარე ეს ყველაზე დიდი მყინვარებით დაფარული ზონაა დასავლეთ ევროპაში.

იუნგფრაუ-ალეჩის ტერიტორია ბერნისა და ვალეს კანტონებს შორის მდებარეობს და 35 000 ჰექტარზე გადაშლილი მყინვარწვერების ჯგუფს წარმოადგენს . სწორედ აქ მდებარეობს ალპებში ყველაზე გრძელი მყინვარი ალეჩი, რომელიც 23 კმ-ზე იშლება.

ამ ზღაპრულ ადგილას გამგზავრება ყინულისა და კლდეების, შეკიდული მწვერვალების, ალპური ფლორისა და ფაუნის სამყაროში ნამდვილ თავგადასავლად გადაგექცევათ . სულაც არ არის გასაკვირვი, რომ იუნგფრაუ-ალეჩის რეგიონი უკვე დიდი ხანია ერთ-ერთი პოპულარული ტურისტული მიმართულებაა თავისი სამთო-სათხილამურო უნიკალური შესაძლებლობებით, პანორამული ხედებით და ადგილობრივი უგემრიელესი კერძებით.

თუ უკვე გადაწყვიტეთ ამ ზღაპრულ მხარეში მოგზაურობა ჩვენი გვერდები დაგეხმარებათ იქ მოხვედრაში: ბაზელის ავიაბილეთები, ჟენევას ავიაბილეთები (შეგახსენებთ თბილისიდან ჟენევაში პირდაპირი რეისებს ავიაკომპანია იზიჯეტი ასრულებს ძალიან დაბალ ტარიფებით!), ციურიხის ავიაბილეთები

ჟენევის ტბა

ჟენევა – საოცარი ქალაქია, ჟენევის ტბის ნაპირთან გორაკებზე გაშენებული . აქ ბევრი საინტერესო ღირსშესანიშნაობაა, რის გამოც ქალაქი ტურისტების ნაკადს მუდმივად იზიდავს.

ევროპაში ყველაზე დიდი ტბა სწორედ რომ ჟენევასთან მდებარეობს . მას ხშირად უზარმაზარ სარკეს ადარებენ, რადგან ტბის მშვიდი, კრისტალურად სუფთა წყლები სარკესავით ირეკლავენ სანაპიროს.

ბალენბარგი – მუზეუმი ღია ცის ქვეშ

1970-იან წლებში შვეიცარიელებმა შეწყვიტეს ძველი ფერმერული სახლების, თავლებისა და სხვა შენობების დანგრევა და მათი უფრო თანამედროვე ნაგებობებით ჩანაცვლება . ახლა ისინი საგულდაგულოდ აგროვებენ თითოეულ აგურს და ძველის ანალოგიით აშენებენ ბალენბერგის მუზეუმში ღია ცის ქვეშ.

როდესაც მუზეუმი დაარსდა 1978 წელს, მაში მხოლოდ 16 ექსპონატი იყო განთავსებული . დღეს გრანდიოზული გამოფენა 66 ჰექტარ ფართობზეა წარმოდგენილი, მათ შორის ნახავთ ასამდე საცხოვრებელ და კომერციულ სოფლის ტიპის შენობა, რომლებიც შეგროვებულ იქნა მთელი ქვეყნის მასშტაბით.

აქ, როგორც არსად, შეგიძლიათ შეიგრძნოთ შვეიცარიული სოფლის ტრადიციული ცხოვრების წესი . ბალენბერგის მუზეუმში შეიტყობთ, თუ როგორ ზრდიდნენ შვეიცარიელებმა სასარგებლო მცენარეებს ძველად, იხილავთ 200-ზე მეტ შინაურ ცხოველს და მოგეცემათ შესაძლებლობა დააკვირდეთ, თუ როგორ მუშაობდა სოფლის მოსახლეობა და რა იარაღებს იყენებდნენ . ადგილობრივი თემატური გამოფენები კი კულტურასა და ტრადიციებზე მოგვითხრობს.

ლავოს ვენახები

ჟენევის ტბის სანაპიროზე აღმოაჩენთ ლავოს თვალწარმტაც ტერასებად გაფენილ ვენახებს.

შუა საუკუნეების ქვის კედლებით შემოსაზღვრული ვენახები გადაჭიმულია 30 კმ-ზე და შვეიცარიის ყველაზე ცნობილი ღვინის რეგიონად ითვლება; ეს ადგილი მრავალი საუკუნის განმავლობაში ბუნებასა და ადამიანებს შორის ურთიერთქმედების შესანიშნავ მაგალითს წარმოადგენს.

აქ, ამ ზღაპრულ ჰორიზონტზე ლავოს ვენახებისა და სავოიის მთის მწვერვალების ბრწყინვალე ხედები შთააგონებდნენ არა მხოლოდ მეღვინეებს საუცხოო თეთრი ღვინოების წარმოებისთვის, არამედ ამ მხარის სილამაზით მოხიბლულ მრავალ ხელოვანსა და მხატვარს . ჯერ კიდევ ძველი რომაელების დროიდან შემორჩენილი ლავოს ვენახები შეტანილია იუნესკოს მსოფლიო მემკვიდრეობის ძეგლების სიაში . ეს ადგილი განსაკუთრებით ლამაზია შემოდგომაზე, სექტემბრის ბოლოს – ოქტომბრის დასაწყისში, როცა ადგილობრივი ვენახები ოქროსფერდება და ჰაერი განსაკუთრებით გამჭვირვალე ხდება.

ჰორნერგრატის რკინიგზა

ალბათ დაგაინტერესებთ, თუ რატომ ითვლება რომელიღაც რკინიგზა შვეიცარიის ღირსშესანიშნაობად ? პასუხი ძალიან მარტივია, ეს სარკინიგზო ხაზი გადის ქვეყნის ძალიან ლამაზ მონაკვეთზე . გზა 40 წუთში მიგიყვანთ ჰორნერგრატის მთის მწვერვალზე, რომელიც ზღვის დონიდან 3 ათას მეტრზე მაღლა მდებარეობს.

ამ თვალწარმტაცი მარშრუტით გადაადგილებისას მოგზაურთა ყურადღებას იპყრობს რიფელალპის ალპური მდელოები, ბუნებრივი მყინვარი ჰორნერგლეჩერი და მატერჰორნის მწვერვალი.

გამოცდილი ტურისტები გირჩევენ მგზავრობისას, მატარებლის მოძრაობის მიმართულებით მარჯვენა მხარე ავირჩიოთ, მაშინ აუცილებლად არ გამოგრჩებათ ყველაფერი ყველაზე საინტერესო . მატარებლები დადიან წლის ნებისმიერ დროს, მარშრუტი მოიცავს 5 გაჩერებას, შეგიძლიათ ჩამოხვიდეთ ნებისმიერ გაჩერებაზე.

წმინდა იოანეს ბენედიქტელთა მონასტერი

ვალ მუსტაირის დაბლობზე, იტალიის საზღვართან, მდებარეობს ამავე სახელწოდების ულამაზესი სოფელი, სადამდეც ბევრი ტურისტი არ აღწევს . იტალიაში გადასვლამდე სულ ბოლო შენობა, რომელსაც აქ ნახავთ, არის კაროლინგების ეპოქის მონასტერი და მასთან მიმდებარე ეკლესია, რომელიც 1983 წელს იუნესკოს მსოფლიო მემკვიდრეობის სიაში შევიდა.

ეს არცაა გასაკვირი . ლეგენდის თანახმად, მონასტერი დააარსა კარლოს დიდმა, ხოლო თავად მონასტერსა და მასთან მდებარე ეკლესიაში წარმოდგენილია რომაული ფრესკებისა და ქანდაკებების შესანიშნავი სერია . ბენედიქტინელების მონასტერი ისევ ფუნქციონირებს; ეს იდუმალი ადგილი და ახლომდებარე სასაფლაო მისტიურ ატმოსფეროს ქმნის, რაც აუცილებლად დაგიტოვებთ წარუშლელ შთაბეჭდილებას.

შვეიცარიის ტრანსპორტის მუზეუმი

შვეიცარიის ტრანსპორტის მუზეუმი თავის სტუმრებს ტრანსპორტისა და კომუნიკაციების განვითარების ისტორიას ინტერაქციული ფორმით აცნობს . პავილიონების გარდა, სადაც გამოფენილია სხვადასხვა ტიპის ექსპონატები, აქ კიდევ არის კინოთეატრი IMAX, პლანეტარიუმი, წარმოდგენილია ქვეყნის უზარმაზარი რუკა – “შვეიცარიის არენა” და ჰანს ერნის მუზეუმი.

შვეიცარიის ტრანსპორტის მუზეუმი, რომელიც გაიხსნა ლუცერნში 1959 წელს, ქვეყნის ყველაზე პოპულარული მუზეუმია . აქ, ევროპის სხვა მუზეუმებთან შედარებით, გამოფენილია ამ ტიპის ყველაზე წარმომადგენლობითი კოლექცია . არსებობს 3000-ზე მეტი ექსპონატი, რომლებიც განთავსებულია 20000 მ² საგამოფენო სივრცეში და ასახავს საგზაო, სარკინიგზო, სანაოსნო, საჰაერო სატრანსპორტო კომუნიკაციების განვითარებას, აერონავტიკურსაც კი . ლოკომოტივის სიმულატორში შეგიძლიათ თავად სცადოთ, თუ როგორ იმართება მატარებელი.

მუზეუმს აქვს თანამედროვე რადიო და ტელევიზიის სტუდიები, სადაც დოკუმენტურად ფიქსირდება და ინახება საკომუნიკაციო ტექნოლოგიების განვითარების მთელი ციკლი.

რაინის ჩანჩქერი

რაინის ჩანჩქერი კიდევ ერთი პოპულარული ტურისტული ადგილია შვეიცარიაში, მას ყოველწლიურად მილიონზე მეტი ადამიანი სტუმრობს.

ეს სილამაზე ევროპაში ყველაზე დიდ დაბლობის ჩანჩქერად ითვლება . მისი სიმაღლე 23 მეტრია, ხოლო სიგანე 150 მეტრი.

თავად ჩანჩქერის მახლობლად არის რამდენიმე მოედანი, საიდანაც ფანტასტიური ხედები იშლება, მათ შორის ფასიანიც – ლაუფენის ციხესიმაგრეთან . ხოლო ადგილი, საიდანაც განსაკუთრებით ლამაზი პეიზაჟი იხსნება, მდებარეობს კლდეზე, ჩანჩქერის შუაგულში, სადაც მისვლა შესაძლებელია სპეციალური ტურისტული ნავით, რომელიც მიემგზავრება ვერტის ციხესიმაგრიდან ქვემოთ, დინების მიმართულებით.

შვეიცარიის ნაციონალური მუზეუმი

ქვეყნის მთავარი მუზეუმი მდებარეობს დედაქალაქში და ეძღვნება შვეიცარიის ისტორიულ და კულტურულ განვითარებას, მის წარმოებას, ადათ-წესებს, ხელოვნებასა და ხელოსნობას . სამუზეო ექსპონატების კოლექციებს შორის წარმოდგენილია პრეისტორიული ხანის საგნები; გერბების კოლექციები და ვიტრაჟები, ქრისტიანული პერიოდის ხის ქანდაკებები და მოჩუქურთმებული სამსხვერპლოები . აქ ასევე გამოფენილია ტანსაცმელი, იარაღი და შუა საუკუნეებისა და რაინდობის ეპოქის ნივთები, ისტორიული ინტერიერების მთელი სერია, ფაიფურის და ფაიანსის ნივთები და, რა თქმა უნდა, შვეიცარული საათები.

შვეიცარიის ეროვნული მუზეუმი ასევე მოიცავს სხვა დაწესებულებებს, რომლებიც მდებარეობს ციურიხის სხვადასხვა ნაწილში – Zunfthaus zur Meißen, კოლექციების გალერეა, მურტენის ბრძოლის დიორამა, მონეტების კაბინეტი და იარაღების კოშკი . მუზეუმში განთავსებულია ბიბლიოთეკა, სამკითხველო დარბაზით და პატარა კაფეთი.

ხელოვნების მუზეუმი ბაზელში

მუზეუმმა სახელი გაითქვა ისეთი სახელების წყალობით, როგორიცაა მონე, სეზანი, პიკასო და შაგალი, ხოლო მისი კოლექციის წარმოუდგენელმა ისტორიულმა მასშტაბებმა შემდგომ კიდევ უფრო დიდი პოპულარობა მოუტანა მუზეუმს.

აქ განთავსებულია ჰოლბეინის ოჯახის კუთვნილი ნამუშევრების ერთ-ერთი უდიდესი კოლექცია და მე-15 საუკუნით დათარიღებული ექსპონატები, რის გამოც ბაზელის ხელოვნების მუზეუმი აუცილებლად სანახავი ადგილია ხელოვნების ყველა მოყვარულისთვის.

განსაკუთრებული აქცენტით ისეთ მიმდინარეობებზე, როგორიცაა კუბიზმი, გერმანული ექსპრესიონიზმი, აბსტრაქტული ექსპრესიონიზმი და პოპ არტი, მუზეუმმა მოიპოვა მსოფლიო აღიარება, როგორც ერთ-ერთმა ყველაზე წარმომადგენლობითმა მუზეუმმა.

პილატუსის მთის მასივი

ყველასათვის ცნობილია, რომ შვეიცარიის მრავალი ღირსშესანიშნაობა მთის მასივებზეა წარმოდგენილი.

ტურისტებისთვის ერთ-ერთი ყველაზე საინტერესოა პილატუსი, რომელიც ყურადღებას იპყრობს თავისი “დაკბილვით”, ბასრი კიდეებით და დრაკონის ზურგის მსგავსი რელიეფით.

ადგილობრივები ტურისტებს უყვებიან ისტორიებს დრაკონებზე, შიბენლოხის გამოქვაბულში მცხოვრებ იდუმალ ქალზე, რომელიც უთვალავ საგანძურს ინახავს . ეს ადგილი კიდევ ერთი ულამაზესი ღირსშესანიშნაობაა, რომლის ნახვასაც ერთ დღეში შეძლებთ . მასივზე ასვლა შეგიძლიათ მატარებლით, ფეხით ან საბაგიროთი.

ჟენევის ძველი ქალაქი

ჟენევა – ეს ის ქალაქია, სადაც ნამდვილად არ გეყოფათ მხოლოდ ერთი დღე ყველაფრის სანახავად.

მიჰყევით მიხვეულ-მოხვეულ Rue St-Léger-ს, პირდაპირ თვალწარმტაცი La Vieille Ville-კენ, ჟენევის ძველი ქალაქისკენ; ეზიარეთ შუასაუკუნეების ატმოსფეროს, თავისი ვიწრო მოკირწყლული ქუჩებით, ტროტუარებზე გადმოსული პატარა კაფეებით . ჩამოჯექით მსოფლიოში ყველაზე გრძელ ხის სკამზე (126 მ) Promenade de la Treille-ზე, იპოვეთ სახლი, სადაც დაიბადა ჟან-ჟაკ რუსო (40 Grand-Rue) და მოინახულეთ წმინდა პეტრეს საკათედრო ტაძარი . ნებისმიერ შემთხვევაში, ჟენევა აუცილებლად მოგხიბლავთ თავისი დაუვიწყარი შარმით.

წმინდა გალის მონასტერი

ქალაქ სენტ გალენში, წმინდა გალის მონასტერში მდებარეობს უნიკალური და უძველესი ბიბლიოთეკა შვეიცარიაში . ის გაგაოცებთ არა მხოლოდ თავისი მასშტაბებით, არამედ წიგნებისა და ხელნაწერების უძველესი კოლექციითაც . აქ შეგიძლიათ იხილოთ კაცობრიობის ერთ-ერთი უძველესი ნამუშევარი – მე-12-13 საუკუნეების უძველესი ხელნაწერი, „სიმღერა ნიბელუნგებზე”.

გარდა ამისა, ბიბლიოთეკა შეიცავს 170 000-ზე მეტ იშვიათ წიგნს . წმინდა გალის ბიბლიოთეკის საცავებში შემონახულია სხვადასხვა ერისა და დროის ათასობით ყველაზე ძვირფასი ნაშრომი . ბიბლიოთეკასთან წვდომა თავისუფალია, ნებისმიერ მსურველს შეუძლია დაათვალიეროს საგანძური.

მთავარი დარბაზის ინტერიერის საოცარი სილამაზითა და როკოკოს სტილის ელემენტებით დატვირთული დიზაინით უდავოდ აღფრთოვანებული დარჩებით . ბიბლიოთეკის ჭერს ამშვენებს ფრესკები და ქანდაკებები, ხოლო იატაკზე საუცხოო პარკეტია წარმოდგენილი . 1983 წელს ეს საოცარი ბიბლიოთეკა იუნესკოს მსოფლიო მემკვიდრეობის სიაში შევიდა.

ლოზანის საკათედრო ტაძარი

საკათედრო ტაძარი მთელ ლოზანას ზემოდან გადმოჰყურებს, როგორც უზარმაზარი გვირგვინი ადგას მეფეს თავზე . მე-13 საუკუნის ეს ტაძარი დიდი ხნის განმავლობაში ფრანგულენოვანი შვეიცარიის სულიერი ცენტრი იყო და დღეს ქვეყანაში ერთ-ერთ ყველაზე ელეგანტურ გოთურ ნაგებობად ითვლება.

მართლაც, ანგლო-ნორმანული და ჩრდილო-აღმოსავლეთ საფრანგეთის არქიტექტურული დეტალების ნაზავი ტაძარს აქცევს ერთ-ერთ ყველაზე გამორჩეულ ნაგებობად ევროპის ხელოვნების მემკვიდრეობაში . მისი ფართო, ფერადი ინტერიერი ერთმნიშვნელოვნად აღტაცებას იწვევს . მაგრამ ყველაზე დიდი შედევრი, რომელიც ინახება ლოზანის ტაძრის თაღების ქვეშ, არის შესანიშნავი ორღანი 7000 მილით, რომლის შეუდარებელი ძალა და ჯადოსნური ჰარმონია მრავალი წლის განმავლობაში უცვლელად იპყრობს მსმენელთა გულებს . ეს არის ერთ-ერთი ყველაზე ძვირადღირებული მუსიკალური ინსტრუმენტი მსოფლიოში.

ბერნის ძველი ქალაქი

1983 წლიდან მოყოლებული ბერნის ძველი ქალაქი იუნესკოს მსოფლიო მემკვიდრეობის ძეგლია . მის ქუჩებში სეირნობისას შეგექმნებათ შთაბეჭდილება, რომ შუა საუკუნეების სახელმწიფოში მოხვდით.

მოგეჩვენებათ, რომ დრო პრაქტიკულად გაჩერდა, თანაც – შორეულ მე-13 საუკუნეში . ძველ ქალაქში შემორჩენილია მრავალი ისტორიული ძეგლი, როგორიცაა ციტგლოგეს საათის კოშკი, ხიდი ქვედა კარიბჭესთან, საკათედრო ტაძარი და ა.შ.

ძველ ქალაქში ასევე შეძლებთ იხეტიალოთ ვიწრო ქუჩებში, შეისვენოთ ხეების ჩრდილში და მიირთვათ გემრიელობები საკონდიტროებში, რომლებიც აქ მრავლადაა წარმოდგენილი.