ჟენევა შვეიცარია ავიაბილეთები

ჟენევის ავიაბილეთები

ჟენევა მრავალგვარია: იგი ცნობილია, როგორც „მსოფლიოს დედაქალაქი“ – ეს სახელწოდება გაეროსა და წითელი ჯვრის შტაბ-ბინების გამო გაჩნდა, როგორც სამეცნიერო ცენტრი – ბირთვული ფიზიკის ლაბორატორიის გამო დიდი ადრონული კოლაიდერით და როგორც კურორტი ლემანის ტბის გარშემო. შვეიცარიის სიდიდით მეორე ქალაქში 200 ათასზე ოდნავ ნაკლები ადამიანი ცხოვრობს, რომელთაგან 40%-ზე მეტი უცხოელია. ყველაზე პატარა მეგაპოლისის სიმბოლო 140-მეტრიანი ჟე დო შადრევანია, რომელიც პირდაპირ ტბიდან ამოდის. მოგზაურთა შორის ჟენევას ზედმეტად წესიერისა და მშვიდის სახელი აქვს, სინამდვილეში კი ისიც არ ჩამოუვარდება საშუალო ევროპულ ქალაქებს: აქ მრავალი თანამედროვე და არქაული მუზეუმი, ძველი ქუჩა, ღამის კლუბი და სავაჭრო ცენტრია.

ჟენევის ტურისტული ოფისი ღიაა მისამართზე 18, Rue du Mont-Blanc და სტუმრებს ყოველდღე ელოდება 9:00 საათიდან 16:00-18:00 საათამდე, კვირის დღეების მიხედვით.

როგორ ჩავიდეთ ჟენევაში

თვითმფრინავით

მანძილი თბილისსა და ჟენევას შორის 3120 კმ-ია. აქ ჩასვლის ყველაზე სწრაფი, კომფორტული და ხელმისაწვდომი გზაა თვითმფრინავით მგზავრობა. თბილისიდან შეგიძლიათ გადაჯდომით იმგზავროთ. ყველა რეისი ჩადის ჟენევის ერთადერთ აეროპორტში – კუანტრანში (Cointrin).

შეამოწმეთ ავიაბილეთები თბილისიდან ჟენევის მიმართულებით. 728+ ავიაკომპანიის ფასი ერთ საძიებო სისტემაში

ყველაზე იაფი ავიაბილეთები Tbilisi-დან Geneva-მდე 1 წლის განმავლობაში

გაფრენის თარიღი დაბრუნების თარიღი გაჩერება ავიაკომპანია ბილეთების მოძებნა

23.11.2020

30.11.2020

2 stops

ფასი 1 188

Unfortunately we don't have actual data for flights from Tbilisi to Geneva. Find tickets from Tbilisi to Geneva

აეროპორტიდან ქალაქში

აეროპორტს ხელსაყრელი მდებარეობა აქვს: იგი ცენტრიდან 4 კმ-ში მდებარეობს, რაც მოგზაურებს საშუალებას აძლევს ჟენევას ხანმოკლე გადაჯდომის დროსაც ეწვიონ. ყველა რეგულარული რეისი ტერმინალ 1-ში ხორციელდება. ჩამოფრენის ზონაში მატარებლებთან გასასვლელი მდებარეობს, რომლებიც ყოველ 12 წუთში სადგურ კორნავენში გადიან. აქ მისვლას 6 წუთში შეძლებთ. ავტობუსების გაჩერება რეგისტრაციის დახლის მახლობლად მდებარეობს. №5 და №10 მარშრუტები ქალაქის ისტორიული ცენტრის გავლით სრულდება. სამუშაო საათები – დილის 5:30 საათიდან შუაღამემდე. ჩამოთვლილთაგან ნებისმიერ ტრანსპორტზე ბილეთის ღირებულება 3,5 შვეიცარიული ფრანკია (CHF). ფასები ვებ-გვერდზე მითითებულია 2019 წლის ნოემბრის მდგომარეობით.

არსებობს უფასო ტრანსფერის შესაძლებლობაც: ბილეთის აღება შეიძლება ბარგის მისაღებ ლენტთან. ბილეთის მოქმედების ვადა – მიღებიდან 80 წუთია.

კომფორტულად მგზავრობას მიჩვეულებს შეუძლიათ ტაქსის მომსახურებით ისარგებლონ. ცენტრამდე მგზავრობა 40-50 ფრანკი დაგიჯდებათ ტრაფიკისა და მგზავრთა რაოდენობის მიხედვით.

ტრანსპორტი

ჟენევაში მეტრო არ არის, სამაგიეროდ არის მიწისზედა და წყლის ტრანსპორტის მოსახერხებელი სისტემა. უნივერსალური ბილეთი იყიდება გაჩერებებზე ავტომატებში, მისი ღირებულება დამოკიდებულია იმ ზონების რაოდენობაზე, რომელთა გადაკვეთას აპირებთ. თავად ჟენევის ტერიტორია ორ რაიონად მიიჩნევა, ამიტომ აქ ორმაგი ტარიფი მოქმედებს: ერთსაათიანი ბილეთი 3 ფრანკი დაგიჯდებათ, მოკლე მგზავრობა კი – 2 ფრანკი. მიმდინარე ფასებს შეგიძლიათ გაეცნოთ TPG კომპანიის გვერდზე (ოფიცილაური ვებ-გვერდი ინგლისურ ენაზე).

საფრანგეთის სასაზღვრო რეგიონებიც ჟენევის აგლომერაციის სატრანსპორტო სისტემას მიეკუთვნება. აქ ჩასვლა შეგიძლიათ ჩვეულებრივი ავტობუსით ან საგარეუბნო მატარებლით.

აუცილებელია ბილეთის დაკომპოსტირება ასვლისას. კონდუქტორების შემოწმება ხშირი არ არის, მაგრამ ჯარიმა უზარმაზარია – 120 ფრანკი, განმეორებითი დარღვევა – 240 ფრანკი.

Geneva Transport Card

ჟენევაში მცხოვრებ ყველა ტურისტს უფასოდ ეძლევა სატრანსპორტო ბარათი. იგი მხოლოდ ქალაქის ფარგლებში მოქმედებს, სასტუმროს ჯავშნის პერიოდის დასრულებამდე. ბარათის ღირებულება სასტუმროს ტარიფში შედის. მისი მიღება სასტუმროში განთავსებისას შეგიძლიათ.

ველოსიპედის ქირაობა

ჟენევა შესანიშნავი ადგილია ველოგასეირნებისთვის. Geneveroule-ის გაქირავებაში (ოფიციალური ვებ-გვერდი ინგლისურ ენაზე) ველოსიპედი ნახევარი დღით 8 ფრანკად შეგიძლიათ იქირაოთ. გაფორმებისას მოგთხოვენ პასპორტს და 20 ფრანკს გირაოდ.

ტაქსი

შესაძლებელია ტაქსის წინასწარ შეკვეთა ან ქუჩაში გაჩერება. მძღოლები ნაღდ და უნაღდო ანგარიშსწორებას იღებენ ფრანკებში, დოლარებსა და ევროებში. ჩასხდომა 10 ფრანკი ღირს, ყოველი კილომეტრი – 5 ფრანკი.

ასევე იხილეთ:

Posted in ავიაბილეთები, შვეიცარია and tagged , , .