ტიტების ფესტივალი სტამბოლში

ტიტების ფესტივალი სტამბოლში

ტიტების ფესტივალი სტამბოლში: ნათელი ფოტოები და ვიდეო, ღონისძიების დეტალური აღწერა და შეფასება. 2020 წლის სტამბოლის ტიტების ფესტივალი

სტამბოლში ყოველ გაზაფხულზე უნიკალური სილამაზის ტიტების ფესტივალი ტარდება, რომელიც უამრავ ტურისტს იზიდავს მთელი მსოფლიოდან. ტიტები ყველგანაა: ცენტრალურ ქუჩებში, პარკებსა და ხეივნებში, სახლების ეზოებში, რომ აღარაფერი ვთქვათ ქალაქის საყვავილეებსა და ყვავილნარებზე. გზატკეცილზე გამყოფი ზოლები მრავალკილომეტრიან გაზონებად იქცევა ხოლმე.

დღესასწაულის თარიღი მოძრავია, დამოკიდებულია ამინდზე, ჩვეულებრივ, იგი აპრილში იმართება.

ოფიციალურად ფესტივალი ერთი თვე გრძელდება, მაგრამ თურქები სპეციალურად რგავენ ტიტების ადრეულ და გვიან ჯიშებს, ამიტომ ფესტივალი ივნისში სრულდება. მისი დასაწყისიც კი ფორმალურია – ყვავილები ქუჩებში გაცილებით ადრე ჩნდება.

🌷 ტიტების ფესტივალი სტამბოლში 690 ლარიდან სრული პაკეტი 🌷✈ მოგზაურობის პერიოდი: 2-5 აპრილი (3 ღამე/ 4 დღე)✈ საგზურის…

Geplaatst door Aviabiletebi.org op Vrijdag 31 januari 2020
ტური სტამბოლში ტიტების ფესტივალზე

ცოტა რამ ისტორიის შესახებ

ტიტები ოსმალეთის იმპერიის დროს სპარსეთიდან თურქეთში შეიტანეს და მათ მაშინვე ადგილობრივი სულთნების მოწონება დაიმსახურეს. თანდათანობით ყვავილები გაჩნდა ორნამენტებში ტანსაცმელზე, იარაღზე, ხალიჩებსა და ჭურჭელზე, მათ პოეტები უმღეროდნენ, მხატვრები ხატავდნენ, მათ შორის მეჩეთების კედლებზე. სახელიც კი ტიტამ მიიღო მისი ჩალმასთან მსგავსების გამო – სპარსულ ვერსიაში toliban. მე-16 საუკუნიდან ეს ყვავილი თურქეთის სიმბოლოდ იქცა.

დღეს სტამბოლს ხშირად უწოდებენ ტიტების დედაქალაქს, ხოლო თურქები დაჟინებით ცდილობენ ეს სტატუსი ჰოლანდიისგან დაიბრუნონ, სადაც ტიტები მოგვიანებით შეიტანეს. ფესტივალი, რომელიც პირველად 2005 წელს ჩატარდა, არის ერთგვარი საშუალება იმისა, რომ ადგილობრივ ტრადიციებზე ისაუბრონ და ქვეყნის ყვავილის სიმბოლოს მიმართ სიყვარული და პატივისცემა გამოხატონ.

Unfortunately we don't have actual data for flights from Tbilisi to Istanbul. Find tickets from Tbilisi to Istanbul

როგორ მიმდინარეობს ფესტივალი

დღესასწაულის დროს ქალაქში მრავალი ყვავილების გამოფენა მუშაობს, ყველგან ყვავილებისგან დამზადებული ქანდაკებებია. მთავარი ღონისძიებები ტარდება „ემირგანისა“ და „გულჰანის“ პარკებში, ასევე სულთანჰმედის მოედანზე. ამ უკანასკნელზე იმართება კონცერტები და ბაზრობები, სადაც იყიდება ყველაფერი ტიტების გასაზრდელად, ისევე როგორც შესაბამისი თემატიკის სუვენირები.

ფესტივალის დაწყებამდე ტიტების ბოლქვებს ყველა მსურველს უფასოდ ურიგებენ. და უკვე დღესასწაულისთვის, ადგილობრივი მოსახლეობის ეზოები ყვავილების ქუდებით არის მორთული. ღონისძიების დროს სტამბოლში თითქმის 100 სხვადასხვა ჯიშის 11 მილიონზე მეტი ყვავილი ყვავის. აქ შეგიძლიათ იხილოთ უჩვეულო ფერისა და ფორმის ტიტები, რომელთაგან უცნაურ კომპოზიციებს ქმნიან.

სტამბოლის გარეუბნებში ენთუზიასტები დაუღალავად მუშაობენ, რათა ახალი ჯიშები გამოიყვანონ. კლასიკური ოსმალეთის ტიტა კი არის წითელი, წაწვეტებული ფურცლებით. თოფქაფის სასახლეში ყველა ყვავილნარში სწორედ ამ ტიტებს რგავენ. მაგრამ კომპოზიციებში გაზაფხულის სხვა ყვავილებიც არის ჩართული (ამარილისი, სუმბული), მათი საერთო რაოდენობა 20 მილიონს აღწევს.

აპრილში ქორწილების რაოდენობა მკვეთრად იზრდება – ნაირფერი ყვავილნარის ფონზე ლამაზი ფოტოები გამოდის.

პრაქტიკული ინფორმაცია

სტამბოლში ჩამოსვლის შემდეგ ნებისმიერ რაიონში შეგიძლიათ განთავსდეთ, მაგრამ უმჯობესია აირჩიოთ ცენტრში მდებარე სასტუმროები, სულთანჰმედის მოედნის მახლობლად. მისგან არცთუ ისე შორს მდებარეობს გულჰანის პარკი, რომელიც თოპქაფის სასახლეს აკრავს.

აია-სოფიას ტაძართან მსოფლიოში ყველაზე დიდ ტიტების ხალიჩას „აგებენ“. ფესტივალის მეორე მთავარი ადგილმდებარეობაა – ქალაქის ჩრდილოეთ ნაწილში მდებარე „ემირგანის“ პარკი. ცენტრიდან აქ მგზავრობას დაახლოებით ერთი საათი სჭირდება საზოგადოებრივი ტრანსპორტით, მაგრამ პარკი ძალიან დიდი და ლამაზია. იგი ბოსფორის სანაპიროზე დგას, ამიტომ აქ წყლითაც მოხვდებით და მგზავრობას საზღვაო გასეირნებასთან შეათავსებთ.

Posted in ბლოგი, იდეები მოგზაურობისთვის and tagged , .